№ 64

1590 г. октября 8. — Письмо Львовского ставропигиального братства молдавскому митрополиту Георгию Могиле с просьбой о помощи в строительстве церкви, школы, типографии и больницы Львовского ставропигиального братства

Освященному и въ святом дусе взълюбленуму господину Георгию, архиепископу земле Молдавской 188.

Посылаемо до сватини вашей, просячи напередъ господа бога, абы вашу святительскую милость въ добромъ здоровю и въ своей милости на много леть заховалъ съ всеми вашими любимыми приятелми. И ивно чинимо вашей милости, иже смо послали трохъ братовъ нашихъ: пана Мануила Арфанеса и пана Иоана Красовъского и пана Фому Стомыци отъ братства Успения богородица, абы выправили гроше готовый, котрыи виненъ церкви нашей панъ Бернардъ Гампилисъ, понеже маемо волю, если богъ похочетъ, будовати церковъ скоро на весну. И про то жъ молимъ милостъ вашу: учините, ваша милость, и съ иными паны и христианы малую милостиню для потребы вышереченои церкве и для школы и друкарне, которая найдуется зде у насъ, и сие да сътворите, ваша паньская милостъ, для вышеиреченого храма божиа, а богъ вседержителъ вамъ тое заплатить въ царстве небесномъ, и има вашей милости будетъ везде слынути, иже на таковыи потребы не оскудеваете негды, абысте не мели споможение чинити. И такъ маемо надею въ бозе святомъ, ижъ не оскудееть негды милость ваша, токмо вспоможите, а на болше теперь на такую великую потребу, ижъ будуется церковъ и школа и домъ для друкарне, и шпиталъ дла убогыхъ, вдовицъ и сиротъ. Что розумиемо, ижъ блаженейшии патриархь господинь Иеремея по достатку вамъ оповедаль, што таковыи справы намъ рядити и о тое ся старати, и до иныхъ пановъ въ чюжии земле просячи милости и вспоможена издити росказаль и подъ непрощениемь запретиль, абысмо тое не занедбали, али поки насъ станетъ абысмо во Лвове, на семъ месци таковыи справы радили, всехь христианъ о споможена просяси, абы всемь христианомъ сватои въсточнои церкве нашей тое ся деяло на потеху и розможеня 189. При семъ богъ всесилный да съблюдетъ милость вашу отъ всякого зла.

1590-го месяца октоврия 8, зо Лвова.

AndrntoV TamkloV, oV adeljwV grajw.

AntonoV KatakaloV, oV adeljwV grajw.

Димитръ Деомидовичъ Красовский, рука власная.

Фома Ивановичъ Бабичъ, власная рука.

Вси купно, еже о Христе братство храма Успения божия матере гражане лвовскии. [194]

Адрес: Преосвященому и въ бозе велебному господину отцу Георгию, архиепископу земле Молдавъскои, въ преподобныя руце честно от дати — въ Яси.

«Юбилейное издание», т. I, № LXXXVII.


Комментарии

188. Молдавские митрополиты в конце XVI в. официально именовались «архиепископами земли Молдавской». Георгий Могила был молдавским митрополитом дважды — с декабря 1587 г. по конец 1590 г. и с августа 1595 г. по май 1600 г.

189. О связях Львовского ставропигиального братства с молдавскими господарями см. также док. № 41, 77, и прим. 130-133, 216, 218, 221, 222.