№ 16.
1619 г., Сентября 1. Письмо инокини Марфы патриарху Филарету, о прибытии в Ростов.
Изрядному во благочестии, достохвальному в подвизех, изящному в премудрости, великому государю и по духу отцу, святейшему Филарету Никитичю, Божиею милостию патриарху Московскому и всеа Русии, старица Марфа вашему превосходящему святителству челом бьет. Возвещаю, государь, вашему святителству: сын вашего по плоти благородства, вкупеж и мой, Царь и Великий Князь Михайло Федорович всеа Русии и с ним обще и я в Ростов пришли Августа в 31 день, на вечер, и святым местом, яже достоит по обещанию нашему, благодарения и молитвы припесохом; а из Ростова, государь, пойдем Сентября в 3 день. Молим же ваше преподобие, да незабвени будем в ваших святых молитвах, яко да сподобит нас Бог путь сей, нань же обещахомся, радостно прейти и паки в царьствующий град возвратитися здраво и весело, и целовати вашего святителства руку, и стопам вашим поклонитися и челом ударить.
Отпуск писан столбцом, на одном листке. Внизу помета: Послана с Григорьем Гарасимовым сыном Мартемьянова.