Главная   А  Б  В  Г  Д  Е  Ж  З  И  Й  К  Л  М  Н  О  П  Р  С  Т  У  Ф  Х  Ц  Ч  Ш  Э  Ю  Я  Документы
Реклама:

НОВЫЕ ИСТОЧНИКИ ПО ИСТОРИИ КАЗАНСКОГО «ВЗЯТИЯ»

Повесть 41 како благочестивыи царь и великии князь Иван Васил[ь]евич 41 всеа Русии самодержец милостию всесил[ь]наго бога и помощию и молитвами пречистыя владычицы нашея богородицы и приснодевеи Марии воеводе и заступнице христяном и великих чюдотворцов врагов своих одоле и град Казань взял 42.

Благочестивыи же царь и великии князь Иван Васил[ь]евичь всеа Русии самодержец сниде из нова города Свияжского и поиде к Казани со всем своим христолюбивым воинством и нача возитися великую реку Волгу, ста на Цареве лугу и повеле наряд из судов имати и мосты мостити и туры плести. В то же время ис Казани ко государю приеде Комаи мурза служить, а с ним семь человек, повеле же государь ко граду туры катити и наряд, и многие люди ко граду поидоша. Казанцы же из града противу изыдоша и бысть брань велика и многие люди от обоих падоша, но божиею милостию и помощию всесил[ь]наго бога одолеша православнии, многих татар побиша, а иных живых руками яша, туры же и пушки около града поставиша и облегоша /л. 871 об./ град христолюбивое воинство, многия люди около, яко же никако мощно поганым ни во град ни из града исходити. Царь же благочестивыи стал близ Отучевы мызгити на Нагаискои дорозе и повеле у собя в стану поставити три церкви полотняные, всегда бо с ним те храмы вожаху: едина убо церковь во имя архистратига Михаила, вторая же Христова великомученица Екатерина, третьяя — преподобныи чюдотворец Сергии. И повеле царь и государь полки своя ставити около града; и не по мнозе же времени начаша многие казанские люди конные и пешие из лесов приходити на воеводския полки, которые на Арском поле стоят, и немала бысть скорбь православным от них и хотяху многие воеводы и князе и боляре и дети боярские с ними дело делати, но отнюдь царь и государь без своего веления ника[ко] же веляше с ними братися. Сего же ради немала скорбь бысть воиньству православным, что им государь воли не даяще, не разумеша бо яко господь бог вложи такову мысль православному государю нашему, яко егда приспеет подобно время и от бога помощь будет, тогда христолюбивое воинство сынове рустии готови на брань цели и неврежени ни в чем же, но /л. 872/ аки лвы от зверенския ярости рищуще лов себе обретше и на нь устремляютца, тако и сии суть будут егда помощь божия приидет и время; тому приспеет. И вборзе потом православныи царь и государь князь великии посылает, на тех безбожных, своих воевод со многими люд[ь]ми; и приидоша полцы государевы на Арское поле против нечестивых. Нечестивии же они огаряне по своему разуму держахуся близ лесу и не смеяще от лесу отлучитися великия ради силы государевы; православнии же умудришася на них и со едину страну множество пеших с пищал[ь]ми поставиша и повелеша не многим людем приближитися к нечестивым. Нечестивии же вси на них устремишася, православнии же вси призвавше бога на помощь и крестною силою оградишася и на них вси устремишася и всех иноплеменных вскоре потопиша и побиша и на многия версты на лесу по них гнаша и избиша. Триста же и четыредесят живых рукама яша и к государю царю и великому князю послаша, и сами воеводы и все православное воинство с великою победою к государю приехаша. Видев же православныи государь сицевую милость божию к себе и на всем /л. 872 об./ своем воинстве и в тои час скоро прииде в церковь великого Сергия и со многою радостию и слезами благодарныи песни господеви воздающе [18] и пречистеи богородицы христьянскому забралу и помощницы и великому чюдотворцу Сергию и тако светлы пир сотвори и своих воевод и всех людеи многими жаловании одари и благоуветливыми своими царскими словесы всех утешив; из наряду же изо всего ис пушек и ис пищалеи из огненых безпрестани по 43 граду 43 день и нощь биюще, яко за многи версты от града великии гром тои и трус слышет.

Но паки благочестивая она и богохранимая главо царь и князь великии на милость обращащеся, не поминая оных зловерных и безбожных агарян, еже пред ним, государем, измен великих и еже християн православных от нечестивых кровопролития, и хотя пред ними смиритися, в едыи бо он, государь в 44 конец 43 божественое писание, яко господь гордым противитца, смиренным же дает благодать. И посылает свое царское жалованное слово во град к нечестивым: «аще град здадите ми, аз всех хощу вас жаловати и не поминаю ваших многих измен», и повеле многи языки пред градом водити, чтоб нечестивии на них зря смирилися и государю ся здали; /л. 873/ они же нечестивии избраша собе смерть неже живот и государева словеси и благоутробия, еже на них восхоте показати, никако же послушаша. И повеле православныи царь онех языков нечестивых пред градом посещи всех. Они же, видевше своих единоязычных изсечение из града, никако же смиришася, ожести бо сердца их бог за их неправду, яко же древле и фараону, ведыи их в конечную погибель, да прославится господь яко же о фараоне и о колесницах его, сице и о сих не покаряющихся благочестивому царю государю нашему великому князю.

По сем же посылает государь своих воевод ко Арскому городку и на многие места и с ними многих людеи и повеле им воевати, заповеда же им тамо не закоснути, хотяше бо в скоре ко граду приступати, того ради повеле им вскоре возвратитися. Они же во Арское не мало время закоснеша воююще и о сем печаль велия государю належит, яко вести на долзе времени от них никако же бысть и другая скорбь бысть, яко дожди велицы быша и бури и толикия 45 бури, яко многия суды на Волзе со запасы потопиша и иная скорбь: из града вести никако же бысть. И о сем о всем великая скорбь бысть, царево сердце /л. 873 об./ немало уязвляще и не токмо же се, но и в велице подвизе благочестивыи царь живя, поне же доспех с его царских плещеи никако же схожаще, в нощи же без сна в молитвах пребываще, а во дни царския управы безпрестани управляюще.

О посланных изо обители живоначал[ь]ныя Троица Сергиева монастыря

В то же время прииде изо обители живоначальныя троицы Сергиева монастыря посланныи игуменом Гурием и братиею некии чернець, именем Андреян Аггелов со единым братом ко благочестивому царю государю и великому князю Ивану 46 Васильевичю 43, нося икону, на неи же написан образ живоначальныя троица и пречистая богородица со апостолы и преподобныи Сергии чюдотворец и Никон, и просфиру и святую 47 воду. Приемлет же сия благочестивыи царь с великою радостию, святую икону и прочая, и таковая в таине таину сведущему богу моления от сердца 48 приносит: «Слава тебе, глаголюще, [19] создателю мои, слава тебе, яко в сицевых дал[ь]них странах посещавши мене грешнаго, на сию бо твою икону взираю, яко на самого бога моего истинно зрю и милости и помощи прошу себе и всему воинству моему. Твои бо есми, аз раб и люди /л. 874/ твои, ущедри владыко, помилуи, милостиве, подаи победител[ь]ная на враги, и яко же иногда прадеду нашему противу нечестивых на брани бывшу; уже брани хотящу быти и приспе от преподобнаго Сергия, твоего угодника, таковая же приносяще; он же святаго хлеба вкусив и воду святую пив и руце на небо простер, сицевая глаголюще: «велико имя святыя троица, пресвятая госпоже богородице, помогаи нам». Тоя молитвами и преподобнаго Сергия и победи враги своя, тако же и аз ныне 49 к тебе вопию: «велико имя святыя Троица, пресвятая госпоже богородице помогаи нам». И умоли, владычице, рождьшагося ис тебе Христа бога нашего з безначальным его отцем и с пресвятым, благим и животворящим его духом, да подаст нам победител[ь]ная на враги, и ты, о преподобие угодниче Христов великии Сергие, не премолчи со ученики своими, вопия о нас ко господу, и ускори на помощь нашу. И яко же в начале святаго твоего храма и от святаго ти образа во граде Свияжском всемилостивыи бог тебе прослави, угодника своего, многими чюдесы и многим человеком исцеление дарова, тако и ныне нам молитвами твоими помогаи и яко же тамо нечестивым онем варваром являшеся, тако и нам, /л. 874 об./ православным, явися и помози, нечестивым бо на нечистую их веру прогнание являшеся, нам же на враги победител[ь]ная свои[м] явлением даруи о Христе Исусе господе нашем, ему же слава в веки веком аминь».

И 50 от того дни православному царю нашему вся радость и победа на враги от господа даящеся: в тои бо день таиник у них выдрало подкопом и многих онех нечестивых татар побило, а на завтрее из града татарин прибежа, и потом полоняник из града прибежаще и многия вести полезныи государю сказаша, пушками же со единоя страны града стену до основания розбиша и многих людеи во граде побиша. Некии же человек бе благочестиваго царя, именем Размысл, родом литвин, сын хитр бе подкопы творити под градныя стены. Сему же повелеша многие подкопы творити под градныя стены. И потом приидоша изо Арска царя и великого князя воеводы и многую победу на нечестивыя показаша и мног полон рускои отполониша и многих языков приведоша. И сию радостную победу видев благочестивыи царь и государь и скоро ко святым храмом поиде и повеле молебная /л. 875 об./ пения пети о победе, славу воздая всесил[ь]ному богу и пречистеи богородицы и великим чюдотворцем, яко их молитвами таковую победу дарова ему бог на супротивныя; воевод же своих и все воинство своими царскими словесы утешив и многими похвалами похвали и многими их жаловании рекся жаловати и на многих пирех с ними веселяшеся; русскии же полон повеле весь собрати и в свои стан привести и во своих царьских шатрех на многие дни держаще и пищею многою и одежею всех довол[ь]но учредив, яко же чадолюбивыи отец своих чад веселяше; они же нужницы, видевше на себе от благочестиваго царя таковое милосердие, яко от плена их свободи и таковое им утешение даяше и в Русскую землю коегождо во своя повеле отвести, и о сеи милости они много слезы и моления ко господу о 51 благочестивом 51 цари моляхуся, глаголюще:

«О, милостивыи и премилостивыи владыко человеколюбче [20] господи Исусе Христе сыне божии, помилуи и сохрани раба своего, государя нашего и победител[ь]ная ему на супротивныя даруи и виждь его милосердие еже нам нищим и горким плененым показа и ты, господи, воздаждь ему милость свою за нас нищих и сохрани его и все его христолюбивое воинство». По сем же канон Покрова пречистеи богородицы повеле 52. Благочестивыи государь под градом, един мал подкоп под татары зажещи 53, воеводам же около града и всему воинству в то время /л. 875 об./ заповеда никако же приступати ко граду. И в тои день во вторыи час дни или третии 54 зажгоша, и бысть страх велии нечестивым, на великую бо высоту великия бревна з градныя стены и землю возношаше и многих нечестивых побива[ю]ще. Воини же благочестиваго царя не могоша удержатися от великия ревности еже бог вложи в сердца их и ко граду потекоша и многих нечестивых со стены согнаша, многия же люди и во град влезоша. Воеводы же сташа на граднои стены и к государю весть послаша, яко многия люди во граде нечестивых побиша. Слышав же государь таковую помощь божию и в тои час притече в церковь великого чюдотворца Сергия и повеле молебная благодарения господеви возсылати. Нача же думати с своими боляры и воеводы, яко не вси люди ополчишася в то время ко граду, и в тои час посла и повеле своих воевод и людеи из града высылати; они же никако же хотяху из града выити, но едва с великою нужею из града людеи выслаша, с стены же градныя не слезоша, но туто на стене ста воевода князь Михаило Иванович Воротынскои да Алексеи Данилович Плещеев и седеша на стене два дни и две нощи, ожидающи государева приступу ко граду.

Чюдо святых апостол и святаго Николы, како явишася святии апостоли /л. 876/ над градом на воздусе и святыи Николае и благословиша место оно града да вселятца православнии христьяне.

Пред взятием же убо града Казани многая чюдеса показа всемилостивыи бог угодники своими велики апостолы двоюнадесяте и великим чюдотворцем Николою и великим чюдотворцом преподобным Сергием. Некии убо человек от болярских людеи ранен у града за тура лежа и раною изнемогая велми и едва в сон тонок низведен бысть и видит над градом свет велик сияющ и во свете оном на воздусе апостоли 12 стоящих во святительскои одежи, велиим светом сияя. И поклонися 55 пред апостолы, глаголя им: «радуитеся ученицы и апостоли господа нашего Исуса Христа». И отвещаша ему апостоли: «радуися и ты угодниче Христов святителю Николае», и начат святыи Николае молити святых апостол, глаголя: «ученицы Христови, молите бога и благословите место сие и град, да вселятся православнии християне зде и поживут». И отвещаша ему апостоли: «не уже время таковому делу, угодниче Христов Николае, и обратившеся вси на восток молитися», и глас прииде к ним от востока с небесе, им глаголя: «отныне будет благословено место сие и да прославитца на сем месте имя отца и сына и святаго [духа 56]. И обратившеся апостоли и Николае и благословиша место и град и невидими быша. /л. 876 об./ Человек же тои болныи, видев и слышав сия вся и страхом велиим обдержим возбнув от видения и ту предстоящим поведа, еже виде и яже слыша, сам же причастився Христовых таин и преставися.

Чюдо второе святаго Николы, како явися некоему человеку и повеле да приступает ко граду царь и государь князь великии. [21]

Ин же человек от детеи боярских царя и великого князя, виде во сне святаго Николу к нему пришедша и возбужающа его глаголя ему: «востани, человече, и рцы царю и великому князю, чтоб приступал ко граду на Покров пречистыя богородица или на завтрея Покрова, бог бо ему предает град сеи и противных онех срачин, аз бо есмь Николае Мирликиискии чюдотворец, возвещаю вам». Человек же тои возбнув от видения и страхом одержим и мняше сон зрети, а не истинное видение и умолча и не повода видения оного. Во вторую же нощь паки тому же христолюбивому мужу явися святыи Николае и з запрещением рече ему: «не мни, человече, яко сон видимое сие, но истинно глаголю ти: востани и исповеждь, яже прежде возвестив», он же восстав и сказа, яже глагола ему святыи Николае.

Чюдо третье преподобнаго Сергия чюдотворца.

Ино хощу вам поведати, яже от преподобнаго отца нашего /л. 877/ Сергия чюдотворца бысть: инии же благочестивии человецы видеша себе во сне во граде Казани и видеша старца в ветхих ризах чернеческих ходяща и браду велию густу, не вел[ь]ми долгу имуща, и храмины во граде и град самому ему мятущу 57, и нецыи светлии предстояще глаголаше ему: «како святыи Сергие сам храмины мятеши, повели убо иному измести». И рече им святыи: «яко сам убо изчищу, заутра бо многие гости у мене будут зде». Сие убо видение тии людие возвестиша; по взятии же града многих нечестивых срацын полониша и многия ото онех нечестивых известнее про святаго Сергия сказаша, яко они варвари по многия дни и нощи пред взятием града такова старца видяща ходяща по граду и град очищающе. И реша нечестивии, яко многажды нам на него устремившися и яти его хотящим, он же от нас невидим бысть. И таковая вся благочестивому царю и великому князю возвестиша; он же заповеда никому же сих чюдес исповедати дондеже на нем милость божия свершится, сам же безпрестани втаине бога моляше, глаголя: «ты, премилостивыи господи 58, Исусе Христе сыне божии, таиная свеси и нас раб своих помилу[и] по велицеи милости твоеи, владыко, царю небесныи». И по сем же убо благочестивыи царь и великии князь повеле всем готовом быти в полцех людем хотя приступати /л. 877 об./ ко граду, отобра же множество воинства своего и тем повеле пешим приступати ко граду, а полки вси свои изоставив около града. В день же убо недельныи повеле заутреню пети, воевод же всех отпущати по полкам и повеле всех огражати животворящим крестом и кропити святою водою и повеле им готовом быти и своего царьского приходу ждати; своему же царскому полку у своего стану повеле стояти, сам же хотяще ехати дондеже пение скончается, божия богови отдав; егда же заутреннюю совершиша и в тои час повеле в скоре литоргию начати, священнику уже готову стоящу, литоргии же начинаемеи и страшно убо и умилению достоино: в то время благочестиваго царя бяше видети в церкви вооружена стояща, доспех убо на нем ничим же прикрыт, но тако светяше, сам же благочестивыи царь на образ Христа бога нашего прилежно зряще и на рождьшую его богоматерь и на угодника его великого Сергия, ту бо против 59 чюдотворцова 60 образа стоящу, в сердцы же своем безпрестанныя молитвы возсылая, ото очию же его яко река слезы изливахуся и сицевая господеви глаголаше. [22]

Молитва: «О, владыко, премилостивыи господи, помилуи раб своих, се бо время прииде милости твоея, се подати крепость на супротивных рабом твоим. Помилуи милостиве, помилуи человеколюбче, даруи помощь на супротивныи, поели милость свою свыше. И ты, о пречистая /л. 878/ владычице богородице умоли рождьшагося ис тебе Христа бога нашего да не помянет грехов моих елико согрешил есть пред величеством славы его, но помилует мя великия ради милости твоея. Ты, владычица, помощница ми буди и всему воинству нашему; на тя надеющееся не посрамимся, но побеждаем врагов своих твоими молитвами и всех святых и святителеи русских, наших помощников и молитвенников». И внегда же приспевшу чести святое еуангелие солнцу же восходящу и егда скончеваше дьякон и возгласи последнюю с[т]року во евангелии: «и будет едино стадо и един пастырь» и абие яко сильныи гром возгреме и велми земля дрогну. Благочестивыи же царь и великии князь из церковных двереи мало поступи и видев градную стену подкопом вырвану и страшно зрением: дым убо и земля яко тма являшеся и на велию высоту восходящу великия многия бревна, и онех нечестивых на высоту возметаше и многия побиваше. И се внезапу вторыи подкоп тако же сотвори, и вси людие бога на помощь призываше, на нечестивых устремишася. Благочестивыи же царь и великии князь в церковь на молитву обратися и к слезам слезы изливая, яко да одолеем до конца врагов своих, и се прииде некии ближник царев и 61 глаголет ему: «се государь, велие время приспе тобе ехати, яко бои убо велик во граде и многия полки ожидают /л. 878 об./ тобя, государя». Царь же отвеща ему: «аще до кончания молитвы пождем, велию милость от Христа приимем, велие бо оружие молитвеное на враги наша». И се вторая весть прииде, царь же и великии князь слышав из глубины воздохнув и слезы многия пролияв глаголаше: «не остави мене господи боже мои и не отступи от мене, вонми в помощь мою». И прииде ко образу великого чюдотворца Сергия и приложися к нему и целовав любезно и рече: «угодниче Христов, помогаи нам молитва[ми] своими», и причастився святыя воды и доры вкусив и тако же и богородицына хлеба вкусив и литоргии скончанеи бывши благочестивыи же царь исходит из церкви весь яко же осенен, молитвою вооружен и обращься ко своим богомольцем рек: «мене убо благословляите, а вы безпрестани бога молите, да вашими молитвами господь поможет нам напротивныя враги наша», иседе на царскои свои конь 62, вооружився крестом животворящим, сице рек: «боже, в помощь мою вонми, господи, помощи ми подщися; суди, господи, борющимся с нами и противящимся врагом нашим 63 и да будут яко прах 64 пред лицем ветру. О, сродницы наши и заступницы русстии Борисе и Глебе, будите нам в сии час заступницы и помощницы на противныя враги наша». Видевше вси людие яко государь к ним приближися и в тои час от всех 65 /л. 879/ стран на стену градную, яко на крылех, возлетеша, и на всех стенах православнии сташа, богу им помогающу, И нечестивых неща[дне] сечаху, и толико нечестивых сечаху, яко по удолиям крови течаху. И милостию и помощию всесилнаго бога начаша православнии нечестивых одолевати и уже православнии к цареву двору приближающуся и нечестивых нещадно сечаху: нечестивии же вси собравшеся на царев двор и нечестивии видевше свою конечную погибель и друг другу [23] глаголаше: «бежим, бежим 66 убо скоро от них, яко бог по них побарает и многия наша уже умроша», и начаша из града стены метатися и многия к лесу на побежение устремишася. И в тои час весть приспе ко благочестивому царю и великому князю, что за градом многия люди со града сметашася и побегоша, таможе царя и великого князя воеводы на тои стране и многих нечестивых побиша; и инии же на иную страну побегоша, на тех же царь государь вскоре посла дву боляринов и с ними своих дворян и тамо они толико нечестивых побиша, яко от реки и до лесу на велицем лузе мертвии лежаху и уже великою милостию божиею и помощию господа нашего Исуса Христа и молитвами пречистыя владычица нашея богородицы и молитвами и пособием великого /л. 879 об./ архистратига Михаила и всех святых и всех русских чюдотворцев и наших заступников и помощников молитвами, благочестивыи царь и государь наш великии князь со своим православным воинством брався с нечестивыми и одоле, и до конца православнии нечестивых избиша и царя Казанского Едигара Каса-ахануловича изымаша и знамяна его взяша и ко благочестивому царю нашему и великому князю его приведоша и град Казань взяша, яко убо стада полон гоняхуть. Се же мы своима очима видехом, неложно бо есть писание но истинна, нечестивых же убо толико побиша, яко убо внутрь града стене толико мертвых нечестивых онех Казанских татар лежаще, яко з градными стенами сравнятися трупие мертвых, во градных же вратех и во граде яко громады мертвии лежаху, за градом же во рвех и по Казани реце и за Казанию рекою безчисленно множество мертвых бысть.

Видев же благочестивыи царь и великии князь Иван Васильевичь всеа Русии таковое милосердие божие на себе и на всем своем христолюбивом воинстве и руце воздев ко господу благодарныи молитвы приношаше, сице глаголя: «слава тебе всемилостиви господи Исусе Христе сыне божии, давыи нам победу на /л. 880/ враго наша, десница твоя прославися господи в крепости, десная ти рука, господи, сокруши враги наша; что ти воздам, господи, за вся благая, яже воздал еси нам. Слава тебе 67 премилостивыи человеколюбче господи, яко не презрел еси моление раба своего, слава тебе, господи, яко малое воздыхание сердца моего и слезы услышал еси и прошения наша исполнил еси и милость свою великую излиял еси на нас и сопротивных наших до конца потребил еси. О премилостивая владычице богородице, слава тобе, яко твоими молитвами и заступлением побежени быша враги наша. О, всемилостивая владычице богородице, ты со всеми святыми да и с нашими заступники новыми русскими чюдотворцы умолила еси 68 господа нашего Исуса Христа з безначальным его отцем и животворящим духом да услыша господь молитву твою и дал нам победительная на супостаты и покорила нам враги наша под ноги наша и о всех сих прославляется святое имя отца и сына и святаго духа — ныне и присно и во веки веком аминь».

|л. 880 об.| Повеле же благочестивыи царь и великии князь священному собору приити со честным крестом, в нем же бе животворящее древо, на нем же распятся господь наш Исус Христос, и со святыми образы чюдотворными и всему причту церковному на место, идеже бе стояше знамя царское, и повеле молебная пения пети о победе, благодарения всесильному богу воздающе. И в тои час животворящии крест повеле поставити и церковь обложити Нерукотвореннаго образа господа нашего Исуса Христа на том месте, иде же знамя его стояло, на знамяни [24] бо его цар[ь]ском образ бе 69 нерукотворенныи господа нашего Исуса Христа. Внутри града толику огню розгоревшуся, яко едва на третии день возмогоша угасити; повеле же благочестивыи царь град чистити от множества мертвых онех нечестивых. По сем же повеле протопопу своему, именем Андрею, мужу добродетел[ь]ну сущу, собрати собор игуменов и священников и дияконов и повеле церковь свящати Нерукотвореннаго образа господа нашего Исуса Христа; освятиша же церковь в лето 7061, месяца октября в 5 день в среду, и всячески украси ю, яко же бо лепо честными иконами и божественными книгами и святым пением. Потом обложи церковь соборную внутрь града Казани во имя пречистыя /л. 881/ богородица славнаго ея благовещения и свящав ее того же месяца в 9 день недельныи, приделы же у пречистые устроив со обою страну; со едину страну страстотерпцы Христови Борис и Глеб, а з другую Муромския чюдотворцы и лепотне украсив яко же бе достояще. Освяти же убо и град благочестивыи царь и государь наш и великии князь Иван Васил[ь]евич и по стенам града з животворящими кресты и со святыми иконами сам хожаше з братом своим со князем Владимером Андреевичем и со священным собором и з боляры своими и со всем христолюбивым воинством, и вся убо добре и богоугодно благочестивыи царь и государь устроив, заповеда же и воеводам своим во граде церкви ставити. Град же убо взял царь государь в лето 7061, октября в 2 день, на память священномученика Кипреяна и Устины, в день недельныи, в 5 час дни.

Кто же сия слышав великое милосердие божие не удивится и не прославит бога, яко идеже кумирская капища, наипаче же бесовская жилища быша, ту же ныне церкви християнстии провозсияша, идеже нечестивии они скварами бесовскими и кровми скотиями землю и воздух оскверневаху, ту ныне о спасении християнстем богови жертва приношашеся и безпрестанное славословие и молитвы богови возсылаху. И идеже жилища имеху они нечестивии срацыни, ту ныне православнии /л. 881 об./ християне вселишася и вселяются; всия же сия быша, изволением божыим и подвигом государя нашего благочестиваго царя и великого князя Ивана Васил[ь]евича и его брата благовернаго князи Владимера Андреевича и всего его христолюбиваго воинства. Еще же хощу вам поведати о православных воинех благочестиваго государя нашего царя и великого князя Ивана Васил[ь]евича всеа Русии самодержца, яко убо они благочестивии воини уже ко брани с нечестивыми приближающеся и первие убо [о]ни внутрь уготовившеся, како стати пред страшным и нетленным небесным царем господем нашим Исус Христом и ответ дати о согре[ше]нних своих, и приходящих ко святым церквам и исповедающимся чистым покаянием ко отцем духовным и причащающимся страшных и трепетных и ужасных своих таин пречистому телу и крови господа нашего Исуса Христа и такову получающу нетленную надежду и оружие на супостаты непобедимое и толико презреша смерть, яко не токмо не боятися ею, но радоватися неизреченною радостию еже пострадати за православную веру и за своего православного царя и государя и тако ко иже друг друга укрепляя глаголюще: «аще не ныне умрем, умрем же всяко, аще ли ныне умрем, от господа приимем нетленное и безконечное /л. 882/ царство; аще мужески 70 храбростовавше на брани и живи будем, великую от господа милость приимем, а от нашего земнаго царя велию честь и славу восприимем и всякое наше недостаточное он, благочестивыи государь, нам исполнит и от человек в роды и роды славни будем». О, блажении и [25] треблажении воини православнии с таковою надежею уготовившеся на брань, и много они с нечестивыми бравшеся и ови бо от них на брани с нечестивыми умираху. Овии же последнее дышуще и во иноческии образ облещися желающе и таковое свое желание получиша и аггельским образом украсившеся и с великою надежею и родостию ко господу от идоша, ови же от них многи раны на телесах имуще отхождаху и своему государю царю мужски храбрство явльше. Мы же убо прекратим повесть сию и на предлежащее возвратимся и господа бога и спаса нашего Исуса Христа прославим и сице глаголем: «слава тебе господи, яко даровал еси нам сицева благочестиваго царя и государя и великого князя Ивана Васильевича, слава тебе господи укрепивыи раба своего государя нашего на супротивныя. Слава тебе господи, покоривыи под нозе врагов государю нашему, православному царю и ныне и предидущая лета. О, премилостивыи господи Исусе Христе сыне /л. 882 об./ божии, молитвами пречистыя ти матери и всех святых молитвами и молитвами великого чюдотворца Сергия и Никона, помилуи и сохрани своею благодатию государя нашего, православнаго царя и великого князя Ивана Васил[ь]евича всеа Русии самодержца и с его благочестивою царицею Анастасиею и с его сыном царевичем Дмитреем и с его братами и со всем христолюбивым воинством, и даруи ему всемилостивыи господи душевное спасение и телесное здравие и победу на супротивныя и яко твоею милостию страшен будет врагом своим, яко ты еси истинныи бог наш Исус Христос сын божии и дая власть ему же хощеши и тебе славу возсылаем з безначальным отцем и с пресвятым и животворящим духом ныне и присно и в преидущая веки веком аминь».

Комментарии

41-41. Написано вязью.

42. Первые буквы некоторых слов и союз написаны не киноварью. Повесть написано другим почерком и другими чернилами, но тоже одним ив тех почерков, какими написан предшествующии «Сказанию» летописныи свод.

43-43. Написано над строкои тем же почерком и теми же чернилами.

44-44. Написано над строкои теми же чернилами и тем же почерком.

45. Первая буква и переделана из буквы а.

46-46. Ивану Василь написано по подскобленным буквам Михаилу в

47. Написано стую без титла.

48. Буква а переделана из буквы р.

49. Написано над строкои тем же почерком и теми же чернилами.

50. В рукописи и и

51-51. Буквы о бл переделаны из других букв.

52. Пропущено, вероятно, пети.

53. Пропущено, вероятно, повеле.

54. В рукописи третиии.

55. После поклонися, по-видимому, пропуск текста.

56. Добавлено по смыслу.

57. Так в рукописи. Надо метущу.

58. Буква и переделана на буквы р.

59. Буква и переделана из какои-то другои буквы.

60. В рукописи чговотворцова.

61. После буквы и написаны буквы и, с, е.

62. Буквы кон переделаны из других букв.

63. Буква н переделана из в, те. е. нашим из вашим.

64. В рукописи ошибочно прад.

65. В рукописи от всех от всех.

66. Написано над строкои теми же чернилами и тем же почерком.

67. В рукописи тебеб, можно также прочесть тебе.

68. Буква с написана поверх другои буквы.

69. Написано над строкои тем же почерком и теми же чернилами.

70. В рукописи мужескои.

71. Рукопись, хранящаяся в Москве в ЦГАДА, в собр. Оболенского под № 78 (40), стала мне известна, когда статья была сдана в печать. Рукопись содержит 649 л., в 1°, написанных почерками середины XVII в. Бумажныи знак — крепостные ворота (1638-1651 гг.). Листы 178-185 об. и 393-398 об. написаны на другои бумаге почерком XVIII в. Состав рукописи: лл.1-617 об. — «Книга, глаголемая летописець...». Типографско-академическая летопись (см. выше, стр.7-8), кончается словами известия 7066 г. «...сколько милосердыи бог поможет»; лл. 617 об. — 619. Приписки с летописными записями Троице-Сергиева монастыря 7060-7065 гг.; лл. 619-643 об. — текст «Сказания» и «Повести» о казанском взятии, по которому даны публикуемые варианты; л. 643 об. — «Цари ордынские» от Батыя до Зедисалтана; л. 644 — «Европския страны крали»; лл. 644-649 — «Родословие Литовского княжества».

Текст повестеи о Казанском взятии по списку Оболенского и текст этих повестеи по Ленинградскому списку, публикуемыи выше, восходят к общему оригиналу. За указание на рукопись собр. Оболенского № 78 (40) приношу благодарность акад. М. Н. Тихомирову, и И. А. Жаркову.

72. Далее ссылки даются только на листы публикуемого выше текста повестеи.

Текст воспроизведен по изданию: Новые источники по истории Казанского "взятия" // Археографический ежегодник за 1960 год. М. 1962

© текст - Насонов А. Н. 1962
© сетевая версия - Strori. 2012
© OCR - Николаева Е. В. 2012
© дизайн - Войтехович А. 2001
© Археографический ежегодник. 1960