№ 29

1688 г. ноября 23. — Послание молдавского митрополита-изгнанника Досифея царям Ивану и Петру Алексеевичам и царевне Софье Алексеевне с просьбой об оказании материальной помощи

Божиею милостию, яже ест посреде вас, великие государи цари и великие князи Иоанне Алексеевич, Петре Алексеевич, Софие Алексеевна, троично единоначалие от вышния живоначялныя троици благословеное всея Великия и Малия и Белия России самодержци и многых господарств и землей въсточных и западних и северных отчичи и дедичи и наследники и государи и облаадатели, от бога отца и господа нашего Иисуса Христа духом святым благодать вам и мир и премудрость в спасении да умножится и да подаст вам силу и държаву и одоление вечное на вед иноплеменныя язикы съкрушати их жезлом железним, крестною силою непобедимою и покорити под краснии ногы царствия вашего и умирити всю вселенную в богоразумие христово и любовь святую во славу божественную. Амин.

Аз, смеренный сучавскый митрополит, сущый в удалении от земли своей со святым Иоанном, великомученником христовым, и со всем съкровищем церковным святыя нашея митрополии сучавскои, с частиею братии от клира, уцелевше от лица мечя и разграблениа и гнева воинска из Молдови, ныне страничествуем у граде Стрию и чаем даж ся земля успокоит и тогда, приемши изволение, пойдем възвращився с въсем еже у нас ест съ святым [100] великомученником Иоанном в наше отечество в град Сучавю разоренную и запустеную от агардскаго чястого попрания и насилиа и лютых бед ⁴⁷.

Ныне мы с умиленным смерением нашим молимся пресветлому и боговенчанному и святому ви царствию, да помилует нас и пошлете нам помощь милостины и жалованиа, якоже повсюду всем нескядно простираете богатую милость, и нас у щедроте в скъдости странечества нашего, а мы, раби молитвенници святого ви царствиа, непрестано у служениах святых у същно действиях у олтари божественном поминаем святыя и достохвалная царская имена великаго ви царствиа, яко да подаст вам Иисус Христос бог наш многодетно и мирно здравие, царствование на земли равно со святыми равноапостольними Константином, и Еленою, и Феодосием, и Пулхериею, царствовавшим свято на земли, и венци нетленнаго и вечнаго царствиа за предстателством пречисты, преблагословенныя, славныя владычици наше богородица и присно деви Мариа и всех святых. Амин.

У Стриу лета 7196, ноември 23 светаго царствия вашего раб и молитвенник

Смиренный митрополит сучавски

+ Дософей молится ⁴⁸.

На сие послушание умолих сего брата иеродиакона Иону ⁴⁹ из светаго монастира Прочистия богородици Донскыя и обещася Христа ради исполнити, что будет милосердие свитое ваше к нам прислати през него ⁵⁰.

Опубл.: Dragomir, р. 139-140; Чебан, стр. 149-151.

Комментарии

47. Обстоятельный разбор причин, приведших к отъезду Досифея из Молдавии осенью 1686 г., см.: Чебан, стр. 49-53; N. Iorga. Istoria bisericii rominesti si a vietii religioase a Rominilor, vol. I. Valenii-de-Munte, 1908, p. 396; «Istoria literaturii romine», I. Buouresti, 1964, p. 439.

48. О пребывании Досифея во владениях короля Яна Собесского вначале в г. Жолкве, а затем в Стрые см.: Чебан, стр. 53-54.

49. Иона — иеродиакон московского Донского монастыря, доверенное лицо молдавского митрополита-изгнанника Досифея.

50. Об откликах в Москве на просьбы Досифея о материальной помощи подробно см.: Чебан, стр. 52-53, 151-152; Dragomir, р. 46-49.