210

Середина XV в. — Духовная старца Степана, чернеческого старосты Михайловского Архангельского монастыря, в которой он удостоверяет, что Софонтий Акинфов заложил Архангельскому монастырю свое село на Косткове горе

Список XVII в.; озаглавлен: Списокъ з духовнои изустнои памяти; после текста: У подлиннои харатеинои духовнои в конце печать свинцовая вислая; на правом поле л. 136 другим почерком: Косткова гора. БАН, Архангельское собрание, № 1192, лл. 135 об.—136 об.

АЮ, № 409, IX; Шахматов, Исследование, № 51.

Основание датировки: упоминание игумена Андрияна, бывшего в Михайловском Архангельском монастыре после игумена Ивана (Шахматов, Исследование, с. 40); см. № 142.

Во имя отца i сына i святаго духа. Се язъ рабъ божии Степанъ старецъ, староста чернеческии, пишу сие (В списке: сию.) рукописание при своемъ животЪ, отходя свЪта сего, приказываю. Что заложилъ Софонтеи Онкифовъ сынъ святому Михаилу iгумену, и чернцамъ, i всему стаду село земли, отчину свою, на Косткове горЪ, горние орамые земли, i островские земли, i пожни того села, i дворъ и дворище, i гумнища, i лЪсы и ловища, чимъ владЪлъ отецъ его Онкифъ, без вывета, по старымъ межамъ, (На поле другим почерком приписано: дано.) [в] девяти рублехъ (В списке: девять рублевъ.) серебра, а в полутретьятцати сорокехъ бЪлки да во сте пузахъ жита, до кунъ, бес хитрости; будутъ куны у Софонтья свои, i игумену i чернцамъ серебро, i куны, i жито святаго Михаила взяти, i та земля Софонтию. На то послуси: Iванъ Левонтьевиць, Давыдъ Ондреяновичь. А на то послухъ отецъ мои духовныи игуменъ Андреянъ святаго Михаила. [238]