№ 91.
1620 г., Сентября 25. Письмо инокини Марфы патриарху Филарету, о прибытии в Троицкий Сергиев монастырь.
Вышеестественному в подвизех и равноангелному изволением, превысочайшему во архиереех, богодохновенну в человецех, великому государю святейшему Филарету Никитичю, Божиею милостию патриарху Московскому и всеа Русии, старица Марфа вашему святителству челом бьет. По благословенно, государь, вашего святителства, по обещанию ж нашему, во обитель святыя и живоначалныя Троица сын наш, Великий Государь, Царь и Великий Князь Михайло Федорович всеа Русии и аз пришли Сентября в 24 день на вечер и всенощная пения и утреняя и молебная благодарения принести и божественныя литургии слышати сподобихомся. Молюжеся вашему святителству, да возелеши о нас ко всесилному Богу честныя твоя молитвы, яко да сподобит нас Бог достигнута царьствующаго града и равноангелное ваше лице видети в радости и руку, вашего святителства целовати и стопам вашим поклонится и челом ударити.
Отпуск писан столбцом, на одном листке. Внизу помета: Сентября в 25 день, из монастыря с жилцом с Васильем Одинцовым.