Главная   А  Б  В  Г  Д  Е  Ж  З  И  Й  К  Л  М  Н  О  П  Р  С  Т  У  Ф  Х  Ц  Ч  Ш  Э  Ю  Я  Документы
Реклама:

[1533 г. не ранее 4 декабря1539 г. не позднее декабря]Послание игумена Новгородского Хутынского Спасо-Преображенского Варлаамова монастыря Феодосия старцу Никольского монастыря Алексию о дьяке Иакове

/л. 236 об./ 1В пречестну обитель святого и великаго чюдотворца Николы господину моему, духовному приателю старцу Олексию. Грешныи чернец имярек челом бию 1. Спаси бог, господине, спаси бог, и пакы реку, спаси бог, что мне 2 еси известил о земском строители 3, и писари 4, и велми тому дивлюся скоропревратному человеческому естеству или вражиим наветом, или злых человек советом превратись. Поделом, господине, велику честь притворяет, а собя 5 не уничижает, велик бо есть. Тако ему и подобает быти. Но токмо, господине, Писание свидетельствуеть 6: аще ли еси на вышнеи степени, не забываи смиренные 7 мудрости. 8А еже хощет, смирение гонит, лютит себе, не стоит бо в нем 8 смирение, дело велико, подобие Христово. Ажи, глаголет, не мною, деи, вина произошла. И тебе меж нами всякие вещи ведомы. А во всем есми ему себя покорна учинил тобою, где и не виноват. И яз вину выше главы своея ему написал, под ногами его валяася 9. Он 10 в чести ж 11, не разуме. /л. 237/ А что глаголет ведь, деи, яз диак 12. И он, господине, како възнесеся 13 надо 14 всеми человеки и со облаки 15 небесными ста. Мы, господине, таковаго 16 слова не слыхали у главы всех человек, у великого царя и государя, бывшаго великого князя Василиа 17 Ивановичя 18, всея 19 Русии 20 самодержца. Во всем государь нам образ показуя, смирениа 21 ради царем себе не именова (В ркп.: имонова.). 22Вси святии 22 себе уничижали и смирение с 23 Христом гонили. Давыд пророк чрьвь 24 себе во Иерусалим (Так в ркп.) 25 именова. Соломон — отрача мало не ведыи лево или десно. Апостол Павел перваго себе именова грешна, да конець 26 тому, вси святии смирением путяшествовали, а не гордостию взимались. А на добродетель, господине 27, имам бога помагающа и святыя аггелы 28 поспешники 29, да не предусповаем (Так в ркп.), а на злобу единаго диавола, да скоро в неи пребываем.

А нихто ж, господине, от сего света преидет без скорби. Великии он светилник и вселенныя учитель Иоан Златоуст и глаголет: многи волны и люто потопление, но не боимся /л. 237 об./ погрезновениа, на камени бо стоим. Еда ся пенит море и бесит, волны бо камени разбивают, но сами ся в пены расходят, а Исусова корабля погрузити не могут. А инде, господине, пишет: упившу бо ся душу верою Христовою, аще и вся и вселенная подвигнется, и небо з землею сразитца, никако ж сеи не могут [37] поколебати от любви божии. Аще ли ж будет уловленна слабостию житья сего, тогда и от ветренаго дыханиа трепещет. А мы, господине, человецы вещнии, слабии, не вкусили есмя горних, и мы боимся долних. Приказал, господине, им бывшеи государь князь великии Василеи Иванович всея Русии дом Спасов да чюдотворца Варлаама, да и нас, грешных, беречи ото (В ркп.: отто.) всех человек и ото всех врагов, видимых и невидимых. А наших ради, господине, грех, бог у нас государя взял, и они, господине, нас оставили, и его государев приказ забыли. Ино, господине, не на нас на одных скорбь пришла, но на всю Русскую землю излиясь.

А о Иакове молимся господу богу и пречистои его матери, и чюдотворцу Варлааму, /л. 238/ да исправит господь стопы его в благое и творити волю его святую во всем. А о нас яко ж хощет, тако и творит. Мы бо в руку его власти не противимся, противяаси власти божию повелению противляется. А тебе, господину, за твои труды много челом бию. И (В ркп. «и» на левом поле, выделено киноварью.) возри, господине, в Толковое Евангелие, и глаголеть, господине, Толковое Евангелие: милостив бо человек уподобись милостивому богу, а не милостивыи человек уподобись немилостивому бесу. А ты, господине, аще и нонешнее время добре исправишь, то и будущаго чаи, адовы труды юности своея да на старость покоит тя. А добраа бо дела трудом снискаютца и болезнию изправляютца. А приходящая с благодарением терпите, и в терпение вашем да стяжите душа ваша. А ты, господин мои, имеи терпение Иевле, а целомудрие Иосифле, а разум Данилов, а покаяние Давыдово, а нищелюбие Авраамле, а мудрость Соломоню, а милость и любовь господа нашего Исуса Христа к всем человеком. Великии Иван Богослов глаголет: аще /л. 238 об./ хто рече, бога люблю, брата своего ненавижу, то ложь есть. Преж брата своего възлюби, то и бога възлюбиши. Брат бо есть всегда пред тобою, а бога нигде ни видиши. А в Евангилье, господине, писано, о сем познаем, яко ученици есть, аще любовь имеете межи собою. И яз тобя, господина своего, вем благоутробна и любовна быти к всем человеком, а к собе тя, господина своего, вем паче всех человек благоутробна и любовна быти. Да чтоб еси, господине, пожаловал нас, о своем здоровии без вести не держал. А яз, господине, слышев про твое здравие, и о том сердечно радуюся и хвалу милосердому богу въздаю. А яз, господине, милосердием божиим до сих мест еще жив. Да чтобы еси, господине, пожаловал, на меня о поминкех не дивил, а послал есми, господине, к тебе сердечную любовь, а верное слово, а поминки легкие, а великое челобитье. А о чем ти, господине, учну бити челом, и ты бы, господинь (Так в ркп.) мои, меня пожаловал, не избранил [38] и не ослушался. А ведь, господине, помнишь в Евангелии еже писано: просящему /л. 239/ даетца, а толкощему отверзаетца, а приходящаго ко мне не изжену вон. А о том бы еси, господин мои, меня до смерти не отгонил. И буди покровен десницею вышняго промысла божиа, здравствуй о Христе и не стужаи ему.

РНБ, Q. XVII. 50. Л. 236 об.-239. Список XVI в.


Комментарии

1-1. В Щук. нет.

2. ми.

3. строителе.

4. писаре.

5. себя.

6. сведетельствует.

7. смиренныя.

8-8. В Щук. нет.

9. валяясь.

10. В Щук. доб. же.

11. сыи.

12. дьяк.

13. вознесесь.

14. над.

15. облакы.

16. такова.

17. Василья.

18. Иванновичя.

19. всеа.

20. Руси.

21. смирения.

22-22. а и святии вси.

23. со.

24. червь.

25-25. В Щук. нет.

26. конец.

27. В Щук. нет.

28. ангелы.

29. поспешникы. Далее в ГИМ, Щук. 468 текст обрывается.

Текст воспроизведен по изданию: Послание игумена Хутынского монастыря Феодосия старцу Алексею о дьяке Якове Шишкине // Очерки феодальной России, Вып. 5. М. УРСС. 2001

© текст - Пономаренко О. В. 2001
© сетевая версия - Strori. 2011
© OCR - Strori. 2011
© дизайн - Войтехович А. 2001
© УРСС. 2001

Мы приносим свою благодарность
Halgar Fenrirrson за предоставление текста.