№ 34
1534 г. июля 10. Лист Сигизмунда I гетману Ю. М. Радзивиллу с распоряжением о составлении реестров путных слуг: одного – для годных, а другого для негодных к военной службе.
Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.
Пану виленскому, гетману нашому навышшому, старосте городенскому, маршалку нашому дворному, державцы лидскому и белицкому, пану Юр(ь)ю Миколаевичу Радивиловича.
Што есмо первей того установили уставу на вси дворы наши весполок з вашою милостью радами нашими, иж кождый слуга путный незаможный, который бы ся не мог годить на службу так конно а збройно ехати, яко у правех земских описано есть, ма(ет) 1 давати в кождый год нам по копе грошей. А так тых часов слышали есмо, иж таковыи путники, не маючи ни коней добрых, ани зброй, едно у сермягах а на клячах простых [91] боронных на войну поехали, не хотячи того плату нам платити. А прото, кгдыж будуть таковыи путники перед твоей милостью пописыватца, и твоя бы милость таковых писал, который бы годен был к тому на конех, у панцерах а в прилбицах, яко есть того обычай, ку попису, а которыи бы з них были прости у сермягах а на клячах боронных и зброй не мели и ку послузе не годны были, твоя бы милость таковых казал на особный реистр писати и тот реистр до нас прислати кождого повету: тогды мы 2 кажем пред ся на таковых тыи копы осадныи брати, бо было бы то нам з немалою шкодою, ижбы таковыи путники, там ку послузе не будучи годныи, а скарбу нашому ущипок у датку вчинили; а так ни там бы с них послуги было, ани ку скарбу нашому пожитков и пенезей. Прото даем то на твою милость гетмана нашого, абы твоя милость в том так поступовал, яко бы нам шкоды никоторое в том не было.
Писан у Вилни под лет Бож(его) нарож(енья) 1534, м(есе)ца июл(я) 10 день, индикта 7.
Ф. 293. Д. 75. Подлинник: 20,7 х 32,7 см.
Водяной знак – корона (тиара), близкий см.: Piccard, Die Kronen-Wasserzeichen, Abt. IX, № 23 (1531-1535 гг.).
Лист пронумерован: в правом верхнем углу стоит число 29, в левом нижнем – 26. Лист был сложен в виде конверта, оборотной стороной наружу.
На обороте листа: и правого края – небольшая (перстневая?) красновосковая печать (диаметр примерно 1,8 см) с изображением польского орла на щите и буквами S.D.S., справа от нее – скрепа: Горностай. В центре получившегося конверта – адрес (написан теми же светло-коричневыми чернилами, что и основной текст, и скрепа Горностая): Пану виленскому, гетману нашому, старосте городенскому, маршалку нашому дворному, державцы лидскому и белицкому, пану Юр(ь)ю Миколаевичу Радивиловича. Ниже, отступя: О бояр (так!) путных. Между адресом и этой записью – аннотация по-польски: List Krola Zygmunta do P. Jerze[g]o Radziwila, Hetmana W° Xa L°, o Boiary Putne, ktorzy by wojny sіuzyc nie mogli, aby po kopie dali do skarbu. A[nn]o 1534 3. С правого края отрезан небольшой прямоугольный кусок бумаги (там мог находиться шифр Радзивилловского архива).
Комментарии
1. В ркп.: ма.
2. Слово написано над строкой.
3. Год в ркп. подчеркнут.