СРЕДНЕВЕКОВЫЕ ИСТОРИЧЕСКИЕ ИСТОЧНИКИ
ВОСТОКА И ЗАПАДА

Сказание брани венециан противу турецкого царя

О случаю разнаго счастиа прилучает различима докторы различным чином писаша, яко же в различных предсуждени книгах откровение нам являет, яко же убо удивляются мнози, еже благыи пастырь овца своя тако раздирати от волков злых попущает, но поистинне чюдимся, понеже бо собрати можем от словес Евсевиевых, егда глаголеть, татарове, попущением божиим язык худ, казня мир, вся себе покаряа, по пророку в языце ¹ неразумие наказаю их. Чюдно убо зело, зане они же в работе беша превелицеи, ныне не оружием, но кожными одежами и железа ² оружиа прогоняют, вся поражают и господствуют всеми. Сия судьбы твоя господи, яко древле асирии, миди, персяне, грецы, римляне, готфи, гунми, вандали, сарацыни, арапляне, болгаре, африкани, // францы, аламани, турки, испани и прочий казни прогневаниа твоего быша, того ради, зане человек не вос-хоте повиноватися тебе и заповедей твоим. Сего ради наиболше внизу реченнаго разума зде достойно, приведох, назнаменати, яко доволне написана суть в пред-сужении латынском с образы назнаменанными о роде турков, ижи победе попущением божием на христиан.

О нем же разумеваемо есть, яко Отоман первый турчанин, всех турчаи правитель, первый бе царь их воиньственеишии; сеи первое смеша железо со христианы всегда, с прусы, с поляки, с татары, с русаки воююся, тому же скончавшуся. По нем Орхан, иже христианьское духовенство оружии своими озлобити восхоте, от князей и кралевства польскаго у града Канодимаркиа вкупе с воины своими числом 48 тысящами // турчан, немногыми избывшими божиего помощью убьен бысть. Потом Омурат, третий турчаном царь, многие земли и страны, Татарию болшую и меншую, до Кафы море Понтеское и Великое море, силным оружием и огнем себе храбре покори, тако, яко же царь трапезонскии и Тамарлинус, царь аланскии и арменскии, не возмогоша противитися силе его. Потом Козаит, четвертый царь турецкий, жестоко гоня христиан, но помощию божиего от Тамарлина, царя аланскаго и арменскаго, пойман на бою и убиен. Потом Калапин, пятый царь турком, христианеишаго кесаря Жигизмунда на поли Филадельфьском близ Схилкаха жесточайше оружием победил и многих христианских воинов конных и пеших тамо от турчан бедне убиенных, и Жигизмунд с четырми воины // своими едва избы; и тем доста турецкий царь Калапин Трапизонское царство и многие иные крепчайшие места и грады того царства. Потом Саламан, шестыи царь турецкий ³, многие области и земли аларвьскии и арменские, болшие и меншие, поймал безо всякого против-лениа Тамарлипова, иже вкупе со всем [70] царством своим храбрейшим Саламану турскому царю учинися раб подданный. Потом Орхан, седмыи турком царь, многие страны и грады, области и земли у христиан повсюду в разных царствех, наипаче же у царства Трапизонского отнят от верху и до низу, тако же море Понтеское и держа у святаго Георгия силным оружием, и огнем везде сидне обдержал. Потом Моисеи, осмыи, иже Орхана убил и учинился турком царь, многие области и земли в Асии // великие и меньшие, и Татария, болшие и меншие, внутрь моря Понтьскаго повсюду оружием и силою себе без милости покори. Потом Махомет, девятый турком царь, многоплодную Каппадокию и многие, день и нощь, области, грады и земли нарочитые мечем и огнем доста и подданы себе учини и многие иные земли себе силне покори. Потом Амурат, брат Махметев, десятый турком царь, Владислава, короля полскаго и гординала Иулиана, святаго аггела, близ Филадельфии вкупе с 68 тысящь человек избранными без милости победил тако, яко 26 избыли, лета 1440; и т и Теспольское и Полопонское царство богатейшая и грады нарочитые без милости доста. Потом Махмет, 11 турком царь, оружием и огнем взял Константин // град, Муску, Босну, Кафу, Хирасонду, Романию болшую и всю Асию меншую, Истрию, Траконию и Грецию всю, Кроацию, Сикилию, Склавонию и Далматию без всякаго противлениа. Потом Мармет, 12 турком царь, оружием и огнем зле обдержа Сербию, Ратцию, Тфеодосию, Тфеодорию, Подолшо, Валахию болшую и меншую, Бургурию, Ципуцию, Молдавию, Коринф, Ефес и Сутерим, с венецианы же докончание и мир вечный взял. Потом Доглосеи, а по турецки Самълишах, 13 турком царь, тъи име два сына, Давора и Леруда, многие и великие царства божиим попущением и безчисленым грехом нашим постизающим, и паче всех первых царей турецких ⁴ всех христиан ⁴ уклонен бе жесточайшим оружием доставати; но той Доглосеи со многыми // писмены стеснихом. Отлета 7003, Христова 1496-го, начало о своей последней части вос-приемлют. Пребывают же ведущи даже до лета 7032-го ⁵, господня 1523, или близ, зане тогда Крон со Аррисом озлобят, смятут отмщением божиим противляющих церкви и воином ея; егда оба имут хвости рыбьи, рога овнова, и возмездие приимут турки с разсеяными от стада христианскаго, и тогда возрастет церковь в пребывание любви вечныя, даже до лета господня 1576 ⁶.

На конци же сего писаннаго, поне же мне сице во ум прииде, яко не неведомо есть о двоерядном турецком к сему пресловущему царству посольстве, иже, яко мне видится, в ложь, токмо подсмотрениа для, учинены суть, яко легце и светле от тех послов речей познатися и уразуметися может, // и сие тоя ради вины, да италиан и венециан оставлыне и сложився с татары, царство сие покорят и свободен приступ имеют по Аламании во Италию. Чает бо, съветом иных, сиречь русаков, у него пребывающих, научен, легчае себе Итталию, Францию, Испанию и Аламанию покорити мощи, аще преже сие царство, сииречь Руское, об-держит. Того ради ни единою, но двожды посла своего, подсмотрениа деля, яко же Моисеи своих подзорщиков в землю обетования посылал. Мы же о сеи вещи сумнение чиним. Бог и испытатель сердец сия лутче весть, возмогая благочестие на многа лета.

Комментарии

1. Испр.; в ркп. — языде

2. Испр.; в ркп. — жезла

3. Надписано над строкой

4. Вставка на нижнем поле.

5. Испр.; в ркп, — 7002.

6. На поле написано — 7058.