ДЕЛО ПАТРИАРХА НИКОНА

IV.

ПРЕДПОЛОЖИТЕЛЬНЫЕ СТАТЬИ СОБОРНЫХ ОПРЕДЕЛЕНИЙ ПО ПОВОДУ ПИСЬМА, ПРИСЛАННОГО ПАТРИАРХОМ НИКОНОМ К ЦАРЮ АЛЕКСЕЮ МИХАЙЛОВИЧУ С ЧУДОВСКИМ АРХИМАНДРИТОМ ИОАКИМОМ,

от 14 декабря 1665 г.

Настоящего лета сего, по седьми тысящах от создания Мира 174, от Рождества же по плоти Господа Бога нашего Иисуса Христа 1666, по повелению великаго государя нашего царя и великаго князя Алексея Михайловича всея великия, белыя и малыя России самодержца, собравшеся архиереи Российскаго государства преосвященный митрополиты и архиепископы и епископы, имеюще волю и не присудствующах архиепископов Сибирскаго и Астраханскаго, Св. Духа призваша, да даст благодать свою, еже разсудити праведно писание присланное к великому государю, царю и великому князю Алексею Михайловичу от святейшего Никона патриарха за рукою его в лето 7173 генваря в 14 день, в нем же написано:

1. Яко от того дне жити святейшему Никону патриарху строения своего в монастырех Новаго Иерусалима Св. Живоноснаго Воскресения Христова, или в монастыре Пресв. Б-цы Иверския, или в монастыре Св. и Животворящаго Креста Господня, или в иных его строения и приписных монастырех повольно.

И священный собор присуди: монастырь Воскресения Христова Новым Иерусалимом не именовати и не писати, а именовати и писати его сице: монастырь Воскресения Христова, по образу церкви Иерусалимския, или: монастырь Новый Воскресения Христова. Зане пишет [217] мудрый монах Максим Грек: яко един есть Иерусалим на земли и едина земля Иудейская, в ней же Христос родися и крестися во Иордане, на Фаворе преобразися и на Голгофе распяся, и тамо негде близ погребеся, и по воскресении, пожив со ученики своими четыредесять дней, от Елеонския горы на небеса вознесеся; второе, яко люди народа Российскаго зело блазнятся, суще невежди, о имени монастыря Новаго Иерусалима, паче же в последния дни сия, в няже концы век достигоша, и в той их блазни велие есть хуленое слово на святейшаго Никона патриарха, еяже хулы не мощно написати: и того ради обоего не подобает писати, ниже именовати монастыре он Св. Христова Воскресения Новым Иерусалимом.

2. Живучи в тех монастырех святейшему Никону патриарху держати вся предания церковная, и книги исправленныя с старых греческих книг и символ, како исправися при нем, и имети любовь и единение со вселенскими патриархи во всем не отложно.

Священный же собор рече: аще что и впредь за повелением великаго государя и за благословением святейшаго патриарха Московскаго и всего священнаго собора с греческих книг исправится, и ему святейшему патриарху Никону и те книги приимати и по ним славословие Божие и чины церковныя исправляти, и святейшаго патриарха Московскаго и всея России в молитвах тайных и явных всех имя поминати ему самому в первых, и во всех своих монастырех и церквах так же велети впервых поминати, и имети патр. Никону к св. патр. Московскому и всея России повиновение во всем, так как и прочие архиереи св. патриарху повинуются и имя св. настоящаго патриарха московскаго в молитвах своих в церковных и келейных поминают.

3. Великому государю царю жаловати св. Никона патр. своею милостию как и прежде сего.

И священный собор отвеща: о том великий государь [218] волен, зане государь наш царе милостив и домотерпелив и непамятозлобив; аще св. Никон патр. к нему великому государю и свят. патр. настоящему будет покорен во всем по Господе Бозе и не начнет каковых мятежей и смущении творити каковым либо образом, и великий государь будет его своею государскою милостию жаловати по своему государскому разсмотрению, как ему великому государю Бог известит, зане по премудрому некоему: сердце царево в руце Божии.

4. В царствующий град Москву приити св. Никону патриарху, когда случится всяких ради нужд, и его в. г. лице видети, мир и благословение подати и престолу славы царства его поклонитися, и великому государю пожаловати не возбранити.

И священный собор рече: приходити в царствующий град Москву св. Никону патриарху сице: первее ему о приходе своем в царствующий град Москву к великому государю и к святейшему патриарху Московскому писати, как и прочие архиереи о приезде своем пишут; и егда благочестивый государь царь повелит и святейший патриарх благословит, тогда по указу великаго государя и по благословении святейшего патриарха в царствующий град Москву святейшему Никону патриарху приходити, а без указу великаго государя и без благословения святейшего патриарха к Москве ему не приходити.

Пристойно ли Сардикийскаго собора правило 25 лист III зде написати, изволите сказати.

5. Пришед ему в царствующий град Москву, без указу великаго государя и без совету брата его и служителя святейшего патриарха Московскаго и всея России, чрез Божественныя законы, ничтоже творити.

И священный собор рече: св. Никону патриарху бывшему Московскому святейшего патр. настоящего Московскаго и всея России сослужителем не именовати, но имети его и именовати архипастыря и начальника и старейшину и [219] подчинитися ему во всем и без воли его и без благословении в царствующем граде, иди где инде, не точию что чрез Божественныя каноны, но аще что и по Божественным законам, без совета и веления ничтоже творити, но вся ему деяти по указу в. г. и по благословенно св. натр. Московскаго и всея России, якоже и прочии архиереи вся деют по благословении его.

Есть ли правила, или иное какое писание о том, что сослужителем не именовати?

6. Грамоты великаго государя, и

7. Вотчины купленные и вкладные утвердити за монастырями его;

8. Церковныя пустыя земли, которыя около Воскресенскаго монастыря близь, пожаловать Великому Государю утвердити за Воскресенским монастырем и из оброку выложити.

Отвеща священный собор: св. третьяго вселенскаго собора правило 8-е глаголет: в коейждо области сущу епископу, иже суть под нею правды да соблюдается чисто и не подвижно; аще же уставу сему противно вводит кто, всуе труждается. Толкование же того правила глаголет: елико Епископов от иные области отъяша что и под свои руце взяша, еже не бе исперва под ними, или село, или виноград, или землю, или иное что, еже от иныя епископии восхитиша, ничтоже от того своего да сотворят, ни да удержат, но да возвратят вскоре в епископию, под ним же быша и прежде была, яко чисто и неподвижно блюсти подобает коеяждо области сущая под нею стяжания; да не буест мирскиа власти изветом святительства влезет в ня; аще ли устав ин введет кто, повеленным на сем соборе противу глаголя и боряся, ничтоже успеет, но всуе труждается. И святых апостол 34-е правило не повелевает епископом без своего старейшего что творити, но токмо в своем пределе комуждо и старейшему ону без онех ничтоже творити. В толковании [220] глаголет: не подобает ни продати ни отдати церковных неких вещей. Антиохийскаго собора правило 24-е глаголет: всем причетником соборныя церкве подобает ведати все церковное имение, да егда умрет епископ церковное особно да сохранится, а еже есть епископское, по завету его да управится. Кирилла Александрийскаго правило 2 глаголет: сокровища и стяжания церковная не подвижна, и не отъемлема, и не продаема церкви подобает хранити. Агкирскаго собора правило 15 глаголет: аще что церковное пресвитери продадят, да будет не твердо. Вселенскаго четвертаго собора правила 25 толкование глаголет: все вдовствующия церкве иконом да держит и церковное имение цело да хранит. Вселенскаго шестаго собора правило 35 повелевает скончавшагося епископа причетником хранити имение; в толкованииж ж 5 глаголет: по смерти епископа, ни причетником его, ни митрополиту достоит взяти себе что от имения овдовевшия церкве. Седьмаго Вселенскаго собора правило 27 и 33 правило Карфагенскаго собора. И по сим правилам те церковныя земли св. патр. Никону возвратити в дом патриарш по прежнему, а к Воскресенскому монастырю не приписывати и не утверждати и из оброку не выкладывати. А егда будет св. патр. Московский и всея России и тогда о сем совет сотворит с великим государем и со освященным собором; а мы несмы нарушители правил св. отец, зане церковное твердо и недвижимо.

10. Из доходов, что учинил святейший Никон патриарх прибыли в дом Пресв. Б-цы, тысяче по двадцати на год, давать ему милостыни на препитание, хлеба, и рыбы и денег на потребу, что великому государю и всему царскому сигклиту и всему освященному собору Бог известит.

Отвеща освященный собор: как великий государь благоволит о сем и его царский сигклит приговорит, а нам без св. настоящаго патриарха из дому Пресв. Б-цы [221] давать присудити ничего нельзя, по правилом реченным в 8-й статье; а прибыль учинилася милостию великаго государя, а по приходским книгам всея прибыли от насаду во един год девять тысячь рублев, а больши того не бывало и ныне нет; а на препитание его есть вотчина: за Воскресенским монастырем — крестьянских дворов, за Иверским Монастырем — крестьянских дворов, за Крестным монастырем — крестьянских дворов (Здесь, очевидно, Епифаний оставил место для внесения числа крестьянских дворов, принадлежавших упомянутым монастырям, какое окажется по справке); к сему соляные варницы и рыбные ловли; мощно и теми довлетися по апостолу: имуще пищу и одежду сими довлимся, хотящии же богатитися впадают в искушение и сети и пожелания многая непотребная и вреждающая.

11. Обычай святыя восточныя церкви: оставльшему архиерею престол свой волею, или некотораго ради случая не удобнаго, и весь освященный собор дает ему на препитание первыя епархии со всяким достоянием; тако и правила св. отец повелевают, епископ аще имел будет жену в мире или своих сродник бедных, не возбраняют требования подавати им в меру.

И священный собор отвеща: каковый обычай ныне имать восточная церковь о прешедших архиереях, еже давати им из первыя епархии, мы писания не обретохом; точию слишим, яко настоящий архиерей дает бывшему архиерею по любви каковый либо монастырь, и то не писанно. А еже требование давати бывшей епископа жене, и правило 6-го вселенскаго собора 48 повелевает: распустившися с хотящим прияти епископское первоседание, по поставлении его, внити в монастыре, иже есть далече от епископии, и приимати потребу от Епископа настоящего, прежде бывшего мужа ея. Сродником же своим, убогим сущим, святых апостол правило повелевает давати пасущему епископу, яко и прочим нищим. По лишении же престола [222] его имати у втораго архиереа потребу какову любо из епархии его, мы такова правила не обретохом. Тогоже вселенскаго собора правило 12 единыя области на две делити не повелевает. Да возвестит убо св. Никон патр. священному собору, егда он взыде на престол Новгородския митрополии, живу сущу прежде его бывшему Аффонию митрополиту, каковую потребу взяше ему из епархии Новгородския митрополии; мы точию слышали, яко кроме насущнаго хлеба в монастыре на Хутыне, ничто же ему бысть вся дни живота его. Ныне же нам, освященному собору, что давати из патриаршеския епархии на препитание свят. Никону патр., без настоящего архиереа ничто же мощно определит; зане ничтоже подобает творити Епископом без своего старейшего, по 34 правилу святых апостол, но токмо коемуждо во своем предел; и четвертаго вселенскаго собора правило 25 повелевает: иконому церковное имение цело хранити, хотящему епископу поставитися; тожде повелевает и шестаго вселенскаго собора 35 правило. И аще обычая восточныя церкви такого держутся, еже давати бывшему архиерею из первыя епархии не препитание, и то творят не правильно, и нам не ведомо о сем; нам же подобает по правилом св. отец цело все сохранити хотящему быти патриарху. Никону же святейшему патриарху великий государь пожаловал и священный собор благословил и царский сигклит приговорил дати на препитание не един, но и три монастыри; аще же св. Никон патриарх благоволит те три монастыря отдати со всеми их достоинствы, и великий государь пожалует укажет, что дати ему не препитание его; егда же будет св. патр. настоящий, имать власть, еже аще восхощет, давать милостыню, нам же того сотворити не мощно.

12. Будучи на престоле подносил великому государю по две тысячи избранных больших рыб, а иногда и сугубо, и великий государь той устав и благословение и до днесь держит, и не в грех такожде на нем свят. Никоне патр. да смилуется. [223]

Отвеща священный собор: власть свят. Патриарх имяше и лет ему бяше творити, еже хотяше; а еже благочестивому царю подносил, и то не свое, но царево царю даяше; и по делу о нем же святейшем патриарх благочестивому царю и нам без будущаго патриарха ничто же подобает сотворити, якоже выше рехом.

13. Святейшему настоящему патриарху в монастыри, построенный свят. Никоном патриархом, и в приписныя и в вотчины их и во всякия суды и в приходския церкви и во священный причет, и в крестьянския всякия духовныя дела не вступатися и не посылати никого.

На сие отвеща освященный собор: кийждо должен есть меру свою ведети, и в своих пределех и в повеленных ему священными законы пребывати. Патриарху же единому подобает быти и ведети ему паству свою, яже вручится ему благодатию Св. Духа, и владети ему всеми пределы своими непреложно и непоступно, по осьмому правилу перваго Вселенскаго собора, глаголющему: двема епископома не мощно быти в едином граде. Но да повелит святейший настояний патриарх святейшему Никону нарицатися патриархом, архиерейскаго же дела, без своего веления, никакоже касатися ему; имети же ему настоящаго святейшего патриарха Московскаго и всея Руссии, яко же выше рехом в статье 5-й, архипастыря и начальника и старейшину, и подчинятися ему во всем и без воли его и без благословения ничтоже творити. Перваго собора Вселенскаго по толкованию правила 6-го: кийждо патриарх своими пределы обладати должен есть, и никому же их иныя области не восхищати, не бывшия превыше изначала под рукою его, се бо есть гордость мирския власти; подобает же епископом коеяждо области старейшего их знати и почитати. 4-го же Вселенскаго собора 12 правило глаголет: едина область на две не делится, аще же кто разделит, несть епископ, и прочее того правила и толкования его. И третьяго Вселенскаго собора правило осьмое [224] повелевает: в коейждо области сущии под нею правдам соблюдатиса не подвижным. Перваго же Вселенскаго собора 16 правило уставляет, не тверду быти поставлена пресвитерскому и диаконскому, рекше извержену, от иныя власти епископа поставленным, без воли своего им епископа. И св. апостол 35-е правило не повелевает поставляти от чуждаго предала, ни в предал; аще же, глаголет, без воли того места епископа сие сотворит, с поставленным от него и сам не поставлен, сиречь да извержется и сам и поставленный от него. К сему же и сам свят. Никон патр. написа в писании своем, статья 24: во всякия духовныя дела Московскаго Государства и всея России не вступатися и не ведати, и паки в 25 статье (Разумеется разделение на статьи, сделанное в настоящем соборном акте. См. ниже ст. 24 и 25), хранити обещая твердо правила св. апостол и св. отец, в чуждей епископии ставленников не ставити, и ни каких духовных дел без местнаго епископа веления не творити. И мы ныне по священным правилам и по само изволенному св. Никона патр. обещании, написанному в 24 и в 25 статьях, подтвердихом, еже не ведати ему без веления св. патриарха, и митрополита, архиепископа, или епископа ни в которой области никаких духовных дел, да не виновни будем по священным правилам извержены его. А которое дело духовное в котором его монастыре прилучится, и ему к тем архиереом, который монастырь или вотчины котораго архиереа области, надлежит и описыватися и по их совету и велению, аще повелят что творити, да творить. Аще же не восхощет отписатися, или отпишется, но архиерей, аще будет, ему не повелит что своея области творити, и св. Никону патр. отнюдь без их веления ничтоже творити смети, якоже выше священный правила законополагают и яко сам обещася.

Прилично ли вписати Карфагенскаго собора правило 98, лист 157, сами изволите досмотрети. [225]

14. Митрополитам и архиепископом и епископом, в коих областях строения св. Никона патр. монастыри, и приписные монастыри и монастырския вотчины, и в них приходския церкви, во всякия крестьянския дела не вступаться же и не ведать и ни почто не посылати.

И св. собор повеле во всем быти, якоже речеся в 13 статье, а приписным монастырям быти по прежнему во всем, как который монастырь был до приписки к святейшему патриарху, а отныне св. патр. Никону ими не владети, глаголет бо Халкидонскаго 4-го собора вселенскаго 24 правило сице: монастырь, иже с волею епископа поставляется, да пребывает непретворен и яже суть к нему имения да будут не отъемлема; аще же кто инако начнет творити, несть без вины. И 4-е правило того же собора повелевает всякому мниху повиноватися епископу и от монастыря без повеления его не изходити. И перваго глаголемаго и втораго собора правило первое повелевает епископу ведети монастырь, и сущим в нем внутренним и внешним под властию быти епископа и без воли епископа ни самому создавшему игуменити в нем, ни игуменов поставляти. Карфагенскаго же собора 85-е: черноризцем епископу области тоя покорятися, от чужаго же некоего монастыря не поставляти пречетника. Аще же будут те приписные монастыри под властию, аще и внешнего, свят. Никона патр., то тех монастырей имения внутреннее и внешнее не будут под властию тоя епархии архиереа, но будут всяко отъемлема, идеже св. Никон патр. восхещет, и мнихи тех монастырей не всяко будут своему архиерею, в епархии котораго монастырь стоит, покарятися и от монастырей своих без повеления своих… архиереев преходити будут и покарятися своим архиереом не будут: и тем священныя правила Богоносными Отцы узаконенный нарушены будут и архиереи в презорстве будут, мы же, умолчавше, осудимся. И того ради свят. Никону патр. теми монастырями [226] ни в чем не владети, да Божественных отец законоположенныя правила тверда пребудут и мы да не осудимся; а довлеет св. Никону патр. на препитание его и на всякую телесную потребу строения его монастырей с вотчинами, в них же жити ему определися, и владети внешними именеми тех монастырей, кроме духовных всяких дел, якоже выше речеся.

15. Посвящати в те монастыри архимандритов и игуменов, священников и диаконов св. Никону патр. самому, покамест жив будет и может, или коему митрополиту или архиепископу и епископу соблаговолит и грамотою своею известит.

Священный собор рече: коемуждо епископу подобает свою область соблюдати целу. Зане 35 правило св. апостол не повелевает никому же от епископ вне своих предел, ни от чуждих предел приходящих, поставляти кого пресвитера или диакона; аще же без воли того места епископа сие сотворит, с поставленным от него и сам не поставлен, сиречь да извержется; Антиохии Сирския собора правило 13 глаголет: аще никим же позван во ину область поставит пресвитера или диакона, или правление некое церковное творит, таковая не тверда и разрушена да пребудут, а он да извержется; и 22 правило того ж собора повелевает, коемуждо епископу в своем пределе владети и поставляти пресвитеры и диаконы, во ин же предел не ити, ни поставити пресвитера, ни ино что епископское творити, кроме воли епископа предела того; аще же дерзнет и сотворит что таковое, да будет извержен и повинен, и поставленный от него пресвитер и диакон. Втораго же вселенскаго собора правило 2-е глаголет сице: предел ради никто же да мешает церковь, не поставляет пресвитера ни епископа; прочее да чтется того правила толкование. К сему же и сам свят. Никон патр. те все правила подтвердил писанием своим в статье 25 глаголя: никаких духовных дел без местнаго епископа веления [227] ему не творити. И по сии правилом свят. Никону патр. и по своему обещанию рукописанному поставляти в свои ему монастыри, которыя в патриаршей области, архимандриты и игумены, пресвитеры и диаконы точию до насущаго св. патр. Московскаго; егда же благоволите Бог быти свят. патр. Московскому и вся России, тогда ему описыватися к свят. патриарху и бити челом ему о всякой духовной вещи, и что настояний св. патр. повелит, — и ему вся по повелении его творити, а без повеления его ничтоже ему творити. А которыя монастыри в области преосвященных митрополитов и архиепископов и епископов, св. Никону патриарху отныне отсылати тех монастырей ставленников на рукоположение к тем архиереом, которой монастырь или вотчина котораго архиереа во области есть; или, аще сам благоволит кого рукоположити, и ему такоже по совету и благоволению тоя области архиереа повеленная им творити. Аще же о чесом не будет воли тех мест архиереа и св. патриарху без воли их ничтоже творити, да не будет нарушение священных правил, уставленных от св. отец. Аще же что, кроме совета оных мест архиерей, самовольно каковы духовныя дела начнет творити, и то да будет не твердо, посвященным выше реченным правилем. Мы же вси архиереи не должни грамот патр. Никона слушати, писанных от него о чем либо с повелением; но должны есмы вси повиноватися и слушати настоящего святейшего патриарха московскаго и всеа России и писаний его.

Епископ не радяй о врученной ему пастве, приискати есть ли такое правило.

16. По прехождении его от временнаго жития те все монастыри пожаловать великому государю царю, и царскому сигклиту приговорити, и освященному собору благословити, велеть приписати в области царствующего града Москвы, а не в патриарш дом.

Освященный собор присуди: которой монастырь строения [228] св. Никона патр. в которой области стоит, той монастыре в ту епархию архиерейскую и приписати, а не в домы архиерейския; а приписным монастырем отныне во всем быти якоже речеся в 14 статье выше сего.

17. Так же и в степени написание, и егда будут соборы в царствующем граде Москве и от тех обителей архимандритов в собрание призывати и св. литургию служити невозбранно, иде же святейший патриарх повелит, а без благословения того чрез Божественныя законы ничто же им творити.

Священный собор отвеща: егда благоволит Бог быти св. патр. московскому и всеа России, тогда будет соборне просит и, да по совету с великим государем напишет в степени три монастыря: живоноснаго Воскресения, Иверския Богородицы и Животворящаго креста, в которой степени которому из тех трех монастырей быти прилично. А до святейшего патриарха быти тем монастырем безстепенно.

Сказывают, что Иверский монастыре написан уже в степени; проведал Иаков.

18. Нуждею к мирским судиям на суд свят. патриарха из монастырей его архимандритов и игуменов, наместников, строителей и всего священнаго чина не привлачити; а которое дело дойдет, и про то сыскивать крепким сыском и решити по правилам и по царским законом.

Отвещаша архиереи о сем соборно: како священная правило уставиша и царстии законы повелеша, обычай Российскаго государства держится о прочих архиереех и монастырех: тако и о св. Никоне патриархе, и о монастырех его, и монастырей его о всяких начальниках, да держатся твердо во всем.

19. За Новгородское его от бунтовщиков терпение.

20. В степени святейших патриархов московских имя его да напишется непреложно по настоящему времяни.

21. Всяких чинов людем приходити к свят. Никону [229] патриарху благословения ради, или милостыню подати ему не возбраняти.

И священный собор изгласи: благочестивый царь пожалует, и свят. патр. настоящий благословить и мы повелеваем, и царский сигклит не возбраняет христианом к нему приходити, дондеже не будет каковый мятеж и соблазн.

22. Прогневавшии царское величество за него и заточеннии в дальних странах свободу и отпущение грехов да получать.

23. Никону святейшему патриарху отныне, лета 7173, от воплощения же Божия слова 1665, генваря с 14 числа, московским и всеа России патриархом неименоватися, а писатися ему вначале своих грамот посылаемых от него: смиренный Никон Божиею милостию патриарх.

И священный собор присуди сему по воли его тако быти.

24. Во всякия духовныя дела московскаго государства и всеа России не вступатися и не ведати.

И священный собор сие изволение его зело похвали и утверди тако быти; к сему же присуди, не вступатися св. Никону патр. и в мирския всякия дела московскаго государства и всеа России, — кроме своих трех монастырей данных ему, и вотчин их; в них бо аще хощет, да разсуждает мирския дела, пристоящия ему. Аще же время случится, и благочестивый государь наш царь и свят. патриарх или священный собор призовут, или о какове любо вещи, или деле отпишут, и ему тогда не возбранно дати ответ; собою же ему нивочто не вступаться.

25. Хранити ему твердо правила святых апостол и отец, иже утвердили в чужей епископии ставленников не ставити, и никаких духовных дел без местнаго епископа веления не творити.

Священный собор сие добре похвали и утверди сему тако быти.

26. Духовныя ради пользы будет лучится св. Никону [230] патриарху на собор приити, и в том ему не возбраняти, и заседати под настоящим патриархом превыше митрополитов и архиепископов и епископов.

И священный собор святейшему Никону патриарху заседати под настоящим патр. московским превыше митрополитов и архиеписков и епископов повел; а к Москве и на собор без повеления ему не приходити, а приходити ему к Москве или на собор по выше реченному в четвертой статье.

27. По отшествиях своих, от великия кручины огорчеваяся, жаловался Господу Богу на царское величество и на честный сигклит и на священный собор суд Божий износил: и о том ему Господа Бога молити, да милостив им будет Господе Бог и по уставу молитвословием разрешити.

И священный собор рече: егда бысть на престоле патриаршества московскаго св. Никон патр. тогда писася в многих писаниях уподобляяся Моисею, кротости же его не подража. Моисей бо он, егда люди исраильстии к Богу прегрешиша, слиявше телец поклонишася ему, Господе же прогневася на ня, он же моляше Господа о них глаголя: аще оставиши им грех сей, остави, аще же ни, изглади мя из книги твоея, юже написал еси. Царское же величество и освященный собор и честный сигклит, ниже Богу явно в чесом приразися (аще яко человецы и согрешиша, никтоже бо безгрешен), ниже св. Никона патр. в чесом кто преобиде, но вси почитаху его и покаряхуся ему во всем, яко самому Христу, и честь ему отдаваху паче прежде его сущих патриархов Российских: он же сам обещания своего не сохранив, паству свою, врученну бывшу ему от Св. Духа, невинно безпастырну оставив, ниже благочестивому царю вину какову о отшествии своем известив, ниже священному собору изъявив, пойде аможе восхот и многащи зовом царским величеством чрез боляр, и священными тогда сущими и всем преизящным [231] сигклитом молим, да на престоле патриаршестем председательствует, он же, в своем упоре твердо став, отвеща к молящим его, глаголя: отселе аз не словесной пастве Христове, но мне самому внимати, не пастырски овцы Христовы паствовати, но паствуем быти, не о православной церкви Российской, но о спасении души моея пещиса, не чуждих прегрешений язв врач быти, но моя и моих грехопадений раны врачевствовати желаю, да не речется мне притчески реченное: врачу, уврачи тя самаго; и по сим его словесем ни на кого же ему подобаше, точию на свое упорство Господу Богу жаловатися и суд Божий износить, невинных же отшествию его не кляти, на зло бо молящагося и праведнаго Бог не слушает. Аще же бы ему в чесом пасомых им кто и погрешил, и ему яко пустырю подобаше не кляти, но по Моисею Господа Бога молити, и душу свою за паству положити и к язве пластырь долготерпения приложити, по реченному в писании: должни немощи не мощных носити; и ничтоже безчестнейше пастыря гневающася: пастырь бо истинный есть, иже словесныя овцы не злобием своим и милостию взыскати и исправити могий; кляти же невинныя не пастырево есть. Аще бо, глаголет многий в Божественных Ареопагита, кленет страстно святитель, не последует ему суд Божий; и св. апостол глаголет: гнев мужа правду Божию не соделовает. Разсмотрим, о сващеннии, аще не ради страсти своея кляше? Ей, всяко по своей страсти кляше! Но должен есть Господа Бога молити, да не вменится ему сие в грех.

28. Прах, его же с молитвою оттрясал от ног ево их во осуждение, изходя из царствующего града, и разметения явлшияся на небеси оныя метлы Божественныя клятвы, ему свят. Никону патр. молити Господа Бога, да пременит Господь Бог отрясенный прах в благословение и царствующему граду Москве не быти осужденному паче Содома и Гомора, но да приимет Господь Бог покаяние, яко же и Ниневитян кающихся; метла же она Божественная [232] да будет в собрание и защищение от всяких наветов вражиих, а обидящим его во отмщение.

И священный собор разглагола: сотвори патр. Никон дерзость, еже прах отрясе и моляшеся оному праху отрясенному от ног его быти в осуждение царствующему граду Москве паче Содома и Гомора, и таковыя дерзости никтоже сущих прежде свят. Никона патр. сотвори где, аще и истинно изгнаше подъя кто, или не прият кого кий град иди весь. И первое убо, егда Господе наш Иисус Христос, внегда наста время страсти его, утверди лице свое ити в Иерусалим, не внезапу сам пойде, но посла весники пред лицем своим, они же внидоша в весь Самарянску, яко да уготовят ему ириитие; ведый убо яко не приемлют его Самаряне, но обаче посла; и не прияша его, яко лице его бе грядый в Иерусалим; не брегом убо от Самарян, без злобы претерпе; видевше ж ученика его Иаков и Иоанн реста: Господи, хощеши ли, речем, да огне снидет с небесе и потребить их, якоже Илья сотвори? обращьжеся Иисус, запрети има и рече: невеста коего духа еста вы, сын бо человеческий не ирииде душ человеческих погубити, но спасти. Господь же, священныя своя апостолы посылая, повеле проповедати Евангелие, яко приближися царство небесное, и власть даде первее болящия целити, прокаженныя очищати, мертвыя воскрешати, бесы изгонити, самим же апостолом не стяжати ни злата, ни сребра; входящим же им в дом, повеле глаголати: мир дому, и аще достоин будет дом, приидет на него мир апостольский, аще же дом не будет достоин, мир апостольский к апостолом возвратится; таже, аще не приимут апостолов, ниже послушают словес их, еже есть проповеди св. Евангелия, тогда повеле им изходящим из дому или из града онаго оттрясяти прах ног своих в свидетельство им, еже сотвориша святии апостоли Павел и Варнава в Антиохии Пасидийстей: егда Иудее исполнишася зависти, и [233] глаголемым от Павла сопротив глаголюще и хуляще, рекоста к ним Павел и Варнава: вам бе нужно первее глаголати слово Божие, а понеже отвергосте е и недостойных себе судисте вечному животу, се обращаемся в языки. Иудее же наустиша честныя жены и благообразный и первых граждан, воздвигоша гонение великое на Павла и Варнаву, и изгнаша их от предел своих; они же не просто, ниже разгневавшеся оттрясоша праг ног своих, но на неприемших и отвергших слово Божие и напротивящихся и хулящих проповедь святаго Евангелия отрясше прах от ног своих, поидоша в Елинский град, яко и ему проповедати св. Евангелие. Зане ни праха хощет Господь учеником своим имети на ногах от земли нечестивы; ничтоже бо приобретоша апостоли от нечестивых; прах же образ труда их, его же претерпеша ради них. И в Коринфе св. апостол Павел засвидетельствуя Христа Иисуса, сопротивящим же ся им и хулящим, оттряс ризы своя, рече к ним: кровь ваша на главах ваших, чист аз, от ныне иду в языки. Отсюду ведати всякому мощно, яко апостоли оттрясаху прах и ризы своя на Иудеи, неверных сущих, не токмо противящихся им, но и хулящих слово Божие, проповеданное ими, а отхождаху в языки проповедати слово Божие; егда же аще и досаждаху апостолов и бияху их, но слово проповеди св. Евангелия не тако хуляху, тогда апостоли изгоними и биемы, не токмо прах не оттрясаху да еже каково злопострадаша, но и радующеся из сонмище исхождаху: яко в Иерусалиме архиереи бивше апостолы запретиша им не глаголати о имени Иисусове, они же идяху от лица собора радующеся, яко за имя Господне сподобишася безчестие прияти.

Подражатель же незлобиваго владыки Христа и соученик святых апостол, златый языком Иоанн, извержен неправедно сана архиерейскаго, из церкве изгнан, по извержении в третий день сам вдадеся и никого же кляше; возвращен же от изгнания и нудим царем и [234] царицею не хотяше внити в град, дондеже народ приведе им с нуждею; во второе же изгнание радовашеся, яко изгнан бысть, а никого же кляше; аще и пришед огнь от Бога пожже тамо сущая здания, — но не по его прошению: он бо аще и изгнание подья, но кротостию отъиде. Заповода же и Алимпиаде с прочими поставленному по нем в церкви, понужди или советом всех, повиноватися тому, яко же самому Иоанну: не может бо, рече, церковь без епископа быти.

И зде же древле случившееся о митрополите всеа России Филиппе: егда по оклеветании неких злых изгнася престола и паствы с велиею досадою и безчестием и биением, тогда святый, яко истинный пастырь, не кляше не точию не винных, но и самих клеветников благословляше.

Патриархи Иев и Ермоген оставяще престол свой, како отойдоша, написати.

Священная же правила не приемших епископа людей кляти не повелевают, якоже свидетельствует собора Агкирскаго правило 18 глаголющее: епископ поставлен быв, аще не прият будет жители предела того, в оне же поставлен бысть, и начнет иным епископиям стужати, да отлучится, аще же хощет да причтен будет, с пресвитеры да причтется, аще же и тамо сущим епископом стужает, да изринется из пресвитерския чести. И Антиохии Сирския 10-е правило глаголет: аще поставлен быв епископ и никакоже приять будет людьми града того, таковый убо честь епископскую да имат, и да служит токмо, ожидая егда всея области епископи собором управят о сем. Тогоже собора правило 16 глаголет: иже кроме совершеннаго собора, или самого митрополита на праздный церкве престол наскочив, аще и сам есть празден от епископии, да будет извержен.

Смотрим прилежно, яко не приемших людей поставлен наго им епископа не точию не повелевают кляти священнаго правила, но и епископа безчинующа и наскачюща [235] извержению подлагают. Святейший же Никон патр. моляшеся на царствующий град Москву о погублении, якоже Содому и Гомору, ниже по Божию велению, ниже по чину св. апостол, ниже за проповедь слова Божия (издревле бо российский народ имат проповедь св. Евангелия), ниже изгнан; но по рукоположении его на патриаршество прият бысть от всех и почтен паче прежних патриархов Российских. Остави же самовольно престол свой и паству безчинно на многа лета безпастырну, без всякия вины и совета, и тогда много молим, не возвратися. Многа же лета минув по отречении своем, восхоте паки власти и славы мира сего, ниже возвестив о себе, ниже советовав, или молив царя и собор, прииде внезапу нощно, и в мире молву и смущение велие сотвори; стражу же градскую в граде проходя, вспрошен сказоваше себе архимандрита Савинскаго монастыря Звенигородскаго. Изшед же паки вспять, гневом побеждаем, оттрясаше прах и молитву законопреступную прилагая. Како бо не законопреступная первее учини? Получи бо священство, паче же архиерейство на благословение и на молитву о гресех людей к Богу и о благосостоянии всего правовернаго царства, и нарицашеся и до днесь нарицается царский и всего христианства богомолец, а не клятвотворец; и подобает ему о своем дерзновении каятися и молитися Господу Богу, яко же и сам молитися обещаса. Долженствует же ему свое обещание сие делом исполнити по реченному: обещайте и воздадите, и лучше не обещатися, нежели обещавшему не исполнити.

А еже метлу некую, нареченную им, молится в отмщение обидящим его, и о сем прирече свящ. собор: подобаше св. патр. Никону, яко ученику владыки Христа, молитися за творящих ему обиду о оставлении грехов, якоже сам владыка наш Христос научи, реке: якоже возлюбих вы, да и вы любите себе; о сем разумеют вси яко ученицы мои есте, аще любовь имате между собою; возводя же ученицы своя на совершенство, учаше я глаголя: любите [236] враги ваша, добро творите ненавидящим вас, благословите кленущия вы, молитеся за творящим вам обиду. Святейший же Никон патриарх, возшед на совершенный степень архиерейский, не воспомянув Божия заповеди глаголюшия: мое мщение, аз воздам, моляшеся законопреступно, бывшей в то время звезде, юже наричет метлою, быти обидящим его во отмщение; его же обида, кто чим его пообиде, неведома; точию аще не сам себе обидит в душу и тело; поверг свое начальство, износит на ничим же ему винных, а сущих правоверных словеса клятвенная не законно. Како же будет его таковая молитва законна? Зане глаголет священный Златоуст: аще на враги молимся, откуду приимем спасения надежду, законопреступную сию прилагающе молитву. И паки: не сим тебе Христос наказа, не сице уста окровавляти повеле, ибо окровавленных уст от плотей человеческих лютейш таковый язык. Егда бо речеши: расторгни его, и дом преврати и вся погуби и тьмами его губетельствы клянеши, ничим же человекоубийцы разнствовал еси, пачеж человекоядца зверя; обиделся ли еси от кого, убо помилуй его, да не возненавидиши; яко Христос распятися хотя, о себе убо радовашеся, о распинающих же молящеся; паче убо покажем любовь опечалившим, да подобии будем Богу нашему, иже на небесех. Аще же не токмо не оставлявши но к Богу на него беседуеши, которую прочее приимеши спасения надежду? егда умоляти его подобаше, тогда его раздражаеми. И паки: коликия муки будут достойни, не токмо не оставляюще, но и Бога о отмщении врагов моляще? Аще же врагов благодетельствуем наших, многу себе предположим милость; тако бо и в настоящее житие вси нас возлюбят, и прежде иных Бог и возлюбит и венчает; сице святии апостоли моляхуся и Стефан великомученик каменьми побиваем от Иудей, сущих не верных, моляшеся глаголя: Господи не постави им греха сего; и святый Павел моляшеся: да не вменится им, еже сказует [237] святый Златоуст, яко не токмо не хотяше мучитися, или что нужно пострадати, но и простити молящеся им; и сам Спаситель наш Христос распинаем от Иудей моляшеся Отцу своему глаголя: отче отпусти им, не ведят бо что творят.

29. Без правды подвигшим суд архиереем на святейшего Никона патриарха беззаконно, чрез вся Божественная правила, прощение дати и разрешити молитвословием кающихся о том и прошения просящих; не кающияся же под заповедь Божию подлагает, глаголющую: им же судом судить, осудитеся, и: в ню же меру мерите возмерится вам.

Священный собор рече: каятися о сем и прощения просити не лет и не о чесом. Зане св. патр. Никон не от достоверных свидетелей известися о сем: некто убо ему солга, и свящ. собор туне оклевета, и его душу возмути. Он же возмне, яко егда собрася священный собор в лето 7168, суд изнесе на него; но не бысть тако. Бысть же сице: Благочестивый государь наш царь (титул), имяше велие попечение о вдовствующей соборной церкви, да преосвященный собор о сем по правилом св. апостол и свят. отец разсудит; они же, подобно имуще о святей церкви попечение, сошедшеся в патриаршу крестовую палату, известишася, с писаньми, многими достоверными свидетельми, обретшимися при отшествии свят. Никона патр.; слышаша бо от них, аще и не купно, обаче согласно рекших, яко патриарх самовольно престол свой пастырский остави и патриаршества своего отречеся, и впредь на патриаршестве обещася не быти, и жезл пастырский по произвольному желании своему на патриаршестем месте постави, и тако церкви и паствы изъиде. Последи же того сам святейший Никон патр. к великому государю писа своею рукою сице: Никон бывший патриарх. И избравше о том правила, написаша, чтоша прилежно, и разсудиша, да ин благоискусный муж на верховное предстательство [238] правильно благодатию Св. Духа избран будет и хиротонисан возведется на престол патриаршеский, якоже и прежде в велию пользу церкви православныя апостольския соборне содеяся. Христолюбивому же архиерею, во святых Григорию Богослову, престол свой Константинопольский самовольно оставлшу, абие от святаго вселенскаго константопольскаго собора ин благоговейный пастырь Нектарий избрася, архиерей хиротонисася и на престол патриаршеский Константинопольский возведеся. Да и сам свят. Никон патр. прежде патриаршества своего возведеся на архиерейский степень митрополии великаго Новгорода и Великих Лук, еще живу сущу преосвященному Аффонию митрополиту Великаго Новгорода и Великих Лук, но оставлшу за старость престол митрополии новгородския. И паки св. Никон патр., еще сый на престоле патриаршестем, архиепископу же Иосифу суждальскому и торусскому отрекшуся престола за немощь (иже и еще жив есть и доднесь), — рукоположи и возведе на он престол архиепископа Филарета. По сем онаго архиепископа Филарета преведе свят. патриарх на вышший степень града Смоленска, вместо же его Суждалю граду рукоположи и возведе на он престол Стефана архиепископа, живу сущу превому того града архиепископу Иосифу. Паки оставлшу за старость престол архиепископии града Твери преосвященному архиепископу Ионе, свят. Никон патр. рукоположи и возведе на он престол архиепископа Лаврентия, иже ныне милостию Божиею преосвященный митрополит казанский и свияжский. И многа такова соборная деяния суть, яже краткости ради времене оставляются. И сия вся быша не чрез правила, но по правилом. Святейшей же Никон патриарх ничим же когда судися, ниже осудися, ниже изгнася, ниже в оземствование послати присудися, ниже сана извержеся. И еже написа свят. Никон патр. яко подвигоша на него суд архиерее беззаконно, чрез вся Божественная правила, и то написа недостоверно о сем известився. [239]

30. Такоже и честный сигклит, боляре, иже злословяша его без правды и клеветали на него государю смертными винами, кийждо сам свою совесть ведая, поищут прощения, и ему и тех разрешити и благословити; а им, кто будет преобидел его в чем либо, житейских вещах движимых и недвижимых, исправитися в правду, полюбовно; аще и по сему кто уклоняся от всякия Божественныя правды обратится на зло какое либо, или на досаждение, или на преобидение, и на нем тажде да будет Божественная юза не разрешима.

Священный собор рече: в 167-м году слух пройде нашествия крымскаго хана на московское государство, и тогда св. Никон патр., уже по оставлении престола своего, прииде в царствующий град Москву, но не на престол свой; — егда же паки отхождаше с Москвы, тогда бысть у царскаго величества и, оттуду исходя, всем купно подал прощение и разрешение во всем к нему прегрешившим, овым поименно, прочим же всем и безъименно: и како ныне хощет тех же и в тех же прегрешениях разрешати и благословляти? Аще же кто последи ж того чем ему прегреши, и то всяк ведая свою совесть, должен искати прощения и разрешения от него: о сем мы не возбраняем, но и соблаговоляем, не точию от архиереа прощения в согрешенных к нему искати, но и от простых по реченному Христом Спасителем: аще принесши дар твой к олтарю, и тамо помянеши, яко брат твой имать нечто на тя, остави тамо дар твой пред жертвенником и шед прежде примирися брату твоему и тогда пришед принеси дар твой, и апостолу Петру сопросившу Христа Спасителя: коль краты согрешит в мя брат мой и отпущу ли ему, до седьми крат? — Отвеща ему Спаситель наш: не глаголю тебе до седьм крат, но до седьмидесят крат седмерицею; и паки: аще оставите человеков прегрешения их, оставит и вам Отец ваш небесный прегрешения ваша, и прочая. [240]

А еже кто будет преобидел его в чем либо, житейских вещех движимых и недвижимых, исправитися вправду полюбовно. И священный собор отвеща: зело подобает исправитися обидевшим в каков либо вещи св. Никона патр.; такожде и свят. Никону патр., аще что обрящется у него не свое, или аще уже у него что и не обретается, но в память приидет ему самому, или кто ин воспомянет ему о какове либо вещи, движимом или не движимом, взятой у него на святейшего патриарха, и ему такожде вся возвращати без всякия тщеты.

А еже и посем кто обратится на зло какое либо, или на досаждение или на преобидение и прочее. И священный собор о сем отвеща: добро убо всем престать, не точию на св. Никона патр., но и на всякаго человека от всякия досады, и обиды и от всякаго зла. Но человек удобоползновеный, по реченному: аггел то есть, еже не падати, человеческое же, еже падати и паки востати, елижды сие и случится. Христос вопрошен святым апостолом Петром, доколижды оставляти брату прегрешения к нему, повеле без числа кающимся оставляти. Убо и свят. Никону патриарху видящему человеческое удобоползновенное естество, яко послушателю Христа Спасителя, не подобает озлобити раздражившаго: и еже бо желати озлобити раздражившаго гнев есть, рече некий Богоносный отец; солнце же, рече Божественный апостол, да не зайдет в гневе вашем: кольми паче не будет гнев, еже на впредь будущая согрешения налагати юзу неразрешиму? Архиерею же, яко должну сущу всех бремена носити, паче не подобает гневатися. Глаголет бо негде священный Златоуст: яко иным убо гневающимся прощение есть, епископу же нигде ж. Святых же мужей словеса глаголют: еже хранити сие согрешение, памятозлобие есть. Иисус Христос Спаситель наш, образ дая собою, овогда словесы учаше, овогда же и делы учение показоваше: словесы убо егда рече: возмите иго Мое на себе и научитеся от Мене, яко кроток есмь [241] и смирен сердцем; делы же егда не точию досаждаем и злословим, слыша: беса имать, и: о вельзевуле бесы изгони, но и каменьми метаем, не гневашеся и неразрешимую юзу ни на кого же налагаше; но посреде их прошед паки благодетельствоваше, целяше и учаше и солнце свое возсияваше на благия и злыя и одождаше на праведные и не праведныя.

31. Святейший Никон патриарх взял у Ивана Щепоткина из лавки в дополнение великаго колокола пять сот пуд меди его, а дал ему Ивану память на князя Ивана Ивановича Лобанова во сте пудех меди. И Иван Щепоткин, не бив челом великому государю о своей меди, заверстал за ту пять сот пуд меди его патриарховою мягкою рухледью, которая ему Ивану дана была продать — сафьяны, шелк и кисеи тысячи на полторы, или на две, и того ради преобладания патриарх его Ивана прокляв.

И священный собор судил ту клятву патриархову на Ивана быти суетну, и зело безмилостивну и грешну ему патриарху, зане, якоже свидетельствует и сам св. патр., взял Иван за свою медь, а медь взял у него патриарх, а Ивану было бити челом великому государю о той своей меди в котором приказе? потому что не в приказ взята у него медь, — пристойнее было бити челом великому государю о той меди, или за медь о деньгах, самому святейшему патриарху, да отдать Ивану; а клясти за то Ивана не подобает, хотя бы и впрям Иван чем патриарховым завладел и ему было подобаше писати о том к прикащиком Ивановым, дабы ему долг его возвратили; а кляти отнюдь не подобаше и душу кровию Христовою от клятвы искупленную, за малую телесную ничтоже сущую вещь, клятве предавати и вечно губити, и то не праведно, за его бо Иваново имение, его Ивана прокля: аще бы и весе мир приобрел, душу же погубил, или отщетил, ничтоже даст измену за душу ону, зане души единыя погибель, глаголет святый [242] Златоуст, толику имате тщету, елику ни кое же слово представити может, весь бо мир души единыя не достоин.

34. Аще ли инако, чрез вся Божественныя каноны, и заповеди и любовной союз, сбудется, яже о патриаршестве, во власти мира сего, то да не наречется по правде патриарх, но яко прелюбодей и хищник и, вместо мира, да будет мече Божий и резделение по словеси Господню: не приидох вложити мир, но мечь.

И священный собор на сие отвеща: яко же древле содевашеся о избрании патриарха московскаго, царское величество не кроме священнаго собора избираше, такоже и священный собор помощи требоваше у царскаго величества о избрании патриаршеском: тако и ныне, егда благоволит Бог избранию быти св. патриарха московскаго, тогда благочестивый царь, и священный собор купно да изберут мужа, верна суща в православии и ведуща Божественное писание и искусна, от многих лет в священном чине суща, не кроме Божественных канон, но якоже священная правила повелевают, и обычай Российскаго государства есть рукополагати своим архиереем патриарха согласием и благословением святейшаго Вселенскаго патриарха Константинопольскаго; а власти мирския (кроме священных) никогда же избираху, ниже избирают. Любовный же союз сице имать быти: аще св. Никон патриарх будет святейшему престольному патриарху московскому во всем покорен и имя его будет везде сам и в сущих под ним монастырех и церквах всех в первых поминати и имети его будет архипастыря и старейшину и не будет каковых мятежей и молв и смущений каковым либо образом творити, и святейший настоящий патриарх будет его патриарха Никона любити, жаловати и почитати, яко прежде бывшаго брата своего; еще же святейший Никон патриарх святейшего настоящего патриарха имя в первых не будет поминати, или почитати и имети его архипастыря и старейшину, и начнет в чем либо не покорятися ему, или каковыя молвы и смущения и мятежи [243] каковым либо образом собою или людьми творити, и святейший патриарх настоящий святейшаго Никона патриарха должен и судити по священным правилом, да не будут два патриарха равные себе, и тем не наречется прелюбодей и хищник, но пастырь, пасый жезлом сил, данною ему властию не покаряющихся от него и отвращающихся от него, последующих же ему пасый духом кротости.

А еже вместо мира да будет мече Божий и разделение по словеси Божию.

И Божие слово реченное, еже: не приидох воврещи мир но мечь, приидох разлучити человека на отца своего и дщерь на матерь свою и невесту на свекровь свою, — и сие слово не о власти каковой, ниже о начальстве, ниже о казни каковой рече Христос; но о вере, яко сказует святый Феофилакт, еже отсецает от любве внутренних и от сродник повреждающихся от благоверия, не тако бо просто разделятися от своих глаголет, но егда не токмо не последуют но и повреждают.

Во время же патриаршескаго избрания и рукоположении какову разделению быти и мечу патр. Никон моли Бога? Едина бо вера во всех православных христианех сущих под державою царскаго величества: точию подобает святейшему Никону патриарху и всем нам молити Бога да будет той мечь на прекословящих и не покаряющихся святой восточной православной кафолической и церкви святейшему настоящему патриарху московскому и всему священному собору, иже таковыя и ныне мнози обретаются, и да будет им той мечь не на пагубу, но на страх Божий и на познание истины и на обращение к святой восточной кафокической православной церкви. Аще же кто мыслит, или хощет оному мечу и разделению быти о патриаршеском избрании и рукоположении, и таковый муж двоедушен, иже не исправится во всех путех своих, зане от единых уст не исходит благословение и клятва, и — вселяет Бог единомысленныя в дом свой. [244]

V.

ПИСЬМА ПАТРИАРХОВ ПАИСИЯ АЛЕКСАНДРИЙСКОГО И МАКАРИЯ АНТИОХИЙСКОГО.

1. К Иерусалимскому патриарху Нектарию.

Пресвятейший, блаженнейший и премудрости преукрашенный патриарх святаго града Иерусалима и всея Палестины, Господине Господине Нектарие, во святем Дусе брате любезнейший и сослужителю пречестнейший. Пресвятейшее блаженство твое братолюбием и рачительством истинным целуем, моляще чистою совестию и праведным умом всемогущую свыше Божественную силу, да дарует мир, от всех долгов свобождение, здравие, крепость, возвышение же святаго и животворящего гроба нам в духовную радость и веселие.

Вестно да будет, яко отидохом от наших престолов, узревше писаньице твое, извещающее, яко твое блаженство име умышление в сиа страны путешествовати. Паче же граматоносец устне извеща нам, яко вселенский патриарх хотяше послати своего ексарха, тако якоже наипаче подвигнутися нам сими семо шествовати, дабы неприлучитися и не быть коему изменению во всех главех, яже мы вси четыре патриарси судихом. Обаче же и по кадикелле твоего блаженства, сиреч по кратком оном назнаменовании, (еже особно состави в Волосех во всех наших подписаниих аки на обину Никонову), нечто увестившеся им, тако сотворихом. Ибо на собор его не единожды, но дважды призвахом, иже убо и прииде, еже бы дати ответ совершенный о всех оглаголаниих, на него многими сотворенных. Единаче, блаженнейший брате, обретошася и иныя вящшия вины, их же не подобает предавати писанию, за неже епистолия не имеет в себе что либо тайно. Едино се довлеет, яко многая и превеликая бяше внутренняя [245] болезнь многих лет достойнейшему царю, иже аки от источника изливаше слезы от своих очес, даже земле полаты омочитися ими. Паки познахом, яко глаголанная не по страсти, ниже по ненависти глаголана быша: ибо в такое прииде напыщение гордостный Никон, якоже сам ся хиротониса патриархом Новаго Иерусалима, монастырь бо, егоже созда, нарече Новым Иерусалимом со всеми окрест лежащими: именуя святый Гроб, Голгофу, Вифлеем, Назарет, Иордане. Еще же и пришествие наше бяше свобождение некое грамотоносца твоего Савастьяна, его же едва могохом многими прошенми и моленми от царскаго гнева и заключения свободна сотворити. И оттуду познахом дерзновение воистинну быти, еже кому либо судити кроме многаго взыскала и прилежнаго испытания в деле, егоже не весть совершенно. Того ради, яко мы семо пришедши очима видехом, и подробну взыскующе всю истинну, обретохом Никона неточию недостойна бывша еже престол патриарший держати, но к тому ниже архиерейскаго сана достойнаго; того ради по Божественным святым правилом, и по нашим патриаршим томом обнажихом его всего священнаго действа. Послан же есть во един монастырь изрядный, да плачется о гресех своих. Творим сие извещение к особному ведению твоей пресвятости, якоже и подобает, да друг другу возвещаем яже приличествуют святой Христове церкви уставы. Мы убо Божиею милостию и благодатию, тщанием же и добродеянием многих лет достойнейшего царя нашего, надеемся по совершении сего Божественнаго дела, такожде и по хиротонисании новаго патриарха, иже имать быти избран соборне, еже возвратитися к нашим убожайшим престолом. Да благоволит же Бог еже снитися нам во едино, и еже помолитися оным святым местом Христа Господа ногами топтанным и еже возвеселится всем телесно же и духовно. Здравствуйте, брате любезнейший, по обоему человеку.

2. К Константинопольскому патриарху Дионисию. [246]

Пресвятейший, премудрейший и богоизбраннейший Господине вселенский патриарх.

Твою пресвятость мы, в святом Дусе братия и сослужители твои, единодушно лобзаем, всех душеспасительных желающе твоей пресвятости, купно со всем прочиим освященным собором премудрейших архиереев тамо обретающихся в царствующем граде.

Вестно убо да будет вашему о Господе братолюбию (ибо ничтоже есть тайно еже не в явление приидет, и никтоже, делаяй)нечто в тайне, ищет сам, да яве то будет, по глаголу Господню во главе 7-й святаго Иоанна Евангелиста), яко пресветлейший и Богом венчанный государь царь и великий князе (титул) писа не единою но и дващи, якоже увидехом, яко писа и до прочих святейших восточных престолов, паче же яко и человека посыла тоя ради вины вернаго, призывая нас, да разсудим некое церковное его предложение, деемое в православном его царстве, утвержая нас к тому, яко имел быти прислан от вашея пресвятости муж вместо лица вашего патриаршаго. И яко большия ради верности безбедства и души утешения имело быти некое чаственное (особенное) снисхождение и устроение, воеже бы двум царствующим странам приити во едино. Тако, во ежебы смятениам сущим между има престати, яже тщету творят, ни коея же пользы приносят, яже нецыи злые людие творят, возмущающе царствия своего ради прибытка. Преуведехом же яко и блаженнейший иерусалимский патриарх от многа времене бяше на половине пути, во еже бы и самому притсуствовати лично на освященном соборе московском. Того деля мы два патриарси да не явимся быти разгласни толикому единству патриаршескому, и дабы не явитися нам непослушливым быти толикому праведнейшему царскому повелению, изыдохом, и преидохом стропотныя пути, проходяще места студеная, и верхи гор непроходимых, единаго точию насмотряюще конца, дабы нам праотеческое благоговейнство и истинную [247] правду сохранити; и сия вся неудобная ни во чтоже вменихом, аще и ветхостию дней отягощени есмы, и долгим путем весьма не приобычни. Изыдохом убо, но едва приидохом во преславнейший град Москву: обаче не обретохом твоего братолюбия присутства, якоже надеяхомся по обещанию. Итого деля зело и от усердия опечалихомся, яко надеждею нашею прелщени и добраго общества лишени быхом. Но занеже, якоже глаголется, яже сотворшася, не сотворенна быти не могут, ко другому приидохом разсуждению. И начахом разсмотряти церковное оно предложение, еже и прежде бяше прилежно взыскано, и от поместнаго разсуждено собора. Обретохом же бывшего патриарха Никона премногим винам должна и повинна, яко досади своими писаньми крепчайшему царю нашему. Такожде, яко соблазни пресветлый синклит, укоряя его, и именуя еретичествующим и латинствующим быть. Но и церковь державше во вдовстве чрез девять лет, весьма лишенную всякаго церковнаго благолепия, и патриаршия красоты, своими коварствы и хитростьми всячески томя ю. Паче же, по совершенном престола отречении от его сотвореном народне в соборном храме, паки литургиса и хиротониса, действуя вся приличная архиерейскому достоинству, свободно и кроме всякаго препятия; ругаяся купно священным, некими своими новыми и суетными именованьми, нарицая себе самаго, аки сам ся хиротониса, новаго Иерусалима патриархом. Новскую имамы считати премногая его преступления, яже едва сочестися могут. Паки обретохом, пресвятейший владыко, патриарший престол царствующаго града Москвы зело оскорблен, и изълиха обезчествован, и великое сие стадо без добраго пастыря, тако даже истинну познати нам, яко призвание наше, еже бысть от пресветлейшаго государя царя, сего ради дела зело бысть нуждное, праведное и правильное; и суд, его же изнесл бяше поместный собор московский, бе совершенно чист и всячески праведен, по святым правилом составленный, и по наших [248] патриарших томах утверженный. Тем же всеми силами потщахомся (вся обаче сотворихом с велиим разсуждением и со премногим взысканием многих лет достойнейшего царя и защитника нашего и со истинным пред Богом судом поместнаго собора архиереов) и едва вникнухом в дела Никоновы, обретохом неправедно ходившего, но мимо царскаго пути средняго, семо и овамо, и совершенно низложихом народне в церкви, и соборне судихом, еже жительствовати ему во едином от древних довольно обильном монастыре, дабы плакатися ему о своих гресех. Тем же ныне пребывает престол патриарший во вдовстве, донележе свыше Высочайший обрящет преизбраннаго от него достойнаго жениха церкви своей. Просихом же многих лет достойнейшего царя, дабы быти о соборном некоему извещению и изъявлению чрез свои ему грамотоносцы, о всех зде бывших вашей пресвятости. И убо приемше от него соизволение, есмы радостне извествуем кроме всякаго лицаприятия всю истинну сказующе, во еже бы будущему патриарху имети и в диптихах свое воспоминание, якоже и прежде бывшие патриарси имеша купно с нами присное поминание. Обаче и обычной милостыни великому престолу и прочим убогим престолом даянной надеемся обновитися: паче же большей и довольнейшей быть. И о том всеми силами тщимся, дондеже совершится, сиречь во еже бы исполнитися оной притче: яко брат братом пособствован спасается, и да друзи будут в нуждах полезни. Прилагаем же нечто ино, нашего ради общаго утешения, яко с нашим пришествием средостение вражды разрешися, и повседневнаго плена извет погибе, тако, во еже бы паки надеятися нам приити ко прежней нашей свободе, чести и славе, юже древле имехоме. Понеже зде нецыи со своими буйствы и неистовствы обезчестиша рода нашего преизящную светлость, того ради сотворишася у вельмож достойни презрения и отвержения. Обаче тщахомся и по вся дни молим, да извергутся от [249] среды, и весьма отложатся уметы чести ради общия и лепоты рода нашего. Уповаем же яко вашими святыми молитвами Бога умилостивляющими, внегда совершити нам сие боголюбезное дело, еже от всея души начахом кафолическия ради церкве, возвратитися тамо, сиречь, еже нам друг с другом целоватися всею душею и сердцем и собеседовати, обаче со должною честию и приличным говением; по сих же еже нам шествовати к убогим престолом нашим и видети врученное нам стадо, якоже должны есмы вси именуемыи пастырие стрещи его бодрственно сице, во еже бы нам прияти достойное возмездие от Христа Пастыре-начальника нашего, такожде еже бы гонзнути нам страшных оных мест мучения, яже воздадутся комуждо по делом его, яже ожидают злых делателей и пастырей не по истинне бывших епископами, но мрачными мужами, долга своего нетворившими совершеннаго делательства.

Здравствуй по обоему человеку внешнему же и внутреннему, от Бога посажденный и Богом почтенный владыко, на премногая спасенная лета в утвержение церковныя тверди!

Текст воспроизведен по изданию: Дело патриарха Никона. Историческое исследование по поводу XI т. "Истории России" проф. Соловьева с приложением актов и бумаг, относящихся к этому делу. СПб. 1862

© текст - Субботин Н. 1862
© сетевая версия - Трофимов С. 2012
© OCR - Сирик В. 2012
© дизайн - Войтехович А. 2001