7
1701 г. октябрь. — Прошение братии сербского монастыря Раковац Петру I об оказании помощи в связи с разграблением монастыря турками 1
Благочестивому пресветлому и века благоверному и многих земелных царей превышшому цару, боговенчанному светлому скиптру святыи и православные веры христовы и чело[ве]ческыи жизни промыслителю, единому, правоверному и победоносному и самодержавному цару и великому кнезу владимерскому и московскому, самодержавному царю и вельможному государу Петру Алексеевичу [п. т.] (Полный титул).
Или паче ж нам, смеренным, твоего царствия богомольцем, цару и государю и великому утешению ни жалователю, ни же паче солнца оком светлым благочестия сияющому свету, второму Константину нового Рима, богохранимаго господствующаго града Моск[в]ы и всее Руссии самодрьжавному.
Иже в земли Сербской, в Гори Фрушкой царская святая и священная обитель врачерска монастырь Раковац 2. Тоя же обители мы, нищенскии жители, священници, диакони, старци и вса еже о Христе братиа, спретавше руце и колено преклонше, ниско чело бием и покланяемся твоему царствию, вкупе же и молим иже в троици славимого бога и пречистую богоматерь и всея святые, яко да дарует господь бог светлому ти царствию многолетных живот и здравие телесное и душевным спасением благоденство же и благопоспешение и на вся врагы, видимые и невидимые, славное одоление и победу. И да покорит вся съпостаты креста [24] христова под твоею крепкую и царскую десницу. Мир же глубок а утверждение превысокосветлому ти царствию и всем православным воинством святого ти державного царствия да подаст ныне и на многа лета. Благодарим же непрестанно и славим всесильнаго бога, избравшаго те, и помазавшаго, и посадившаго те на престол царствия всем под подсолнечным христоименитым людем, и радостию сердечною с пророком Захариею възупием: «Благословен господь бог христианский, въздвигнутый рог нам, православныим, в дому Петра, Алексиа святопочившаво царя благаго, его корень, благоплодовитую отрасль, тебе, пресветлаго и православнаго нашего царя в похвалу и славу, святей и православнеи нашей вере, и в украшении и утруждение божественным церквам, и в утечение нам, твоим богомольцем».
По сих, о благочестивый цару и государю, исповедуем пред твоим царскым величием, яко не подобает нам, иноком сущним, скитатися и стужати, иже в мире живущим, великым же и малым, наипаче же твоему царскому величию. Нъ понеже в сих странах нет яко прежде. Егда благочестивии царие србьскы царствоваху, тогда и сущяя в сиих горах обители, яко и в твоей царской благочестивой државе, имели монастиру на даные и проторы, и от тех всякого доволства и умеренную пищу и одежду имуще, нигде же не скитаху се. Тъчию всемилоствующе бога молили о себе и о благочестивых царех и государех. Ныне же богу сице грех ради наших попустившу благочестивое царство в здешных странах в конець погибе и государство оскуде, попрани же биемо войски агаренскими и татарскыми. И достояние монастирем отъет се. Ныне же нам, зело обнищавшим, в монастири велмы порушили се и отпали, попленени и пороблени и въсма ни от чем отстали: ни книга, ни одежа, ни икона и никакова одеяния церковнаго; тъчию делающе, своими руками питаем се. Нъ не всем промысла, нас създавый нъ въздвиже нам вашее пресветлоо и вседержавное царство крепчае паче пръваго, и благочестие подсолнечную тварь озарити всу укрепи паче солньчных луч в пашу похвалу и прибежище. Тем же желательно есть нам, твоим богомольцем, вси купно прийти и честным ногам твоим поклоните се, и солнъчно зрачное царствиа ти лице видети, и радостно възрадовати се о тебе, благочестивом цари и государе нашем. И сего получити явствно невъзможно нам местнаго ради растояния.
Сего ради аще не чювственне, но мысльно припадаю честным стопам светлаго ти царствия, с слезами прилежно молим се, приими своя молъбники с посреди бо нас потрудихом честного отца нашего, игумена Феофана иеромонах с двоицею братии. И сердечно молим се, молбу нашу услыши и буди новый ктитор и благый податель в утверъждение честныя нашея обители, понеже в нынешнем роде светлозарное светило ты еси всем православныим христианам. О христолюбивый самодружче, и в ныняшнее време по бозе иного не имали властелина, кроме твоего царствия величьствие. Солнце убо от въстока всу вселенную своим всходом оснавает, а твоя царствия добродетель от въсточного сил престола всех маломощных жалованием и помилованиемь щедрым обилно просветавает. Тем ж де и мы молим се, оснавати се твоево в истину твое и твоего царствия благоутробна действенно. Иже по подобию божию помиловати нас убогых, понеже по бозе иного упования не имамы, кроме твоего величьствия. Яко да и ты, правоверный царю, с пророком Давидом и царем въпиеши к господу, глаголе: господи, възлюбих благолепие дому твоего и место въселенные славы твоей, иде же и мы в умилении сердца день и нощь молитвы нащя пред господом пролеем за тебе, православнаго нашего царя, и за все православные христианы. Даже вечно в них почиеши и с иже богу угодившими цари бесконъчнаго веселиа насладиши се в векы веков. [25]
Твоево пресветлаго царствия богомольцы — смерении иноци опщежительскии вся о Христе братия того монастыря Ракоца иже в Врушкой горе.
Писано в Фрушкой гори в святой обители от Врач месяца октября в лето же по плъти рождения Христа бога нашего 1701.
ЦГАДА, ф. 52, оп. 4, д. 76, л. 1. Подлинник. Печать монастыря.
Комментарии
1. Публикуемое прошение является одним из многих подобных обращений о помощи. В это время православная церковь играла определенную роль в консолидации внутренних сил югославянских народов православного вероисповедания, находившихся под властью Османской и Габсбургской империй, и в сохранении народных обычаев и традиций.
2. Район Фрушкой горы, бывший в австрийских владениях, где находился монастырь Раковац, издавна считался одним из центров движения гайдуков. Разрушение православных монастырей и церквей, усилившееся после поражения Турции в войне против Священной лиги, являлось одной из мер, предпринимавшихся Портой в целях подавления освободительного движения югославянских народов.