№ 1

1408 г. октября 8. — Грамота молдавского господаря Александра Доброго на торговые льготы львовским купцам

+ Милостью божьею мы, Александръ воевода, господарь земли Молдавской, чинимъ знаменито ис симъ листомъ нашимъ оусемъ’ кто на нь оузритъ или его оуслышитъ, оже есмы доконали съ радцями и съ местьчяны Илвовьского места и съ усемъ посполъствомъ ихъ и оучинили есмы оуставицьтво о мытахъ оу нашеи земли и доконали есмы съ ними, штобы ходили оу нашои земли и съ своими торговлями. А мыта есмы имъ такъ поставили и оулегчили, штобы давали оу нашей земли мыто так: наипервое головное мыто Сочавьское, на покладе, от сукна отъ гривну три гроши. А коли имуть купити татарьскыи товаръ оу Сочаве, или шолкъ, или перецъ, или камхы, или тебенкы, или темьянъ, или грецкыи квасъ, от гривну оу Сочаве по три гроши. А коли имуть купити татарьскыи товаръ оу иных торгохъ нашихъ, тамъ имуть дати, где его купятъ, отъ гривну два гроши, а на головное мыто оу Сочаве отъ гривну три гроши, та смееть его продати, кому любитъ.

А кто идетъ до Илвова, на головное мыто оу Сочаве: отъ скота одинъ грошъ, от десять свинии одинъ грошъ, отъ десать овець одинъ грошъ, а отъ кобылы по шесть гроши, а отъ каждого кона по шесть гроши, отъ сто белиць один грошъ, отъ сто лисиць десять гроши, отъ сто овчины суранныи четыри гроши, отъ сто кожи ягнячиихъ два гроши, отъ сто кожи скотиихъ пятнадесяте гроши. То мыто Сочавьское.

А кто идетъ до Татаръскои стороне, отъ 12 кантари оу Сочаве одинъ рубелъ серебра, оу ясы тридесяте грошь, а оу Биелыи-городь полърубелъ серебра; а кто не идетъ на Белыи-городъ, толко иметъ дати на Тягянякячю колко оу Беломь-городе, опроче перевозовъ, а на сторожу отъ каждого воза по дванадесяте грошь. А кто иметъ погнати скотъ до Татаръ, на головное мыто оу Сочаве отъ скота четыри гроши, а оу ясы два гроши, а на Тягянякячю два гроши; а отъ сто овець оу Сочаве шестьдесяте гроши, а оу ясы тридесяте [41] гроши, а на Тягянякячю тридесяте гроши. То мыто темъ, што идутъ до Татаръ.

А поставы сукна имаютъ ихъ продати на искладъ оу Сочаве, а оу[иныхъ] (В подлиннике пропущено) нашихъ торгохъ не имаютъ волю продати ихъ. А съ теми грошми волно имъ ходити и торгувати соби по оусехъ торгохъ нашихъ, што коли изнаидуть.

А до Оугоръ и до Бесарабъ слободно имъ вывозити сукна... (Несколько буке И. Богданом не разобрано) А кто повезетъ сукно до Бесарабъ, дати иметъ на головное мыто оу Сочаве отъ гривну по три гроши, а на край, оу Бакове, отъ гривну два гроши. А што привезетъ изъ Бесарабъ — или перець, или баволну, или будь што, — отъ 12 кантари оу Бакове полърубелъ серебра, а на головное мыто оу Сочаве отъ 12 кантари одинъ рубелъ серебра.

А кто иметъ повезти сукно до Бистрици до Оугоръ, оу Сочаве отъ гривну по три гроши, а оу Бани отъ гривну полъвтора гроша, а оу Молдовици отъ гривну полъвтора гроша. А коли ся воротятъ изъ Оугоръ, отъ каждого терху оу Молдовици по два гроши, а оу Бани отъ каждого терху по два гроши.

А кто иметъ повезти сукно до Брашова, на головное мыто оу Сочаве отъ гривну три гроши, а оу Бакове отъ гривну полъвтора гроша, а оу Тотрушъ отъ гривну полъвтора гроша. А коли ся имуть воротити, отъ каждого терху на Тотрушъ по два гроши, а оу Баковъ отъ каждого терху по два гроши.

А кони из нашои земли, што по три гривны, слободни имъ суть, и оугоръстии кони слободни имъ; а оу которомъ торгу имуть ихъ купити, тамъ имуть дати отъ каждого коня по четыри гроши, а на искладъ оу Сочаве отъ каждого коня по шесть гроши, а на Сирять отъ каждого коня по два гроши, а оу Черновци по два гроши.

А кто иметь повезти кони или кобылы до Камянци, што было дати ему о Сирять, то иметъ дати въ Дорогуни, а што было дати ему оу Черновци, то иметъ дати оу Хотини. Такоже естъ мыто и отъ кобылы, яко и отъ кони.

А кто иметъ купити скотъ или бараны оу Бакове, либо оу Романове торгу, либо оу Бани, либо на Немци, либо оу иныхъ торгохъ нашихъ, не надобе нигде мыто дати, нижь тамъ, где купилъ, и возметь печать отъ мытника. А оу которомъ торгу иметъ купити, тамъ иметъ дати отъ скота одинъ грошь, отъ десять овецъ одинъ грошъ, отъ десять свинии одинъ грошъ, отъ сто кожи воловыхъ десять гроши, отъ сто кожи ягнячиих одинъ грошъ, отъ сто кожи суранныхъ два гроши, та идуть на головномъ мыте Сочавъскомъ.

А оу Сирятьскомъ торгу отъ крамныхъ речехъ: отъ шапокъ, отъ ногавици, отъ корды, отъ мечи, — отъ гривну по три гроши. А што [42] коли идетъ изъ земли чересъ Сочавы на Сирятъ, колко давали на Сочаве, половина отъ того мыта имуть дати на Сирятъ отъ оусего, и отъ кожи, и отъ волны, и отъ овчины. То мыто Сирятское.

А оу Черновци отъ Немецкого воза мыто четыри гроши, а отъ Орменъского воза шесть гроши; отъ скота одинъ грошъ, отъ десять свинии одинъ грошъ, отъ десять сивець одинъ грошъ, а отъ кони и отъ кобылы по два гроши. А на перевози и отъ Немецкыхъ возъ целыхь и отъ Орминъскыхъ по четыре гроши. То мыто Черновьское. А оу Черновци возы не стрясти, але купець дати свою веру, аже не имаетъ заповедании товаръ на свои возъ; куници, серебро, воскъ и кони добри земъстии.

А имаеть ся поставити цену сукне оу Сочаве, яко во Лвове.

А львовяне, што имуть поити до Браилово по рыбы на крайнее мыто, или оу Бакове или оу Берладе, тамъ имуть дати отъ гривну по полъвтора гроша, а воза и рыбы не заимати. А тамъ возметь печать, та приидетъ слободно до Сочаве. Та иметъ дати на головномъ мыте оу Сочав[е] отъ гривны по три гроши, а воза и рыбы не заимати. А на Сирятъ имуть дати отъ гривну по полъвтора гроша, а рыбы и воза не заимати. А оу Черновци мыто отъ воза.

А лвовяне, што имуть принести сами из Оугоръ серебро жеженое, отъ того серебра, што быхомъ мы купили собе, колко будетъ намъ надобно, а иное серебро, што останетъ, то имъ слободно.

А мунтяньскыи воскъ и брашевъскыи слободно имъ естъ. А мыто имуть дати отъ камене оу Бакове одинъ грошъ, а на искладъ оу Сочав[е] отъ камене одинъ грошъ, а оу Сирять отъ камене одинъ грошъ.

А оугоръстии куници слободни имъ. А мыто имуть дати оу Бани полъвтора гроша отъ грив[ну],ана искладъ оу Сочаве отъ гривну три гроши, а оу Сирять полъвтора гроша отъ гривну. А отъ тии куници колко будуть намъ надобни, а мы имемъ соби купити, а инии имъ слободни.

А еще есмы имъ дали волю, штобы собе держяли оу Сочаве одинъ домъ, а оу томъ дому корчьму не держяти, ни пива варити, ни мед, ни меснии клеткы держяти, ни хлеба продавати. Пакъ ли тотъ, што иметь жити оу тотъ домъ, бы хотелъ нешто отъ тех держяти, тогды муситъ съ местомъ терпети.

А то есмы оучинили купцемъ господаря нашего, короля полского, изъ оусеи Рускои земли ¹ и ис Подолскои. А то мы, иже есмы выше писали, слюбуемъ имъ вечно уздержяти, безо лети и без хытрости, на векы вечныя, мы и наши наместкы, николи то не порушено, при нашей чти и при нашои вере, подлугъ крестьянского права.

А на то сведкове: панъ Жюржь староста, панъ Михаило Дорогункыи, панъ Владъ Серетскыи, панъ Оана дворникъ Сочавскии, панъ Яцко и панъ Илияшь чашникъ. А еще при томъ были [43] посли с Левова, што с нами сесе дело доконали: Мычко Куликовьскыи, и Зимиръстанъ Ханысъ, и Ханысъ Верзьсть, и Русъ Никлюсъ, и писарь лвовскый Ханысъ.

А на потвержение темь оусемь велели есмы нашему верному Братяю логофету писати и привесити печать наша великая к сему листу нашему.

Оу Сочаве, оу лето шестотысячное девять сотъ и шестьнадесятое лето ², октяб[ря] 8.

Государственный исторический музей СССР. Отдел письменных источников, ф. 17, д. 41/23а — II. Подлинник, на пергаменте, писан мелким полууставом. На большой круглой восковой вислой печати надпись: Печ[а]ть Ио Олександр[а] воевод[ы], г[осподи]на земле Молдавской.

Опубл.: АЗР, т. I, № 21, стр. 30-32; Головацкий, № XXVIII, стр. 28-32; Каlиzпіаскі, № II, str. 13-21, Costachescu, V. II, № 176, рр. 630-637.

Комментарии

1. Под «Русской землей» подразумевается Галицкая Русь, населенная русскими и украинцами. Центром торговых отношений Молдавии с Галицией был в XV в. Львов. Через Краков — Львов — Сучаву проходил международный торговый путь, связывавший Северо-Западную Европу с южными и восточными странами (G. Вezviconi. Contributii la istoria relatiilor romino-ruse. Bucuresti, 1962, pp. 20-21; «История Молдавии». Под ред. А. Д. Удальцова и Л. В. Черепнина, ч. 1. Кишинев, 1951, стр. 118).

Тесные торговые отношения Молдавии со Львовом поддерживались в течение всего XV в. Торговые привилегии, данные Александром Добрым львовским купцам, подтверждались и последующими господарями. Так, грамота молдавского господаря Стефана II, сына Александра Доброго, от 18 марта 1434 г. подтверждала торговые льготы львовским, польским, русским и подольским купцам с указанием предметов ввоза и вывоза, размера таможенных пошлин и таможенных пунктов (Kaluzniacki, № IV, str. 24-28; Costacheseu, № 186, pp. 667-674). В 1456 г. молдавский господарь Петр Арон в грамотах от 15 января (см. док. № 5) и 29 июня подтвердил торговые привилегии львовским, польским, русским и подольским купцам (ВАс RPR, № 5234, pp. 134-142; Kaluzniacki, № VII, str. 36-45; Hurmuzaki, v. II/2, pp. 677-683; Costachescu, № 229, pp. 788-796).

Стефан Великий в грамоте от 3 июля 1460 г. вновь пожаловал львовским купцам льготы, предоставленные еще Александром Добрым, подробно перечислив предметы ввоза и вывоза, размер таможенных пошлин и те пункты, где эти пошлины взимались (Bogdan, v. II, p. 272-276; Kaluzniacki, № VIII, str. 45-50; Hurmuzaki, v. 11/2, pp. 686-692; Hasdeu, v. II, pp. 171 -176). Эта грамота была подтверждена Стефаном Великим глейтовным листом от 25 января 1463 г. о свободной торговле львовских купцов в Молдавии (Bogdan, v. II, pp. 295; Kaluzniacki, № IX, str. 50-52; Hurmuzaki, v. II/2, pp. 699-700).

2. Грамота датируется 1408 г., так как до 1572 г. новый год в Молдавии считался с 1 января (С. Giurеsсu. Citeva cuvinte asupra vechei cronologii rominesti. — «Convorbiri Literare», v. 34. Bucuresti, 1900, pp. 695-745). Все публикации XIX в. (см. о них в легенде), а также публикация М. Costachescu 1932 г. ошибочно датировали эту грамоту 1407 г. (D. Bogdan. Contributiuni la studiul diplomaticei vechi moldovenesti. — «Revista Istorica Romina», v. IV. Bucuresti, 1935, pp. 35-36). Последняя работа по хронологии молдавских грамот I. Ionascu. Cronologia documentelor din Moldova si Tara Rommeasca. — «Documente privind istoria Rominiei». Introduire, v. I. Bucuresti, 1956, pp. 416-417).