№ 70

1649 г. июля 20.Лист киевского митрополита С. Косова в Посольский приказ с сообщением о посылке в Москву монахов для ученых занятий и с просьбой оказать помощь киевским школам.

Список с листа, что писал к о государю царю и великому князю Алексею Михайловичю всеа Русии киевской митрополит Селивестр Косов с киевским старцом Феодосием в нынешнем во 157-м году июля в 20 день.

Божиею милостию благоверному и христолюбивому боговенчанному царю и великому князю Алексею Михайловичю, всеа Русии самодержцу (п. т.), здравия телесного и душевного спасения, долговечного благополучного господствия и прочиих блаженств от господа бога желаем и милоствуем.

Пастырское есть дело со всяким тщанием о пастве своей промышляти. Еже аз добре сведый, пастырь сый богоспасаемаго града Киева, престола моего митрополитанскаго и всея Малыя Росии, аще во иное кое время, наипаче в нынешнее, в нашей земли смущения полное время должне промышляяй, тщуся, дабы все места святые и обители, в мире пребывающе, во всем изобиловали.

Но понеже господь грех ради наших тесные времена на нас попусти тако, яко и нашим обителей святым, милостынею кормящимся, окудением благодетелей осудевати. Наипаче ж, аз, во своем попечении имый общежительную обитель святых богоявлений храму во граде Киеве, при нем же, храме, прежде мене бывый блаженные памяти митрополит кир Петр Могила: училища различная, благочестием сияющая, к научению благочестивых детей зело полезная, благословением патриаршеским воздвиже, монастырь созда и братих благочестивых инок, во всяком учения художестве обученных, делу учения приличных, церкви нашей восточной, в православии сущей, зело потребных избра, при том храме утверди и своим иждивением во всяком обилии довольствовати творяше. И еже умножиша, яко благии раби талант господа своего, их же учением мнози благороднии отроцы, в благочестии обучившеся, возрастите, столпи непоколебимии церкви явишася, от иноверных церковь христову своим премудрым препиранием защищающе. По представлении же прежде мене бывшаго вышереченнаго митрополита, мне, убожейшему паче оного, с зело малейшим стяжанием Данну тоя митрополии престолу к правлению, и тии благочестивии иноцы в довольстве своем оскудеша, наипаче ж в нынешнее нужное время ниж нужных [126] обители своей имуще. Их же, аз, яко паче инех церкви божией потребнейших, зело сожаливши, не имый же откуду их скудости руку помощи подати, к пресветлому царскому вашему величеству, яко к общему всех по всем мире сущих православных пастырей, обителей и иноков великому благодетелю, путь показах, надеяся, яко и сих благочестивых иноков, самого святейшаго иерусалимского, зде мало прежде сего бывшаго, кир Паисия зело церкви божий потребных благословением свидетельствованных, от благоподатны царския своея десницы отринути царское ваше величество не восхощет. От них же, иноков, двум честным учителем, по желанию царского вашего величества, священноиноку Арсению и священноиноку Епифанию на службу царскому вашему величеству избранным, третиему ж священноиноку Феодосию 81, учителю и проповеднику слова божия, с молебною грамотою сих учительных иноков послану сущу,— аз, яко пастырь их, царского вашего величества пресветлому престолу нижайшее поклонение сотворяя, прилежно молю: не отрини, царское ваше величество, сих честных старцов от обычная своея милости, но яко зело церкви божией нашей преславной потребных помиловать, по молению, их милостынею обильною ущедри.

К сим же и грамоту царскую жаловальную свою написати повелев, даруй, и через сего от них посланнаго священноинока Феодосия, учителя и проповедника слова божия, без закоснения долгаго его отпустив, им прислати благоволя, яко да и в прочая лета, пресветлому вашего царского величества престолу поклоняющеся, тоя ж царские милостыни насыщаются и церкви божией потребу своим учением исполняют. Сие моление мое аз, от царского вашего величества получив, иноков убо обители сея богоявленския ту сущих учительных ко всякому служению, в коем ли убо царское ваше величество повелит себе служити, готовых представлю. Сам же всегда о долгоденственном здравии и благопоспешном царского вашего величества царствии архиерейскими моими молитвами господа бога молити повинен буду.

Писан в монастыри братском киевском при церкви святых богоявлении в лето от создания миру 7157-го, месяца июля 20-го дня.

А внизу на листу припись: всесветлого вашего царского величества всегдашний богомолец и слуга, смиренный Селивестр Косов, митрополит киевский, галицкий, екзарха святого фрону, сиречь престолу констянтинопольского.

ЦГАДА, ф. Посольский приказ, Малороссийские дела, 1649, д. 4, лл. 22—27. Копия.

Опубл. Акты ЮЗР, т. III, стр. 326—327.


Комментарии

81. Монахи киевского Богоявленского монастыря Арсений, Епифаний и Феодосии были направлены в Москву по просьбе царя Алексея Михайловича в качестве переводчиков книг с греческого на церковно-славянский язык. О роли украинских ученых для развития русской культуры см. примеч. 76.