ПРОДОЛЖЕНИЕ ХРОНОГРАФА РЕДАКЦИИ 1512 г.

ЗА 1486-1550 гг.

/л. 1/ [Лета] 699[5] месяца сентября в 21 день, в 7 час нощи, родися великому князю Ивану Васильевичю сын Семион. Тое же весны апреля в 11 день отпустил князь великий Иван Васильевичь всея Руси воевод своих х Казани; князя Данила Дмитриевича Холмского, да князя Александра Васильивича Оболеньского, да князя Семена Романовича, да князя Семена Ивановича Ряполовьского, в четверг великий; а царя [259] Махметя-Аминя Казаньского отпусьтил князь велики на другой неделе по велице дни, во вторник, апреля 24-го. А пришли воеводы с силами под город под Казань месяца маия во 18 день, в четверг, на пятой неделе по велице дни. И взяша город Казань июля в 9 день и царя Алегама Казаньского изымаша с материю и сь его царицею и с двема браты и с се/л. 1 об./строю и сь его князми. Того же лета, июля 24, прииде весть великому князю, что город Казань взяли его воеводы, а пригонил с тою вестью князь Феодор Хрипун Ряполовьской. И князь велики Иван Васильевичь царя Махметяминя из своее руки посадил на царство в Казани, а коромольных князей и уланов полоненых казаньских смертию казнил и иных коромолников; а царя Алегама князь великий с царицею послал в заточение на Вологду, а матерь его и братию и сестру послал князь велики в заточение на Белоозеро в Карголом. Того же лета повелением великого князя Ивана Васильевича всея Руси основал полату велику Марко Фрязин на великого князя дворе, где терем стоял. Того же лета свершил Марко Фря/л. 2а/зин стрелницу на угле вниз по Москве, Беклемишевскую.

В лето 6996, месяца маия в 27 день, заложил Онтон Фрязин стрелницу вверх по Москве, где стояла Свибловская стрелница, а под нею вывел тайник. Того же лета, августа во 12 день, Павлин Фрязин Деббосит слил пушку велику. Того же месяца в 13 день, после обеда на 9-м часу дни, загореся церковь на посаде Благовещение на Болоте, и от того погоре от града и до Кулишки, мало не дошло до Всех Святых, да Покров в Садех да по Неглинну, а церквей тогда згорело 42. Того же [Отсюда идут события 6997 г. (см. ПСРЛ, т. XII, ст. 219).] лета прииде посол Николай от Римскаго цесаря Федрерика о любви и о дружбе. И князь велики, почтив его, и отпусти с любовию к его государю, да с ним же вмесьте отпустил своего посла Юрья Грека /л. 2а об./ Тарханиота к Федрерику с любовию. Того же лета, маиа в 16 [день], преставися коломенский владыка Герасим в Пахнотьеве монастыри. Того же лета, месяца маиа в 28 день, среду в 11 час дни, преставися пресвященный митрополит Геронтий всея Руси и положен на Москве в соборной церкви Успениа пречистыа, на северной стране. Тое же весны, июня [в] 11 день, посла князь велики рать свою на [260] Вятку, за их неисправление, князя Данила Васильевича Щеня да Григория Морозова и иных воевод со многими силами, и они шедше городы Вятские поимаше, а вятчан к целованию приведоша, а вятчан большпх людеи и с женами и с детми с Вятки сведоша да и агарьских князей. И приведоша их к великому князю. И князь велики вятчан земских /л. 2/ людеи по городом розсадил: в Боровску, в Кременьску, в Дмитрове, а агарьских князеи пожаловал, отпустил их в свою землю, а коромольников вятчан смертию казнил. Того же лета, августа в 9 день, на память святого апостола Матфея, священна бысть церковь Благовещение пресвятыя богородица на великого князя дворе. Того же месяца вь 20 день, на память святого пророка Самоила, священна бысть придел Василей Кесарейский у того же Благовещения.

Вь лето 6998, марта в 7 день, во 8-м часу нощи с суботы на неделю преставися благоверный и христолюбивый князь велики Иван Ивановичь всея Руси и положен бысть на Москве во Архангеле, идеже прародители его лежат, а жил 32 лета и 20 ден. [Переправлено: первоначально было 14.] Того же лета, июля в 9 день, прииде из Рима посол велико/л. 2 об./его князя Юрьи Грек Тарханиот, да с ним пришол посол Юрьи от короля Римского Максимьяна, Федрикова сына цесарева о любви и о дружбе. Того же лета, августа в 4 день, послал князь велики Иван Васильевичь в Волохи к Стефану воеводе Дмитреева сына Лихорева Ивана. Того же месяца в 5 день родися великому князю Ивану Васильевичю сын Андрей. Того же месяца в 9 день в четверг послал князь велики послов своих, Юрья Грека Тарханиота да дияка своего Василия Кулешина, [Окончание имени лешина надписано другими чернилами (лучше сохранившимися) вместо зачеркнутого шелева.] к Максимьяну, королю Римьскому, сь его послом сь Юрьем. Того же лета повелением великого князя Ивана Васильевича Петр арьхитектон Фрязин постави на Москве две стрелницы: едину у Боровских ворот, а другую над Костень/л. 3/тинооленскими вороты, да и ст[ену] совершив от Свибловские стрелницы до Боровитьских врат.

Вь лето 6999 повелением благоверного и христолюбиваго великого князя Иоанна Васильевича всея Руси сшедшимся в преименитый град Москву боголюбивым архиепископу и [261] епископом, благоверный же и христолюбивый князь велики Иван Васильевичь всея Руси возвещая им о избрании митрополит, и архиепископ Тихон [Вслед за этим тем же почерком, но более выцветшими чернилами, снова написано Тихон.] Ростовьский и епископы Нифонт Суждальский, Семион Рязаньский, Васиян Тверьский, Филофей Пермский. А Новгородский архиепископ Генадий прислав свою грамоту к братии своей, архиепископу и епископом, глаголя: «благословен, господь его же восхощет и пречистая мати божия [Слова пречистая мати божия приписаны внизу листа.] и великии чюдотворцы, такоже и государь нашь князь велики /л. 3 об./ Иван всея Руси и вы, братиа моя, православнии архиепископы и епископы, аз с вами, своею братиею, о том божественном и великом деле во единой воли и хотении». И по благодати божии и по избранию святого духа и изволением благовернаго и христолюбиваго великаго князя Ивана Васильевича и всех православных епископъв избраша архимандрита Симоновьского Изосиму, яко достойна суща и управляти богом порученное ему стадо. И возведен же на двор митрополичь месяца сентября в 12 день, а поставлен на митрополию всея Руси того же месяца в 26 день, в неделю. Того же месяца в 28 день прииде посол ис Чагадаи, от Иусей салтана, Уруса богатыря о дружбе и о любви. Тое же осе/л. 4/ни, октября в 17 день, по повелению благочестиваго великаго князя Ивана Василиевича государя всея Руси самодрьжца соборовали на митрополичи [дворе] господин пресвященный митрополит Изосима всея Руси и архиепископ Тихон Ростовский и епископы Нифонт Суздальский, Семион Рязанский, Васиян Тверский, Прохор Сарьский, Филофей Пермьский, архимандриты и игумены и священницы и старцы и весь священный собор рускиа митрополия на развратников вере крестиянской, на новгородского протопопа Гаурила, и на Захария черньца, и на Денисья попа Архангилского, и на Максима попа Ивановского, и на Василия попа Покровьского, и на Макарья диякона Никольского, и на Васюка зятя Денисьева, и на Самуху дьяка Николского и на их еди/л. 4 об./номысленники, хотящих развратити чистую и непорочную православную веру еже во Христа бога нашего, в Троицы славимаго, и погубити христово стадо [262] православное христьянство, и не возмогоша, сами сотрясошась, и вся мудрость их поглощена бысть. Такоже и на иконах написаному образу по человечьству господа нашего Иисуса Христа сына божия не покланяхуся, ни пречистые образу, ни святым его угодником, но хуляще и ругающе и ся глаголаху: «то суть дела рук человечьских: уста имуть и не глаголют и прочее подобни им да будут вси творящеи и вси надеющеися на ня». И божественную службу неподобно совершали, ядше и пивше, и тело христово ни во что же вменяюще и яко прост хлеб, и кровь христову яко просто вино и воду; и иные ереси многи творяще противно правилом святых /л. 5/ апостол и святых отец, их же не мощно писанию предати. И многих простых людей прельщаху своими ереси. И на соборе пред великим князем и пред митрополитом и пред епископы и пред всем священным собором тех своих ересей запрешася. Благоверный же и христолюбивый и истинный православию поборник, якоже вторыи благочестивыи царь Костянтин, князь велики Иван Васильевичь [В тексте буквы Ва написаны на полях справа возле строки тем же почерком и теми же чернилами.] всея Руси и со отцем своим святейшим митрополитом Зосимою и епископы и со всем священным собором Рускиа митрополиа, обыскав их скверныа ереси архиепископлим Генадиевым поданным списком, и по московьским свидетельством, тех еретиков новгородскаго протопопа Гаврила и Захарья че/л. 5 об./рньца и Денисья попа и сь их товарищи и единомысленники по правилом святых апостол и святых отец от святыя соборныя и апостольския церкви отлучиша и сану извергоша и проклятию предаша и вь заточение их розослаша, а чистую и непорочную православную веру подтвердиша и прославиша святую троицу во едином божестве неразделну и несозданну во трех составех, отца славяще, сына воспевающе и духу святому поклоняющеся, троицы во единицы и единицу вь троицы сердцем и устны исповедающе в веки. Аминь. Тое же осени, ноября вь 18 день, в четверг, поставлен Авраамий игумен Угрешский Коломне епископ пресвященным митрополитом Изосимою всея Руси. Тоже же земы, генваря в 1 день, при/л. 6/иде изь Волох Иван Митков сын Лихорева, да с ним прииде посол Стефанов Волоского Стецко. Того же месяца в 9 день, с недели на понедельник, во вторыи час нощи явися на небеси [263] звезда хвостата з запада хвост ея на восток з две сажени. Тое же зимы, февраля в 15 день, приде посол от местера Симеон Варм. Того же лета Петр Фрязин да Марко заложиша две стрелницы: Никольскую да Фроловскую. Тое же весны, марта в 26 день, князь велики послал на Печеру немец Ивана да Виктора руды искати серебряные, а с ними послал Андрея Петрова да Василия Иванова сына Болтина. Тое же весны повелением великого князя арьхимандрит Спасский Афонасей заложил церковь камену на Новом Преоб/л. 6 об./ражение господа нашего Иисуса Христа. Тое же весны, маиа в 23 день, в понеделник, згоре град Володимерь весь, и посады, и церковь Пречистые Рожество в монастыре внутре город[а] выгоре, и тело князя великого Александра Невского сгорело, а всех церквей во граде згорело 9, а на посаде 13, и много беды тогда градским людем и хрестияньству. Того же лета, июня, згоре град Углечь весь и на посаде погоре и за Волгою дворов болши пятисот згоре, а церквей згорело 15. Того же лета июля в 28 день, отпустил князь велики посла Стефанова Стецка, да с ним вместе послал князь велики своего посла к Стефану в Волохи Скурата Зиновиевича, а велел им итти на на Литву. Того же лета совершили церковь и полату камену на Симановском дворе у Ни/л. 7/колских ворот В[ведение] пресвятыя богородица. Того [ж лета Марко] да Петр Антоний [В тексте: Анаоний.] арх[итектон Фря]зове свершиша большу[ю полату князя] великого каменую на площади. Того же лета, августа в 1 день, приидоша на Москву послы князя великого от короля Римского Максимьана Федрерикова сына Юрьи Грек Тарханиот да дьяк Василей Кушелев, и привезли от короля грамоту докончалную, с золотою печатию ему дали, да и к целованию короля привели на тех грамотах, Того же лета Петр Антоний Фрязин совершил стрелницу Фроловскую.

В лето 7000-ное, сентября в 20 день, князь велики Иван Васильевичь поимал брата своего князя Андрея Васильевича на Москве и посадил его на Казенном дворе на Москве /л. 7 об./ [же, а по де]тей по его послал на Углечь... [Пропущено одно слово не поддающееся восстановлению — край листа оборван.] и князя Василия, княжь Ивано[ва сына Юрье]вича, да с ним многих детей [264] боярских и велел их поимати и посадити в Переславли. Они же сотвориша тако. Того же лета сентября, на Сергиеву память, князь велики Иван Васильевичь торг перевел от Троицы на городок в Радонежь. Того ж лета князь велики Иван Васильевичь послал Тверьские земли писати по-московски в сохи, а писал Тверь князь Феодор Олабышь, а Старицу писал Борис Кутузов, а Зубцов писал да Опоки Дмитрей Пешков, а Клин писал Петр Лобан Заболотской а Холм и Новой город — Андрей Карамышев, а Кашин писал Василей Карамышов. Тое же осени, октября во 8 день, приидоша на Мос/л. 8/кву Андрей Петр, Василей Иванов сын Болтина, что посылал князь велики с ними немець, Ивана да Виктора, на Печеру руды добывати серебряные. И оне, шед, нашли руду серебряную в великого князя отчине на реце на Цылме, не доходя Космы реки за полднища, а от Печеры реки за семь днищь, а места того, где нашли, на 5 верст, а от Москвы до тех мест пол-четверти тысящи верст, а нашли руду лет девятьдесять девятого августа во 8 день. Того же лета, ноября вь 13 день, священна бысть церковь Введение святыя богородицы на Симановском дворе, у Никольских ворот. Того же месяца ноября прииде ис Крыму князь Василей Ромодановской, да с ним прииде посол к великому князю от царя крымского Менгирея. Тое же осени, ноября во 18 день, приидо/л. 8 об./ша к великому князю Ивану Василиевичу всея Руси от короля Римского Максимьяна Фередрикова сына цесаря, Юрьи Делатар. Тое же зимы, февраля, повелением великого князя Ивана Василиевича пресвященный митрополит Зосима и архиепископ Генадей Великого Новагорода и Пскова придали свои из митрополии из архиепископьи из Новгородской церкви свои на Вологде, в городе и на посаде, епископу Пермскому Филофию в Пермскую епископью. Тое же зимы прииде посол к великому князю из Ыверьскиа земли от князя Александра именем Мурат. Того же месяца февраля прииде из Волох Скурат Зиновьевичь, да с ним прииде посол к великому князю Стефанов Волошьского воеводы Мушат. Тое же весны, марта, отпустил князь велики крымского посла, /л. 9/ да с ним послал своего посла к царю Мингирею в Крым Лобана Колычева. Тое же весны, апреля в 5 день, в четверг, вышел князь велики из своего двора из старого во княжь Иванов двор Юрьевича в новой и с великою княгинею с Софиею и с детми [265] своими и с невесткою, с великою княгинею Еленою, и со князем Дмитреем, со внуком, а старой свой двор велел розобрати. Того же месяца в 6 день отпустил князь велики посла Стефанова Мушата к его государю, в Волохи. Того же месяца отпустил князь велики Иван Василиевичь посла Максимьянова короля Римского Юрья Делатеря в свою землю к его государю. Тое же весны, месяца маия во 8 день, послал князь велики послов своих, Юрья Грека Тарханиота, да Михаила Кляпика Яропкина, да Ивана Волка Ку/л. 9 об./рицына х королю Римскому Максимьяну. Тое же весны послал князь велики дьяка своего Василья Кулешина рубити город Володимеря древяна по Васильеву окладу Мамырева. И срубиша его в два месяца. Тое же весны повелением великого князя Ивана Василиевича заложиша град на Немецком рубежи против Ругодива немецкого на реце Нерове, на Девичьи горе, на слуде, четвероуголен и нарече ему имя Иваньград. Тое же весны, маия в 17 день, Иван Спасителев Фрязин, каплан постриженый аугустинова закона белых чернцов, закона своего отрекся и чернечество оставил, женился, понял за себя Алексеевскую жену Серивана, и князь велики его пожалывал селом. Тое же весны, маия в 23 день, преста/л. 10/вися король Полский [В тексте: корь полотский.] Андрей Казимир, и сел на великом княжении Литовском сын его Александр, а на королевьстве на Полском сел Албрехт, а сына его болшого Владислава при его животе взяша его на Чешское королевство, а с Чехов на Угорьское королевство. Того же лета, месяца июля в 10 день, приходиша татарове Ординьские казаки, в головах приходил Темешем зовут, а с ним 200 и 20 казаков, во Алексин на волость на Вошан и, пограбив, поидоша назад. И приде погоня великого князя за ними, Феодор Колтовской да Горяин Сидоров и всех 60 человек да 4; и учинися им бой в поле, промежу Трудов и Быстрый Сосны; и убиша погони великого князя за ними 40 человек, а татар на том бою убиша 60 человек, а иные идучи татарове в Орду ранены, на /л. 10 об./ пути изомроша. Того же лета поставиша великому князю двор древян за Архангелом, на Ярославичьском месте. Того же лета от Фроловские стрелницы и до Николские заложиша подошву и стрелницу новую над Неглинною с тайником заложиша. Того же месяца [266] августа посылал князь велики Иван Васильевичь воеводу своего князя Феодора Телепня Оболеньского с силою ратною на город Мченеск за их неправду. И град Мченеск взяша и землю повоеваша и воеводу их Бориса Семенова сына Александрова изымаша и иных многих и приведоша их на Москву. Того же лета приехаша к великому князю служити князи Воротынские, князь Семен Феодорович да братаничь его князь Иван Михайловичь и с своими вотчинами. /л. 11/ Того же лета, августа, посылал князь велики Воротыньских князей, князя Дмитрея да князя Семена, на Литовскую землю, на град Масалеск. Они же, шедше, град взяша и сожгоша и землю повоеваша.

В лето 7001, 5 сентября, послал князь велики в Крым ко царю Менгирею крымскому посла своего Костянтина Заболотского, а в Волохи послал Ивана Андреевича Плещеева. Тое же осени, октября, прииде из Литвы посол к великому князю Ивану Васильевичу пан Станислав Глебов от князя Александра Литовского о порубежных делех. Тое же зимы, генваря в 11 день, прииде к великому князю служити ис Крыму царевич Абдылетиф Абреимов сын казаньского царя с послом великого князя с Лобаном Колычевым. Тое же зи/л. 11 об./мы, генваря, епископ Сарский Прохор остави епископью и соиде с Крутицы к Богоявлению в монастырь. Тое же зимы, генваря, казнил князь велики Иван Василиевичь князя Ивана Лукомского да Мятьяса Ляха, толмача латьского, сожьгоша их на Москве реке пониже мосту в клетке, да Олехна Селевиных торговою казнью, да Богдана, и Богдан умре от торговые казни, а Олехну головы ссекли, что они посылали з громотами и с вестми человека своего Волынцова к князю Александру Литовскому. А князя Ивана Лукомского послал к великому князю служити король полский Казимир, а к целованию его привел на том, что ему великого князя убити или окормити зелием, да и зелие свое с ним послал, и то зелие у него выняли; да сказал /л. 12/ князь Иван Лукомской на князя Феодора на Белского, что он хотел бежати от великого князя в Литву, и князь велики за то велел князя Феодора изымати, да послал его в заточение в Галичь. Тое же зимы князь велики Иван Василиевичь посылал воевод своих, князя Михаила Ивановича Колышку да князя Александра Васильевича Оболенского и иных воевод, со многою силою на литовьские грады: на Мезеческ, да на Серпееск и на [267] Опаков. Они же, шедше, грады взяша и села повоеваша, а Серпееск и Опаков сожгоша, а заставу великого князя Александрову литовьского, изымав, приведоша на Москву и земских больших людей, а черных людей и целованию приведоша за великого князя, и тако возвратишася. В то же /л. 12 об./ время посылал князь велики Иван Василиевичь воевод своих по град Вязму ратию: князя Данила Шеня да князя Василия Ивановича с силою. Они же, шедшее, Вязму град взяша и к целованию приведоша, а вяземских князей и панов приведоша на Москву, и князь велики их пожаловал их же отчиною Вязмою, и повеле им служити себе. Тое же весны, в вербную суботу, погоре град Кострома весь. Тое же весны, апреля в 16 день, на Радуницу, погоре град Москва нутр весь, развее остася двор великого князя новой за Архангелом а у Чюда в манастыри казна выгоре. Тое ж весны, маия в 3 день прииде посол из Мазоветские земли от Кондрата, именем Иван. Тое же весны, маия в 4 день поставлен Силуян старец /л. 13/, бывший игумен Угрешский, на епископство Сарское и Подоньское, на Крутицу, преосвященным митрополитом Зосимою. Того же месяца маия послал князь велики в Винецею и в Медиалан Мануила Ангелглова грека, да Данила Мамырева. Того же месяца маия отпустил князь велики Иван Василиевичь посла мазоветьского в свою землю, да с ним отпустил к мазоветскому князю Кондрату посла своего Асанчука Заболотского да Третияка Васильева сына Долматова. Того же лета, июня, пришел посол из Немец к великому князю от датского короля Ивана о любви и о братьстве. Того ж лета, июня, приидоша послы из Литвы от великого князя Александра: Андрей Олехновичь да Войтко Яновичь Клочко /л. 13 об./. Того же лета повелением великого князя, Ивана Василиевича град древян на Луках на Великих по старой основе. Того же лета повелением великого князя Ивана Василиевича церкви сносиша и дворы за Неглинною, и постави меру от стены до дворов 100 сажень да 10. Того же лета поставиша стену древяну от Николские стрелницы до тайника до Неглинны. Того же лета повелением великого князя копаша ров от Боровитские стрелницы и до Москвы до реки. Того же лета приходиша татарове ординьские изгоном на Резанские места и взяша 3 села и поидоша вскоре назад. Того же лета, июля в 16 день, во вторник, в 11 часу дня, зажже гром с молниею [268] верх маковицы болшия, тес /л. 14/ под железом у соборные церкви Успениа Пречистые на Москве, а внутри церкви мало попалило на царских дверех, да половина опоны сгорела на амбоне, да два болванца древяных розразило под амбоном, а верх вскоре угасиша, и божиею милостию церкви не бысть пакости ничтоже. А и в той же день в Володимере Успение Пречистые церкви Благовещение бурею сломило. Того же лета, июля в 28 день, в неделю, в 7 часу дни, загореся церковь, от небеснаго огня, на Песку святый Никола, и в том часу вста буря велия зело и кину огнь на другую сторону Москвы реки и ко Всем Святым, оттоле за Неглинну к каменой церкви, к Егорию святому. И в том часу нечислено нача горети во мнозех местех, и выгоре посад за Неглинною, а от Духа святого по Черторию и по Борис и Глеба на Орбате /л. 14 об./ и до Петровской слободы, а за Москвою от Софии святыи выгоре до Иакима и Анны, а из Заречья во граде загореся великого князя двор и великии княгини, и оттоле на Подоле житницы загорешася и двор новой великого князя за Архангелом выгоре, и у Пречистыя олтарь огоре под немецким железом и митрополичь двор выгоре и во граде вси алачюги выгореша, понеже бо той не поспеша ставити хором после вешняго пожару, и церковь Ивана Предотечю у Богородских ворот выгоре и западе, а в церкви поп згоре, а под церковью казна княгини великие Софьи выгоре, и Богородская стрелница выгоре и градная кровля обгоре и новая стена древяная у Никольских ворот сгоре, и из города торг загореся и оттоле посады /л. 15/ горе возле Москву по Зачатия на Востром конце и по Васильевской луг и по Все Святые на Кулишке и оттоле по Ивана Богослова и по Старую Троицу, и Сретеньская улица вся выгоре и до Всполья и церковь каменая Сретение огоре. И много бо тогда людем скорби бысть, болши двоюсот человек сгоре людей, а животов безчисленно выгоре у людей. А все то погоре единого полудни до нощи, а в летописце старые люди сказывают, как Москва стала, таков пожар на Москве не бывал. Тогда князь велики стоял у Николы у Подкопаева у Явузы во христьянских дворех. Того же лета, июня пришел посол Немецкие земли к великому князю от датского короля Иоана о любви и о братьстве, и князь велики, почтив посла его, отпусти его в /л. 15 об./ свою землю, да с ним вместе послал князь велики своих послов г датскому [269] королю к Ивану с любовию же и с братьством Дмитрея грека Ралева Палеолого да Дмитрея Зайцева. Того же лета, июля, приидоша на Москву послы великого князя от короля римского Максимьяна; Юрьи Грек Тарханиот, да Михайло Кляпик, да Иван Волк Курицын. Того же лета митрополит Зосима постави 3 келии камены с подклеты на своем дворе.

В лето 7002-ое погоре Рязань вся. Того же лета прииде из Волох Иоанн Андреевичь Субота Плещеев, а из Крыму Костянтин Заболоцкой, а шли Полем и грабили их на Поле татарове. Тое же осени, ноября в 6 день, преставися князь Андрей Васильевичь, а сидел /л. 16/ в тюрме на Москве, на Казенном дворе, два году и 47 дний. И положиша иво у Архангиле на Москве, у северских дверей. Того же лета, в 10 день ноября, в неделю, вшел князь велики в новой двор жити во граде на Москве, а стоял после пожару у Николы у Подкопаева на хрестьяньских дворех. Того же лета, в 16 день, отпустил князь велики крымского посла, да с ним вместе послал князь велики в Крым к царю Мингирею своего посла Костяньтина Малечкина. Тое же зимы, генваря в 17 день, приидоша на Москву литовские послы к великому князю Ивану Василиевичю от великого князя Александра Литовскаго о миру и о сватовьстве, пан Петр Яновичь, да пан Станислав Яновичь, да Воико Клочко, да Федко писарь. И князь велики /л. 16 об./ Иван Василиевичь всея Руси взят мир вечной и докончание с зятем своим, с великим князем Александром Литовским, братьство и любовь, да и дщерь свою княжну Елену обручал за великого князя Александра Литовского. Тое же весны, марта в 9 день, послал князь велики послов своих в Литву к зятю своему, великому князю Александру Литовскому, князя Василья Косово княжь Иванова сына Юрьевича, да князя Семена Ивановича Ряполовьского, да дияка Феодора Курицына свершити сватовство миру и привесьти к целованию князя великого Александра Литовского на докончальных грамотах. Они же, шедше, сотвориша тако и оттоле возвратишася и приидоша на Москву маия в 25 день, в неделю. Тое же весны, маия 17-го, ми/л. 17/трополит Зосима остави митрополию не по своей воли, и соиде с митрополии в келию на Симоново в монастырь. Того же лета, маия, преставися князь Борис Васильевичь Волоцкой, и привезоша его на Москву и положиша в церкви архангила Михаила. Того же лета [270] отпустил князь велики Иван дщерь свою Елену за великого князя Литовьского за Александра Андреевича, а приходиша по нее князь Александр Лшаньской, да пан Ян Забережский, да Юрьи Зиновьевич, а своих послов князь велики послал и з женами: князя Семена Ивановича Ряполовьского, да Михайла Яковлича Русалку, да дьяка Василья Кулешина и иные многие дети боярьские двора великого князя, и проводивь ю, возвратися на Москву. Того же лета приидоша пос/л. 17 об./лы великого князя на Москву, Мануило Ангелов Грек да Данило Мамырев, что посылал их князь велики в Веницею и в Вадиалам. Того же лета приидоша послы [слы написано над строкой.] к великому князю на Москву из Немец, от датского короля Ивана, именем Давид.

В лето 7003-яго послал князь велики в Новгород Великий дияка Василья Жука да Данила Мамырева, а велел переимати в Новегороде гостей немецьких, колыванцев, за их неисправление, да и товар их переписати и запечатати. Того же лета князь велики велел дворы сносити и церкви за Москвою против города. Того же лета заложи стену на Москве камену возле Неглинны не по старой основе. Того же лета послал князь велики послов своих в Литву /л. 18/ о своих делех: Бориса Кутузова да дьяка Андрея Майка.

В лето 7004-го посылал князь великий воевод своих в болшем полку: князя Данила Василиевича Щеня да Якова Захарьича с тверьскою силою и с новгородскою, да с ними многих детей боярьских на свитские немцы под Выбор. Они же, шедше, начаша жещи и сечи и в полон вести, якоже есть обычай ратным, и сотвориша землю Немецкую пусту, а Выбора не взяша. Того же лета [На полях киноварью вынесено осени.] приехаша на Москву от великие княгини Елены из Литвы осланы останочныя бояре: князь Василей Ромодановьский, да Прокофей Скурат Зиновьев, да Дмитрей Пешков, да поп Фома Леготас и иныи мнози, да с ними же приехал к великому князю служити боярин из Царяграда именем /л. 18 об./ Феодор Лыскарь с сыном. Того же лета поставлен на митрополию Троецкой игумен Сергиева монастыря Симон.

О поезде великого князя в Новгород. Тое же осени, октября, во вторник поиде князь велики Иван Васильевичь в отчину [271] свою в Великий Новгород, а с ним сын его князь Юрьи, да внук его князь Дмитрей, а на Москве остави у великие княгини Софьи сына своего князя Василия с меншею братиею, а в Новгород прииде ноября в 17 день, во второник. Тое ж осени Крутицкий епископ Силуян остави епископию и прииде в монастырь на Угрешу. Тогда же бывший митрополит Зосима у Троицы в Сергиве монастыре причащался таин на орлецы, во всем святительском чину. Тое же /л. 19/ осени послал князь велики воевод своих с Москвы на немцы под Выбор, Якова Захарьича, да князя Данила Александровича Пенка, князя Семена Романовича, да с ними иных воевод князей и детей боярьских многих да и поместных детей боярьских из Новагорода многих, да и псковичь всехь на немцы под Выбор. А пошли со оспожина дни с Москвы, и падежь велик на них учинися людем, а землю вывоевали. Тое же зимы, генваря, из Новагорода послал князь велики Иван воевод своих; князя Василия Ивановича Косово да Ондрея Феодоровича Челяднина на немцы на свитские в Гамскую землю, зима была толды столь студена: плесни воду из судна вверх, ино на землю ледени падут. Тое же весны послал князь велики Иван князя Ивана да кня/л. 19 об./зя Петра Ушатых на Каенскую землю, на десять рек. Тое же зимы приходил Мамук, князь Шибаньский, к Казани. Того же лета прибежал царь казаньский Магмед-Аминь, Абреимов сын, и с царицею на Москву к великому князю. Того ж лета пожаловал князь велики Иван [В тексте Иван повторено дважды.] Васильевич, отпустил на Казань Абдеолетифа Абреимовича на братне место Магдеаминево, а с ним послал посадити его на царство князя Семена Даниловича Холмскаго да князя Феодора Большего Ивановича Палецкого на рожество христово. Того ж лета пришли из Замория немцы и взяша Иваньгород, а наместник был князь Юрьи Бабич, тот из города уйде.

В лето 7005-го Стефан, воевода воложьский, побил короля польсково /л. 20/ Голбрехта в своей земле, впустя его в крепости. Того же лета была великая княгиня Рязаньская на Москве у брата у своего у великого князя Ивана Васильевича. Тое же зимы отпустил ее [ее вписано над строкой.] князь велики на Рязань свадьбы [272] для, а дала дочерь свою за князя Феодора за Бельсково за Ивановича. Того же лета, сентября в 13 день, послал князь велики Иван Васильевичь всея Руси послов своих Михаила Андреевича Плещеева в Царьград, а князя Ивана Звенца в Крым к Миньгирею царю. И Михайло Андреевич пришол на Москву лета 7006-го февраля в 22 день; а князь Иван Звенец в Крыме измер, и привезли его на Москву и положен бысть у Пречистой на Голутвине месяца февраля /л. 20 об./ в 25 день.

В лето 7006-го, февраля в 4 день. На память преподобнаго отца нашего Сидора Пилусиотскаго, в неделю яже о мытаре и о фарисеи, в 4-м часу дни, поставил князь велики Иван Васильеви[ч] всея Руси внука своего князя Дмитрея Ивановича на великое княжение в соборной церкви Пречистые честнаго ея Успения пред святым собором при господине митрополите Симоне всея Руси и при архиепископе и епископех и при архимандритехь и при игуменех: архиепископ Ростовский Тихон, Суздальский епископ Нифонт, Тверьский епископ Васьян, Рязаньский епископ Протасей, Коломеньский епископ Авраамей, Сарьский епископ Еуфимей, архимандрит из Володимеря от Рожества Пречистые [Слово Пречистые написано на полях; сначала было написано слово Христова, позже перечеркнутое.] Тихон, Спасский архимандрит Афона /л. 21 об./ сей, игумен Троецкий Сергиева монастыря Серапион, а с ним были старцы: бывший архимандрит Спасский Елисей, да Сава старец, да Вениамин, да келарь Васиян, да Михайлова Чюда архимандрит Феогнаст, Андрониковской архимандрит Антоней, Кириловской игумен Макарей. Того лета въсполелся князь велики Иван Василиевичь на свою великую княгиню Софью, да и на сына своего князя Василия, да и жалобу сотвори перед митрополитом Симоном, и пред архиепископы и епископы и предо всем священным собором, да в той же опале казнил князь велики Володимера Елизаровича с товарищи. А бояр у великого князя: князь Иван Юрьевичь Москву держал, да сын его князь Василей, да Яков Захарь/л. 21 об./ичь, да князь Семен Ряполовской да князь Данило Пенков, да князь Александр Оболенский, да князь Семен Романовичь да князь Петр Нагой, да Юрьи Захарьичь, да Андрей Феодоровичь на Новегороде, да Семен Брюхо, да Иван Чебот, да Тимофей Юрло, да Петр Плещеев, да Григорей Мамонов, да Лобан Колычев, Лобан [273] Заболоцкой, Григорей Федов, Дмитрей Володимеров, князь Борис Туреня, Иван Шадра; а дьяков великаго князя: Иван Кобан, Волк Курицын, Феодор Курицын, Василей Кулешин, Александр Безобразов, Василей Жук, Никифор Кобелев, Василей Бобр, Андрей Майко, Алексей Щекин, Данило Мамырев, Василей Дыдылда, Иван Волынцов, /л. 22/ Суморок Вокшорин. Тое же зимы, февраля посадил князь велики Иван на великое княжение на Владимерское и на Московское внука своего князя Дмитрея Ивановича. Велел князь велики поимати бояр своих: князя Ивана Юрьевича з детми, да зятя его князя Семена Ряполовского велел казнити, головы ссечи, а князя Ивана да сына его князя Василия в черньцы отпустил.

В лето 7007-го генваря. Тое же зимы князь велики Иван пожаловал сына своего князя Василия, а нарекл его великим князем, а дал ему Новгород Великий и Пьсков. Того же лета послал князь велики Иван воевод; князя Семена Курбского, да Петра Ушатого, да Василия Бражника на Угорьскую землю.

В лето 7008-го, марта, прииде /л. 22 об./ весть к великому князю Ивану, что Урак привел на Казань Авалака царевича; и князь велики послал к царю Абдылетифу на помощь воевод своих князя Феодора Ивановича Бельсково и иных своих многих воевод. Того же лета приходиша татарове ординьские под Козелеск, и князь Иван Воротыньской, да и Одоевские князи, да Василей Петров сын Плещеев с братом, догонив их в Поле, да полон весь возвратили, а их побиша, а иных, переимав, к великому князю прислали на Москву. Того же лета, февраля, дал князь велики Иван дочь свою Феодосию за князя Василия за Холмского. Тое же весны, маия, преставися князь велики Иван Васильевичь Рязаньской. Того же лета брань бысть великому /л. 23/ князю Ивану с великим князем Александром Литовским, что нудил великого жнязя дочерь, а свою великую княгиню Елену от греческаго закона к рымскому закону, да и всех князей русских, которые служили в Литве. Того же лета за ту нужу отъехал к великому князю Ивану служити князь Семен Ивановичь Бельской и с вотчиною. Того же лета прислаша к великому князю бити челом князь Семен Ивановичь Можайской за князь Василей Ивановичь Шемячич, что на них пришла великая нужа о греческом законе; и князь велики бы их взял к себе и с вотчинами служити. И князь велики их пожаловал: [274] в службу и с вотчинами принял, а против их послал воевод своих Якова Захарьича и иных своих воевод; и Яков /л. 23 об./ шед в Литовскую землю, Брянеск взял, а оттоле пошел ко князем, да со князьми сшедшися, и Путивль взяша. Того же лета послал князь велики боярина и воеводу Юрья Захарьича и иных воевод к Дорогобужу, и они, шед, Дорогобужь взяли. И князь велики Александр Литовской послал на великого князя воевод, на Юрья Захарьича, воевод своих князя Костяньтина Острожьского и иных своих воевод. И князь велики Иван, услышав то, послал к Юрью на помощь боярина своего и воеводу князя Данила Васильевича Щеня и иных своих воевод с тверьскою силою. И снидошася воеводы великого князя с литовьскими воеводами на речке на Ведроше на Миткове поле. И бысть имь бой месяца июля в 14 день, на /л. 24/ память святого апостола Акилы. И помо[же] бог великого князя воеводам: литовских воевод и людей многих побили, а князя Костянтина Острожьского и иных воевод поимали и к великому князю прислали.

В лето 7009-го преставися дщерь великого князя Феодосия, княжь Васильева княгини Холмского.

В лето 7010-го послал князь велики слуг своих князя Семена. Ивановича Можайского да князя Василия Ивановича Шемячича, да с ними боярина и воеводу своего князя Александра Володимеровича Ростовского и иных своих воевод Литовские земли воевати. И прииде ко граду ко Мстиславлю, и встрете их из града князь Михайло Ижеславской и иные литовские воеводы. И бысть им бой под Мстиславлем, /л. 24 об./ и одолеша князи и воеводы великого князя литовьских воевод и семь тысящь литовских людей убиша, а иных изымаша, а князь Михайло Ижеславьской в город едва утече. Тое же осени послал князь велики воевод своих князя Данила Александровича Пенка, да изо Пскова велел итти воеводе своему и наместнику Ивану Горбатому со псковичи на Немцы. И немцы, собрався со многою силою, и встретиша великого князя воевод на реце на Серице безвестно; и великого князя воеводы не успели вооружатися и многие люди травилися с ними без доспехов, да и отидоша прочь. И прииде на помощь ко князю Данилу к Пенку от великого князя воеводы: князь Данило Васильевичь Шеня да князь Алексан/л. 25/др Васильевичь Оболенской, и два князя Данила, совокупяся, пошли на Немецкую землю. [275] И немцы против их не сташа, сели по городом, а великого князя воеводы Немецкую землю плениша и полону безчислено выведша. И приидоша на великого князя воевод немцы под Гермою городом ночи, безвестно. И бысть им бой, и великого князя воеводы многих немец побиша, а на том бою одного князя Александра Васильевича Оболенского, и воеводы выидоша на Иваньгород. Тое же зимы послал князь велики Иван князя Василия Ноздроватово да дияка Ивана Телешова, а велел поимати царя казаньского Абделитифа, Абреимова сына, за его неправду. И они, шед в Казань, царя поимаша и к Москве приведоша. И князь велики послал его в заточение на Белоозе/л. 25 об./ро, а на Казань князь велики пожаловал отпустил старого царя казаньского Махмед-Аминя, Абреимова сына. Тое ж зимы, марта, приходиша немцы к Иванюгороду, и бысть им бой над Иванемгородом, и на том бою убьен бысть Лобан Колычев. Тое же весны, апреля, князь велики положил опалу свою на внука, на великого князя Дмитрея Ивановича, и на матерь его, и посадил их за приставы. Того же лета, априля, князь велики Иван пожаловал сына своего князя Василия, посадил его на великом княжении на Владимерском и на Московском. Того же лета Крымски царь Минлигирей побил Шиахмата царя Болшие Орды и Орду взял. Того же лета, июня, отпустил князь велики /л. 26/ ратию к Смоленьску сына своего князя Дмитрея Литовские земли воевати. Того же лета приходиша немцы ко Пскову, и бысть им бой тогда на Смолине.

В лето 7011 преставися благоверная и великая княгини София, великого князя Ивана Василиевича всея Руси. Того же лета соборовал Симон митрополит со архиепископы, что отставления от попов не имати, ни вдовцем попом, ни дьаконом не служити, а на том запись написали и руки свои приклали.

В лето 7012 священна бысть церковь святого архистратига Михаила и честнаго его чюдеси. Того же лета, ноября, преставися княгини Ульяна, княжь Борисова Василиевича Волотского, и тогда князь Феодор Борисовичь после ея женился, /л. 26 об./ а брат его меншей князь Иван Борисовичь разболелся на свадьбе его да и преставился. Того же месяца князь велики Иван и с сыном своим с великим князем с Василием выехал с Москвы, был у Троицы в Сергиеве монастыре, а оттоле в Переславле и в Ростове да и вь Ярославле. Того же лета сведен бысть со [276] архиепископьи с Новгородские Генадей и приведен бысть на Москву, и князь велики велел ему жити у Михайлова Чюда.

В лета 7013 князь велики Иван со отцом своим с Симоном с митрополитом и с епископы обыскаша еретиков Волка Курицына и его товарищов, и повеле их сжечи. Того же лета безбожный царь Магмед-Аминь, преступивше ротные грамоты, в Казани посла великого /л. 27/ князя Михайла Кляпика поймал, а людей торговых переграбил, а иных иссече. Тое же зимы, генваря, преставися великая княгини Ивана Ивановича Елена Волошенка.

В лето 7014 князь велики Иван женил сына своего великаго князя Василия, а взяли за него [Далее киноварью зачеркнуто дого] дочерь Юрья Костянтиновича Сабурова Соломонию. Того же месяца сентября приходил царь Магмед-Аминь казаньской под Нижней Новъгород, а стоял под городом два дни, а городу не успе ничьтоже, а на третей день и прочь пошел. Тое же осени, октября в 27 день, преставися благоверный великий князь Иван Василиевичь всея Руси, и всех лет поживе 66 и 9 месяц; а сынове его: князь велики Иван от тверянки, а от Софии князь велики /л. 27 об./ Василей, еже и сиде по нем на великом княжении, князь Юрьи, князь Дмитрей, князь Семен, князь Андрей. Тое же осени крещен бысть Петр царевичь, Абреимов сын, царя казаньского, и дал за него князь велики сестру свою великую княжну Евдокию. Того же лета, маия, послал князь велики под Казань брата своего князя Дмитрея Ивановича и воевод своих на казаньского царя Магмед-Аминя, Абреимова сына. Того лета, августа, преставися зять великого князя, князь велики литовский Александр Андреевичь, и сиде по нем на великом княжение на Литовском брат его Жигимонт,

В лето 7015 священна бысть церковь во граде на Москве Николае Чюдотворец Гостунский. В лето 7016 послал /л. 28/ князь велики воевод своих князя Данил[а Васи]лиевича Щеня да Якова Захарьича и иных своих воевод, ко Мстиславлю Литовские земли воевати. Тое же зимы отъехал от короля к великому князю служити князь Михаило Глинской; и князь велики его пожаловал, принял и сь его братиею. Тое же весны, априля, отпустил князь велики [277] воевод своих, Якова Захарьича и иных своих воевод, Литовьские земли воевати. Тое же весны, маия в 7 день, вшол князь велики Василей в новой двор кирпичной жити. Тое же весны повеле князь велики подписати Благовещение на своем дворе. Того же лета была засуха в Великом Новегороде, половина города, торговая сторона, выгорела, а людей сгорело 2700 человек.

В лето 7017 сентя/л. 28 об./бря приидоша к великому князю послы; пан Станислав Глебовичь, да Ивашко Сопега, да Войтех Нарутов, да писар Ивашко Богданов, о миру от короля Жидимонта. И князь великий взя с королем мир и о докончание боярина своего ные грамоты. Тое же осени, ноября, священна церковь в городе на площади Михайло Архангел. Того же месяца ноября поимал князь велики князя Василия Холмского, в тюрме и преставися. Того же месяца ноября послал князь великий в Литву Жидимонту королю о миру и о докончание боярина своего Григорья Феодоровича, да конюшего своего Ивана Андреевича Челяднина, да соколничего Михайла Кляпика Яропченка, да дьяка Губу Моклокова. Тое же зимы, февраля, князь велики Дмитрей Ивановичь внук... [Недостает одного листа, текст которого можно приблизительно восстановить по рукописи М. 607 (см. ПСРЛ, т. XXII, стр. 516-517).].

/л. 29/ [В лето 7020 приходили крымские царевичи Ахмат-Кирей да Бурнаш на великого кня]зя украйны, на Одоевские места и на Воротынские. Того же лета, июля, Махмут царевичь крымской пошел бы на Рязань... [Пропущено слово (то же и в рукописи М. 607).], что воеводы стоят великого князя на Осетре, и возвратися, а воеводы великого князя ходили за ним до Сернавы.

В лето 7021-го Бурнаш царевичь приходил на Рязань и острог взял, а граду не успе ничтоже и отиде. Тое же осени прииде весть к великому князю, что король приводил на великого князя украины крымских царевичев, и князь велики послал к нему за то с розметными грамотами, а сам поиде к Смоленску [Окончание слова оленску приписано на подклеенном листе бумаги почерком XVIII-XIX вв.] ратью и много зла учинивше [гра]ду [Так же приписано ше городу] Смоленьску и землю Литовскую пленив [Так же приписано пленив] возвратися. Тое же зимы [фе]враля, преставися великая княжна Елена, Петрова жена, [278] царевичева. Тое же /л. 29 об./ весны, маия, преставися князь Феодор Борисовичь Волотской. Того же лета, июня, поиде князь велики Василей Ивановичь всея Руси вдругие с Москвы к Смоленску. И пришед в Боровеск, и стоя в Боровску, а из Боровска поиде к Смоленьску.

В лето 7022 пришед князь велики к Смоленску, и город обступиша, а землю Литовскую пусту учиниша, и возвратися назад к Москве. Того же лета прииде на Москву от цесаря Максимъяна посол, именем Юрьи Снитценпомер по любви, и князь велики взя с цесарем братство и любовь и докончание. Тое же весны, маия, прииде на Москву от турского салтана Салимшах-Хандикеря из Царяграда посол, именем Камал. Того же лета, июня, поиде князь велики втретьи с Москвы ратью к Смоленьску, а с ним братия его кня/л. 30/зь Юрьи да князь Семен, и город Смоленескь взяли месяца августа в 1 день; и посади в нем намесника своего князя Василия Василиевича Шуйского. Тогда же князь велики послал князя Михайла Глиньского на Дрютские поля и иных своих воевод беречи от своего недруга вотчины своее Смоленска и иных мест. И князь Михайло Глинской тогда изменил, ссылался с королем, и воеводы великого князя князя Михайла поимав, послали к великому князю. А королевы воеводы [оеводы приписано на полях, на приклеенном лоскуте бумаги почерком XVIII-XIX вв.] тогда пришли на великого князя [Так же приписано язя] [во]евод безвестно, и бысть им бой п[од Оршею], и много с обеих стран людей паде [по] грехам.

Тогда Литовские земли [люди] на том бою взяли князя [Миха]ила да князя Дмитрея Ивановича Булгаковых и Ивана Андреевича, к[ня]зя Ивана Дмитреевича Пронского и иных /л. 30 об./ воевод. Тое же зимы поставлен бысть Иосиф, архимандрит Чюдовский, на епископию в Смоленеск. Тое же зимы отпустил князь велики турского посла Комала, а с ним вместе к салтану послал князь велики посолством Василия Андреевича Коробова. Тое же зимы отпустил князь велики цисарева посла Якова Догторова, а с ним вместе послал к цесарю посолством Алексея Григорьева сына Заболотского. Тое же весны Минлигирея царя Крымского в животе не стало, а по нем седе на царство Маахмед-Кирей салтан. [279]

В лето 7025-го прииде посол [от] цесаря, именем Жидимонт. Того же лета приходили татарове крымские на Тулу, и на Безпуту и тогда их многих побили по ле/л. 31/сам и по крепостем.

В лето 7026 король польский [В тексте: полотский] Жидимонт послал к великому князю послов своих Яна Щита да писаря Богуша, а сам король в ту пору [Слова в ту пору написаны снова и зачеркнуты киноварью.] пошол к Полотску со всем нарядом. Да ис Полотска отпустил воевод своих к городу к Опочке, князя Костянтина Острожского и иных многих воевод. Тогда из города из Опочки наместник Василей Михайловичь Салтыков под городом многих людей побиша. А от великого князя перед болшими воеводами шли вперед к Опочке воеводы: князь Феодор Лопата да Ив[а]н Васильевичь Лятской, и, пришод к [О]почке, в дву местех, многих литовских людей побили, и князь Кост[я]нтин Острожьской побежа вско[ре] от города от Опочки посрамлен. /л. 31 об./ Тое же осени, ноября, приходили татарове крымские на Путивльские места, и князь Василей Шемячичь ходил за ними до Сулы, да многих татар побил, а иных многих, поимав, прислал к великому князю. Того же лета, июня в 26 день, преставися брат великого князя князь Семен Ивановичь.

В лето 7027-го повеле князь велики розобрати внутри городе церковь старую Вознесение, а новую заложил. Того же лета священна бысть церковь кирпичная Леонтей Ростовский чюдотворец за Неглинною. Того же лета священна бысть церковь Введение святыя богородицы на Встретенской улице. Того же лета Олексей чудотворец многих людей простил, различными недуги одержимых. Того же лета Магмед-Аминя царя казань/л. 32/ского в животе не стало. Тое же в[есны] жил князь велики в Острове от месяца маия до Петрова заговения, а приехав на Москву, летовал в Воронцове. Того же лета посылал князь велики Литовские земли воевати воевод своих князя Василия Васильевича Ш[у]йского да князя Михаила Васильевича Горбатого и иных своих воевод; он[и] же ходили до самыя Вилны.

В лет[о] 7028 князь велики Василей Ивановичь всея Руси со отцем своим Варл[а]мом, митрополитом всея Руси, отпустиша и проводиша святыя ико[ны], иже принесени быша от Владимеря [гра]да на Москву, многими леты обет[ша]вша на [280] обновление. Того же лета совершиша на Туле город камен. Тое же зимы митрополит Варлам [по]стави Иону, Симановского архима[н]/л. 32 об./дрита на Ростовскую епископию на Вологду.

В лето 7029, февраля в 14 день, преставися князь Дмитрей Иванович, брат великого князя, Тое же весны казанцы сеит и уланы и князи и мурзы и вся земля великому князю свою правду изменили, взяли к себе на Казань царем ис Крыму царевича Сап-Гирея, Минлигиреева сына, а что посажен был от великого князя на Казани Шигалей царь, и они того царя и с царицею ис Казани выслали, а великого князя гостей переграбили. И Шигалей царь и с царицею приехал на Москву к великому князю. Того же лета, июля, безбожный крымский царь Магмед-Гирей, Менлигиреев сын, забыв своея клятвы правду, с своею братиею и с своими детми и со всею Ордою з Заволскою и с Нагаи, и да с ними же /л. 33/ был от короля от литовского Даш[к]ов сын Осташь сын вскоре прииде б[езве]стно на великого князя отчину на Р[язан]ские места и на Коломеньские и Рязань город, проиде вборзе, и Оку реку перелезли, и Коломеньские места воевали и плену не мало собрали. Князь же великий с своей братиею, со князем Юрьем и со князем Андреем, выиде из Москвы на Волок и уча сбиратися на безбожных. Безбожный ж[е] царь, услышав собрание великого князя, что неизложно хочет князь в[е]лики итти на них, и царь Магмед-[Ги]рей вскоре возвратися, а Колом[не] городу и Резани ничтоже не успе. Того же лета казанский царь Саип-[Ги]рей и со всеми казаньскими людми [при]ходил на Муромские места и на [Ме]щерские. Того же лета, маия [в 26] /л. 33 об./ день, на память святого апостола Карпа, в княжь Юрьеве Ивановича отчине Кашина, в Колязине манастыре, делали церковь камену, Живоначалную Троицу, и обретени быша мощи Макария чюдотворца, началника месту тому целы и неврежены ничем, и ризы его не истлеша.

В лета 7030, маия, князь велики Василей Ивановичь всея Руси, а с ним братия его, князь Юрьи, князь Андрей, выиде из Москвы на Коломну со многим воиньством; и, пришед на Коломну, князя Юрья послал в Серпухов, а сам стоял на Коломне, а по Оке на обеих сторонах устави великое воиньство; и стоял на Коломне до Рожества пречистые. Того же лета Варлам митрополит остави святительство, декабря /л. 34/ во 18 день. [281] Тое же зимы пост[ав]лен на митрополию Данило игумен Иосифова монастыря февраля в 26 день. Тое же зимы, марта в 23 день, Данило митрополит поставил Иону епископом на Рязань. Того же лета поставил Акакия епископом во Тверь.

В лето 7031 июня, священна бысть церковь Живоначалная Троица, на память святых апостол Силы и Солуяна в Колязине монастыре, по благословению епископа Тверьского Акакия. Того же лета, октября в 9 день, на память святого а[постола] Иякова Алфеева, пренесен бы[сть] преподобныи отец наш Макарей чюдо[тво]рец, игумен Колязина монаст[ыря], и положен бысть в новую гробницу к[аме]ну.

В лето 7032, сентября, п[риидо]ша из Литвы от Жигимонта кор[оля] послы и взяша с великим князем [пере]ми/л. 34 об./рье на пять лет. А князь велики послал в Литву о том посолством и перемирие с королем взяти околничего Василия Григорьевича Морозова, да Ондрея Никитина сына Бутурлина, да дьяков Ивана Иванова сына Телешова да Третьяка Михайлова сына Ракова. Того же лета безбожный Магмед-Гирей, царь крымской, возгордеся яростию, на свою погибель, подвижеся ис Перекопи своею братиею и с своими детми и с Нагаи на Азторхань. И приидоша, Азторхань одоле, и возгордеся зело. И согласившеся азторханцы с Нагаи, и убиша Магмед-Гирея царя и его сына и многих крымских князей, понеже бо вскоре возврати господь месть кристьянскую на главу их. Тое же зимы Шемячичь князь Василей Ивановичь по/л. 35/иман с женою и с детми. Тое же весны Сапгирей казанской царь многа зла в Казани учиниша, на христьянь[ст]во наведе и кровь их пролия, им же, от безбожных пострадавших, вечная память. Слышав же то князь в[ели]ки Василей Ивановичь всея Руси, и с[жа]лися о том и поиде с своею брат[иею], со князем Юрьем и со князем Андр[еем], на казаньского царя b достизает Новагорода Нижнего, а из Новагорода послал князь велики Казаньск[ие зем]ли воевати в судех по Волзе Шигалея царя, а с ним бояр и воевод, к[нязя] Василия Василиевича Шуйского [да Ан]дрея Василиевича Сабурова [и иных] воевод, а в конной рати боярина и [во]еводу князя Бориса Ивановича Горб[ато]го и иных воевод, а велел князь в[ели]ки воеводам своим на устье Суры [у] /л. 35 об./ [Волг]и на берегу, на Казанской стороне, поставити город древян. И воеводы [282] город на усть Суры поставили, нарече ему имя Васильгород, а Казаньские земли много плениша и до Цывили и возвратишася здравы и много полону приведоша. А в городе на Суре осталися воеводы князь Александр Ивановичь Стригин, да Василей Салтыков, да Михайло Бокеев, а с ними многие люди. И лета 32-го, сентября в 15 день, князь великии с братьею своею из Новагорода возвратися на Москву.

В лето 7033 послал князь велики к Казани Шигалея царя на казаньского Сапгирея в судех, да воеводу своего князя Ивана Феодоровича [Б]ельского и иных своих воевод со многими силами; а в конной рати послал боярина и воеводу своего Ива/л. 36/на Василиевича Хаба[рова и иных своих] воевод со многими же [людми. Уведав] же злочестивый царь С[апгирей казань]ской, с срамом побеж[е ис Казани. Казан]цы взяша царем в Ка[зань Сафакирея], крымьского же царевича и царь Ш[игалей] и воеводы великого князя судовы[е при]шод к Казани и сташа на брегу у [Вол]ги, выше Казани, на Казаньской [сторо]не. А про конных воевод свед[оша] казанцы, что идут к Казани, [и собра]вшеся князи и мурзы и вся земля [Казань]ская и встретиша великого [князя] воевод за 20 верст от Казани от [горо]да, на сей стороне Свияги, на О[тяко]ве поле, месяца июля в 28 день. [И бысть им] бой, и поможе бог великого кня[зя воево]дам, и на том бою многих кня[зей и му]рз и татар и черемису и чуваш[у изби]ша, а иных князей и мурз многи[х по]/л. 36 об./имаша. И снидошася конная рать с судовою и начаша ко граду к Казани приступати и многих татар под градом побиша. И казанцы, видя свое изнеможение, и добиша челом великого князя воеводам, да шерть дали на всей воли государя великого князя. Тое же осени приидоша послы ис Казани Аппак улан и Бахтыкилдей князь и прочии, и биша челом великому князю от всей земли Казанской за свою вину и о царе Сафакирее. И государь их пожаловал, по их челобитию, велел у них быти на Казани царю Сафакирею, а в Казань послал князь велики посла сво[его] князя Василия Даниловича Пень[ко]ва, а велел привести к шерти все[х Ка]занцов во свою волю, а торг князь велики ис Казани вывел, а учинил торг и кабаки в Нижнем Нове... [Недостает двух листов; текст может быть восстановлен по рукописи М. 607 (см. ПСРЛ, т. XXII. стр. 520-521).]. [283] [...взяше с ве]ликим князем королю перемир[ья на] шесть лет, /л. 37/ Тое же осе[ни отпу]стил князь велики из Можайс[ка литов]ских послов х королю, так[оже и це]сарских послов; папина пос[ла почтив отпустил из Можайска [в Рим]. Тое же зимы князь велики в Лит[ву х ко]ролю Жигимонту послов с[воих] околничего Ивана Васильеви[ча Лятско]го да дьяка своего Елизара И[ванова] сына Цыплятева, а к цысарю [римско]му королю и к брату его к Ф[ердина]нду послал князь велики своих [послов]; Василия Ляпуна Борисова с[ына Оси]нина да Ондрея Никифорова, [сына] Волосатово, да с ним[и тол]мача Власа Игнатова, а к па[пе послал] князь велики Еремея Трусова [да Ше]рапа Лодыгина. Тое же зим[ы князь] велики ездил к Пречистой на [Тихви]/л. 37 об./ну молитися. Тое же зимы, февраля, пожаловал князь велики из опалы князя Михаила Лвовича Глиньского и казну его отдал ему, а в отчину дал ему Стародуб Ряполов и с селы и велел ему женитися у боярина своего, у князя Ивана Немого Васильевича Оболенского. Того же лета повелением благоверного и великого князя Василия Ивановича всея Руси поставлена церковь камена с приделы Преображения господа бога спаса на[ш]его Иисуса Христа на дворце, да у Фроловских во[рот] в городе церковь каме[на] великого мученика Георгия, да церковь камена же святых мученик Бо[риса] и Глеба на Орбате за Неглин[ною].

В лето 7036 сентября [пр]иходил к берегу Ислам царевич [кры]мьской, а с ним было людей /л. 38/ 40000, а хотел лести за реку. И ве[лико]го князя воеводы, князь Феодор [Миха]йлович Мстиславьской, да [князь Ва]силей Семеновичь Одоевской, [да бо]ярин князь Иван Щетина Ива[новичь] Оболеньской, да князь Феодо[р Васи]лиевич Оболеньской Лопат[а и иные] многие воеводы с ними об ре[ку би]лися и людей многих в реце [поби]ли. И Ислам царевичь со всеми с[воим]и людми пошол от берега прочь [с великим] срамом. И воеводы, князь Фео[дор, Ми]хайлович и князь Василей Сем[енович] с товарищи, посылали за ним з[а реку] многих людей. И переледши за рек[у, у Исл]ама многих людей побили, и [Ангилча] мурзу взяли и к великому кн[язю при]вели. Того же месяца, сентяб[ря в 22] день, пал снегь дву пядей [и лежал] полтора месяца да потаял. [Того] /л. 38 об./ же лета заложил князь велики на [О]сетре город камен, а в нем церко[вь к]амену Николу чюдотворца Зараж[ск]ого. [284]

В лета 7038, апреля, посылал князь велики под Казань ратью воевод своих: в судовой князя Ивана Феодоровича Бельского и иных многих воевод со многими людми, а в конной послал воевод своих князя Михаила Львовича Глиньского и иных многих воевод со многими людми. И пришед под [К]азань, великого князя воеводы острог взяли и многих людей казанцов в остроге побили; и царь казаньской Сафа-Кирей и с царицами из города [выбе]жал вон. И казаньские князи [Бул]ат князь и иные князи, и вся земля [ка]занская великого князя воево[дам] добили челом и шерть дали [на в]сей воли великого князя, а уби/л. 39/ли тогды под Казанию князя И[вана Иоси]фовича Дорогобужского да [воеводу] князя Феодора Василиевича Лопату Оболеньского. Того же лета, июня в 11 день князь велики Василей Иванович дал за князя Феодора Михайлович[а] Мстиславского княжь Петрову царев[и]чеву дщерь княжну Анастасию. Тог[о] же лета, августа, преставися князь Ва[си]лей Шемячичь в тюрме на Москв[е]. То[го] же лета, августа в 25 день, род[ися] великому князю Василию от велик[ие] княгини Елены сын, князь велики [Иван], на Усекновение Иоана Предтечи, [а крес]тил его у Троицы в Сергиеве ма[насты]ре игумен Сергиева монаст[ыря] Иасаф Скрипицын да старец [Дани]ло ис Переславля. Того же лета, июня, после велика дни, /л. 39 об./ в десятую п[ятни]цу, на Успленьском враге, [на Лито]вском дворе, делали черные люди зелие, и загореся от зелия в полате, и полату розорвало, и людей много сгорело, а храмина ни одна ни сгорела.

В лето 7039 явися на небеси на западе, в нощи, знамение: звезда хвостата копейным образом. Се же знамение злое бысть, на проявление межусобныа рати и гладу и нахожение иноплеменник [и] латыни на Русскую землю. Таково же было знамение при великом князе Дмитрие Ивановиче Донском за три лета до нахожение безбожнаго Такта[м]ыша на царствующий град Москву. И Мо[ск]ву тогда взяша лестью и святыя цер[кв]и пограбиша, а християн много [иссе]коша.

В лето 7040, июня, [били] челом великому князю Василию [Ива]новичу всея Руси казанцы: сеит, [и кня]зи и мурзы и вся Казанская земля, /л. 40/ чтобы их пожаловал, дал [им царя] на Казань. И князь велики послал к [ним] на Казань Еналея царевича городец[кого], а с ним послал околничего своего [Яко]ва Григорьевича Морозова да дьяк[а] Офонасья Курицына. И Яков, [285] и Офонасей Еналея на Казань посадили, и сами к великому князю приехали [по] здорову.

В лета 7041, октя[бря] на память святых мученик Зиновия и [Зино]вии, родися великому князю дру[гой] сын, князь Юрьи. Того же лета... [Слово заклеено. Видимо, февраля во] 2 день, по велению благовер[ного] великого князя Василия, жен[ился кня]зь Андрей Ивановичь Стариц[кой], а понял княжну Ефросини[ю, кня]жь Андрееву дочь Федоров[ича Хован]ского; венчал его митроп[олит] Данило в Пречистой на шестом [часу дни]. Того же лета, июня, казанский царь /л. 40 об./ [Са]фа-Кирей, а с ним царевичи и князи и мурзы, а с ними многие люди приходили на Мещеру и на Касымов городок безвестно и много зла починиша и возьвратися назад вскоре. Того же лета, августа приходил на Рязаньские места Ислам царевичь, Махметь-Киреев сын, и иные царевичи и ширинские князи и мурзы, а с ним было крымских людей 40000 человек. И князь велики послал против них на Коломну воевод своих: князя Василия Василиевича Шуйского, да князя Ивана да князя Семена Феодо[р]овичев Белских, да князя Феодо[ра] Михайловича Мстиславского [и ин]ых своих многих воевод со многими людми; а сам князь великий [с бр]атом своим, со князем Юрьем [ст]ояли в Коломеньском. И Ислам царе[вич, услы]шав то, что князь велики /л. 41/ послал против их многих своих воевод со многими людми, к берегу не [по]шел, возвратися назад [вскоре и ве]ликого князя украйны Рязанских мест мало воевали.

[В лета] 7042, сентября, в осенинах, князь [велики] Василей и с великою княгинею Еле[ною и с де]тми ездил к Троице к чудотв[орцу] к Сергиеве памяти молитися, [да от]толе был во объезде на Вол[оце, да и] на Волоце разболеся, и прие[хал на] Москву болен ноября в 20 день [в неде]лю, и преставися на Москве на В[арва]рин день в чернцех и в схиме, и [положе]н во Архангеле на Москве, и н[арече]н в мнишеском чину Варлаам. И [по не]м седе на государьстве на Владимерском и на Московьском и на Новго[родском] и на всей Русской земле сын его [князь] велики Иван, а остался от отца [трех] /л. 41 об./ лет. И после великого князя смерти в десятый день поиман князь Юрьи Ивановичь и посажен в полате на дворце, где сидел князь Василей Шемячичь. Того же лета июля, родися князю Андрею [286] Ивановичю сын князь Владимер. Того же лета, августа, побежали из Серпухова в Литву изменники князь Семен Бельской, да Иван Лятской, да сын его Иван. Того же лета, повелением великого князя Ивана и матери его великие княгини Елены [Елены вписано над строчкой более мелким почерком.] зде[л]ал Петр Фрязин Малой на Мось[кв]е новый город Китай земляной. [То]го же лета приходили литовь[ски]е люди к Радогощу, да и город сож[гл]и и наместника Стефана Лыко[ва] в городе сожгли, а детей его в поло[н] взяли и полону много имали. Тое же зимы приходили /л. 42/ многие казанские люди к Нижн[ему] Новугороду и Новгородские м[еста] многие пусты учиниша и гр[ех ради на]ших, полону без числа много поимали, жен и детей бояр[ских, да и че]рных людей с женами и з дет[ми мно]гих поимали.

В лето 7043 [послал] князь велики Иван Васильев[ичь, всея] Руси и мати его великая кня[гиня Елена] зиме воевати Литовские [земли к Ви]лне с Москвы воевод своих: [в болшом] полку — боярина и воев[оду князя] Михайла Васильевича Горб[атого да] князя Никиту Васильевича [Оболен]ского, в передовом пол[ку — бояри]на и конюшего князя Ивана Ф[еодорови]ча Оболеньского Телепнев[а да кня]зя Никиту Борисовича Т[уренина], в правой руке — князя Петра И[вановича Ре]пнина да князя Петра княж[ь Феодорова сына] /л. 42 об./ Охлябинина в левой руке — князя Василия Ивановича Репнина да князя Ивана Михайловича Троекурова , в сторожевом полку — князя Ивана Васильевича Белевского да Василия Петровича Борисова, а с ними многих детей боярьских дворовых и городовых Московские земли; а с нарядом ходил Феодор Васильев сын Невежин да дьяк Поспел Лебедев. А из Новагорода Великого посылал князь велики Литовьские земли воевати: в болшом полку с Новагорода — бояри[н]а и наместника князя Бориса Ивано[ви]ча Горбатого да Василия Андрее[вич]а Шереметева, в передовом по[лк]у — князя Михаила Михайловича [Кур]бьского да князя Дмитрея Фео[дор]овича Палецкого в правой руке — [кня]зя Михайла Ивановича Кубенского /л. 43/ да Ивана Фоку Семеновича Вор[онцова], в левой руке — Дмитрея Семено[вича Во]ронцова да Мешка Иванонова [Так в тексте.] сы[на Ква]шнина, в сторожевом полку — [кня]зя Дмитрея Ивановича Курлятева да князя Ивана [287] Чюлка Засекина, а с ним[и] многих детей боярских, дворовых и городовых, новгородских [по]мещиков и псковских и то[ро]пецьких помещиков, и луча[н] и ржевичь. И московские воевод[ы, кня]зь Михайло Василиевичь Горбат[ой] с товарищи, с новгородскими в[оево]дами, со князем Борисом со Ива[нови]чем Горбатым с товарищ[и, сошли]ся в Литовской земле в Голуб[ичех] и Литовские места околы Ви[лны] многие воевали, а не доходили Вил[ны за тритцать] верст и полону литовско[го много] имали. Того же лета п[осылал] /л. 43 об./ [кня]зь велики вдругие с Москвы Литов[с]кие земли воевати воевод своих: в болшом полку — бояр своих и воевод князя Василия Василиевича Шуйского да князя Данила Дмитреевича Пронского, в передовом полку — боярина и конюшего князя Ивана Феодоровича Овчину да князя Василия Феодоровича Охлябинина; в правой руке — князя Андрея Дмитреевича Ростовского да князя Никиту Борисовича Туренина; а в левой руке — кня[з]я Василия Ивановича Репнина, да кня[зя] Ивана Михайловича Троекурова, [в с]торожевом полку — боярина [кня]зя Ивана Даниловича Пенкова [да В]асилия Петрова сына Борисова, [а с на]рядом ходил из Смоленска дь[як Д]митрей Данилов, а с воеводами [по]сылал многих людей Москов/л. 44/ские земли. И великого князя [воеводы], пришед в Литовскую землю, [стали] под Мстиславлем, а око[ло Мсти]славля многие [Литовские места] воевали, а полону имали м[ало, а у] города стояли неделю, а го[рода не в]зяли и прочь пошли. А лит[овские] люди того лета приходи[ли на Севе]рские городы, да Староду[б взяли] и Гомей. А Стародуб взя[ли подко]пом и на Усекновение Ио[анна Пред]течи, а стояли у Стародуб[а шесть недель], а воеводу великого князя в[зяли в] Стародубе, князя Феодора Ва[сильеви]ча Оболенского, и иных во[евод, а ме]ста Стародубьския пус[ты учи]нили и людей много в по[лон има]ли, а из Гомья наместни[ка кня]зя Дмитрея княжь Дми[треева] сына Щепина сослали. А пр[и/л. 44 об./ходил] с литовскими людми лятский ге[т]ман Терновский. Того же лета, [а]вгуста в 29 день, приходили крымские люди безвестно и повоевали Рязанскую украину и прочь пошли.

В лето 7044, августа в 3 день, преставися князь Юрьи Ивановичь в тюрьме.

В лето 7045, октября во 8 день, повелением государя нашего великого князя Ивана Васильевича всея Руси и матери его [288] великие княги[н]и Елены поставлен город на Про[н]ьску, а мастер был Петр Фря[зи]н Малой. Того ж лета, маия, [князь] Андрей Ивановичь Старицкой [пое]хал к Новугороду Великому [не св]оею волею, и князь велики поло[жи]л на него опалу свою и посади[ша е]го в полате на дворце, где сидел брат его князь Юрьи. Того /л. 45/ же лета, июня, на Коло[мне посад пого]рел от Бобышова до Сп[аса, а от Спаса] все ряды погорели и до [Москвы реки]. Тое же зимы многие к[азаньские лю]ди приходили на Костро[мские места] и на Галичьские и, грех ра[ди и наших, воло]сти и села многие воев[али в полону] много безчислено имали, [и галичьские] места пусты учиниш[а].

[В лето 7046] декабря, преставися кн[язь Андрей] Ивановичь на Москве во [опале. То]го же лета, апреля в 3 [день, преста]вися великая княгини Е[лена, положе]на бысть у Вознесения на [Москве].

В лето 7047-го, февраля, по[ставлен] на митрополию на Мос[кве Троиц]кой игумен Асаф Скрип[ицын, а Да]нил митрополит остав[ил митропо]лию не своею волею, бояс боя[р, и отшел] в Осифов манастырь. [Тое же /л. 45 об./ осен]и бояре казнили дьяка Феодора Мишурина, без великого князя ведома, не любя того, что он стоял за великого князя дела.

В лето 7048, [о]ктября, приходил крымской царевичь на Рязань и воевал Коширской уезд и прочь пошол, а полону много имал. Тое же весны приходили на Костромские места казаньские люди, Чюра Нарыков, а с ним было [8000] человек казанцов и черемисы и чува[ш]и, а воевали многие Костромские [м]еста и княжь Ивановскую отчину [Бел]ского у Пятницы святые на Сол[доге], и великого князя воеводы, князь [Анд]рей Ивановичь Холмской да князь Александр Борисовичь Горбатой [и иные] многие воеводы со многими [людми] Московьские земли и Новогород[ск]ие, ходили на них из Володимера /л. 46/ и дошли их у Пятницы ж [святой на] Солдоге и, грех ради наших, не успе [им ни]чего, а убьен бысть тогды на той брани на Волге князь Борис Сисеев да Василей Феодоров сын Кожин Замытьской. Того же лета, апреля в 7 день, солнце погибло в 3-м часу дни, в среду, на в[то]рой неделе по пасце. Того же месяца в [20 день] бысть гром силен и молъния вели[ка].

В лето 7049-го 049-го, июля в 4 день, прих[одил] к берегу к реце крымский царь Сап-[Кирей], а с ним было людей 70000 человек, [289] а по[дводи]л его на великого князя украй[ны из]менник великого князя князь [Семен] Бельской, а идучи к берегу у Ник[олы Зара]ского посады пожгли. И вел[икого] князя воеводы, боярин кня[зь Дмитрей] Феодоровичь Белской и ины[е многие] воеводы со многими людми [Москов]ские земли и Новгородские [со царем /л. 46 об./ об ре]ку стояли день, а к вечеру царь Сап-Кирей от берегу прочь пошол, не успе ничего. Того же лета бояре поимали князя Ивана Феодоровича Бельского и послали его на Белоозеро заточение, и там убиен бысть повелением боярьским, а убил его Митка Клобуков. Тое же зимы приходил к Мурому казаньской царь Сафа-Кирей, а с ним было 30000 человекь, и грех ради наших, Муромские места и Стародуб Ряполов и Пожарьских князей отчину пусту учини[ша] и людей много в полон поимали, [да и] Володимерские волости воевали.

[В] лето 7050, марта в 9 день, [по]ставлен на митрополию на М[осковск]ую всея Руси новгородской [арх]иепископ Макарей а Асафа митро[пол]ита бояре с митрополия сосла/л. 47/ли в Сергиев манастырь; А[саф митро]полию оставил не своею волею. А Новугороду Великому поставлен архиепископом Феодосей с Хутыни, Семеновской человек Воронцова, повелением боярским. Того же лета владыка Васия[н] Коломенской остави епископью и съе[хал] на Песношь. Того же лета пос[та]влен епископом на Коломну игумен Спаса Нового Феодосей.

В лето 7051-го приходил казанской царь Сафа-К[ирей] вдругие к Мурому, и Муромски[е ме]ста пусты учиниша и полону [мно]го поимали. Тое же зимы, ген[варя], убьен бысть боярин князь Андр[ей Ми]хайловичь [В тексте Михаилочь] Шуйской, а убили его п[сари] у Курятных ворот на дворце [повеле]нием боярьским, а лежа[л наг] в воротех два часа.

В ле[то 7052-го] приходили татарове крым[с]кие /л. 47 об./ [вдру]гие на Рязань, и великого князя воеводы, князь Василей да князь Петр Семеновичи Серебряные Оболеньского, крымских татар побили, а шестьдесят человек поимав, прислали к великому князю, и полон у крымских татар весь отполочили.

В лето 7053 ходил князь велики на Коломну против своего недруга крымскаго царя Сафа-Кирея, а с ним был брат его князь Юрьи Васильевичь, а стоял на Коломне на брегу, на Московском устие [п]од Голутвиным, А казнил тогды [н]а Коломне [290] бояр своих: князя Ива[на] Ивановича Кубенского, да Феодо[ра С]еменовича Воронцова да Васи[лия] Михайловича Воронцова, а с Коломны на Москву пришел в оспо[жи]н день. Того же лета посы[ла]л князь велики х Казани в судех /л. 48/ воевод своих князя Сем[ена Ивановича] Микулиньского да Ивана Васильевича Ширеметева и иных своих воев[од] со многими людми, а с Вятки с вятчан[ы и] с двиняны и с устюжаны посылал воеводу своего князя Василья Семеновича Серебряного с товарищи. И великого князя воеводы сошли[ся под] Казанию на один день по срок[у и мно]гих людей под Казанию побили [и ка]тры и кабаки поимали и в К[азанс]ких местех мн[ого полону има]ли, а сами, бог дал, пришли в Но[вуго]роду к Нижнему со всеми люд[ми по]здорову. Того же лета езд[ил кня]зь велики в Кирилов молит[ися на] подводах. Тое же зимы [прихо]дили на Володимерьские ме[ста с ка]заньскими людми в головах [Амона]к князь казаньской да Чюра Н[арыко]/л. 48 об./в и воевали Пожарских князей отчину и полону много имали. Из Володимеря ходили за ними великого князя воеводы Иван Семеновичь Воронцов и иные всеводы со многими людми и дошли их у Николы в Дебри и не успе им ничего. А на той брани убьен бысть Алексей Петров сын Головина, да в загонех убили Григорья Карпова сына Свечина да Петрока Колупаева сына Приклоньского. А из Мурома ходил за ними князь Александр Борисовичь Горбатой со многим людми и ходили за ними до [Горо]ховца и не успе им ничего. [А у Г]ороховца, у острогу, с казан[ск]ими людми травилися мужи[ки г]ороховцы, да взяли у каза[нс]ких людей голову их Амана/л. 49/ка князя, а воеводу Фоку Воронцова со товарищи хотели гороховцы камением побити за то что он[и] с казаньскими людми не делали бою, а их упустили.

В лето 7054-го прислали к великому князю ис Каз[а]ни князи и мурзы и вся Казаньская земля бити челом, чт[о] они, служачи великому князю, [ца]ря Сафа-Кирея с Казани сгони[ли] и князь велики бы их пожаловал, [да]л на Казань царя Шигалея, да [и по]слаников великого князя, Вас[иль]евых, Юрья Соловцова с това[ри]щи, ис Казани отпустили. И кня[зь вели]ки по их челобитию на К[азань] отпустил царя Шигалея, [а с ним] послал бояр своих кня[зя Дми]трея Феодоровича Бельско[го, да] князя Дмитрея Федорови[ча Пале]/л. 49 об./цкого, да диака Посника Губина. И казанцы царя Шигалея к себе на [291] Казань взяли и шерть на том дали, что им царя Шигалея от собя не сослати и быти им во всей воли великого князя. Тое же осени казанский князи и мурзы великому князю изменили, привели на Казань опять царя Сафа-Кирея, а царь Шигалей ис Казани сбежал к великому князю, приехал здорово.

В лето 7055-го сентября, ездил князь велики Иван Василь[е]вичь в Новгород и во Псков на под[во]дах. Тое же зимы, генваря, ве[лел к]нязь велики казнити князя Ива[на к]няжь Иванова сына Дорогобужско[го] да князя Феодора княжь Иванова сына [Ов]чинина Оболеньского, повеле[ни]ем князя Михайла Глиньского /л. 50/ и матери его княгини Анны. И князя Феодора посадили на кол на лугу за Москвою рекою против города, а кня[зю] Ивану головы ссекли на леду. Тое [же] зимы, февраля, князь велики Иван венчан бысть царьским венцем Мака[ри]ем митрополитом всея Руси в соборной церкви Успения Пречисты[я] на Москве и от того времени нача[ся] звати царем и великим князем. Того же месяца царь и великии князь [Ива]н Васильевичь женился, а пон[ял] дщерь околничего Романа Юрье[вича] Анастасию, а венчал его Мака[рей] митрополит в Пречистой в собо[рной це]ркве. Тое же зимы посыла[л царь] и великий князь из Мурома в К[азаньские] места боярина и воеводу св[оего кня]зя Александра Борисовича [Горбато]го да князя Семена Иванов[ича Мику]/л. 50 об./линского и иных своих воевод со многими людми Московские земли и Новгородские по челобитию черемисы Горние стороны, а просила Горняа черемиса царя Шигалея на Казань, а хотели итти к Казани и царя с Казани сослати. И бояре царя Шигалея не отпустили, а послали воевод Казанских мест воевати Луговые стороны, а к городу ходити не велели. И царя великого князя воеводы в казанских местех черемису Луговые сторо[н]ы воевали и пришли дал бог со все[м]и людми здорово, а не доходили до [Ка]зани за З0 верст. А черемиса мно[гая] Горние стороны пришла была [к вое]водам и, розведав то, что [с во]еводами царя Шигалея нет, [и он]и поворочалися назад, а иную чере[мис]у воеводы у себя оставили /л. 51/ и к М[оскве привели. Тое же весны], на святой неделе, во вторник, заг[оре]ся в Китае городе в торгу в сапо[жно]м ряду лавки, все дворы в Кита[е го]роде пригорели, и торг весь вы[горе]л. Тое же весны хотел царь в[е]ликий князь итти х Казани в су[дех], и пришла засуха великая и вод[а в [292] одну] неделю спала, а суды великого к[нязя на] Москве реке обсушило, а на суд[ех] были деланы избы с комнатам[и]. Того же лета, июня, загореся за [Яузою] на другом дворе за Жокулины[м дво]ром, дворы многие погорели. Того же лета, июня в 20 день, был [боль]шой пожар: загорелося у Здвижения на Арбатской улице за Неглин[ною] и весь посад Занеглинской выгоре[л и Сем]чиньское селцо по реку по Москву, [да и в го]род болшой кинуло огня, и заг[орелся] /л. 51 об./ двор великого князя, Казенной двор и Конюшенной и житницы с хлебом, и церкви и полаты погорели и вся святость и казна великого князя совсем погорела, и весь город выгорел; а не горело в городе в Пречистой соборной церкьви да во Архангеле, да казна великие княгини не горела в полате у Лазаря святого; а на другую сторону от Здвижения горело до Сущовского селца и Неглинны и по Неглинне все дворы погорели до Пушечные избы, а от Пушечь[н]ые избы кинуло огнь в Китай в город, [и К]итай город весь и лавки все вдругие [вы]горели, да и болшой посад весь выго[ре]л и вверх по Неглинне, и за Устре[тени]е и до Мясников, а от Мясни[ков] по Воронцово и по Явузу и до [Воло]димера святого что в Садех, и в [каме]ных полатах и многие кузни /л. 52/ и казны и святости погорело, и на Москве реце царя и великого княз[я] суды погорели. Таков пожар не б[ыва]л, как и Москва стала, а по[сле по]жару собрано людей горелых [за Не]глинною 3700 человек, и похорониша их у церквей христолюбцы, и тем скончавшимся от огня нужною смертию вечная память. И после то[го пожа]ру москвичи черные люди возволновалися, что будтося Москву зажигали Глиньских люди, и от тое ко[ро]молы князь Михаило Глиньской с ж[а]лования с Оржовы хоронился по [мо]настырем, а москвичи черны[е лю]ди, собрався вечьем, у или бо[яри]на князя Юрья Васильевича Г[линьс]кого в Пречистой в соборной церкв[и на] обедне на иже-херувимской песн[и. А ца]рь и великий князь того лет[а жил] /л. 52 об./ с великою княгинею в Острове, а после пожару жил в Воробьеве. Того же лета и во всех городех Московские земли и в Новегороде хлеба было скудно. Тое же зимы царь и великий князь велел имати дань с сох по 12 рублев, и оттого хрестияном тягота была великая.

В лето 7056-го, ноября, женил царь и великий князь [бра]та своего князя Юрья Васильевича у боярина князя Дмитрея Феодо[р]овича Палецького, а дал за него дочерь его княжну Ульяну. [293] Того же ме[ся]ца, в 5 день, побежали были в Ли[тву] князь Иван Ивановичь Пронской [Тур]унтай и со княгинею да князь Миха[йло] Васильевичь Глиньской с матерью и со княгинею. И царь великий князь по[сла]л за ними князя Петра Иванови[ча Ш]уйского, да князя Василья Семе/л. 53/новича Серебряного, да князя Дми[трея] Ивановича Немого Оболеньского, а с [ни]ми многих людей. И они услышал[и] за собою погоню и воротилися о[пять] к великому князю. И, пришед на М[ос]кву, били челом митрополиту [Ма]карью, чтобы митрополит пож[ало]вал о них, царю и великому кня[зю пе]чаловался. И митрополит [о них царю и великому князю] поминал, чтобы их государь пожаловал, казнь и[м] отдал. И царь великий князь дляот[ца]своего Макарья митрополита их пожаловал, казнь им о[тдал], а живот их вотчину велел в[зя]ти на себя, царя и великого кня[зя]. Тое же зимы царь и великий кня[зь]... [Пропуск в тексте.] с Москвы в Нижней Новгор[од, а из Ни]жнего Новагорода пошол [было х Ка]зани, да воротился с Роботки [того для], /л. 53 об./ что пришла теплота великая, [а н]аряду Волгою не подыло [Так в тексте.]. А стоял царь и великий князь на Роботке два дни, ждал погодья, а х Казани отпустил тогды с Роботки боярина своего и воеводу князя Дмитрея Феодоровича Белского да князя Семена Ивановича Микулинского и иных своих многих воевод со многими людми Московские земли и Новгородские, а с нарядом послал с легким князь велики Феодора Григорьева сына Очи[на] Плещеева да дьяка Ивана Выродко[ва]. А к царю Шигалею послал дворе[цко]го тверьского Василия Михайло[вича] Юрьева, а велел ему итти х Ка[зани]; а с ним царя и великого князя во[евод]ы князь Володимер Ивановичь [Воро]тынской и иные царя и великого [князя] воеводы со многими людми. А ше/л. 54/л царь Шигалей и царя и [великого князя] воеводы из Мещеры [прямо х Казани], не замая Мурома, [на три остро]вы да на Тешу. И с царем Шигалеем [царя и ве]ликаго князя воеводы боярин князь Дмитрей Феодоровичь Белской и со всеми людми, сошлись на Цывили на сборной неделе в среду. И, пришед х [Ка]зани, стояли у города дни и [Ка]занские места многие по Гор[ной] стороне и по Луговой и по Арьс[ской] дорозе и до Камы воевали и полону много [294] имали. И царь Шигалей и царя и великаго князя вое[воды со] всеми людми, дал бог и[з] Казани [при]шли здорово. А на той брани [убь]ен бысть один Григорей Вас[ильев] сын Шереметев [В тексте: Широметев.]. Тое же з[имы], декабря в 23 день, прих[одил] на Рязанские места Касай м[урза], /л. 54 об./ [а с ним нагай]ских людей 5000 человек. И царь [и велики князь п]ослал на те нагайсь[кие люди на] Рязань из Мещеры воевод своих, князя Володимера Ивановича Воротыньского и иных воевод своих, со многими людми. И нагайские люди, послышав то, пошли назад вскоре; а Резаньские места воевали по Вожу. Того же лета, июля, Михайло Иванов сын Вороново на Поле, на Мещерьской украйне, крымских людей побил многих, а 30 человек [к М]оскве привели. Того же лета, [августа] в 8 день, путимльские ка[заки], Михалко Черкасенин да Исто[мка] Извольской тулянин с това[рищ]и, на Дону на Великом Перевозе по[бил]и крымского князя Аманака да [чер]каского казака Елбулзлука [В тексте: Елълзлука.] и азо[вск]их людей многих побили и семь /л. 55/ пушок у них отняли, [и к царю и вели]кому князю привезли. А п[риходил к ним] Елбулзлук с нарядом [на Дон ос]трогу имати, а Аманак [князь шол] ис Крыму посолством во Ас[та]рахань. Того же лета дожда [Так в тексте.] было много, и хлеб родился скудно, а на Костроме в оспожино говейно хлеб яров[ой] весь мороз побил.

В лето 7057-го, [сен]тября, приходил на Костро[м]ские места казанских людей 3000 человек, а в головах у них был Арак богатырь. И с Костромы царя и вели[ко]го князя воеводы, Захарья Пе[тровичь] Яковля с товарищи, дошед их, в [Га]личских местех, в верхнем [Бе]резовце, побили на голову и Арак[а бо]гатыря убили. Тое же осени, [сен]тября в 27 день, с Ыва[на] Богослова в ночи, был гром велик [и /л. 55 об./ молния]. Тое же зимы, генваря, [пришли ко цар]ю и великому князю Ивану [Васильевичю] от Жигиманта Августа [к]ор[оля по]слы пан Станислав Петровичь Кишка, да пан Ян Юрьевичь Комаевской да писарь Глеб Есманов, о миру и о добре и о смолве. И взяша со царем и великим князем королю перемирья на пять лет, от соборного воскресения лета 7057-го до сборного воскресения лета 7062-го, а приставове у них были Васи[ле]й Тимофеев сын [295] Замытской, да [Фе]одор Ильин сын Челищов, да [диа]к Феодор Огарев, да Васка Че[глок]ов сын Карачаров, а корм им [дав]ал Васка Чеглоков да подьячей [Сал]танко Засетской, а встречал [их] Василей же Замытской, а с ним [было] детей боярьских дворовых /л. 55а/ полтораста человек. И отпустил [ца]рь и великий князь с Москвы литов[ск]их послов февраля в 25 день. Т[ого] же месяца февраля, в 27 день, царь и ве[ли]кий князь Иван Васильевичь всея Р[уси] в своих царьских полатах перед отцем своим Макарьем митрополитом и передо всем освященным собором говорил бояром своим князю Дмитрею Феодоровичю Бельскому, князю Юрью Михайловичу Булгакову, князю Фео[дору] Андреевичу Булгакову, князю [Пе]тру Михайловичю Щеняте[ву], князю Дмитрею Феодоровичю [Палец]кому, Василию Дмитреевичю [Ше]ину, князю Данилу Дмитрее[вичю] Пронскому, князю Александру Бо[ри]совичю Горбатому и иным своим бояром, и околничим и двор[ец/л. 55а об./ким] и казначеем, что до его царьского возраста от них и от их людей [д]етем боярским и христьяном [ч]инилися силы и продажи и обиды великие в землях и в холопех и в ыных во многих делех, и они бы вперед так не чинили, детем бы боярьским и христьяном от них и от их людей силы и продажи и обиды во всяких делех не было никоторые, а хто вперед кому учинит силу или продажу и обиду, и тем от ца[ря] и великого князя быти в опале и в ка[зни]. И бояре все били челом государю [цар]ю и великому князю, чтобы государь [их] в том пожаловал, сердца на них [не дер]ьжал и опалы им не учинил [ни]которые, а они хотят служити [ему] государю царю и великому князю, и до[бра х]отети ему и его людем во всем /л. 56/ вправду, безо всякия хитрости п[о то]му же, как служили и добра хотели [го]сподарю своему, отцу его, велик[ому князю] Василию Ивановичю всея Руси..., [Пропущено слово, не поддающееся восстановлению, так как оно находилось на оторванной части листа.] и деду его, великому князю Ивану Васи[ль]евичю всея Руси. А которые будут дети боярьские и христьяне на них и на их людец учнут бити челом о каких делех ни буди, государь бы их пожаловал, давал им и их людем с теми детми боярьскими и со христьяны суд. И царь и великий князь Иван Васильевичь всея Руси пе[ред] отцом свои[м] Макарьем митрополитом и пе[ред] [296] всем освященным собором бо[яр] своих всех пожаловал с ве[ликим] благочестием и усердием, нака[зав] их, умилне говорил им: «по [се вре]мя сердца на вас в тех делех н[е дер]жу и опалы на вас ни на кого [не] /л. 56 об./ [поло]жу, а вы бе вперед так не чинили». [Да] и воеводам и княжатам и боярь[ски]м детем и дворяном болшим [т]о же говорил; и пожаловал их наказал всех с благочестием умилне. Того же месяца февраля в 29 [Так в тексте.] день, царь и великий князь Иван со отцем своим Макарьем митрополитом и з бояры уложил, что во всех городех Московьские земли наместником детей боярьских не судити [н]и в чем, опричь душегубства и тать[бы] и розбоя с поличным; да и грамо[ты с]вои жаловальные о том во все городы детем боярьским послал. [Тое ж]е зимы, февраля в 30 день [Так в тексте.] [каза]ньского царя Сафа-Кирея не ста[ло, и ка]занцы послали в Крым к ца[рю Са]п-Гирею Енбарса князя с товари[щи 20] человек: просити на Казань царева /л. 56а/ сына Сап-Киреева. И царя и [великого кня]зя мещерские казаки, Урак [с товари]щи, казанского посла Енба[рса князя по По]ле побили [Пропущен предлог у.] усть Медведицы и ярл[ыки] у них поимали и к великому [князю] прислали. Тое же зимы, марта, [при]ходили казаньские люди на Мур[ом]ские места, а в головах у них был Мамазерь князь, а с ним казанских людей 140 человек, и воеводы царя и велик[ого] князя, князь Петр Михайловичь Щенятев и иные воеводы, из Мур[ома] за ними ходили и, дошед их за Ку[дмою на] Костянтиновском поле, по[били их] наголову, и Мамазеря князя убили. Того же лета, июня, побили на [Туле] крымских людей великого кня[зя] воеводы Захарья Петровичь Яков[ля] с товарищи, и голову их, Алла[га]та князя взяли и к великому [князю при/л. 56а об./слали; а п]риходило их 3000 человек. [Того же л]ета, июля, отпустил царь и ве[лики] князь в Литву к Жигимонту [Авг]усту королю послов своих [о]кольничего Михайла Яковлича да [двор]ецкого Рязаньского Петра Василиевича Морозовых, да дьяка Бокаку Митрофанова сына Карачарова. Того же лета, августа в 11 день, на шестом часу дни, родися царю и великому князю дщи царевна Анна. [Т]ого же лета, ноября, приехали к ве[ли]кому князю служити из Нагаи каза[ньско]й князь Костров, а с ним ка[зань]ских [297] князей 12 человек, а были [в Наг]аех у Юсюфа мурзы; а на Ка[зани] еще царя нет.

Лета 7058-го, [Успе]ния Пречистые ссборныя церкви на [Мос]кве верх позлати. Того же [ле]та, июля, пришел к царю и велико/л. 57/му князю в Путимль ис Крыму [от Сап-]Гирея царя посол Баем к[нязь да Те]тя, а с ними крымских люде[й 300 человек]. Да, идучи на Москву, царева посла Ба[ема] не стало: на дорозе, прошед Боровеск, а опился вина да умер. [Того же] лета, месяца июля в 30 день, послал царь и великий князь в Крым к царю Сап-Гирею болшого своего посла Ивана Васильевича Полева. Иван к царю и великому князю ис Крыму писал, что его царь Сап-Гирей граб[ил] и нечесть ему учинил великую: д[ер]жал ево, ограбив, нагово день на морозе, а подъячего Ступк[у] по тому же нага держал день на морезе. А в ту пору был у царя литов[ско]го короля Жигимонтов [Август]ов посол и ту соромоту видел. И [ца]рь и великий князь против того /л. 57 об./ [крымских л]юдей ограбил, и корму у них [убавил] и нечесть им учинил вели[кую]. Тое же осени царь и великий князь [Ив]ан Васильевичь всея Русии по[ш]ол с Москвы на свое дело х Казани [н]оября в 20 день, на Введениев день, а в Володимерь пришол ноября в 29 день, да стоял в Володимере до Крещенья Христова. А в Володимере был у царя и великого князя отец его Макарей митрополит со всем освященным [с]обором. И на завтрее крещения Христова [царь] и великий князь, слушав в Пречистой [собор]ной церкве в Володимере молебна [и об]едни, говорил в Пречистой перед [отцем] своим Макарием митро[поли]том бояром и воеводам [и княжа]там и боярьским детем и детем боярьским и дворовым, и го[родо]вым Московские земли и Нов/л. 58/городские с великим бла[гочестием] и наказанием умилне, чт[о после] отца его, великого князя Василья [Иван]овича, от бусорманские [ру]ки многие христьянские крови про[ли]лося и многих людей изо многих городов и с женами с детми в полон поимали, и ныне те все христьянск[ой] род обусорманен; и они бы его царьск[ое] дело делали все заодин по его царско[му] наказу, а мест бы и розней никоторых межь их на его цареве служб[е] не было, чтобы их месты и ро[знью] его царьское дело не потерялося. И б[о]яре и воеводы и княжата и боярьск[ие] дети и все дети боярьские Мос[ко]вские земли и Новгородские би[ли челом] государю царю и великому князю на [его царьском] наказании [298] со слезами еди[номыш]лено велегласно вопияли: «и [мы, государь, /л. 58 об./ единомышле]но все заодин хотим [за святы]я церкви и за тебя, государя, и за все [право]славное христьяньство головы [свои] положити. Поди государь, з божиею [п]омощию на свое дело и твое царьское наказание и повеление сугубо восприемлем„ как ты, государь повелиш, так и делаем». И царь и великий князь Иван Васильевичь всея Руси и со отцом своим Макарьем митрополитом всея Руси и с великою [к]нягинею и с братом своим со кн[яз]ем Юрьем Васильевичем,про[щение] учинив, пошол на свое де[ло в Ни]жней Новгород того же дни [на зав]трее крещения господня, генваря в [8 день], а царю Шигалею ис Касымова [велел] себя доходити в Нижнем Но[вегород]е. А пришол в Нижней Нов[город царь и] великий князь генваря в 15 /л. 59/ день, да стоял в Нижнем Новег[оро]де неделю, а из Нижнего Но[ва]города пошол х Казани генваря в [22] день, а с ним шел из Нижнего Но[ва]города х Казани царь Шигалей да царевичь Едигерь, а х Казани пришел царь и великий князь под город в понеделн[и]к, на масленой неделе, а стоял цар[ь] и великий князь против города на Момаевом лугу, а воеводы царя и [ве]ликого князя стояли у города п[о] полком: на Арьском поле стоял поотив города царь Шигалей, а с н[и]м болшого полку воеводы [бо]ярин князь Дмитрей Феодорови[чь] Белской да князь Володимер [Ива]нович Воротыньской да пере[до]вого полку воеводы князь П[етр] Ивановичь Шуйской да кня[зь Васи]лей Феодорович Лопати[н], /л. 59 об./ [а за Казанью] на Луговой стороне против [горо]да стояли воеводы правыя руки бояре князь Александр Борисовичь [Горб]атой да князь Василей Семенови[чь С]еребряной, да в левой руке воеводы князь Михайло Ивановичь Воротынской, да Борис Ивановичь Салтыков, да сторожевого полку боярин и воевода князь Юрьи Михайловичь Булгаков да князь Юрьи Ивановичь Кашин а с нарядом [с]тояли за туры против города [на] Казани на реке на усть Була[ка воево]ды боярин Василей Миха[йлови]чь Юрьев, да Василей Пет[рови]чь Борисова, да околничей [Феодор] Михайлович Нагово, да [за туры] же у наряду стояли во[еводы к]нязь Иван Ивановичь Пронской, а] с ними дети боярьские /л. 60/ псковские помещики, д[а ярто]улского полку воеводы князь Дмитрей Ивановичь Микулинской [да] Иван Феодорович Карпов, да [за] туры же были воеводы Захар [Пе]тровичь Яковля, князь Дмитр[ей] [299] Ивановичь Немого Оболеньско[й], князь Иван Александровичь Каши[н], князь Дмитрей княжь Иванов сын Хилков, да у Поганого озер[а] стоял за туры против города с [на]рядом окольничей Иван Васи[лье]вичь Шерем[ет]ев, а как ег[о в] приступ ранили в его место стоял казначей [Иван] Фома Петровичь Головин, [за] ним стоял беречи наря[ду воево]да левые руки князь Миха[йло Ива]нович Воротыньской [с людми. А за К]азанью против го[рода стоял на лугу /л. 60 об./ с наря]дом да туры бо[ярин Ми]хайло Яковличь Морозов, [а после] стоял Петр Васильеви[чь Мо]розов. А город оступив, царь [и ве]ликий князь стоял две недели у города. И в городе Казани ис пушек многих людей побили, а воеводы царя и великого князя многие места казаньские по Горной стороне воевали и [по] Арьской и по Луго[в]ой стороне воевали много и полону имали. [А Казани] города не [взя]ли. А ис Казани царь [и вели]кий князь пошол в Нижней Нов[город и прошол н]а с[борной н]еделе, во вторник, а из Ни[жнег]о Но[вагоро]да царь и великий [князь п]риш[ол на] Москву в ве[ликое го]ве[йно, канун] благовещения [дни], дал [бог со в]семи людми здо[рово. А н]а тои [брани] под Казанию [убьен] бысть к[ня]зь... [На этом рукопись обрывается. Последний лист в нескольких местах разорван и склеен с наложением заплат из грубой бумаги на текст, вследствие чего он может быть восстановлен только приблизительно.]

Рукоп. отд. ГИМ, Б. 1799, лл. 1-60.

Текст воспроизведен по изданию: Продолжение хронографа редакции 1512 года // Исторический архив, Том VII. М-Л. 1951

© текст - Шмидт С. О. 1951
© сетевая версия - Тhietmar. 2009
© OCR - Коренев А. 2009
© дизайн - Войтехович А. 2001
© Исторический архив. 1951