ДЕЛО ПАТРИАРХА НИКОНА

ПОСЛАНИЕ ПАТРИАРХА НИКОНА К ЦАРЮ АЛЕКСЕЮ МИХАЙЛОВИЧУ,

ИЗ ВОСКРЕСЕНСКОГО МОНАСТЫРЯ, ПИСАННОЕ В ИЮЛЕ 1659 ГОДА, ПО СЛУЧАЮ РАЗНЫХ НЕПРИЯТНЫХ ИЗВЕСТИЙ, ПОЛУЧЕННЫХ ИЗ МОСКВЫ.

Великому государю царю и великому князю Алексею Михайловичу всея великия и малыя Русии самодержцу. Богомолец ваш, смиренный и грешный Никон, бывший патриарх, о вашем государеве душевном спасении и телесном здравии, и о еже на супостаты победе и одолении Бога молю, да здравствуеши с своею царицею, а с нашею государынею, и великою княгинею Мариею Ильиничною, и с своими сынами, а с нашими государями, царевичами и великими князьями Алексеем и Феодором Алексеевичами, с своими сестрами, а с нашими государынями, царевнами и великими княжнами, ц. и в. к. Ириною Михайловною, ц. и в. к. Анною Михайловною, ц. и в. к. Татьяною Михайловною, и с своими дщерями, а с нашими государынями, царевнами и великими княжнами ц. и в. к. Евдокиею Алексеевною, ц. и в. к. Мариею Алексеевною, ц. и в. к. Софиею Алексеевною, и со всем сигклитом, и со всем христолюбивым воинством, и со всеми православными христианы. Еще же молю не прогневатися на Богомольца вашего, яко о нужнейших ми дерзнух писати к тебе великому государю, уповая на прежде бывший Твой благий нрав о Бозе. [182]

Слышахом, яко яже дал еси святой велицей церкви, паки ныне повелел возвратити. Молю Тя Господом Богом нашим Иисус Христом таковая не деяти. Понеже сам еси чтеши Божественное писание, еже гласите: Дайте, рече, и дастся вам. И паки инде речено есте: Анание, почто сатана искуси сердце твое солгати Духу Святому? Не сущее ли твое бе, и в твоей бе власти дати или ни. А яже преднаписашася, вся к пользе нам преднаписашася. И паки молю Тя, великаго государя, престати от таковых; не уподобляйтеся, рече, злым, но паче благим; поревнуй оной убогой вдовице, давшей две медницы, и второй, возлиявшей миро на нозе Христовы, ей же рече Христос в памяте быти, и есте доныне чтомо и хвалимо, и образ всем Боголюбцам, даящим Святым Божиим церквам. Не неради, Господа ради, о малых сих, да не в великое нерадение приидеши и прогневавши Господа своего; ибо от малаго презорства великое возрастает. Еще бо имаши многа блага, и не сущее свое даеши, но Божие Богу. Сего ради и во церкви гласят: Твоя от Твоих Тебе приносяще.

Еще мысль моя понуди мя к Тебе великому государю и се писати: Аще и аз по долгу моему прощения от Тебе великаго государя чрез писание просих, в них же, яко человек согреших, по заповеди Господней рекшей: аще принесеши дар твой ко олтарю и помянеши, яко имать нечто брате твой на тя, остави ту дар и шед прежде смирися с братом своим. Аз же не яко брат, но яко последний Богомолец есме Ваш; и Ты великий государь чрез стольника своего Афанасия Ивановича Матюшкина прислал свое милостивое прощение. Ныне же слышу, многое твориши не яко прощенному, но яко последнему злодею. Худыя моего смирения вещи повелел еси взяти, яже суть в келлии осталися, и письма, в них же многое таинство, его же никому же от мирских достоит ведати. Понеже попущением Божиим и Вашим государским [183] советом с освященным собором избран бых, яко первый святитель, и многое Ваше государево таинство имех у себя, такожде и иных много, овии требующе совершеннаго прощения грехов своих, написующе своима рукама и запечатлеюще подаша ми, да яко святителе имея власть по благодати Божией, данной нам от Пресвятаго и Животворящего Духа, власть на земли вязати и решити человеческие грехи, разрешу им грехи, их же разрешите никому иному и ведати подобало, мню, ниже самому Тебе великому государю. И дивлюся о сем, како вскоре в таковое дерзновение пришел еси, иже иногда страшился еси на простых церковных причетников суд наносити, якоже и святыя законы не повелевают, ныне же всего мира иногда бывша аки пастыря восхотел еси грехи и таинства ведати и не сам точию, но и мирским попустил еси, им же дерзающим безстрашно на таковая, не постави Господи во грех, аще покаются. Вскую ныне наши судятся от неправедных, а не от святых? Аще ли что изволил Ты, великий государь, требовати от нас, и мы, что Тебе подобало, сотворили быхом.

Но слышим, яко сего ради сие бысть, да писание святыя десницы Твоея не останется у нас, еже писал еси, жалуя нас Богомольца своего, любо почитая великим государем и проч. не по нашей воли, но по своему изволению. Не вем, откуду сие начася; помню Тобою великим государем такия начатки явишася. Понеже Ты, великий государе, писал тако и в граматах Твоих государевых во всех, и в отписках изо всех полков к Тебе, великому государю, так писано, и во всяких делах, и не возможно сего испразднити. Да потребится злое сие и горделивое, проклятое проименование, аще и не моею волею бысть сие. Надеюся на Господа, яко ни где не обрящется моего на сие хотения или веления, разве лживаго сочинения, егоже ради днесь много пострадах и стражду Господа ради от лжебратии, их же уста полны суть горести и лести, под [184] языком их неправда и проч. Понеже елико речено нами смиренно, се исповедано гордо, и елико благохвально, се речено хулено, и толико лживыми словесы возвеличен гнев Твой на мя, мню, ни на кого инаго тако. Что не вельми велико, се вельми возвеличеное чего не причастен бых в Твоих государевых чинех, о том истязан, чего не хотех, ни произволях, еже зватися великим государем, о том пред всеми людьми укорен и поруган туне. Мню и Тебе великому государю не безпамятно, что и во святей Литургии слышал еси, по нашему указу, по Трисвятом кликали великим господином, а не великим государем; о сем и веление наше было. Аще ли Тебе великому государю не памятно, изволь церковников и дьяков соборных допросити; аще не солгут, такожде Тебе рекут, якоже и аз ныне глаголю.

Но паки о лжебратских неправдах да глаголем. Толика лжа их на мя возвеличися, яко и сущих враг Твоих аз осужденнее явихся, иже бе иногда во всякой благостыни и единотрапезен с тобою (не постыждуся о сих похвалится), и питан бых, яко телец на заколение, многими тучными брашнами, по обычаю вашему государеву, его же аз много насладився, не могу вскоре забыти. Ныне же Иуния в 25-й день, егда торжествовася рождение благоверныя царевны и великия княжны Анны Михайловны, вси возвеселившеся о добром том рождестве насладишася трапезы твоея: един аз, яко пес, лишен богатыя вашея трапезы; но и пси, по реченному, насыщаются от крупиц падающих от трапезы господей своих. Аще не бы яко враг вменен бых, не бы лишен бых малаго уломка хлеба от богатыя Вашея трапезы. Сам Ты, великий государе, не невеси Божественное писание, о чесом первее иных в день судный истязани будем. Алчен бе, рече, и не накормисте мя. Сие же речеся не аки о алчных печашеся Христос, но любовь составляя. Понеже не богатый точно се может творити, но и нищь и всяк. Понеже никто же [185] лишаяйся лишен бывает дневныя своея пищи, аще и нищь есть. Аще бы о нищих точно печаловася Христос, не бы инде глаголал: не пецытеся что ясте, или что пиете; воззрите на птицы небесныя, яко ни сеют, ни жнут, ни собирают, и Отец небесный питает их. Се и аз пишу, не яко хлеба лишаяся, но милости и любве истязуя от Тебе великаго государя, да не посрамишися и о сих от Господа Бога в день судный. Аще ли и враг вменен есме, им же благодатию Божиею не бых никогда же Вам, великим государем; но и о вразех речено есте: аще враг твой алчет, ухлеби его; и паки: любите враги ваша. Мнози и врази и ратоборствующии приемлют благодать вашу: аз же егда не зело обогатихся нищетою, тогда паче и паче приумножися милость Ваша; ныне же егда Господа ради всех лишихся и нищетствую, лишен есме и милости Вашея, аще и умножена суть молитвы наши о Вашем душевном спасении и о телесном здравии. Не забываем бо реченнаго Апостолом, иже заповеда молитися первое за царя и всех иже во власти сущих, яко да даст Вам Господь тихое, мирное и безмятежное житие, яко да и мы поживем во всяком благоверии и чистоте.

Еще же и Самаго Тебе, великий государе, молю, престани Господа ради туне на мя гневатися. Солнце, речеся, во гневе Вашем да не зайдет. Кто бо, рече Св. Дух усты Пророка Давида и Царя, взыдет на гору Господню? — ходяй без порока и делаяй правду, глаголяй истину, иже не ульсти в сердце своем, и не сотвори искреннему своему зла и поношения на ближняго не приять. Творяй сия не подвижится во век. Сицев Царя и Пророка устав. Аз же ныне паче всех человек оболган Тебе, в. г., поношен и укорен неправедно. Сего ради молю Тя претворися Господа ради и не дей мне грешному немилосердия, не попусти истязати моя худыя вещи; убойся глаголющаго: им же судом судите, осудитеся, и ею же мерою мерите, [186] возмерится вам; яко же хощете, да творят вам человецы, и вы творите им такожде, и еже себя не хощеши, инем не твори. Похощеши ли, да твои таинства не по воле твоей, ведати дерзнут человецы? Убойся глаголющего: небо и земля мимо идет, словеса же моя не мимо идут. И паки: йота и едина черта не прейдут от закона, дондеже вся будут. Како не имаши постыдитися глаголющаго: блажени милостивии, яко тии помиловани будут? Како имаши помилован быти, сам не быв милостив? Како помолишися и оставление долгов испросиши глаголя: остави нам долги наши, яко же и мы оставляем должником нашим, а не оставляя никогдаже? Како имаши узрети по многом своем и долголетном житии лице Божие, не быв чист сердцем? Еще же не аз точию, но мнози мене ради страждут. Пред малыми сими днями со князе Юрьем Ты, в. государе, приказывал, что яко бы Ты един ко мне добр и князе Юрья; ныне же не точию сам ты ко мне убогому Богомольцу зело не милостив явился, но и хотящим миловати мя возбранявши и всем заказ крепкий положен ко мне приходити. Господа, Господа ради молю, престани от таковых. Аще и царь еси великий, от Господа поставленный, но правды ради.

Что же ли моя неправда пред Тобою? Что церкви ради суда на обидящаго просих Что же? Не точию суд праведен не получих, но ответы исполнены немилосердия. Ныне же слышу, яко чрез законы церковные Сам изволиши священные чины судити, их же не поверено ти есте судити от Бога. Воззри Господа ради на первые роды, иже чрез закон дерзаша, еже бы священная деяти. Сам Ты, в. г., не невеси, како Озия прокажеся и пр. Такожде о Мануиле царе Гречестем и сему явлении мню не невеси, иже восхоти священников судити, како явися ему Христос подобием тем, имже написан у главы его стоящь; ныне же по смотрению Божию имеет той Святый Христов образ [187] святая, великая соборная Апостольская церковь в недрах своих в царствующем граде Москве и святая десница Христова яко исправися указательным перстом, тако до днесь показуется, егда повел Ангелом показнити царя, яко да накажется не судити моих рабов прежде общаго суда, яко же и прочее повести сея святыя возследование показует. Умилися Господа ради и не озлобляй мене ради грешнаго жалящихся о мне грешнем. Вси бо людие твои суть, и в руку твою суть, и несть избавляющего их от святыя державы твоея. Сего ради паче милуй и заступай, якоже учит Божественный Апостол глаголя: Божий бо слуга еси во отмщение злодеем, в похвалу же Боготворцем, и не на лица зряще суд суди, но праведен суд суди, и иже суть озлоблени и заточени, или малых вин ради или по оболганию, Господа Бога ради свободи и возврати, да Бог Святый оставит многая твоя согрешения.

Елицы же глаголют на мя, яко бы много ризницы взях с собою, Бог Святый не постави им сего во грех, аз же чист есме от сих. Един саккос взях, и той недорога, простый, а омофор прислал мне Гавриил Халкидонский митрополит, и не корысти ради, но егда жив и потреба молитвы о вашем государеве душевном спасении и о телесном здравии, да сотворю в них, а по смерти на грешное мое тело да положатся. А елицы глаголют казны много взя с собою: и не взях, но точию удержах, елико потребно будет издержати в церковное строение, и по времени хотех отдати, и еще казначею отдах Воскресенскому в отшествие мое, не корысти ради, но да в долгу братию не оставлю, понеже с деловцами нечим было расплатитися. А где же иная казна, яве есте пред очами всех человеке: двор Московский строен, тысящь десяток ова и больше стало, насадный завод тысящь десяток стал, и Тебе, в. г., тем челом ударил на подъем ратный, тысящь с десять в казне на лицо, девять тысящь дано ныне на насад, на три тысящи летось лошадей куплено, [188] шапка архиерейская тысящь пять, шесть стала, а иного расходу Святый Бог весть, елико убогим, сирым, вдовам, нищим, и тому всему книга есте в казне. Но о всех, аще чим преогорчих Тя, в. г., каюся и Господа ради прощения прошу, да и сам у Господа прощен будеши. Отпустите, рече, и отпустятся вам. На письмо Господа ради не позазри, мало вижу, а на бело писати некому. Здравствуй, в. г., со всем своим благодатным Домом на многа лета. Лета 7167 в Иулии.

II.

ИЗ БУМАГ, ОТНОСЯЩИХСЯ К СОБОРУ 1660 г.

1. МНЕНИЕ ЕПИФАНИЯ СЛАВЕНИЦКОГО О СУДЕ НАД ПАТРИАРХОМ НИКОНОМ, НАПИСАННОЕ ИМ ПО ПРИКАЗАНИЮ ЦАРЯ АЛЕКСЕЯ МИХАЙЛОВИЧА И ПОДАННОЕ НА ПРЕДВАРИТЕЛЬНОЕ РАССМОТРЕHИЕ СОБОРА.

Долгим разсмотрением и не единыя от вещественных тварей обретох в том же и едином чину доблество всегда содержащия, но вся пременению повинна, Богом венчанный государю, православный царю и великий князь, Алексею Михайлович, всея великия и белыя и малыя России самодержец и иных многих государств обладатель! Bознесох бо очеса горе, и видех пространное небо безпрестанным движением от востока на запад многоличным разнствием точащееся со светилы и всею лепотою своею; зрех низу и се вся непостоянна и мимогрядущая. Еще возвед очи на стихии, вижу яко аер исполн есть различнаго пременения, огнь скорому повинен изменению, земля же, ныне благовонными украшенна цветы, на утрие нага внезапу зрится и безплодна. Сонмище паки водное коль есть непостоянное, чаю, никомужде невестно не быти: отпустите иногда Апостолы корабль от брега желанную на море [189] тишину имуще, и се далече отшедшим им возста буря к в мале не погибоша от зельных ветров и волн несодержимых, дондеже истинный кормчий, Христос Спаситель, видя их страждущих в плавании, вниде к ним в корабль и улеже ветр и тако спасошася. Что двоенадесятница Апостолов в вещественном корабле и на стихийном пострада море от противных ветров в небытии Христове, се мы в мысленном корабли российския церкве на житейском море во оставлены верхнейшаго кормчаго страждем. Но да не большая сих приключатся всяко подобает кормчая и управителя в корабли имети, его же обрести и возвести многаго разсмотрения есть дело; понеже новое и странное кораблеви церкве российския приключися: сущу кормчию безкорьмчство; не обычное Христовой Невесте, жениху сущу, вдовство и нам, отца имеющим, сиротство. Новое глаголю и не обычно, ибо святейший Никон архиепископ царствующаго великаго и преименитаго града Москвы и всея России патриарх, — не преставлением си от мира, но оставлением вольным престола своего в сицевыя воведе труды, оставлением же не совершенным, яко от его дел внимаю, понеже и ныне архиерейская действует, их же аще бы оставил был истиною, не дерзнул бы совести запрещающей прикоснутися; и престола письменем не отрицается, но точно усты глаголя, яко не хощет быти патриарх Московский. Сеже аще смиренномудрия ради, или да устрашит и во чувство воведет, наипаче ко смирению преклонит противящихся себе и негодующих о нем, или иныя коея ради вины, будущая яве сотворят. Ныне же разсудити подобает: его ли паки Никона возвести на престол? или, оставивше его, инаго избрати нужда есть? Аз что ми совесть, всякую страсть отчуждивше, и разум повелевает, хотяще помощию Божиею по моей возвести силе, во первых моление приношу, да свободным разумения моего его и совести гласом никто же негодует себе; а к тому, аще что от малоумия моего глаголемых негоде [190] видится кому, да прощения сподоблен буду. Велие зело нам, начинающим в настоящем приключении оставления престола, тщание приложити хотяще, да не впредь празден будет, разсуждати подобает:

А. Мощно ли не низложивше соборне Никона возвести инаго?

B. Мощно ли Никона отрекшася своего престола возвести паки?

Г. Мощно ли низложити Никона и инаго возвести, ему живу сушу, правильно?

Д. Аще Никона низложити, то разсудити, от самаго ли престола или вкупе и от архиерейства?

Во первой статье сицевое мое есть разумение, яко не низложивши Никона соборне инаго возвести не мощно.

Речет кто:

Яко Никон сам низложи себе и отрекся престола.

Ответ:

Отрекся (усты), да покарятся ему не покоривыи, а не делом, понеже без письмени и не соборно, к тому и в архиерейской, судом Божиим, изыде мантии, и ныне архиерейское действует. Но будя отрекся и делом; се же есть не по заповеди церковной, понеже по святому Кириллу архиепископу Александрийскому: «аще бы и писанием отрекся, аще достоин есть святительства, да служит; аще же есть не достоин, да не отрицается, но обличен бывше судом, да извержется; кроме же обличения ни никако чужд может быти престола». Убо Никоново отрицание ничто есть, и аще не имат недостоинства никакого, да служит, аще ли имат недостоинство, соборне вопросити о нем и судом обложивше, низложити. Сицево научает нас правило 16 соборов вселенских перваго и втораго, глаголюще: «ни по которому же образу да не взыдет никто же на епископию, еяже епископ жив есть; подобает уже вину изыскати, и по извержении его, другого поставить». И тако инаго нам избирати Никону живу сущу [191] видитмися не мощно. Никона же, аще и отрекшася, можно возвести паки, по святому Кириллу глаголющу: «аще достоин да служит». И се довлеет на вторую статью.

Речет кто:

Не угоден бе никому: убо да низведется.

Ответ:

Врач не есть должен воли больнаго угождати, но яже весть от своея хитрости быти полезна, сия творити. Сице и пастырю подобает, да спасемся, не всуе жезл имети; отец же любяй сына не щадит жезла; сын благопокоривый должен есть с царствующим глаголати пророком: жезл мой и палица моя та мя утешиста. И Сосуд избранный глаголет: аще терпите наказание сынове есте. Темже мню аз, яко святейший Никон, многажды предшедше вещь, Илию архиерею Ветхаго Завета за ненаказание сынов приключившуюся, брегл есть себе, да неподобное постраждет.

И аще неудоб всем бе носим Никон, то не у извержения достоин; по сыновным повиновением и любовию молити его, да исправится во нраве своем; судити же его кто от нас и како может? понеже по правилу 9-му 4-го Вселенскаго собора, иже в Халкедоне: «аще епископи имеют что на митрополита своего, Коньстантиня града патриарху да возвестят, ему же под имыми патриархи Архиереов сущих судити.» А зде с высше неже с митрополитом дело, ибо с всея России патриархом, со отцем отцев и пастырем пастырей. Кто же из сынов отца, которая овца пастыря судити дерзость восприимет? Отнюдь моим разсуждением не мощно, токмо возвестити патриарху Коньстантиня града. И тако сими глаголы 3-я статья разсуждается, яко не лет нам есть по сих правилех Никона судити и низложити, последственне же инаго возвести ему сущу живу. Но понеже не точию правила святых отец, но и образы дел бывших, не обхуждении на соборех, суть нам зерцалом, в неже зряще [192] управлятися мощно есть; имамы же некия образы о престолех оставленных от пастырей, на них же инаго избравше отцы святые поставляху, еще живу сущу оставльшу: яко Григорий Святый остави престол свой и возведеся ин в его место, и я коже Евстафию оставльшу свою епископию, ин взыде на престол его; сие же поставление инаго епископа несть обхужденно собором Вселенским, — и прочая многая. Убо мощно по сих образех в настоящем приключении, —оставлены архиерейскаго престола от святейшаго Никона, бывшом в церкве соборней, при преосвященных архиереях, всечестных архимандритех, при мнозем клире и народе православном, мощно, глаголю, живу сущу Никону (ибо и ротися не помыслити о возвращении на престол), возвести инаго. Точно, яко Григорий Святый, оставлше престол, не чужд бысть архиерейскаго сана, и Евстафию честь и служение епископское не суть возбраненна, сице подобает и Никона чести и служения архиерейскаго не отчуждати, аще и безпрестолен будет. И тако видит ми ся Богу быти угодно и оставлшему престол не безчестно, нам безгрешно и всему народу годе. Аще же в чести сый оставлен, Никон промышлял бы что смятение сотворити; сим самым делом повинен будет чести и действия архиерейскаго от себе удаления. Сим четвертую статью замыкающе и моего разумения конец творяще, заблуждением, аще кая суть, прощения желаю, и вся высочайшему разуму Твоего пресветлаго Царскаго Величества и всему преосвященному Собору, ничесому же прекословяще, вручаю.

2. ЗАПИСКА ЕПИФАНИЯ, ПОДАННАЯ ЦАРЮ, ПО СЛУЧАЮ ЦАРСКОГО ПОВЕЛЕНИЯ СОСТАВИТЬ СОБОРНОЕ СЛОВО.

Грекове на соборе из своей книги греческия сия речения прочтоша: «безумно убо есть епископства отрещися, держати же свящество», и рекоша, сея речения быти правило 16-е перваго и втораго собора. И аз, разумев истинное быти правило перваго и втораго собора, не дерзнул [193] прекословити и изволение мое дах на низвержение Никона бывшего патриарха. Но сия сотворих сего ради, яко прельстихся греческим речением, еже ни в словенских, ни в греческих правилех не обретается. Сего ради, понеже истянное правило греческое прочтох и сих речений: «безумно бо есть епископства отрещися, держати же свящество», не обретох, изволения моего на низвержение Никона бывшего патриарха отрекаюся, яко неправильнаго и неправеднаго, и каюся. Убо понеже кто кается, той и прощается; и аз о изволении моем неправильном каюся, у пресветлаго Величества Вашего смиренно прощения прошу и глаголю: яко новопоставленный патриарх имать власть Никону, бывшу патриарху, или благословити, да он в монастыри, в нем же по повелении пресветлаго Величества Вашего жити будет, архиерействует, или запретити, да не архиерействует; таже низврещи, еще в нем вины низвержения достойный обрящутся; еще новопоставленному патриарху не поклонится и без благословения его дерзнет архиерействовать, от него запретится; и аще запрещения преслушает, низвержется. Бысть пресветлаго Величества Вашего царскаго повеление, да аз слово соборное составлю; убо готов есм сие сотворити о избрании и поставлении новаго патриарха, сие бо есть праведно, благопользно и правильно. О низвержении же Никона бывшего патриарха не дерзаю писати сего ради, яко не обретох сицеваго правила, еже бы архиереа, оставльшаго убо престол свой, архиерейства же не отрекшагося, низвергало и чуждо творило архиерейства. Таже пресветлаго Величества Вашего молю, да повелит дати мне деяние соборное на составление слова соборнаго (К этой записке Епифаний приложил и собственный перевод 16 правило перво-второго собора). [194]

3. ДВА ПОКАЗАНИЯ, ОТОБРАННЫЕ ОТ ЕПИФАНИЯ ПО ПОВОДУ ЕГО СУЖДЕНИЙ О СОБОРЕ 1660 г.

168-го года маия в 26-й день сказал старец Епифаний: Да Никон бывший патриарх чужд будет архиерейства и священства, о сем не точию писати, но ниже глаголати дерзаю: первое, да не от того проклят буду, от него же благословение приях; второе, яко боюся да за неправильное писание и глаголаше душа моя во ад снидет; не обретох бо сицевых правил, яже бы архиерея самовольно убо оставлшаго престол свой, архиерейства же не отрикшагося, отчуждали архиерейства и священства.

168-го года июня в 15-й день сказал старец Епифаний: Матвей учит: «яко детище в нужде, не сущу иерею, от мирскаго человека крещено быти не может, и не твердо крещение таково». Сие его учение противно есть греческим творцем. Первое противно есть Гавриилу Филадельфийскому, второе Николаю Кавасилу, третье Никифору, во святых патриарху Константинопольскому, иже во правиле своем ХVI-м сице глаголет: «не сущу иерею простый монах крестит, сему же не сущу крестит отец свое детище». А про Матвееву книгу он Епифаний сказал, что приемлю я Матвеевой книги, что согласно с правилами святых отец, а которое не согласно, того не приемлю. А что о возведении новаго патриарха по деяниям соборов Вселенских и поместных, на престол отрекшагося патриарха новаго возводити, также новый поставленный патриарх, яко престольный, имать власть совершенную, бывшему патриарху, еще ему не покорится и без благословения его архиерейская дерзнет действовати, запретит оного вязати и решити, по правилам святых отец.

А о Евстафии правило прилично есть бывшему патриарху Никону. А будет бывший Никон патриарх у новопоставленнаго патриарха учнет просить благословения, на еже архиерейская действовати, и ему, яко Евстафию, дастся благословение; а буде не покорится, и ему запретити по правилом святых отец может. А правило ХVI-е перваго и [195] втораго собора глаголет о епископе, иже во всей чести епископской состояй отходит и о пастве не печется, вяще шестимесячнаго времени, чести и сана отчуждится. Никон же бывший патриарх во своей чести не состоит патриаршестей, ибо оную оставил, ниже должен есть пещися о стаде, еже оставил, и то правило не к тому лицу.

4. ЗАПИСКА, ПОДАННАЯ ЕПИФАНИЕМ ЦАРЮ АЛЕКСЕЮ МИХАЙЛОВИЧУ В ОТВЕТ НА МНЕНИЯ ГРЕКОВ О СОБОРЕ 1660 ГОДА.

Соборное освященнаго и благодатию Духа всесвятаго собравшегося богоугодне собора есть сугубое изволение. Первое убо, яко ему по священным апостольским, соборным и святых отец правилом изволися, да благоспешным пастыре-начальника Христа Бога нашего содействием новый пастырь верховный, святейший патриарх Московский, изберется и благодатию Духа Святаго на престол патриаршеский возведется. Сие есть богоугодное, правильное и благополезное: ово убо, да преукрашенная невеста Христова, вдовствующая соборная апостольская церковь, Богоизбранному видимому мужу святейшему патриарху новому обручится, престол патриарший от первопрестольнаго архиерея правоправится и словесное стадо Христово от пастыря верховнаго добре паствуется; ово же, яко многим патриархом греческим, самовольно престол оставльшим, абие соборно иные избираемы, поставляемы и на престол патриаршеский возводимы бываху, яко и свиток, мною прежде по благотщатливому пресветлаго царскаго Величества повелении написан, являет (Здесь, надобно думать, разумеется помещенное выше мнение Епифания, представленное им на предварительное соборное разсмотрение: так как в нем, действительно указаны примеры избрания новых пастырей не места отрекшихся).

Второе же — яко освященному и Богоизбранному собору изволися, да Никон бывший патриарх Московский низвержется, сана архиерейскаго лишится, и не точию архиерейства, но и священства чужд будет. Сие изволение соборное дебелому уму моему несть достижно. Первое яко святый [196] собор Вселенский вторый святаго Григория Богослова, самовольно престол свой Константинопольский оставльшаго, не низверже, священства его чужда не сотвори, сана архиерейскаго не лиши и власти архиерейской оному не отъяша: Святый бо Григорий Богослов, по еже самовольно престол свой Константинопольский оставити, пришед в Назианз, архиерейская священнодействова, мужа благоговейнаго, именем Евлалия, хиротописа и того епископа постави, яко Григорий пресвитер, жития его списатель, свидетельствует.

Второе, пачеже яко оставление престола тако и отречение архиерейства несть правильное: аще убо кто душевредных грехов своих ради архиерейства отречется, сицевый и прежде отреченея не бе достоин архиерейская священнодействовати, аще же кто душеполезнаго смиренномудрия ради архиерейства отречеся, сицевый и по отречении достоин и должен есть архиерейская священнодействовати, по второму правилу Св. Кириллы Александрийскаго, в послании к Домну сице глаголюща: «чрез церковные есть уставы книжицы отреченныя просити неким от священнодетелей; аще убо достойны, да литургисуют, аще же ни, да не отрицаются, но яко осужденные да отходят».

Сего ради Феодор епископ Макрский, писание архиерейскаго сана отрекийся, паки, егда прочетшаяся отречения его не греха, но смиренномудрия ради бывшая быти явишася, от святейшаго патриарха Константинопольскаго Михаила Анхиела сана архиерейскаго наслаждатися, архиерейская действовати и яко достойный епископ быти удостойся, яко Арменопул свидетельствует в книзе первой.

Сего ради Евстафий епископ, писание епископства отрекийся, от святаго третьяго Вселенскаго собора сие получити сподобися: первое, да чести архиерейския наслаждается, второе да по изволению престольнаго епископа диаконы хиротописует и иерей поставляет и прочая архиерейская священнодействует; третие да в церковь вдовствующую и [197] престольнаго епископа не имущую введется, — яко свидетельствует третьяго Вселенскаго собора послание к собору Памфилийскому написанное.

Сего ради иерей Вианор иерейства отрекийся, паки от святаго и Богомудраго Великаго Василия иерейская священнодействовати сподобися.

Третие, — яко епископы не могут епископа низложити без перваго их епископа, по 9 правилу Антиохийскаго собора сице глаголющу: без перваго их епископа да ничтоже творят епископы. Како же возмогут низложити митрополитове патриарха своего без инаго патриарха или его Экзарха? Не бо лепотствует сыном отца своего чести лишати, овцам пастырю своему власть пастырскую восхищати, и подчинным ахиереом чиноначальнаго архиереа низлагати и того архиерейства же и священства чужда творити. Аще бо епископу со своим митрополитом прящуся, годствует судитися пред патриархом Константинопольским, по 9 правилу 4 собора вселенскаго, сице глаголющу: аще же кий епископ или клирик со митрополитом прется, да пред Константинопольским патриархом судится, — кольми паче митрополитом, со своим патриархом прю имущим и того низложити хотящим, пред Константинопольским патриархом судитися и от того на низвержение своего патриарха суда и изречения праведнаго просити подобает.

Но речет кто: яко иеромонах Матвей Властар глаголет: «имя без вещи не бывает; убо кто остави епископство сей несть епископ, последовательно же ниже архиерей». На сие глаголаше Матвеево сице отвещаю: яко ино есть епископство и ино же архиерейство.

1. Яко всяк епископ есть архиерей, но не всяк Архиерей есть епископ; архиепископ бо есть архиерей, но несть епископ, архиепископ бо есть; митрополит есть архиерей, не несть епископ, митрополит бо есть; патриарх есть архиерей, не несть епископ, патриарх бо есть: убо ино есть епископство, ино же архиерейство. [198]

2. Яко власть епископская наляцаетса: меньшая бо есть власть епископская, той бо точно иереи подчиняются; большая есть власть архиепископская и митрополитская, той, бо не точно иереи, но и сами епископы подчиняются; величайшая есть власть патриаршеская, той бо не точию иереи и епископы, но и сами митрополиты подчиняются. Архиерейство же не наляцается: вси бо архиереи по архиерейству суть равны; таков бо епископ есть архиерей, и таков архиепископ есть архиерей, и таков архиепископ есть архиерей, и таков патриарх есть архиерей.

3. Яко вещь и дело есть сугубое архиерейское: первое есть — еже запрещати, от общения отлучати, низлагати и паству себе врученную паствовати, и сие дело от епископа, яко от епископа, действуется; второе дело есть еже священнодействовати, диаконы хиротописовати и иереи поставляти, и сие дело от епископа, яко от архиереа действуется: убо понеже ино есть епископство ино же архиерейство, может архиерей епископство убо и его дело первое оставити, архиерейство же держати и второе дело архиерейское действовати.

4. Яко глаголаше Матвеево предложенное не точию (?) есть не благословное, понеже ни единым правилом или деянием соборным утвердися.

Сие написах не яко прекословя освященному, Богоизбранному и благодатию Духа святаго соборное деяние правильно действующу собору. Мне бо паче благочинно молчати, нежели безчинно и прекословно глаголати без вопрошения подобает. Ниже писание от преосвященных архиереов греческих и Богомудраго Дионисия архимандрита написанное охуждаю; кто бо чуждая писания охуждает, той сам охуждаем бывает. Но мнение мое от худаго ума моего исходящее проявляя, еже аще благословно освященному собору возмнится быти, да приемлется; аще же ни, да отмещется. Таже у имущих власть прощати смиренно прощения прошу. К сему писанию старец Епифаний руку приложил. [199]

5. ПИСЬМО ГРЕЧЕСКИХ АРХИЕРЕЕВ, ПОДАННОЕ ЦАРЮ АЛЕКСЕЮ МИХАЙЛОВИЧУ, В ОПРОВЕРЖЕНИЕ МНЕНИЙ ЕПИФАНИЯ О СОБОРЕ 1660 Г.

Благочестивейший Самодержце, Великий Царю и Святый священный соборе, суть нецы иже дружбою носими прежняго патриарха Господина Никона, или не разумеюще добре разумеваемаго правильно, скорбятся о извержении его, сиречь, еже по времени упразднения священства его, еже священный собор, якоже священнии закони и правила повелевают согласующе, вси изрекоша быти, дондеже той Господин Никон смирится и паки взыщет со умолением от новаго рукополагаемаго патриарха и священнаго собора, священство, якоже при святом и вселенском третьем соборе сотвори Евстафий Панфилийской Епископ; обаче сицевии, не разумевающе добре священных правил, непщевают, яко несть праведно извергнути его и упразднити его от священства, и распрю творяще утвержают и показуют образ патриархии Константинопольския, яко и суще вне престол своих имут свящество и священнодействуют и рукополагают; и глаголят сицевая, зане не ведают добре вины и чего ради сице надлежится и бывает ныне в том святейшем престоле Константинопольском. Да слышат же добре распрю творяще и да навыкнут, яко не пребеззаконно священство имут суще вне престола своего, но ниже по законам и правилам, обаче смотрение употребивше: пребеззаконно бо отметаются и отгоняются престола своего от нечестивых Агарянов, а не волею оставляют престоли и Епархии, ниже от неких оглаголеми, ниже от собора судими и низвержими священнодействуют; но кроме оглаголамя некоего и кроме суда соборнаго и кроме извержения и кроме оставления вольнаго; но нуждею и насильством нечистивии изгоняют или и пенезей ради многих, яже Турцы от них просят, и не имуще дати, боящеся нужды и насильства их, отступают от того великаго престола и не инаго престола (?); и сего ради со разсуждением паки потом, [200] егда умирятся вещи, упокоит их собор смотрительно управления ради церкви Христовой. (Следует пространное изложение того, как Турки, по корыстолюбии, притесняют греческих архиереев и принуждают оставлять кафедры).

Сия бо и образ сицевый, сущу благочестивому царю и христианству не прилична суть, ниже да будут, ниже да внимаются, ниже да слышатся; зане благодатию Всесильнаго Бога, елика выше поведахом, в странах их христянскаго царства ниже беяху, ниже суть, ниже когда быти Бог сохраните. И сущу зде благочестию и христианству несть лепо внимати и яже яко от нужды управляются в странах наших нынешняго времени; зане они добре ведают священныя законы и правила, но время не помогает им во всех. Обаче здесь благодатию Божиею время помогает смотрети священныя правила что повелевают; и тако по законам и правилам да будет и да совершится, и обычай да надержится якоже правила повелевают. О отрицании же и извержении и упражнении священства, якоже рехом, и паки глаголем: образ чист есть в том во священных правилах. Евстафий Памфилийский епископ, иже при святем и вселенском великом третьем соборе, иже имать разум и ум здрав во главе своей да смотрит и узрит яснее: како обдерните послание святаго и вселенскаго третьяго собора сущим в Памфилии, яко по отрицании, еже сотворил Евстафий, пребысть и извержен, яко является, не от себе извержеся но от собора извержеся и возбранися священства; зане аще не бе извержен от собора, и возбранен не совершити священства, и не токмо священства не совершити, но ниже имя епископа имети, аще не бе сице, не бе нужда и потреба притекати и припасти ко святому и вселенскому третьему собору, просити со многими слезами и многим умолением имени и чести епископа; и умолени бывше, пишет, слезами его и многою старостию и смирением его благоувевшеся, дася ему имя и честь епископа иметь, но не священнодействовати и рукополагати егда сам хощет, но [201] егда от брата и сослужителя, иже по месту архиереа, призовется и повелен. Неправедне же сия решася святыми, но смотрение и снисхождение употребивши: кий грех, или кое ино погрешение, рцыте нам, о мудрейшии, сотвори той Евстафий и извержеся и управися сице? Яве есть, яко не за иное погрешение, токмо отречеся престола своего; и когда и в кое время отречеся престола своего, и кто изверже его и кто паки с прощением управи его? явлено известно есть, яко святый и великий вселенский третий собор. Хощете еще ин больший собор от того? Хощете правило больше и известнейше от того? и образ чистший того же Евстафия и суд и разсуждение известнейшее от святаго и вселенскаго третьяго собора? Который ин святейший и мудрейший обрящется от тех святых отец того же святаго собора творити лучший и мудрейший суд и разсуждение? Сего ради возбудите, братия, молю вас, еликих в сем смущаются, ум ваш, и внемлите яко ныне собравшиися содействием Святаго Духа не иным образом судиша и изреша, но неизменно потому же образу святаго и вселенскаго третьято собора согласуемые вси судиша и изреша: яко неизменно в сем быти, яко же при Евстафии быша. Хощете, братие и друзи, показати помощь и дружбу, и не добре мыслите мыслимая правильно, обаче престаните распри и оглаголания и да имамы прощение.

6. ПИСЬМО К ЦАРЮ АЛЕКСЕЮ МИХАЙЛОВИЧУ ХИОССКОГО АРХИЕПИСКОПА КИРИЛЛА.

Тишайший самодержавнейший царю, Господи Господи Алексею Михайлович, всея великия и белыя и малыя России самодержче, живот и победу от Бога долготу дней!

Господе всех и Бог наш созда человека по образу и по подобно своему и почти его от всех созданий и украшая его многими дарьми: враг же истинный (истины?) диавол, не терпя толикия чести, юже даде Бог человеку, преобразися во образ змиин и прельсти человека и сотвори его преступити заповедь Божию; ядый от плода [202] разума, и абие пребысть наг от благодатей и даров Божиих и изгнан бысть из рая и повелен от Бога, потом ясти хлеб свой: потом лица твоего ясти (снеси) хлебе твой. Оттоле, державнейший царю, изнеможе человеческое естество и бысть тленное и удобопреложное, человеком бо оттоле дадеся, еже согрешати. Сия помышляяй и Пророк Царь Давид писа глагола: всяк человек ложь, и Премудрый Соломон: несть праведен на земли, иже сотворит благо и не согрешите, сиречь всяк человек есть тленный в мире сем и удобопреложный намерением, и праведнейшему на земли не возможно есть в добротах, яже творит, не прелеститися и погрешити. Является в ветхом писании и в новом, яко близь царствех случахуся между добрыми человеки и злии и злаго намерения и гордый, иже прельщаху многажды царей лестию, и овогда убо поущаху их на убийство и пребеззаконие, овогда же на нелепую честь их и, дерзаю реши, на безчестие царское, яко же является и во время Артаксеркса царя един его первый князь, Аман именуем, яко прельсти царя и даде повеление, яко да погубите тогдашния благочестивыя Божия вся. Но Бог, не терпя неправду тую и гордость онаго Амана, яви царю, чрез царицу его Есфирь, неправду тую и гордость онаго, и абие царе не сохрани оно повеление и вместо его сотвори инаго, да погубите Амана онаго гордаго. От сея гордости, является, державнейший царю, яко побеждашеся зело и господин Никон, и просяще грамоты от царствия твоего пребеззаконныя на возвышение нелепое свое. И великое твое царствие, яко верен и прав в вере, сущу оному началу веры, простым и чистым сердцем дадеся ему что либо просяще. Обаче великое твое самодержавие не вредися никакоже, но наипаче возрасте и венчася венцем смирения. Той же высокосердый, сый начало закона, бысть преступник и отрицатель закона, и еже лютейшее, яко уча иных себе не учаше и не подражаше Владыку Христа и перваго патриарха и Бога, чесому учаше, не [203] слушаше его, глаголюща: больший (в) вас да будет вам слуга, и: иже аще хощет первый быти в вас, да будет вам рабе. Не слыша его глаголюща: вознесый себе смирится: и, аще не смиритеся и будете яко отрочата, не внидите в царствие Божие. Не слуша Павла глаголюща: да не будем тщеславны, и паки: смиренномудрием друг друга предводяще; ниже премудраго Соломона: не чист у Господа всякий высокосердый. Не слыша того паки Владыки глаголюща: возмите иго Мое на вас и научитеся от Мене, яко кроток есть и смирен сердцем; не слуша Соломона глаголюща: сердце царево в руце Божии, и Богослова Григория: сердце царево в руце Божии и речется и веруется. Но хотяше прелестити царя, не помышляя, яко иже прельшает царя, Богу противляется; не устраши его страх тогожде Соломона глаголюща: не гордися пред царем ниже у царя умудрися; ниже: прещение царево подобно рыканио львову. Не слыша Златоуста глаголюща: иже не слушает (царя) Богу борется, и еще тому глаголющу: ничто же бо сице прогневает Бога, яко же паче чести почитатися. Но ослепи его гордость, возлюби бо славу человеческую, паче нежели славу Божию; вся бо дела своя творяше, во еже видетися от человеков; любяше бо первоседание в вечерях и перволегание и зватися от человек: Равви. Владыко Христос учаше ученики своя смиренно, и той — величанием; Христос не памятозлобию, и той — памятозлобию; Христос излия кровь свою нас ради, и той не претерпе ниже слово студное; Христос учаше да покаряются царем, и той противляшеся цареви; ослепи бо его злоба его. Сего ради прият по делом своим; обратися бо, глаголет, болезнь, его на него и на главу его, той бо сия (?). Грамоты же оныя, яже даде великое твое царство, во ничто же вменяются и в меру не приходят; яже бо кроме закона и испытания прилежнаго и разсмотрения утверженныя вины и совершенный ниже закон, ниже время, ниже обычай утвердити может. Безсловесно бо судимая и [204] бываемая словом разрешаются и во ничто же бывают. И великое твое царствие радуется и красуется во благочестии своем и укрепляется и поставляет инаго патриарха законнаго и соборнаго, которому, аще хощет, страхом Божиим благословити и освятити тебе и вся Христовы люди, и прославится Бог за вы, яко тому подобает слава во веки аминь. (1660 Мая 14 число).

Кирилл архиепископ от святыя и царския обители новыя, яже в Хии, богомолец и раб великаго твоего царствия.

III.

ПИСЬМО ПАТРИАРХА НИКОНА К ЦАРЮ АЛЕКСЕЮ МИХАЙЛОВИЧУ,

С ИЗЛОЖЕНИЕМ УСЛОВИЙ, НА КОТОРЫХ ЖЕЛАЕТ ОСТАВИТЕ НАВСЕГДА УПРАВЛЕНИЕ ПАТРИАРШЕСТВОМ, ПОСЛАННОЕ С ЧУДОВСКИМ АРХИМАНДРИТОМ ИОАКИМОМ 14 ДЕКАБРЯ 1665 Г.

Лета 7173, а еже по плоти рождества Господа Бога и Спаса нашего И. Христа 1665 генваря в 14-й день приехали Новаго Иерусалима в Воскресенский монастырь чудова монастыря архимандрит Иоаким, да думной дьяк Дементий Башмаков, и велели про себя сказать Никону патриарху, и Никон патриарх велел им сказать: Буде по государеву указу приехали и они шли б на монастыре в келью, и вшед в келью говорили: Великий Г-рь Святейший Никон патриарх! Великий государь царь и великий князь Алексей Михайлович всея великия, малыя и белыя России самодержец, велел о твоем спасении спросить. И Никон патриарх говорил: Божиею милостью се жив есть, и поклоняся говорил: как Господь Бог его милует великаго государя царя и великаго князя Алексея Михайловича всея великия, малыя и белыя России самодержца? И [205] архимандрит Иоаким и думной дьяк Дементей мне, Никону патриарху, оказали: как они поехали с Москвы и великий государь царь и великий князь Алексей Михайлович всея великия, малыя и белыя России самодержец, дал Бог, в добром здравее. — И спрашивал Никон патриарх архимандрита Иоакима и думнаго дьяка Дементия: что ваше приведствие к нам смиренным? И Архимандрит и думной дьяк говорили: прислал де нас великий государь царь и великий князь Алексей Михайловиче всея великия, малыя и белыя России самодержец, со всею палатою и со всем освященным чином, а велел Г-рь царь и весь царский сигклит и весь освященный собор сказать: спаси Бог, что де ты свою правду явил, смутное письмо царю прислал и воровское дело не утаил Никиты Зюзина и его советников, которой твоею святительскою думою возмутил и на странное твое пришествие в Москве привел и великаго государя со священным собором и со всем государством хотел ссорить, и чтоб ты впредь таким ссорщикам и составщикам не верил, а которые есть иные такие же ссорщики, и ты патриарх Никон прочих потому же объявил; да ты же де приказывал к великому государю из села Чернева с преосвященным митрополитом Павлом сарским и подонским и окольничьим Родионом Матвеевичем Стрешневым с товарищи известил великому государю: буде ему великому государю угодно, для чего посылать ко Вселенских патриархам, мощно то дело соделать и без Вселенским патриархов, что тебе впредь на Москве патриархом не быть и в патриарше невочто не вступаться; и положил на волю Божию и на повеление его великаго государя и на освященный собор, кого они патриархом изберут и поставят, и о том ты великому государю хотел письмо прислать за своею рукою.

Смиренный Никон Божиею милостию патриарх свидетельствуя страхом Божиим, Святыя Живоначальныя Троицы, и Пресвятою Пречистою и Преблагословенною Владычицею [206] Богородицею и Приснодевою Мариею, и Святыми Ангелы и всеми Святыми и Святою Церковию Божиею и Святыми священными вещьми и небом и землею: тако бо иногда и Моисей, предаяй Божий закон Израилю, засвидетельствовал небу и земли, глаголя: вонми небо и возглаголю и да услышит земля глаголы уст моих и пр. Такожде асе Исаия пророк засвидетельствуя небу и земле глаголя: слыши небо и внуши земле, яко Господе глаголет: Сыны родих вы и вознесох, тии же отвергошася мене и пр. Тако Иисус Навин заповедуя при исходе своем положа камень пред всем собором Израилевым о сохранении заповедей Господних; такожде и Иаков с Лаваном составя громаду камения собрав засвидетельствовали о своем миру пред собранным камением. Сице и аз свидетельствую и заповедую, что мне жити отныне, лета 7173, а от воплощения Слова Божия 1665 генв. с 14 числа, своего строения в монастырях Св. Живоноснаго Воскресения Христова, или в монастыре Пресвятыя Владычицы нашея Богородицы Иверския, или в монастыре Св. Честнаго Креста Господня и во иных нашего строения приписных монастырях повольно. А держати ми живучи в тех монастырех во всякое исправление заповеди Господа Бога Спаса нашего И. Христа, Св. Его Евангелие, заповеди и правила Св. Апостолов и Св. Отец седми Вселенских соборов, такожде и поместных св. отец соборов, и особе коегождо святаго, и святыя книги и уставы, яже прияла св. соборная и апостольская церковь, к сим же и приданыя царския Св. законы и уставы, такожде святый символ исправленный нами с греческаго благодатию Св. Духа и советом и единением со св. вселенскими патриархами; такожде и церковные уставы преданные святей церкви св. отцы, т. е. святую литургию, или общим словом нарещи, служебник и требник и прочие святые книги справлены с старых греческих святых книг; чин и устав снабдевати св. восточный церкви Новаго Сиона, еже есть церкве Воскресения [207] Господа Бога и Спаса нашего И. Христа, иже во Иерусалиме, и имети ми любовь и соединение со святыми вселенскими патриархами во всем не отложно. И великому государю царю и великому князю Алексею Михайловичу всея великия, малыя и белыя России самодержцу жаловать нас, богомольца своего, милостию как прежде сего; а когда мне, его государеву богомольцу, случится для великих нужд, или милостыни ради по надобию прийти в царствующий град Москву поклонитися образу Пресвятая Богородицы, и его государево лице видети, мир и благословение подати и престолу славы царства его поклонитися, и ему великому государю пожаловать невозбранить; а мне, пришед, в царствующем граде без его, великаго государя, указа и без совета брата нашего святейшаго патриарха московскаго и всея России чрез Божественные законы ничтоже творити, И грамоты его государевы утвержденныя данныя в его государевы богомолья Новаго Иерусалима Воскресенский монастыре, и Пресвятая Владычицы нашея Богородицы и Приснодевы Марии в Иверской монастырь, и святаго Честнаго и Животворящаго Креста Господня в Ставрос монастырь, и иных нашего строения и приписных монастырей, и которые грамоты после нашего отшествия взяты из нашей келейной казны к нему великому государю вверх и всякия крепости и книги пожаловать ему, великому государю, отдате нам в свои государствы богомолья в Воскресенской, Иверской, Св. Честнаго и Животворящаго Креста и в иные нашего строения приписные монастыри. А которые вотчины купленные нами и вкладные дани в монастырь, а в его государевых приказах не утверждены и в книги не записаны, и те вотчины купленные и по вкладным данные пожаловать ему великому государю утвердити и в приказех в книги записати, за теми монастыри, где которые мы дали. Да в прошлых же годех, будучи на престоле, с советом великаго государя царя и великаго князя Алексея Михайловича всея великия, малыя и белыя [208] России самодержца, мы, великий господин, смиренный Никон, Божиею милостию патриарх указали: которые около воскресенскаго монастыря близь церковный пустыныя земли в книги написание и приписание к Воскресенскому Монастырю, а тем церковным пустым землям переписные книги в патриарше приказе, и те пустые церковные земли пожаловать великому государю — утвердить за Воскресенским монастырем и из оброку выложить. Да я же смиренный Никон Божиею милостию патриарх, будучи на престоле, в дом Пресвятыя Владычицы, во св. соборную церковь, построил многия священныя вещи, государевым жалованьем и своим келейным избытком, который великий государь жаловал, подносил за мою работишку, будучи в моровых поветриях, и государыня царица и великая княгиня Мария Ильинична жаловала подносила же, — и те драгие вещи поделаны во священные одежды архиерейские и в митры все; и про то ведомо самому великому государю и самые те священные вещи свидетельствуют в великой ризнице; а отходя из царствующаго града Москвы, я смиренный Никон, Божиею милостию патриарх, от тех священных вещей взял един худейший саккос и едину митру и омофор свой, и то священное одеяние в службе издержалось, а о митре слыша государеву кручину отослал к Москве, и сия тако суть, и чтоб великий государь пожаловал меня богомольца своего и святый синклит приговорил и священный собор благословил от тех священных одежд нашего строения дати в потребу на служение, сколько великий государь изволит, и едину митру, или цареградцкую, или жалованье государыни царицы, и едину енколпию или панагию служебную подвеликую, да крест, иже утерялся в походе в моровое поветрие, а ныне обретается в домовой казне, а он есть келейный, а не казенный, и едину лахань и един рукомой. Да я же построил Государевым жалованьем и своим промыслом и учинил прибыль в дом Пресвятый Богородицы доходу тысячь по двадцати на год и [209] тому свидетельствуют книги при моем владычестве: и из тех доходов пожаловать великому государю и всему царскому сигклиту и освященному собору, давать мне, богомольцу своему, вместо милостыни на пропитание хлеба и рыбы и деньг на потребу, елико ему великому государю и всему честному сигклиту и всему освященному собору Господе Бог известит. Понеже обычай держит св. вселенская восточная церковь сей: егда оставит великий архиерей престол своею волею, или некоего ради случая не удобнаго и о нем всем священным собором жалуют и дают на пропитание первыя епархии митрополитския со всяким достоянием. Такожде и правила св. отец повелевают: епископ аще будет имел жену в мире или своих сродник бедных, невозбраняют требования подати им в меру. Кольми паче нам, мног труд понесшим при строении всяком дому Пресвятыя Богородицы, подобает питатися. И Божественный апостол глаголет: да необротиши вола молотяща; и паки: делаяй священная от святилища да ядят и предстоящий олтарю со олтарем да разделяются. Еще же нам слышится, как будучи мы на престоле своем, за премногую великаго государя любовь и милость, подносили от своих трудов ему, великому государю, по две тысячи избранных рыб волских, а иногда сугубо, и великий государь тот устав и благословение наше, и до днесь держите: и не во трех такоже и о нас да смилуется. А иже благодать Св. Духа изберет на честное и великое председательство великаго архиереа, и ему в наши монастыри, которые Божиею милостию и его государевым жалованьем и милостынею построены, и в приписные монастыри, и вотчины, и во всякия суды, и в приходския церкви, и во священный причет и в крестьянские и во всякия духовныя дела не вступаться и не посылать никого; такожде митрополитом и архиеписком, в коих областях нашего строения монастыри и приписные монастыри, монастырские вотчины и в них приходские церкви, и во всякия [210] крестьянския дела не вступаться, и неведать и ни почто не посылать; а посвящати ми в те монастыри архимандритов и игуменов, священников и диаконов по благодати Св. Духа самому, покамест жив буду и могу, или по духовной любви коему митрополиту, или архиепископу, или епископу соблаговолю и грамотою нашею извещу; а по прехождении нашем временнаго жития, — те святыя великия обители Новаго Иерусалима монастырь Св. Воскресения Господа Бога Спаса нашего И. Христа, и Пресвятыя Владычицы нашея Богородицы и Приснодевы Марии Иверской монастыре, и Св. Честнаго Креста Господня Ставрос монастырь и иные меньшие монастыри пожаловать великому государю царю и великому князю Алексею Михайловичу всея великия малыя и белыя России Самодержцу и честному Сигклиту приговорити и священному собору благословити — велеть приписание к царствующему граду Москве во область, а не в дом Патриарш брату нашему и сослужителю всесвятейшему патриарху, иже по Божественной благодати кто в те времена будет; понеже те святыя обители строены на пустых местах по нашему благословению и избытком нашим от царствующего града Москвы и советом благочестивейшего государя царя и великаго князя Алексея Михайловича, всея великия малыя и белыя России самодержца, а не по благословении митрополитов и архиепископов и епископов; того ради не подобает к ним и приписывати, яко же и св. отец правила показуют; такожде и по достоянии и по избытку славы и по сочетании братства, пожаловать великому государю, велеть написание в степени. И егда будут соборы в царствующем граде Москве по указу великаго государя и по благословению святейшего патриарха Московскаго и всея России и всего освященнаго собора, и от тех свитых обителей архимандритов призывать в собрание и святую литургию служити невозбранно, идеже аще повелит брат наш и сослужитель святейший патриарх, а без благословения того чрез Божественные законы. [211] ничтоже им творить. А нуждою к мирским судом на суд нас и наших монастырей архимандритов, игуменов, и наместников, и строителей, и всего освященнаго чина по правилам св. апостол и св. отец и царских законов не привлачати; а которое будет дело дойдет, и про то сыскивать крепким сыском и решит и по правилам св. Апостол и св. отец и по царским законам. Да в прошлых годех будучи я, смиренный Никон Божиею милостию патриарх, в великом Новеграде митрополитом от бунтовщиков многие беды и напасти и увечья пострадал, правды ради, даже близь смерти, и своим многим долготерпением и напастьми и ранами и увечьем то злое дело их удержал, и со Псковичи советовать им не дал, и клятвою разорил; а они воры и бунтовщики посылали к Польскому и Свейскому королям о подданстве, и я о том о всем великому государю писал, многими ценами наимовал, и всякия у них тайныя дела выкупал и посылал к великому государю многими сторонними дорогами, и про то про все великому государю самому ведомо и свидетельствуют дела в Новгородской четверти; да ко мне же Псковичи писали, чтоб мне пристать к их злому совету и из иных многих городов присылали двойников и воровския письма, чтоб мне стоять с бунтовщики заодно; и я к их зломыслию ни к какому не приставал, и те изменные, злые советные их письма за руками великому государю подносил сам; того ради великий государь пожаловал меня богомольца своею многою милостию, великими дарами и деньгами, и я на те деньги купил вотчину подмосковную, сельцо Минеевское, да сельцо Ильинское с деревнями у Лаврентия Булатникова, а дал за те села шесть тысяче с лихвою, его государево жалованье, те милостынные деньги, а не Софийскаго дома казенные, и тому свидетельствуют книги, что те деньги не из казны даны, мои келейные, государево жалованье; да в тоже время пожаловал меня великий государь за мое злострадание в Новогородском уезде на [212] Петровском пороге, Михайловском погосте мужиков с полтораста, или с двести со всякими угодьи и с рыбными ловлями: и чтоб великий государь царь и великий князь Алексей Михайловиче всея великия малыя и белыя России самодержец, пожаловал меня богомольца своего, а честный сигклит и весь освященный собор приговорили, сельцо Минеевское, да сельцо Ильинское с деревнями для моей скудости и многаго терпения и крови отдате мне на пропитание, или по купчей деньги выдать, или вместо того где инде великий государь пожаловал бы деревнишку на пропитание; а я за великаго государя царя и великаго князя Алексея Михайловича всея великия малыя и белыя России самодержца и за государыню царицу и великую княгиню Марию Ильинишну, и за государя великаго князя Феодора Алексеевича, и за благородные царевны, и за честный сигклит, и за весь освященный собор и за все христолюбивое воинство, и за вся православныя христианы со всею братиею должен молити Бога. Такожде и в степени святейших Московских патриархов, имя наше да пишется непреложно по настоящему, и боголюбивым всяких чинов людем к нам приходити не возбраняти. И иже ради нашея любве, или своею простотою царское величество преогорчивши и прогневавши и суть заточени в дальних странах и в горких работах, да получат свободу и отпущение грехов по заповедех Божиих реченных: Егда молитеся стояще, и аще что имате на кого отпущайте согрешение их; по писанному: внемлите себе, аще согрешите к тебе брат твой запрети ему, и аще покается остави ему. А нам смиренному Никону, Божиею милостию патриарху, отныне лета 7173-го, а от воплощения Слова Божия 1665-го, генваря 14го числа, Московским и всея России патриархом неименоватися; а описыватися, по обычаю великих патриархов, в начале наших грамот посылаемых от нас: смиренный Никон Божиею милостию патриарх; такожде и во всякия духовныя дела Московскаго Государства и всея России не вступаться [213] и неведать и хранити мя твердо правило св. апостол и св. отец, иже утвердили: в чужей епископии ставленников не ставити, и никаких духовных дел без местнаго епископа веления не творити. А буде духовныя ради пользы случится нам на собор приити и в том нам не возбраняти и заседати под настоящим патриархом первее митрополитов, архиепископов и епископов, понеже и Григорий Богословец по отшествии своем на втором св. вселенском соборе был; тому свидетельствуют писания; аще и неции злоумнии порицают о сем и глаголют, что будто Григорий Богослов по отшествии своем священных недействовал: и то глаголют не праведно; о сем же многия его писания свидетельствуют; и аще бы не бы тогда по отшествии своем Патриархом именовался, небы и ныне славился от православных патриархом. А что в отшествиях своих огорчеваяся от великия кручины, жалуясь Господу Богу на царское величество и на честный сигклит и на священный собор суд Божий износил, и о том мне молити Господа Бога, яко да милостив Господь Бог будет им, и по власти данной нам от Господа Бога и Спаса нашего И. Христа, архиереям священнодействующим во святей Божией церкви, на земли оставляти грехи и решити всякий союз неправды, — и то нам по уставу св. отец святым молитвословием разрешити; и прах, его же отряжали от ног своих, исходя от царствующего града Москвы, став посредь града, и во всех градских вратах, изглашая Божественную заповедь глаголющую: Господи Иисусе Христе Боже наш, Ты рекл еси пречистыми не ложными своими устами: в он же колиждо град или весь внидите, испытайте, кто в нем достоин есть, и ту пребудите дондеже изыдете, входяще в дом целуйте его, глаголюще: мир дому сему, и аще убо будет дом достоин, придет нань мир вам; аще ли же ни, к вам возвратится; и иже аще не приимет вас, ниже послушает словес ваших, исходяще из дому или из града того, [214] отрясите прах от ног ваших; аминь глаголю вам отраднее будет земли Содомской и Гоморской в день судный неже граду тому; да исполнится граду сему и людем сим неприемлющим нас и изгоняющим; и некто от предстоящих стрелецких голов говорил: мы де выметем прах тот; и Никон патриарх противу того говорил: да разметет Господе Бог вас оною Божественною метлою, яже является на дни многи от востока и до запада, от севера и до юга, и от того времени она Божественная метла обратилась к Москве; и то аще и не всем, обаче многим ведомо. И мне, смиренному Никону, Божиею милостию Патриарху, молити Господа Бога, чтоб Господь Бог пременил отрясенный прах в свидетельство благословения и мир наш, яко на сынех мира, по заповеди Божией пребыл, и царствующему граду Москве не быти осужденну паче Содома и Гоморра; но дабы приял Господе Бог покаяние, якоже и Неневитян кающихся; и метла она Божественная дабы была в собрание и в защищение от навет вражиих, а обидящих нас во отмщение. А иже без правды на мя подвигли суд архиереи беззаконно и чрез вся Божественная правила; и мне тожде прощение дати и разрешити святым молитвословием, кто о том станет каяться и прощения просити; аще ли кто не покается и он буди под заповедию Божиею глаголющею: имже судом судить, осудится, и его же мерою мерит возмерится. Такожде и честный сигклит, бояре, кои злословили на нас без правды и клеветали на нас великому государю смутными винами, якоже Семен Лукьянович Стрешнев вопросы своими Газскому митрополиту, и Роман Бабарыкин, Иван Сытин и прочие вси, кождо сам свою совесть ведая, и поищут прощения, и вам тех разрешити и благословити и молити Господа Бога по Божественной заповеди: молитесь друг за друга, яко да исцелеете. А иже кто будет приобидел нас в чем либо житейском, вещах движимых и недвижимых, исправитися в правду полюбовно; аще ли и по сем кто, уклонялся [215] от великия Божественные правды, обратится на зло какое либо, или на досаждение, или на приобидение и на нем тажде да будет Божественная юза неразрешима, а нам в печалех своих прощено глаголати Божественныя Давида псалмы: Суди Господи обидящия мя, возбрани борющия мя, приимли оружие и щит и востави в помощь мою, изсуни оружие и запрети сопротив гонящия мя; и паки: Бог отмщения Господь, Бог отмщений и не обинулся есть, вознесися судяй земли, воздажде воздаяше гордым и пр. подобныя тем. Да как лили великий колокол и в то время ушла медь, а долить было нечим, а государевой меди столько не стало, а и давал своею медью; да у Ивана Щепоткина взято из лавки меди с пять сот пуд и та медь пошла в колокол ж; да ему же Ивану дана память на князь Ивана Ивановича Лобанова во сте пуд меда и он Иван Великому Государю в своей меди не бил челом, заверстал за ту медь пять сот пуд моею мяхкою рухледью, которая дана была ему продать, шелком и сафьяны и кисеями тысящи на полторы или на две, и того ради приобидения я его Ивана проклял: и в том бы прикащиком меж собою сделаться, и мне его по смирение разрешити и благословити; а что в колокол моей меди положено, и той меди дошло до меня пять сот пуд, и в том как он великий государь изволит. Сия тако исповедую и утверждаю; инако паче сего да не будет. А противу нашего изображения всего да дастся и нам писание от царскаго величества и от честнаго царскаго сигклита и от священнаго собора во свидетельство всякия правды.... И аще ли инако, чрез всея Божественныя законы и заповеди и любовной союз сбудется, яже о патриаршестве, по власти мира сего: то да неречется по правде патриарх, но яко прелюбодей и хищник и в место мира да будет меч Божий: не мните яко приидох воврещи мир на землю, не приидох бо во врещи мир, но меч, приидох бо разлучити человека на отца своего и пр.; и паки другое писание: всяко царство раздельшееся на ся [216] запустеет а всякий град т, или дом разделивыйса на ся не станет. Аминь.

Текст воспроизведен по изданию: Дело патриарха Никона. Историческое исследование по поводу XI т. "Истории России" проф. Соловьева с приложением актов и бумаг, относящихся к этому делу. СПб. 1862