77
1742 г. апреля 10 — Прошение печского архиерея Парфения Павловича императрице Елизавете Петровне о защите от экономических и религиозных притеснений сербского православного населения
Благочестивейшая и самодержавнейшая императрице, нам по бозе утешение!
Великую и неизглаголанную радост имели ветхозаконнии людие, егда уведали, что их иудеи и Естир прекрасная избавили от смертоносния беди, от врагов и супостатов. И здешный православный народ, под игом работы (Так в тексте. Вероятно: рабства) подпадший и разсеянный — иныи от отоманох озлобляемый и утеснаемыи, иныи ину-де уничижаемыи и поношаемыи — неизреченну стажахом радост, егда уведахом, что преблагий и всемогущий бог на утешение новаго Исраиля воздвигл рог спасения и избрал в. и. в. на царском престоле, еже царствовати в преподобии и правде, и вручил скиптер державы в руце ваше. И велику имеем надежду, что не будем лишени милости царския. Призри убо милостивим оком и на нас, смиренных, и посещай щедротами. Мы бо по бозе не имамы иное прибежище.
Римстии цесарие велику показали милост здешнему благочестивому славеносербскому народу, яко же и ныне милостивая наша зде кралица Мариа Терезиа. Но преодолевает иных злоба, и сице нас озлобляют, а наипаче зде, в Егарском граде, не дают нашим людям домови и виногради купити, ни же литанию носити, ни же церковь правити уже разоренну. А от милостивых цесарей издат декрет на три национи — немецкий, хунгарский и сербский. А ныне сербов до проклятой унии всяким начином обратити покушаются. Тем же да призрит (Да призрит ошибочно два раза) на нас, смиренных, и да предварит щедротами, яко обнищахом зело. А мы, за сие благодеяние не могуще инако воздати, остаем молити преблагаго бога, да укрепит десницу в. и. в. на враги и супостати, да положит на главу твою венец от камене многочестна, да благословит тя всяким благословением, да исправит стопи твоя, еже последовати блаженнопочившему Петру Первому и великому, да покорит вся, встающая на державу твою, да умножит лета ваша в тишине и всяком благополучии. И грядущия святыя и светлый праздники пасхи богоугодне проводити вам желая, остаю в. и. в. присный богомолец
Парфений Павлович, протосиг[гел] Пекскаго арх[иерейскаго] престола
Во Егри Унгарской, април 10, 1742.
Помета на л. 1: Записан ноября 15-го дня 1742 года.
ЦГИА СССР, ф. 796, оп. 23, д. 1137, л. 1-2. Автограф.