№ 89

1624 г. ноября 15. — Письмо валашского митрополита Луки царю Михаилу Федоровичу с рекомендацией митрополита Сергия и упоминанием о своем посольстве в Москву в 1596 г.

Лука, милостию божиею митрополит въсеа земля Угравлахийское и Подунавия и обо[и] стра[н] планин[н], Арделиа и проча.

Светлейшему и благочестивейшему государю царю и великому князю Михаилу Феодоравичу, самодръжцу московскому, севера, востока и въсеа Росиа о дусе святом сыну нам превъзлюбленну, о господи радоватися въсяких благ, в нынешнем веце поживши длъголетно и в бюдущем царствиа небесного и с Христом пребываниа дръжаве царствиа ти приискръно получити желаем.

Ведии убо известно, зане и аз искус о сих приях, от гостолюбивого дому царствиа вашего, егда бех посылан от прежде почившаго господара Михай воеводы ²⁴³, правящу скипетры тогда благочестиваго царствиа ти, о господи свято почившему царю и великому князу Феодору деду величества царствиа ти, его же да упокоит бог в царствии своем с въсеми святыми. И о сем брате и съслужителю нашем Сергию, митрополите гревенскому, въручаем сие свидытелство пред престол царствиа ти, яко о възлюбленну сыну благоговеину архиерею, сющу тому зело озлобленну от нечестивых агарян, церкве христовы ради и благочестиа. О нем же, и касаяся главою землю, молю милостиву быти величеству царствиа ти сему, длъжен есмы аз же и он молити господа о дрьжаве царствиа ти непрестанно, покрову же божию и пречистыя его матере царствию ти дароватися молимся и молитвы нашего смерениа да почиют и да бюдут с вами. Амин.

Написася в настояне граде Тръговищи, в лето 7133 месяца ноемвриа 15 дня.

Опубл.: Dragomir, pp. 76-77.

Комментарии

243. Речь идет о пребывании Луки в Москве в 1596 г., когда он был послан валашским господарем Михаилом Храбрым для переговоров с русским царем о военной поддержке в борьбе с турецкой агрессией и с просьбой о денежной помощи (Al. Grecu. Mihai Viteazul si Rusia. — «Studii revista de stiinta filosofie-arte», 1948, № 4, pp. 142-146). См. также прим. 193.