СРЕДНЕВЕКОВЫЕ ИСТОРИЧЕСКИЕ ИСТОЧНИКИ
ВОСТОКА И ЗАПАДА

Послания Симеона Полоцкого членам Боярской думы

Послания Симеона Полоцкого членам Боярской думы 1665-1676 гг.: Богдану Матвеевичу Хитрово, Федору Михайловичу Ртищеву, Юрию (Георгию) Алексеевичу Долгорукому, Дементию Миничу Башмакову, Юрию Петровичу Трубецкому.

Источник: рукопись Синодального собрания ГИМ № 130, ЛЛ. 125-125 об.; 127-128 об.; ЛЛ.129 об.-130; ЛЛ.136 об.-137; ЛЛ.137 об.-138 об.; ЛЛ. 202 об.-203 об.; ЛЛ. 211-211 об.

Для каждого письма приводятся примерная дата написания, имеющиеся указания на послание в литературе, отношения между адресатом и Симеоном Полоцким, краткий комментарий. Сохранено оригинальное графическое оформление обращений и их расположение на странице.

Список принятых обозначений:

[] - неразборчивый символ

[а] — буква прочитана предположительно

/ - конец строки

//- конец листа

Послание № 1

ЛЛ. 125 - 125 об. Послание Богдану Матвеевичу (Хитрово)

Примерная дата написания — 1670 г.

Это письмо цитирует И.Татарский ¹, предлагает датировать письмо 1670 г., когда Ф. М. Ртищев удалился от двора после смерти своего воспитанника царевича Алексея Алексеевича. Полоцкий был учителем внучатого племянника Богдана Матвеевича ² Авраама (сына Ивана Большого Севастьяновича Хитрово, 1624-1697); также Полоцкий мог знать Хитрово через Ртищева. «Подружие и чады» - имеются ввиду жившие при Полоцкому его мать, брат, и племянник с женой. Брат и племянник, жили, по-видимому, в одной с Полоцким кельи. Б. М. Хитрово назван братом Ртищева, так как он являлся его двоюродным братом.

Благородный и во православии светло сияющий государю мой Богдан Матвеевич. Боярин, и ближайший предстоятелю пресветлого царского величества.

Истинно и дерзновенно испокем, яко несть человек в правоверном российском царствии, его же бы ушес не коснула велия многих добродетелей ти слава, или же пресветлому царскому Величеству верно работая, требующим же милостивныя твоя помощи, милосердно пособствуя богу угождаеши, и на вечную славу небесного гражданства себе заслугуеши: и аще нестерпимыми стужанми выну едва не до изнеможения плоти утружден бываеши, обаче рекшаго ради: блаженни милостивые, яко тси помилованы будут. и Реченного деля, духом бодрствуя, всех милуеши и защищаеши отеческим твоим попечением. Еже и Аз присно к себе многомилостивое быти искуством познах возложих по бозе моем и по святых его, на тя упование мое яко призриши на мя не помраченным оком и милосердным сердцем. Разсудиши усердное мое радение и благоохотную службу, ко пресветлому царскому величеству. Разсмотриши яко не восхотех возвратитися ко отчину иноверными владомую, аще и премногим стужанием увещан бех, но изволих к православной державе пресветлаго царского величества до кончины живота моего с подружием моим и чады пребывати. Умилостивися убо о мне благодетелю мой превелий, буди ми ходатай и заступник у пресветлого царского величества да ми изволит дати во препитание отчину, ко еже бы имети идеже главу приклонити с подружием моим и чады моими. Аз же аще твоим заступлением сего сподоблюся, присный имам быти ко господу молитвенник о твоем многолетнем здравии и душевном спасении. и На всякое повеление благоохтный служитель. Умилосердися благодетелю мой, имей мя яко единого от питомец, во крове крылу твоей. Суща странна и безпомощна. а Господь странствовавый нас деля наст ли, к день истинного комуждо по делом воздаяния, речет ти странен бех и приял мя еси, и сотворит тя вечно водворитися ко царствии небесном, чесого аз твоему благородию от всея души желая милостивной твоей благодати себе самого вручаю.

Послание № 2

ЛЛ.127 об. - 128. Послание Юрию Петровичу (Трубецкому)

Примерная дата написания — 1676 г.

Ирина Подтергера ³ указывает, что в «черновой» рукописи РНБ.Р.ХУ11.83 есть пометы, в которых «Ромодановскому» зачеркнуто и исправлено на «Трубецкому», возможно, почерком Симеона Полоцкого. В 1676 воевода Юрий Петрович Трубецкой (? - 12 июня 1679 или 1681 ⁴) вернулся из Киева в Москву, где присутствовал на коронации царя Федора Алексеевича, где держал скипетр и стоял по правую руку царя ⁵.

Велможный и во православии светло сияющий государь князь Юрей Петрович, благодетелю мой премилостивый.

Велиим сердце мое возвеселилося радованием гды мя господь бог сподобил видети пречестное лице твое во благом здравии в царствующий и преименитый град Москву пришедшее, усердным о время отлеглости желанием еже видети твое благородие желалем, яко благодетеля мне зело премилостивого, а ныне желанная получив богу всеблагодаровитому возсылаю благодарствие, купно мился дея абы изволил на многая лета здрав и честна соблюдати в помыслном благодентсвии тебе благодетеля моего, до которого я, доброю утвержен о милостивой ласце надеждою абысь рачил по древней своей ко мне благодати ласковым своим на мою нищету призоети оком, а мене в конец обнищавша беззаступна хладна и гладна и не имеюща идеже главу приклонити, щедродателною си вспомощи рукою, за которую благодать сам всяких благ даровитель стократную твоему благородию сотворит в сем и в будущем веце нагороду. А я всякими услугами моими закд всегда должен буду.

Послание № 3

ЛЛ. 129 об. - 130. Послание Федору Михайловичу (Ртищеву)

Примерная дата написания — 1665-1667 гг.

Ирина Подтергера ⁶ указывает, что это просительное письмо, а трехкратное повторение «буди» характерно для ораторского произведения. «Обитель Полоцкая» - Богоявленский монастырь в Полоцке, основанный в первой половине 16 в. ⁷; единственный монастырь, не принявший униатства. Федор Михайлович Большой Ртищев (апрель 1626 — 21.06.1673) — окольничий, близкий к царю человек, покровитель Полоцкого. Познакомиться с Ф.М.Ртищевым Полоцкий мог в 1660 году, когда последний присутствовал в Москве, где 19 января держал с двенадцатью учениками речь перед царем и его окружением, среди которого был и Ртищев ⁸. Афанасий Лаврентьевич Ордин-Нащокин (вт.чет.17 в. – 1680) — боярин и известный дипломат; Полоцкий готовил переводчиков для его посольства в Курляндию, которое состоялось в 1668 г.

Государь Феодор Михаилович,
благодетелю мой премилостивый.

Ревнуя поревнал еси по бозе, хотя малую искру благочестия оставляющую в пепело славных державы неугасимо сотворити, и потщался еси твоим заступлением у пресветлого царского величества купно с болярином Афанасием Лаврентиевичем, опустевшей обители Полоцкой пособствовати. Тем же сотвори господь волю вас боящихся его, ибо даде в сердце пресветлому царскому величеству еже вся прошения не презренна содеяти, и Иеромонаха Филарета отпустити услужения ради обители святой в нынешнее время излиха нуждное. За сия доброты твоя обитель святая должна будет выну господа бога молити о многолетнем здравии и о душевном спасении твоем яже аще твоим пособствием созиждется, известна ти будет обитель во царствии отца небесного. Но занеже здания земная без денег неудоб совершаются дерзновенно и надеждно молю да еже словом со мною беседовати благоволил еси, то делом исполниши. Господь же от исполнения своего исполнит тя леты доволными здравием телесным во всяком благополучении , и вечныя радости во стране живущих объщника сотворит, буди буди буди.

Послание № 4

ЛЛ. 136 об. – 137. Послание «дядюшке» Дементию Миничу (Башмакову)

Государь мой дядюшко Дементий Минич
благодетелю мой премилостивый.

Им же образом желает елень во утруждении своем на источники водныя сице, аз раб твой и, всяких благ тебе государю моему присный рачитель желаю зрети лице твое честное здравием процветающее и веселием светящееся, ибо твое здравие мое есть благоденствие, а твое веселие есть сердцу моему обрадование. Яко и противным обычаем твое противное помыслум приключение, есть сетование души моея. Вестно же мне есть питомцу твоему яко ты государь мой за множество печали зело, изнемогаеши и в велицей скорби пребываеши. Но молю тя благодетеля моего приемли божие посещение с радостию, его же ко отец небесный любит того и наказует, и временное от бога посещение, есть известное его милости знамя. Истинно то есть, яко немощно человеку супружницы лишившуся неприскорбну быти, ибо к тому самое естество понуждает, не точию человеки но и птицы изрядне же Горлицы, яже пострадавше супруга тако сетуют, яко не к тому седати на зеленой ветки, ни воды чистыя пити, но седати на сухом древе, и воду пити вомущенную но нам светом разума от бога просвещенным, не подобает птицам бессловесным подражати, на помощь естества силою ума преодолевати. И во всем воли божией подчинятися, глаголяти же со Иовом праведным государь даде господь и взять. Яко же изволися господви тако и бысть буди имя господне благословенно во веки. Аще же что страшное естеству нашему приключилося всячески бы рыдати подобало, но разлучитися со другом обще есть всякого чина и сана людем. Тем же имать быти удоб стерпимо найпаче от тако мужествующих, якоже ты благодетелю мой до селе твердый Адамант во обоем счастии выну являлся еси. Не буди убо тебе се, еже снедатися печалию и сокрушатися от скорби господь крепость даяй людем своим да укрепит сердце твое на одоление сея печали. Богородица плачущих утешительница, да отрет слезы твоя Лентием веселия духовного. Аз же твой питомец по вся дни живота моего не имам престати о твоем многолетнем здравии и душевном спасении господа бога молити, и яко да он по сих скорбе и мраце живота твоего. Вечного же, во жизнь бесконечную. Чесого тебе благодетелю моему от всея душа усердно желая. Самого себе неизменной твоей милости всесмиренно вручаюся.

Послание № 5

ЛЛ. 137 об. - 138 об. Послание Дементию Миничу (Башмакову)

Государь мой Дементий Минич
благодетелю мой милостивый.

Премногих от твоего благоутробия моей худости являемых благодатей, и неизреченного по вся дни содеваемого благотворения, никогда же забвению предая, но в присной содержа памяти, руце мои к небесному престолу воздезаю, милыя дея всещедрому богу да тебе благодать возблагодать благоволит содеяти, и в божественной своей сохранит милости по вся дни живота твоего: укрепляя в тебе целость здравия, утоляя лютая востания, и всякия тя скорби изменяя. Изряде еже, яже ныне страждеши нестерпимую о преставлении супруги твоея, и иных толицей обыкших последовати печали. Воистинну прикоснулася есть тебе рука божия но искушающий точию мужества твоего, и доблести в терпении, а несокрушащи немощного сосуда сердца твоего. Ты убо благодетелю мой мужайся и да крепится сердце твое о господь. Возверзи на господа печаль твою, и той тя препита, той тя утешит, той паки возсияет солнечный у врат дому твоего ныне облаком слезным помраченного. К скоро даст господь мимо предет нощь печали, и возблистает свет возрадования точию ты благодетелю мой не изволи сам сетованием сокрушатися и господа бога на гневе нетерпением подвизати. Аще отчую десницу лобзаем ударяющую, в скую не имамы радостно целовати божия иже нам всем отец един есть по превосхождению. Аще благая восприяхом от него любезно, восприимем и злая терпелино. Но и несть се зело, занеже божиим собыстся определением иже яко един благий вся благая деет, зло же ни едино. Вся ко пользу нам творит, аще видатся и печална. Печаль бо пременная со благодарением терпимая, вечно изводствует радование. Блюдися убо благодетелю мой скорбети о умерш яко, же прочии неимущии упования, да не како за противление коли си прогневается. Аще уповае яко сон честен пред господом смерть преподобных его, от нея же имамы воспрянути, и в нетление преоблецыся, то всякую отшествия друг друга рыдаем, несть се польза воистинну но якное обличение не твердого упованием. Иже, нетвердость яко в тесте не имат места, тако и печали излишнее в сердцы твоем да не водворяется. Бог же всякия радости и веселия виновник сам да отрет слезы от отчию твоею. Сам господь наш Иисус христос и бог, о отец наш возлюбивый нас и давый утешение вечное и упование благое ко благодати, и даст ти здраво цело честно лета многа к милости царстей жити. И небеснаго царския по довольстве кременныя жизни не лишену быти. Чесого аз твоему благоутробию истинно усердствуя, в милости твоей древней хранен быти желаю.

Послание № 6

ЛЛ. 202 об. - 203 об. Послание Георгию (Юрию) Алексеевичу (Долгорукому)

Благородный и благочестивый государю наш князь Георгий Алексеевич Болярин и ближайший предстоятелю благочестивейшего самодержца избраннейший воевода полков царя правоверного благодетелю наш премилостивый.

Господа сна небесных благоволением, слуги же его вернейшего, благочестивейшего тишайшего самодержавнейшего великого государя царя и великого князя Алексия Михайловича, всея, великия, и малыя, и белыя россии самодержца. Повелением изходиши из царствующего града Москвы противу нечестивых Агарянов врагов креста христова, церкви божия супостатом, еже стремление их отразити нашествие отвратити, православныя же христианы от меча их лютого, и от стрел смертоносных защитити. На ту службу твою десница господа сил да тя укрепляет. Да сотворит тя второго давида, на сего Голиафа, да содеет тя крепка, яко Иисуса Навина на многи языки, молитвами всех христиан заступницы пречистыя богородицы. Ея же сей образ пречистый, да будет тебе в защищение яко киот завета израильтянм, врагом же нечестивым бо истравление и погибель. Сама же божия мати да будет тебе в пути водительница, в полцех стена и покров, на брани возбранная воевода, коеже бы врагом ея и нашим. От полков христианских яко дыму от ветра развеватися яко праху от лица земля бурею восхищаемому исчезати, и яко тьме от солнца изтреблятися. Приношу же и хлеб сей благородию вашему, желая да яко хлеб укрепляет сердце человеку, тако христос спаситель, иже есть хлеб наш небесный. Укрепит тя со всеми вои врученными твоему правительству на враги поганыя, да обилующе же во препитании потребном, сию службу совершивше радостно, к нам паки возвратитеся со веселием и, торжеством. Того аз твоему благородию усердно желая, мольбы моя ко господу о благосовершении службы сея вашия возсылати обещаюся. А сам ся твоей милости господствей всеприлежно вручаю.

Послание № 7

ЛЛ. 211 – 211 об. Послание Федору Михайловичу (Ртищеву)

Ясне велможный государю мой Феодор Михаилович, благодетелю мой премногомилостивый.

Помняще премногия твоего благородия яже к моему убожеству добродетельства затупления и пособства, не могу до кончины жизни моея внедостойных моих молитвах тебе благодетеля моего премилостивого забвению предати. Забвенна буди десница аще пред богом забуду. Прилипни язык мой гортани моей, аще не помяну тя яко в начале веселия моего. Толико бо написашася в сердце моем твоя неизреченная яже ко мне добротворения, даже и поминати я есть ми радость и веселие. Молил бых и ныне да изволиши ми в нуждах моих пособствовати, обычным ти милосердием, но занеже отложити вся мира сего попечения, благословных ради вин изволил еси, поне о тому молю да речеши о мне доброе и заступное слово, Богдану Матфеевичу окольничему и оружейничему пресветлого царского величества, брату твоему, дабы он мне такожде изволил милостив быти. якоже и твое бысть благоутробие. Тебе государю моему вестно есть мое радение, и услуги, к царскому величеству: а Богдан Матфеевич ни же мало о них весть. Темже сторицею припадая, к пречестныма твоима ногама молю благоутробия твоего благоволи ему государю моему о мне известити, и прошение свое сотворити чтобы изволил ми милостив быти. А господь бог благодать возблагодать неукоснит ти сотворити. От него же здравия, долгоблагоденствия и душевного спасения вельможности твоей истинно желаю.

Комментарии

1. Татарский И. Симеон Полоцкий (Его жизнь и деятельность). Опыт исследования из истории просвещения и внутренней церковной жизни во вторую половину XVII века. Москва, 1886. С. 145-147.

2. Хитрово Ф. Н. Приложение к родословной книге роди Хитрово. Спб., 1867, С. 4-5, 7-9.

3. Подтергера И. А. Письмо и послания Симеона Полоцкого: Автореферат дисс. … канд. филол. наук. СПб., 2000. Приложение С. 74.

4. Азбучный указатель имен русских деятелей для «Русского биографического словаря»: Часть вторая. М-Ф. Спб, 1888.

5. Сказания о роде князей Трубецких. Княгини Е. Э. Трубецкой. М., 1891. С. 144-145.

6. Подтергера И. А. Письмо и послания Симеона Полоцкого: Автореферат дисс. … канд. филол. наук. СПб., 2000. Приложение, С. 63.

7. Чистович И. Очерки истории Западно-Русской Церкви. Спб, 1882, Ч.1, С. 146.

8. Харлампович К. В. Малороссийское влияние на великорусскую церковную жизнь. Т1. Казань, 1914, С. 131, 381.