-

Приложение

1670 г. Грамота Московскому патриарху Иоасафу из солунского монастыря св. Анастасии Узорешительницы ¹

/Л. 1/ Святый и преблаженне наш господине и владыко патриархе славней Московеи и всей Великие и Белие России и прочим странам високим Северним по полночней ребре. О, отче грижливе, кирие кирие Иоасафе, блаженству ти рабское поклонение и с добром, разумом отдаваем мы, пустино жителие, еромонахи и монахи честнейшей патриаршеской обители Христовей мученици Анастасией Фармакулитре, сиреч Чарицелителная, яже есть близ великаго града Солонскаго, руце твои блажении целуем и освящение от них притезаем, преблагому Богу молещеся и великой и чудотворней мученици Анастасией, да утвердит тя в преблаженем и честнем ти престоле. К сим же, владыко святый, сим нашим худом писанием первое — покланяемся, второе — уявляем пред лицем злости, яже сверха суть, ея же неоскъдееми имаем по вся дни от обдержащих ни внешних неверних, наипаче же ныне, егда прииде царство их на онех местех, усиловали нас и взяли нам 5000 талери разве иних дробних иждивений. И сих ради вини обретаящеся в велицем беде и неимущее, где прибегнути, текохом к твоему блаженству, да милость обрещем, им же взможем олегчити злих наши дълги. И тако послахом нашего о Христе брата от нашего монастиря архимандрита кир Гаврил и с честным нашим старцем келаром кир Феона и с хрисовулом благочестивому христианскому царю. По его ж припадаем зело молящеся твоему блаженству, да устрещеши ни вашей честною милостиню, уявляяще самаго себе нам честним ктитором, за еже, когда и о нас худших имети будеши несконченоя помянение и благодарение и о милостиваго Бога царство небесное, в яже да нечитан бъдеши с всеми святыми отци учителие всей вселеней и инеми иерархами Богу благоугодивших. Амин.

Смеренние иегумен от святаго монастыря великой мученицы Христовей Анастасией Фармакулитре Дамаскин иеромонах и прочии в купе с мноу о Христе братие молебники и раби твоей святости покланяем твоей святости мощи святого мученика Елеферие.

/л. 1 об./ К светейшему Иосифу патриарху московскому из Солуня из монастыря святыя Анастасии Узорешителницы от игумена Дамаскина о милостыне. Года и месяца нет. [73]

ГИМ. Синодальные грамоты. № 1030. Подлинник. Чернила темно-коричневые. Текст написан одним почерком.

1670 г. Грамота к царю Алексею Михайловичу из солунского монастыря св. Анастасии Узорешительницы.

/Л. 1/ Благочестиве и много тыхе и от Господа Бога вънчане в въсем силне Божиею милостию, царю и великий княже, кирие кирие кирие Алексие Михайловиче, всея Великия и Малыя и Белия России самодержце Московской, Киевской, Владимерской, Новогородской, царю Казанский и Астраханский, царю Сибирский и господарю Псковский, величайший князе Литовский, Смоленский, Тверский, Болгарский и иним господарствам великий князе и иним странам Подольским, Ростовским, Ярославским, Мистиславским и всей Анатолии, и всей Северней страни повелителю, и господарю земли Иверской и всем местам Въсточним и Северним, господарю и повелителю и наследниче царствию своему. Якося подобает смерению нашему, покланяемся твоему величеству ми, еромонаси и монаси, иже обретаемся в честном монастире великой мученици Христовой Анастасии Фармакулитре, сиреч Чарыцелителной, яже есть близ великаго града Солонскаго, и молимся Тръсвятому Богу о мирном устроению и утверждению великой силе твоей. По сем, царю Богом венчанный, с смелостию поминаем силному царствию твоему о незсноснех бед агарянских, сиреч турецких. Ныне, егда прииде царство их на онех местех, всеми отяготяше нас и взяли от нас особнии пенязи готови 5000 талер битих разве иних иждивениих дробних. Сего ради, не имяще инде, где прибегнути, текохом к стрехи и милости превеликому царствию твоему с честним хрисовом ² твоего величества и послахом нашего о Христе брата и архимандрита нашего монастира кир Гаврила купно с честным и священним иноком кир Феона, келар, о даре и милостине как спожению ок ³ царства твоего. К сим же всею душею припадаем и молимся, да помилуеши ны особною милостию о помилованиа хрисовскаго ⁴, важим бо ся в великой вазе погыбелной и желаем, да постигнет ны ратованиа полнаго дара имати царствиа твоего, да ущедрит тя премилостивый Бог. Ми же, смиреннии богомолци, присно, непрестанно всесилнаго Бога молим о добром строении мирном стоятелно и победу на врагы царства твоего на сем свете, на грядущим же, да сподобит тя с честнимы царями и равно с апостолами Константин и Елена. Аминь.

Смеренный егумен от честнаго и святаго монастира великой мученицы Христовей Анастасии Фармакулитри Дамаскин еромонах и прочий вкупе с мною о Христе братиа, молебникы и рабы сильному царствию твоему.

Покланяем купно честнейшему царствию твоему един образ святой Анасии ⁵ в купе с честными и святыми ей мощи, часть от ребра.

179-го февраля в день подал архимарит Гаврил Настасийского монастыря, как был у великого государя на приезде ⁶.

РГАДА. Ф. 52. Сношения России с Грецией. Оп. 4. №58. Подлинник.

Комментарии

1. Тексты грамот приводятся в современной графике.

2. Так в рукописи, правильно «хрисовулом».

3. Так в рукописи.

4. Так в рукописи.

5. Так в рукопи, правильно «Анастасии».

6. Приписка сделана в Посольском приказе.

Текст воспроизведен по изданию: Грамота из монастыря Анастасии Фармаколитрии близ Фессалоники в рукописном собрании ГИМ: проблема атрибуции и датировки // Славяноведение, № 2. 2009