230
Вторая половина XV в. — Духовная Сидора Тимофеевича на движимое имущество и земли, завещанные жене, сыновьям и другим лицам
Подлинник на пергамене. Печать свинцовая круглая прикреплена бечевкой; на одной стороне внутри ободка из точек: ***
(Иван Петрович.), на другой внутри такого же ободка изображение шестиконечного креста на подножии. ЛОИИ, Двинские акты, № 1.Крестинин, сс. 38—39; Лепехин, сс. 428—429; АЮ, № 409, IV; Шахматов, Исследование, № 76. — Печать воспроизведена: Лихачев, Альбом, XXVII, 15.
Основание датировки: завещатель Сидор Тимофеевич является продавцом в купчей № 229.
Во имя отца и сына и святаго духа. Се азъ рабъ божеи Сидоръ пишю рукописание при [сво]емъ животЪ своимъ цЪлымъ умомъ. Приказываю
[251] животъ свои и очьцину свою, горную землю и юрмольскую, и прикуплю свою, горную землю и юрмольскую, i з грамотами, а та моя купля чиста, женЪ своеи Настасьи, сыновемъ своимъ Остафью и Юрью. ГдЪ ми что дати или взяти: дати ми Олеху Поколотову 50 бЪлъ, дати ми Василью дьяку 60 бЪлъ, дати ми Марьи, братьни дочери Левонтиеви, земныхъ кунъ 40 бЪлъ, дати ми святому Петру 20 бЪлъ. А что есмь посулилъ надЪлка зятю своему Сидору и дочери своеи Марьи, заплатилъ есмь имъ 50 бЪлъ, а дати ми имъ 3 сороки бЪлки, а в томъ треть села в заклади на два году до кунъ. На то свЪдЪтели и прикащики: Захарья Климентиевичь, Родивонъ Ти[мо]фЪевичь, Есипъ Онуфриевичь. А боле того не виноватъ есмь никому ничимъ, развЪе богу душею. А на то богъ послухъ и отець мои душевныи попъ Илья, служитель святаго ДмитрЪя. А хто се рукописание преступить или полудить, сужюся с нимъ в день страшнаго суда предъ богомъ.