135
Первая четверть XV в. — Купчая попа Максима Ионовича у Леонтия и Ивана Семеновых детей на тони по реке Яренге на Летней стороне
Подлинник на пергамене. Печать на нитяном шнурке Остафия Яковлевича, такая же, как при № 133. ЛОИИ, ААЭ, XXIII, 10.
Шахматов, Исследование, № 111; Архив Строева, I, № 20.
Основание датировки: печать Остафия Яковлевича, см. № 132.
Се купи попъ Максимъ Иониничь у Семеновыхъ дЪтеи у ЛевонтЪя и у Ивана на ЛЪтнои сторони тони, рЪку Яренгу от устья и до верховья, по обЪ сторони рЪки пожни и озора с пожнями. Которыи озора истоками падуть въ Яренгу рЪку, то все Яренскии, и около озоръ пожни, и лЪсебныи лЪсы, и путики, и всякии угодья. А что противъ Подмошочья под лЪсомъ Яренскии озора, от техъ озоръ прямо до Лавкоты рЪки по мху и вверхъ по Лавкоты рЪки, и с верхъ Лавкоты рЪки на Верхнее озоро на Яренское. А тои рЪки Яренги межа с Двиньского конца от Муроканды по ручью межа по Толъстому наволоку, а в другои конець межа по Великому логу по середки. А даша на томъ попъ Максимъ Иониничь Семеновымъ дЪтемъ Левонтью и Ивану десеть сороковъ бЪлки к старымъ кунамъ закладным, а пополонка далъ одному брату свинью, а другому брату куря. А купи себЪ одерень и своимъ дЪтемъ. А на то послухи: Ондри Конановичь, да Михаило Фефилатовичь, да Василеи Сасиничь, да Олехъ Поколото. А у печати стояли оба брата Левонтеи и Иванъ.