№ 90.
1620 г., Сентября 25. Письмо Царя Михаила Феодоровича патриарху Филарету, о прибытии в Троицкий Сергиев монастырь.
Пречестнейшему и всесвятейшему о Бозе отцу отцем и учителю Христовых велений, истинному столпу благочестия, евангилския проповеди рачителю, церковному благолепию, великому государю отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, вкупе же и по духу свойства, Царь и Великий Князь Михайло Федорович всеа Русии челом бьет. По благословению, государь, вашего святителства, по обещанию ж нашему, мы и мать наша, государыня благородная [82] старица инока Марфа Ивановна во обитель святыя и единосущныя Троица пришли есмя Сентября в 24 день к вечеру, и у целбоноснаго гроба великаго в чюдесех преподобнаго Сергия чюдотворца всенощная пения и утреняя славословия и молебная благодарения принести и божественныя литургии слышати сподобихомся; а из монастыря, государь, чаем пойти того ж дни на вечер. Молим же ваше святителство, да возслеши ко всемогущему Богу о нас и о матери нашей честныя твоя молитвы, яко да сподобит нас Бог в царствующий град притти здраво и святолепному вашему лицу поклонитися и с веселием целовати руку вашего святителства и челом ударити.
Отпуск писан столбцом, на одном листке. Внизу помета: Сентября в 25 день, из монастыря от Троицы, после обедни, с жилцом с Васильем Одинцовым.