-

НОВЫЕ ПРИОБРЕТЕНИЯ В МУЗЕЕ ПР. ПОГОДИНА.

В IV нумере Москвитянина, поместил я известие о своих Археологических Собраниях, — и получил уже несколько упреков от любителей — в краткости. В некоторое удовлетворение их я буду извещать подробнее о новых приобретениях, кои мне случается делать. В последние два месяца я был особенно счастлив, получив несколько драгоценностей от своих корреспондентов — из Львова, Киева, Петербурга, Одоева, а равно и в Москве.

Музей Русской литературы обогатился новым неизвестным трудом знаменитого Кантемира — переводом метрическим Анакреона, с собственноручным поднесением автора Императрице Елизавете и наставлением наборщику, каким шрифтом должно набирать текст и примечания. Вместе с Анакреоном находится перевод таблицы Кевика Философа, или изображения житья человеческого. Пер. с Франц. 1729, в Москве.

Во втором месте упоминаем об экземпляре сочинений Державина, которой поднесен Автором Суворову, с длинною собственноручною припискою, и несколькими поправками.

______________________________________

Из Львова я получил прекрасный экземпляр Стрятинского Требника, столько уважаемого охотниками. Г-н Строев сказал в последнем своем описании Старопечатных книг Славянских (1844 г. Москва), что он не видал полного Требника. Действительно до сих пор известны были только кажется два экземпляра. У И. Н. Царского есть только конец Требника. [405]

Сопиков (I, 243) говорит об нем, как и о Служебнике, что оба издания очень редки.

Мой экземпляр, почти совершенно, полный.

Выписываем предисловие, весьма важное для нас и Старообрядцев, потому что показывает старание об исправлении Богослужебных книг в Малороссии, также как и в Велико-России. Гедеон Балабан, Епископ Львовский, издатель Требника, незабвен для нас потому, что один остался верным Православию с Епископом Перемышльским, тогда как прочие приняли Унию, на Соборе Брестском, 1596 года.

Гедеон Балабан, милостию Божиею, смиренный Епископ Галицкий, Лвовский, и Каменецкий, Ексарх Въселенского Арону великиа Церкве Константинопол’скиа.

Благоговейным иереом, и диаконом, и прочим священнаго причта съслужителем, и братиям о Господе възлюбленным спасения молюся.

Видяще многих рачителей закона Божественаго, попечение творящих о священных книгах, имиже церковь Божия оукрашает'ся, и вери защищает, хвала Вышнаго оукножает, вернии оутвердают'ся, еретици побеждают'ся, и людие якоже неким постреканием от лености в зъдвизаеми к учению подвижоут'ся, и поощряют; найпачеже имиже Бог оумоляем бывает. Сего ради хотяще дроуковати книгоу сию, праведно быти непщевах възвестити вам в предословии сем, аще и прежде в литургиях възвестися вам о сем, откоудоу на дело ея, Богоу поспешествующу, прийдох: яко блаженого Мелетиа Папы Александрийскаго писаньми подвижен быв. Но и прежде оубо множае десяти лет Синодоу сящу в Берестьи Литовском, при Митрополите Киевъском Михаиле Рагозе, и прочим Епископом събравшим'ся тогда прежде от единыя святыя Въсточ'ныя Кафолические Апольския Цекркве: многое от них изыскание и смотрение о великом разногласии действий Церковных бысть. Пачеже о Евхологию, сиречь Молитвословцу, или Требнику, имъже яко руковод'ством неким художным священнодействоующим наставляеми, вся яже к съвършенному христиан'ства възванию [406] благочин'не навръшают, и съгласоуют'ся в яже к Богоу молбах. Оних'же на съборе с расмотревше, и смиреномоу мне Епископоу Лвов'скому поручвшя всяко тщание, и попетение сътворити о исправлении книги тоя, реченнаго Требника. И мало что по сем Михаил Митрополит с некими Епископы от Святыя Въсточныя Церкве отстоупивше, и Вселен'скаго Патриарха пастыр'ство отриноувше, по начинанию сердец своих поутем непокор'ства отъидошя. Аз же обаче и пастырю своему в следоуя неотсупне, и поручен'ное ми дело в памяти имый, събрах многия Требники елика и отъздешних предел, еликаже от земля Волоскае, Моултан'ское, и Сербъское; в них'же егда великое разногласие видях, о сем зело скорбях; печали же лечбоу обретох посланиа ради к блаженейшому Мелетию Папе Александрийскому, на край внешняя премудрости, и нашого благороднаго наказаниа достигшомоу, яко изрядному кръ'мчию корабля Христова, съдержащоу емоу тогда наместие престола Конъстантинопольскаго, възвещая емоу о не съгласии, и не исправсении книг наших Словен'ских: аще не искоусных ради писец, или инех ради коих вин. Въкупе же моля и да твръ'даго ради и съгластнаго известиа Церковных въследований послет нам Греческий Евхолог: и не презрев молениа моего, но посла ми Слоужебник, и сию книгоу Требник добре исправленый по древних Святыя горы Требникох; его же й роукою своею подписав, с благословением пастыр'ским повелевая в общоую ползоу великоименному Российскому роду изобразити. А понеже на дело сие съпоспешника имый Благороднаго Феодора Юрьевича Болобана, сына брата моего, с ним'же въотчестем домоунашом Стрятине дроукарню съставльше, в лепотоу яко поужнее Типар'скими ороудии служебники прежде поноуждение имоуще на се, якоже варив рекох блаженейшим Мелетием: таже Требник сей изъобразити непщевахом. В них'же да не кто порицает нам от иже разномыслию радоующих'ся о неких вещех, найпаче же о проскомидии, и очастех хлеба, на дискосе полагаемых, не съглаиа ради с древними писаными Служебниками. Да весть кождо, яко не от своего мнения, или моудрованиа сице положихом; но разоум и разъписание о сем древле блаженные памяти Иеремии Патриарха Вселен'нского, иже и зде оу нас [407] стрн'ствовавшаго; таже и блаженейшего Мелетиа с книг Греческих, нам от него посленых, на Словен'ския с въсяким опас'ством исътлковати повелевше, сще положихом. Предложившеже и сию книгоу Требник в общоую потребоу церквам издати. Но да не и о сем мнение различно кое боудет, повелехом събороу быти Священников в священнодействиах искусных, прозрети и из'следовати и. Видех же потребно быти еже и в наших Требниках старых Словен'ских обретает'ся, си речь како приймати от различных ересей приходящих к Святей Кафоличестей и Апостольстей Церкви, освящение великаго мира, и прочая. Даже ненедостаточна и в сем книга будет, повелехом и сие приложити. Аще ли суть неции приражающеся сим, яко неведети Творцов въследованиям всем: да ведят таковии, яко и прочим въследованиям святынь церковных, си речь Крещению, Маслосвящению и иным не веемы; вемы же обаче от заповедей Святых Апостол, яко ними сия съставлена быша. О нихъже и огнеязычный Дионисие Ареопагит в книге о священноначалии (яко Апостолъми сия предана бышя) яве свидетельствует; прочая же Святыми отци: яже от обоих приемше крепце съдержим. Аще бо, якоже глаголет Великий Василие, начнем не писаных обычаев, яко малоу силоу имоущих, не брещи: не оублюдем'ся самеми теми тъщетоу творяще и писаным. И божественый Златооуст отсюдоу рече яве, яко не вся писанием Апостоли предавахоу, но многа и неписане. Подобнеже и она и сия достоверна суть. Тем'же и предание церковное достоверно въменяем: предание есть, ничтоже множае ищи. Егдаже аз о инех ноужных церковных потребах оупражнях'ся, и попечение творях о иных книгах, си речь Псалтырях и Евангелиях оучителных издати зъдроукарне моее Крилоское, оустремися оусердне на дело книги сея прежде реченный Благородный Феодор Юрьевич Болобан, муж иже многими исправленми цвитый, благочестивых дог'мат и отеческих преданий зело тепый рачитель, иже не словом точию, но и делом отеческое благочестие непорочно храня. Найпаче же идеже мнози от многих бывающе, рекоу в Италии, соуемоудрием внешних оучений прельщяющеся, в различныя ереси въпадают, и обнажившеся благочестия от Церкве отпадают. Сей же много время в юности [408] тамо пожив, благочестия, не повреди, и ниже мало от преданий Въсшочныя Церкве отпадают. Сей же много время в юности тамо пожив, благочестия не повреди, и ниже мало от преданий Въсточныя Церкве уклонися: но якоже посреде огня сый пребысть не опалим, или якоже посреде мор'ских волнений истоплениа не подъят. Сего оубо похвалих исправлениа ради, добродетели похвалих: ему же въсе тщание и попечение о сем бяше, еже книги, Церкви потребныи, на свет изъдати; от нихъже по Служебниках сей Требник зъдроукарне своее Стрятин'ское с советом и благословением смирениа нашого коштом и накладом своим изъобразити потъщася. Събравши на сие дело людей искоусных в хоудожестве том, иже не дошедши еще книзе сей преставися верный раб Господа своего Феодор Юръевич, рокоу по Рождестве Христове тысящно шестьсотно шестаго, месяца Маиа двадесят четвертаго дня.

Естьже съчинение книги сея по верстах человеческаго възраста. Отнеле же родивъся человек наречение имене въсприемлет, и Святое Крещение, с помазанием великого мира, и прочая священнаа по преданию церковному даже до скончаниа своего; не оставихом же и иноческих въследований. Таже въследованиа молебна на различныя потребы. А понеже не оу всех Священников правила обретают'ся, сего ради ноужнейшая, от Апостольских и Святых Отец заповедей изъбравше приложихом на конци книги сея, юже вы, благодарно и любезно приемше, чтете. Потружден'ная же и исправленна священнодействиа без всякого прекословиа съгласно правяще; подвигших'ся, и всяко тщание в дело се общаа ради вашея ползы вънестих, наипачеже скончавшагося приснопоминаемаго раба Божие Феодора при страшнем Жертвы Безъкровныя навершении и прочих лишиях и мольбах оусеръдно воспоминайте: яко да и на прочих дело книг нас поострите. Здрав'ствуйте за ны молящеся, и зде, и по отъшествии нашем от плоти сея любовию к нам привязоуеми.

Текст воспроизведен по изданию: Новые приобретения в музее пр. Погодина // Москвитянин, № 8. 1844