№ 37
1534 г. июля 28. Окружной лист Сигизмунда I тиунам и всей шляхте Жемайтской земли о повиновении гетману Ю. М. Радзивиллу.
/л. 1 (32)/ Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.
Тивуну поюрскому и коршовскому пану Адаму Ганусовичу Бейнаровича и всим тивуном волостей наших земли [95] Жомоитское, и бояром, и дворяном нашим, всей шляхте земли Жомоитское.
Присылал к нам пан виленский, гетман наш навышший, староста городенский, маршалок дворный, державца лидский и белицъкий, пан Юрей Миколаевич Радивиловича, поведаючи о том, штож деи вы, будучи там, у Менску, на послузе нашой господарской, ни в чом его милости гетмана нашого послушни быт(и) не хочете, а поведаете, яко быхмо мы вам гетмана иншого дали – тебе, Адаме; гдеж деи есте в пана виленского его милости оказати почтов своих и пописатися не хотели, а даете деи его милости списки, абы водле тых списков ваших у реистра свои гетманскии вас писати казал. И к тому деи становитеся станы своими от его милости гетмана нашого далеко – в шести и в семи милях, и, там стоячи, многии з вас подданых наших збытки починают и шкоды великии, и кгвалты, и наездки подданым нашим делают. И которыи жалобы на вас перед его милость гетмана нашого приходят, вы деи перед ним ку праву становитися не хочете. Чему ся мы велико дивуем, иж вы таковыи своволенства смеете чинити, чого быхмо мы вам терпети не мели, и вже мы были хотели казат(и) вам каранье за то таковое вчинити, яко бы вы вперед того не допускали, нижли ещо, яко господарь терпеливость маючи, на тот час того есмо понехали. Для чого ж приказуем вам, а звлаща тобе, Адаме, абы есте вперед такового своволенства своего чинити перестали и ни в чом напротивку росказанью и воли пана виленского его милости гетмана нашого навышшого не были, и обозы своими становили 1 ся поблизу его милости на тых местцах, где его милость вам роскажет. А почты свои вси абы есте у его милости пописали так, яко ся иншии вси подданыи наши пописуют, и во всем бы есте послушни были его милости гетмана нашого: бо мы многих справец гетьманов у войску нашом мети не хочем; одно во всякой справе войска нашого суполную моц есмо дали одному его милости гетману нашому и всим княжатам и панятам – вышшим, нижли вам, – и земли всей росказали его милости /л. 1 (32) об./ послушным быти. Естли ж бы есте пред ся того чинити перестат(ь) не хотели, а повторе отпишет ли его милость о том до нас, тогды мы вже далей того терпеть вам не будем, а кажем у вас, тивунов, за таковую вашу недбалость и непослушенство тивунства ваши отбирати и дават(и) таковым, которыи будут волю и росказанье нашо господарское полнити, а инших велим именьи их карати. О том бы есте [96] ведали и во всем пана виленского гетмана нашого послушни были на той службе нашой – не иначей, яко на eгo милость, раду нашу высокую, прислушить.
Писан у Вилни под лет Бож(его) нарож(енья) 1534, м(есе)ца июл(я) 28 день, индикт 7.
Ф. 293. Д. 82.
Подлинник. Двойной лист. Размеры: (20,9 + 20,8) х 31,8 см. Под датой – овальная красновосковая печать (1,7 см по горизонтальной оси) под кустодией, с изображением польского орла и буквами S.D.S. вверху. Справа от нее – скрепа: Иван Горностай подскарбий зем(ский). Водяной знак (на втором листе) – корона (тиара), близкий см.: Piccard. Die Kronen-Wasserzeichen, Abt. IX. № 23 (1531-1535 гг.). Листы пронумерованы: в верхнем правом углу первого и второго листов проставлены, соответственно, числа 32 и 33; в левом нижнем углу первого листа – номер 29. Нижняя половина л. 1(32) об. и л. 2(33) оставлены чистыми. Двойной лист был сложен в виде пакета.
На обороте листа 2(33): в центре – аннотация по-польски: Listh krolewski do ciwunow zmodzkich у do szlachty srogi, aby Hethmana vielk[iego] posіuszni byli pod vtraceniem urzedow i ymion, data z Vilna A[nn]o 1534 Julii 28.
Комментарии
1. Первые буквы слова исправлены из: нес.