№ 15.
1619 г., Сентября 1. Письмо Царя Михаила Феодоровича патриарху Филарету, о прибытии в Ростов и о встрече там начала нового лета.
Превысочайшему во архиереех, подражателю Христовых велений, святых апостол приемнику, церковных кормил правителю, карабль православия неблазнено направляющу во пристанище благоверия, великому государю и отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, ныне же и по духу сродства, Царь и Великий Князь Михайло Федорович всеа Русии челом бьет. Сказую, государь, вашему превысочайшему святителству, яко мы и мать наша, государыня великая старица инока Марфа Ивановна, по милости всесилнаго и вся содержащаго, в Троицы славимаго Бога нашего и вашими святыми молитвами, града нашего Ростова доидохом здраво, Августа 31-го дня к вечеру; и наутрее того, Сентября 1-го числа, начало новому лету обновихом с пением и хвалами, и целбоносному гробу великого святителя Леонтия и прочим святым Божиим угодником, яже достоит по лепоте, молебная ления [24] принесохом и молитвам их святым себе подложихом. А из Ростова пойдем к Ярославлю Сентября 3-го числа; а произволили есмя в Ростове помешкати два дни. Вашеж превосходящее святителство молим, да якож обычно вашему святителству молити всещедраго и человеколюбиваго Бога о всемирном устроении, сице и о нас и о матери нашей, молим, да возслеши своя честныя и богоприятныя молитвы, их же ради сподобит нас человеколюбивый Бог путное се шествие благовременно прейти, и воздуху вашими молитвами да подаст яснину и теплоту, и паки к вам в царствующий град возвратитися здраву и радостну, и руку вашего святителства целовати о веселием и по достоинству вашему святителству челом ударить.
Отпуск писан столбцом, на двух листках. Внизу второго помета: Послана с Григорьем Гарасимовым сыром Мартемьянова.