№ 271.
1629 г., Июня 22. Письмо Царя Михаила Феодоровича патриарху Филарету, о прибытии на стан к Яковлевской роще.
Пречестнейшему и всесвятейшему о Бозе отцу отцем и учителю Христовых велений, истинному столпу благочестия, евангелския проповеди рачителю, недремателну оку, церковному благолепно, кормчию Христова карабля, неблазнено той направляющу во пристанище спасения, великому государю отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, изряднее же по духу свойства, Царь и Великий Князь Михаил Федорович всеа Русии челом бьет. Пожалуешь, государь, изволишь ведать про наше путное шествие: и, милостию живоначалные Троицы и великого в чюдесех преподобнаго чюдотворца Сергия и твоими, отца нашего, великого государя, благопоспешными молитвами, мы и сын наш, Царевич Князь Олексей, и жена наша, Царица Евдокея, и дщерь наша, Царевна Ирина, из села нашего Братошина на стан к Яковлевской роще пришли Июня в 21 день на вечер. Пожаловал ты, государь, писал к нам в своей государской святителской грамоте, с жилцом с Федором Шетневым, Июня в 20 день, возвещая нам о своем государском святителском душевном спасении и о телесном здравии, вкупе же и о нашем здравии и о сыне нашем, Царевиче Князе Олексее, и о жене нашей, Царице Евдокее, и о дщере нашей, Царевне Ирине, ведати изволил еси: и мы и сын наш, Царевич Князь Олексей, и жена наша, Царица Евдокея, и дщерь наша, Царевна Ирина, слыша о вашем государском душевном спасении и о телесном здравии, попремногу обрадовались, и на вашем государском святителском отческом благословении и жаловании много челом бьем. А с стану, государь, от Яковлевской рощи пойдем Июня в 22 день, сегодни. Молимжеся вашему превысочайшему святителству, да возслеши о нас ко всемогущему Богу честныя твоя и богоприятныя молитвы, яко да сподобит нас всесилный Бог, по благословению вашего святителства, по обещанию же нашему, достигнута пречестные и великие обители святыя и единосущныя Троицы и великого в чюдесех преподобнаго отца Сергия и тамо молитвы и благодарения принести и светло в радости духовней празновати, и оттоле к царствующему нашему граду Москве возвратитися здраво, и с веселием святолепное и равноангелное ваше лице зрети, и святителства вашего главу и руку целовати и стопам вашим поклонитися и челом ударити.
Отпуск писан столбцом, на двух листках. Внизу второго помета: 137-го, Июня в 22 день, с стану, идучи к Троице, от Яковлевской рощи послана с Федором Шетневым.