Се менися игуменъ Германъ святЪи Богородицы, и Арсенiи, и Горонтеи, Еустратiи, Дементеи и Нестеръ и всЪ старцы святЪи Богородицы Лисичьи горки с Констянтиномъ сь Есиповичемъ землею на землю. И да игуменъ святЪи Богородицы и вси старцы Костянтину Есиповичю землю на ВешерЪ, в Туровскои земли во всеи в ФилиповЪ и в Ыванове половинЪ треть. А володЪти Костянтину тою землею, и пожнями, и лЪсомъ, и ловищами всЪмъ без вывЪта, по данои грамотЪ и по старымъ грамотамъ, по ФетЪньинЪ и по ВасилистинЪ, что дали в домъ святЪи Богородицы на Лисичью горку на память. . .