144

Не ранее первой четверти XV в. — Духовная Мартемьяна на земли за Волоком, село Новошильское на Кегострове и двор на Боркеве улице, завещанные жене Пелагее и детям

Список XVII в.; перед текстом: Списокъ з духовнои с харатеиные; после текста: А у подлинные харатеиные духовные в концЪ печать свинцовая вислая. БАН, Архангельское собрание, № 1192, лл. 146 об.—148 об.

АЮ, № 409, VI; Шахматов, Исследование, прил. I, № 5.

Основание датировки: духовная составлена позднее рядной № 130, в которой Мартемьян является рядчиком.

Во имя отца i сына i святаго духа. Се азъ рабъ божии Мартемьянъ пишу сие рукописание при своемъ животе. Да приказываю животъ свои женЪ своеи Пелагеи i дЪтямъ своимъ Якову, i Федору, i Андрею, i Семену, и Орфоломею. А животомъ есми з братиею своею с Ываномъ, i с Ондреяном, i сь Яковомъ в роздЪле. А что отцина моя, земля i вода, и прикупля отца моево за Волокомъ i в Волоцкои земле, на Озерцахъ i на Дятелчах, i то приказываю женЪ своеи Пелагеи i дЪтямъ своимъ свою четверть, по отца моего по владЪнью, по старымъ грамотамъ i по дЪлнимъ грамотам[ъ] же, тыя земли и воды моя четверть дЪтемъ моимъ чиста. А что мнЪ дал дЪдъ мои Федоръ на КЪгострове село Новошильское i землю Кулагоранскую на томъ островЪ, а то село и землю Кулагоранскую приказываю дЪтемъ своимъ по дЪда своего по данои грамоте Федорове i по рукописанью, то село и земли дЪтемъ моимъ чисто. А вы, братья моя, в то село i в земли не вступаитеся. А что меня подарилъ Левонтеи Обакумовичь Калцынымъ островкомъ малымъ одерень, i язъ ему далъ противо того островка сорокъ кунеи. А тои островокъ Калцынъ приказываю дЪтемъ же своимъ по Ле[во]нтьеве по даные грамоте и по моему владенью, i дЪтемъ моимъ чисто. А вы, братья моя, в тотъ островокъ не вступаитеся. А дворъ свои i огородъ тотъ и огородъ на БоркЪве улице приказываю по купнымъ грамотамъ i по дЪлные грамоты, (Так в списке.) [196] что з братомъ моимъ сь Яковомъ по половинамъ, дЪтемъ моимъ чисто. А что куны дЪда моего Федора i отца моего Александровы, по дЪда моево рукописанию по Федорову, i по отца моево рукописанью по Олександрову, i по дЪда моего рукописанью по Федорову же, в Волоцкои списке: Волчеи.) земли на Телчяхъ на погосте сорокъ рублевъ да сто i осмьдесятъ гривенъ, а в тЪхъ кунахъ приказываю свою четверть дЪтемъ своимъ чисто. А взяти мнЪ у Даниле у Родионова сына на Дятелицахъ рубль, а у Федора у Борисова сына на Озерцахъ рубль, у Михаиле у Михаилова сына у Местилина полтина да пять гривенъ. А иные куны мои по жеребьемъ дЪтемъ моимъ чисты. А челядь свою пошлю (Вероятно: пошлую.) неотхожую приказываю женЪ своеи i дЪтемъ своимъ. А не виноватъ есми никому ничЪмъ, развЪе богу душею. А на то богъ послухъ i отецъ мои духовнои попъ Афонасеи, служитель святаго Архангела Михаила. А хто сие рукописание переступитъ, сужуся язъ с нимъ предъ богомъ в день страшнаго суда.