№ 11.
1619 г., Августа 29. Письмо Царя Михаила Феодоровича патриарху Филарету, о прибытии в Переславль-Залесский и о поклонении гробам Переславских чудотворцев.
Великому во архиереех, вышеестественному в подвизех, равноангельному жизнию, великому государю и отцу нашему, святейшему Филарету Никитичю, Божьею милостию патриарху Московскому и всеа Русии, сын вашего но плоти благородия, ныне ж и по духу сродства, Царь и Великий Князь Михайло Федорович всеа Русии челом бьет. Буди, государь, ведомо вашему превосходящему святительству, яко мы и мать наша, государыня великая старица инока Марфа Ивановна, по милости всесильнаго и вся содержащаго, в Троицы славимаго Бога нашего и вашими святыми молитвами, града нашего Переяславля доидохом здраво Августа 28 дня к вечеру и, по обещанию нашему, святым местом и цедбоиосным гробом Божиих угодников молебная, яж достоит по лепоте, отдали; а ис Переславля, государь, пойдем к Ростову Августа 30 числа. Ваше ж превосходящее святительство молим, да якож обычно вашему святительству молити всещедраго и человеколюбиваго Бога о всемирном устроении, сице и о нас и о матери нашей возслеши своя честныя и богоприятныя молитвы, их же ради сподобит нас человеколюбивый Бог путное се шествие неблазнено прейти, и паки к вам в царьствующий град возвратитися здраву и радостну, и руку вашего святительства целовати с веселием и по достоинству вашему святительству челом ударить.
Отпуск писан столбцом, на одном листке. Внизу помета: Со князем Иваном Вяземским, Августа в 20 день.