№ 62

1589 г. июня 1. — Грамота молдавского господаря Петра Хромого боярину Чакыру джелепу на купленное им имение с освобождением от всех податей и повинностей поселившихся в нем крестьян независимо от их национальности

Милостию божию мы, Ио Петр воевода, господаръ земли Молдавской, знаменито чиним с симъ листомъ нашимъ въсемъ, кто на немъ възритъ или чтучии его оуслышитъ, ожъ приидоше пред нами и пред усими нашими молдавскимы болери великими и малимы, слуга нашъ Прокопъ И[оа]н Мытею по его доброй воле, никимъ не понужденъ и ани присилованъ, и продалъ свою правою отнину и викуиление отцу его Мютею едно къшлъ на Когълникъ оу волост Лъпушънои, та продалъ Чакъру джелеиу за девет тисещ и шестсот аспри нинези готових. Що тота вишеписаннаа къшла на когълник оу волост Лъпушнои, егда бист прежде от сил време при дны покоинъному Яикул воеводи, он въставшес и възелъ тои предреченьнои къшълы, что на когълник оу волост Лъпушънои от Прокоп сынь Мътею и бист продал си паки жъ Чакру джелепу за деветъдесет тысещ аспри. Когда бист възел ему въсе имение, елико имал, и сам еще бил у свезансътво и въложен ве темницу. И въставъшесе Чакър джелеп и заплатил уси неполна тех вишеписанних 9600 аспри пинези готових в руки Прокоп сыну Мютею предь нами и пред нашими болери, ино ми видеше их доброволно токме же и полное заплату.

А ми такождере и от насъ дали и потвръдили есмы Чакъру джелепу тота вишеписаннаа кышла, що на когълник оу волост Лъпушна, како да имает себе тамо осадити село и да ест ему съ въсем доходом. И о томъ такождере прииде предъ нами и пред нашими молдавекы болери велики и малими пънъ по его доброй воле, [188] никим не понужъден и ани присилован, и продал едно место за къшлъ паки ж на том же Когълник, але май пониже у могилу Бодеев, та продал Чакъру джелепу за 30 овберче. И въставшесе Чакр джелеп и дал тих 30 овберче от пред нами тем ради, како да ес[т] ему, и от насъ урик и отнина съ въсъмъ доходом и детим его, и онучатам, и преонучатом, и пращуретомь, и въсему роду его, кто се ему изберет наиближний непоколебимо им николи ж на веки вечния.

И аще кто кет призовет люди от иншаа земле въ тех вышеписанних къшлах, руси, или мунтени, или сърби, или гречи, или москвитин, или влаху, или буд что за язика будет, а они да имают от нас свобождение не робити нам ни жадною нашу работу, ни у войско ходити, и ани илиш платити, и ни 50 ас, ни горщину за овци, и ани за свини, и ни десетину за пчели, и ни дан царскаа давати, и ни жадних наших дабил давати николи же на веки вечния тьчию да имает дати господство ми Чакър джелеп по три тисещ аспри ради тех люди, еже више пишем, от год до год. А хутар тим вышеписанним къшлам, что на когълник у волост Лъпушнои, да ест им хутари по своими старими хутари, покоуда извека оживали.

А на то ес[т] вера нашего господства вишеписаннаго мы, Ию Петръ воеводи, и вера бояр наших: вера пана Бучима дворника долнеи земли; вера пана Еремия дворника горнеи земли; вера пана Зота и Гиоргие пръкалаби хотинских; вера пана Иванъ пръкълаб немецкии; вера пана Давид и Петре пръкълаби новоградских; вера пана Андрея портаре сучавскаго; вера пана Брут постельника; вера пана Гиоргие чашника; вера пана Сава столника; вера пана Стан комис и вера бояр наших молдавских великих и малих. А по нашим животе кто будет господар от детих наших, или от нашего рода, или пак буд кого бог избе[ре]т господарем бити нашей земли Молдавстеи, тот би ему не порушил нашего даание и потвръждение. А ну аби ему дал и укрепил, по что ес ему праваа отнина и викупление за питомии пинези. А аще кто се покусит раздрати и съкрушити нашего токмеж, таковии да ест проклет и трьклет от господа бога, сътворшаго небо и земле, от четири ивангелисти и от 12 връховних апостол, еже на святемъ сьборе просиявше и от 318 отец, иже въ Некеи, и да имает участие съ Июдою и съ триклетом Арием и съ инними неверними жидове, еже възъпиша на Христа, кръв его на них и на чаде... (Отточие рукописи) и бъдет навеки.

А наиболшеи крепост и потвръждение тем усим вишеписанним велели есми нашему верному и почитенному болерину пану Строич великому логофету писати и наша печат привезати к сему истинному листу нашему.

Писалъ Еремия Бесенул оу Яс в лето 7097 мис[е]ца юн[ие] 1.

ГБЛ, ф. 256, № 80, лл. 2-2 об. Копия с подлинника.

Опубл.: «Молдавия в эпоху феодализма», т. I. Кишинев, 1961, стр. 140-142.