№ 3

1439 г. сентября 8. — Хрисовул валашского господаря Влада Дракула ⁵ на торговые льготы львовским, польским, русским и молдавским купцам

+ Въ Христа бога благовернии и б[ла]гоч[е]стивыи (В рукописи: бгочстивыи) и христюлюбивыи и богом помазанный и самодрьжавныи Иоан Влад воивода, милостию божиею и божиемь благым произволениемь обладующу ми и господствующу ми въсеи земли Угровлахиискои даже и до великаго мора обладук, паче же и на Угрьскои земли Омлашу и Фагарашу херцегь.

Благопроизволи господство ми своимь благым произволениемь, чистим и светлим сръдцемъ, и дарихъ сыи въсечестны и благособразныи и предпочитанныи, иже над въсеми чьсти и даровь [48] настоящи хрисовуль господства ми. Паче же учиних више ради прошениа приатели господства ми, еже сют местичи сот Кракова, по името: Мартин Хмил и Станиславь Дивныи, будучи местичи въ Львове, тако записах сыи чистны лист господства ми сь верою и сь обещаниемь. И даю ведание въсемь купцем и въсекому чловеку, тко би хотел до земли господства ми доити ют въсеи Лецкои земли ют Кракова, ют Львова, и сот иних месть, и сот Рускию земли, и ют Молдовъскои земли — въсекыи чловекь и въсекыи купецъ (Здесь и далее подчеркнуто в рукописи), хто узрит сыи лист господства ми или услишитъ его чьтучи, и тко би хотел доити сь купиом, буди сь коимъ-либо трьгом, въсекыи чловекь да идетъ въсекы чловекь (Так в тексте) въ землю господства ми, мирно и слободно, да продават що имат и да куповат що любит, и пакы мирно и слободно да поидеть нечего не бо есе. А мито да платит на Рибныку въсекыи чловекь от единого воза два флорини въгръцкы, а по иних местох да платит правое мито, како и мо[и] (В рукописи: мо) людие давають, а потом слободно да ходить. Хто-либи хотел от вас и до Турской земли поити, еще можеть мирно и слободно ходити, давши правое мито. Сие записахь вамь, купцемъ, на вечнии векы непотькновено до живота господства ми.

По смръти же господства ми и до живота сыновь господства ми, Мирча и Влад и Радул или ини кого избереть господь богь бити господинь Влашкои земли, по грехом нашимъ или и сот иноплеменныкъ, да еще почътеть и поновит и утвръдить сыи хрисовуль, и того господь богь да почьтеть и утвръдить въ господстве его. Аще ли порушить и посрамить и не послушат сыи лист, то таковаго господь богъ да порушить и посрамить в господстве его и да убиеть зде тело, а въ бждущимъ веце доушю, и да ест проклет сот Христа бога спаса нашего и сот 318 сватых отьць иже въ Никеи богоносныхъ, и да имать учестие сь Июдою и сь Ариею и сь онеми нечьстивеми, еже рекошю на Христа бога спаса нашего: крьвь его на них и на чедох их, еже ест и бюдетъ въ векы, аминь.

И на тим въсемь връхуписанным вера и доуша господства ми, и вера и доуша сыновъ господства ми, и вера жупана Тудора, и вера жупана Татула великого дворника, и вера жупана Нанула, и вера жупана Воика, и вера жупана Мане Удрища и брата его Стоика, и вера жупана Ярчула, и вера жупана Радула Борчева, и вера жупана Станчула Хоноа, и вера Стефана логофета, и вера Димитра спатаре, и вера Шербана вистиера, и вера Семена столника, и вера Микле пахарника, и вера Баде комиса.

За повеликое же утвръждение велели есми нашему верному писарю Михаилу сыи лист приправи[ти] и нашу велику печать привесит. [49]

А дана въ Аргишю, писана же въ Тръговищи месяца септевpиa 8 дьнь в лето 6948.

+ Иоан Влад воевода милостия божиея господинь +.

Kaluzniacki, № V, str. 28-29. Литографическое факсимиле подлинника. Подлинник — в Archiwum Glowne, Warszawa, на пергаменте. На большой круглой восковой вислой печати надпись (Сведения о печати взяты у Калужняцкого, где надпись прочитана Фр. Пикосинским): Wlad: filius: Merce: Transalpinis: waivoda: et: dominus... (Несколько букв не разобрано), а по сторонам герба кириллические инициалы ВЛАД, т. е. Влад.

Опубл: Hasdeu, v. I, pp. 84-89.

Комментарии

5. Влад Дракул был господарем Валахии дважды: с 1436 г. до марта 1442 г. (в этот период и была дана публикуемая грамота) и с 1443 г. до 25 декабря 1446 г.