60

1427 г., конец января. — Договорная грамота Великого Новгорода с Ливонским орденом о мире и о разрешении спорных дел

Подлинник на пергамене, с шестью восковыми печатями на шелковых шнурках; описание изображений на них и легенд у Ширрена несомненно неточно; легенды: на первой — *** (печать Федорова.) (Федора Патрикеевича), на второй — не разобрана (несомненно печать Василия Есифовича), на третьей — *** (Якова Дмитриевича.), на четвертой — *** (печать Офоноса Федоровича.), пятая — разломана (Михаила Юрьевича), на шестой (печать Нау...) (Наума Ивановича). На обороте пометы: XV века — *** [Эта грамота со [99] съезда, который, состоялся на Нарове в счастливые времена магистра Зигфрида относительно нарушений середины течения реки] и XVII века — *** [Великий князь новгородский Василий Дмитриевич и князь Константин Дмитриевич послали своего наместника князя Федора Патрикеевича и некоторых других для заключения перемирия между Лифляндией и Новгородом].

Schirren, сс. 43—45 (русский текст; печатается по этому изданию), 46—47 (немецкий текст); Русско-ливонские акты, № 213 (только немецкий текст).

Основание датировки: магистр в письме Ревелю от 20 декабря указал, что срок съезда 27 января (HUB, VI, № 339). .

† Се приЪхаша пословЪ Великии Новъгородъ (У Ширрена: Новъгорда.) от местеря Селивестра ГостЪла, кумендерь велеядьчкыи, и судья ругодивескЪи ЕремЪи своими други в Великии Новъгородъ князя Костянтину Дмитриевичю, и ко архЪепискупу новгородчкому владычЪ Семеону, к посаднику, и к тысячкому и ко всему Великому Новугороду. Соркоша срокъ Мясное заговЪнье, ч[т]о стати местерю на тот срокъ на НаровЪ на рЪкЪ, а учЪнить ему исправа земли и водЪ и обиднымъ дЪламъ всякимъ с обЪ стороны. И князе великии ВасЪлии ДмЪтриевичь и князе Костянтинъ Дмитриевичь и архЪепископъ новгородчкыи владыка Семеонъ, посадникъ новгородчкыи ВасЪлии МикитинЪчь, и тысячкыи новгородчкыи Кузма Терентиевичь, и весь господинъ Великии Новъгородъ послаша на съездъ с местеремъ князя великого намЪснЪка князя Федора ПатракЪевичя, посадника новгородского ВасЪлея ЕсЪфовичя, Якова ДмЪтриевичя, посадника новгородчкого Офоноса Федоровичя, МЪхаила Юрьевичя, Наума Ивановичя к местерю на съездъ на Нарову на рЪку. СъЪхавсе с местеремъ князя великого намЪснЪкъ Василея ДмЪтриевичя князе Федоръ ПатракЪевичь, посадникъ новгородчкыи ВасЪлии ЕсЪповичь, Яковъ ДмЪтриевичь, посадникъ новгородчкыи Офоносъ Федоровичь, МЪхаила Юрьевичь, Наумъ Ивановичь на НаровЪ на рЪкЪ и покончяху с местеремъ с рЪскЪмъ с Селивестромъ миръ. Земли и водЪ старыи рубежь, НоровЪ рЪкЪ стержьнь от Чючкого озера стерьжнемъ и до моря по старымъ грамотамъ по княжимъ. А купечкЪмъ дЪламъ и обиднымъ дЪламъ от сучта местерева скаферьва, что былъ сучетъ с новгородчЪ, а тому исправа учинити с обЪ стороны по хрестному челованею. А гостю гостити новгородчкому по местеревЪ земли и по местеревымъ городамъ, путь чистъ, и горою и вод[ою], а купити имъ и продати товаръ всякЪи без вывЪта и безъ рубежа; такоже и немечкому гостю гостити по новгородчкои отцынЪ, путь ему чистъ, и горою и водою, а торговати ему всякимъ товаромъ без вывЪта и без рубежа. А что будетъ новгородчкого [100] товара поиманъ, гдЪ бь нЪ былъ, а будетъ за местеремъ или у его кумендеревъ или у [е]го земли что будетъ, а то довтЪдаетче местерь или его кумендери новгородчкого товара в своеи земли, а то ему отдати, по хрестному челованью; а что будетъ немечкого товара в Новгородчкои волости, а что довЪдаетче посадникъ и тысячкЪи, а то имъ отдати. А кому до кого орудье, немчЪну до новгородчя, а новгородчю до немчЪна, а тому судъ с обЪ половины, по хрестному челованью; а с обЪ половины посуловъ не имати. А на всемъ на томъ хрестъ человалъ местерь Селивестръ рискЪи, Валеравене ламъмаскалка, велеядьчкЪи кумендерь Гостила, колыванескЪи кумендерь Тимофии, кескеи судья Иване, ругодивескЪи судья ЕремЪи за себя и за всЪ свои пригороды. (У Ширрена: пригороде, с выносным д.) А от Великого Новагорода хрестъ человалъ князя великого намЪснЪкъ ВасЪлея Дмитриевичя князе Федоръ ПатракЪевичь, посадникъ новгородчкыи Васъли ЕсЪфовичь, Яковъ Дмитриевичь, посадникъ новгородчкЪи Офоносъ Федоровичь, Михаила Юрьевичь, Наумъ Ивановичь за Велики Новогородъ и за всЪ свои пригороды. А по сему челованию кому ж (У Ширрена: кому ж; вероятно: кождому.) знать своя половина. А сеи миръ имъ держати крЪпкъ на обЪ половины, по хрестному челованею, бес хЪтрости.