Се продаша Климентеи Ивановиць землю свою в домъ святому Въскресению возлЪ Двину на МихЪевЪ берЪгу, орамую землю, и пожни с притерЪбы, и четверть тони. А тои земли и пожнямъ межи по старымъ межамъ. А взялъ КлиментЪи Ивановичь на тои зЪмли, и на пожняхъ, и на притЪрЪбахъ, и на четверти тони (В подлиннике: тонои.) полъсЪма сорока бЪлкЪ да пополонка пузъ жита сЪмяного. А тыи куны давалъ староста въскръсЪньскои ГригорЪи Семеновичь. А продалъ КлиментЪи Ивановичь землю, и пожни, и притЪрЪбы, и четверть тони святому Въскресению и в вЪкы. А на то послухи: попъ Ферапонтъ, служитель святаго Въскресения, Захарья Кривляевъ, ФедосЪи Мининъ. А писалъ дьякъ Иванъ СтрокЪнъ. А у печати стоялъ самъ КлиментЪи Иванов[ичь] и во очищеньи самъ КлиментЪи Иванов[ичь].