По благословению архиепископа (архиепископа приписано другим почерком над строкой.) владыки новгородцкого Iвана. Вкупи игуменъ Ларивонъ святаго Спаса, и Феодосеи чернецъ, и всЪ старцы святаго [165] Спаса у Прокопья у в Ыванова на Глуху на ручью пожню и жаръ лЪсъ. А оботъ тои пожни из Глуха ручья логомъ в жаръ к Дмитриеве пожни, что монастырю далъ, от Дмитриеве пожни в путище, да путищемъ в жаръ к малои прядке въ яму, от ями прямо на долгую грятку, черезъ долгую грядку прямо в гарю да восняго на дубовои пень, от дубового пня да прямо в Глухъ ручеи противъ воспища, да ручьемъ внизъ к Веренде рЪки до Лопуси речки по Глуху ручью. В семъ ободе все без вывЪта. И даша на томъ iгуменъ и чернцы святаго Спаса Прокопью Iванову два рубля отдерень монастырю святаго Спаса и в вЪкъ. А на сеи торговли были Олександръ Игнатьевичь, Яковъ ОндрЪяновичь, Михаила Есиповичъ.