1304—1305 гг. — Грамоты Новгорода тверскому великому князю Михаилу Ярославичу

8

Грамота с жалобой на Федора Михайловича и Бориса Константиновича

Подлинник на пергамене; писан тем же почерком, что и № 7, и скреплен с ним одной печатью. ЦГАДА, Гос. Древлехр., отд. I, рубр. III, № 9-б.

ДрРВ, I, № 8; СГГД, I, № 11; Шахматов, О языке, сс. 250—251.— Печать воспроизведена: Лихачев, Альбом, XI, 8.

Благословление от владыкы, поклонъ от посадника, и от тысячкого, и от всего Новагорода князю Михаилу Ярославицю. Князь великыи АндрЪи и вьсь Новгородъ дали Федору Михаиловицю городъ стольныи Пльсковъ, и онъ едъ хлЪбъ. А како пошла рать, и онъ отъехалъ, городъ повьргя, а Новагорода и Пльскова поклона не послушалъ; приехавъ въ село, Новгородьскую волость пусту положилъ, братию нашю испродалъ. ТобЪ, княже, не кърмити его новгородьскимь хлЪбомь, кърми его у себе; а на селЪхъ его куны ему даемъ. А Бориса Костянтиновица кърмилъ Новгородъ КорЪлою; и онъ КорЪлу (В подлиннике: КолЪлу.) всю истерялъ и за нЪмцЪ загонилъ; надъ тимь, рубежь учинилъ на НовЪгородЪ, чего не пошло. Про рубежь, господине, како будешь въ НовЪгородЪ у отца своего у владыцЪ и у своихъ мужь, намъ съ нимь судъ передъ тобою, господине. А нынЪ серебра ему не вели емати. А тобЪ, господине, новгородьскымь хлЪбомь [19] не кърмити его. А из Новгородьскои волости поидеть. А на селЪхъ его куны даемъ по исправЪ на купленыхъ; а которое не куплено, а съ тЪхъ поидеть бес кунъ.