4. ОСТРОЖСКИЙ ЛЕТОПИСЕЦ

Памятник, названный здесь Острожским летописцем, находится в одной из рукописей Музейского собрания (№ 4007) Государственного Исторического музея в Москве. Нет особой необходимости доказывать его значение, так как повествовательных произведений, относящихся к истории Украины первой половины XVII в., очень немного. О содержании сборника с Острожским летописцем дает представление его краткое описание.

Рукопись № 4007, форматом в лист, написана на 148 листах, полууставом и скорописью конца XVII в., состоит из следующих статей:

л. 1 — Оглавление.

л. 2 — Никифора патриарха Царяграда летописец вкратце (кончается словами: «в Руси княжити нача Игорь, а Олег умре»).

л. 6 об.— Иже царствовавших в Константинеграде (кончая Калоиоанном в 6833 г.).

л. 8 — Алексей дука Марцуфль (о взятии Царьграда фрягами). [237]

л. 12 — Матфея Стриковского.

л. 32 — Человек великой науки (от различных летописцов о летех рожества христова).

л. 40 — Ис книги глаголемые Криницы писменныя о государстве римских царей.

л. 48 — Ис книги летописца рускаго (о доставлениях русских митрополитов и других церковных делах).

л. 65 — Из книги гранографа великаго Новаграда соборныя церкве (разные выписки).

л. 68 — Книга глаголемая Проскинитарий (Арсения Суханова).

л. 76 — Летописец о епископех и о архиепископех и митрополитех новгородцких (кончается 1674 годом).

л. 84 — Ис книги летописца или Кройника российскаго о зачале града Пскова.

л. 86 — Царство 87 в Цареграде Константина брата Калуана (из польского летописца, кончая 1523 годом).

л. 126 — С кройники Белского речи потребныи выбраны.

л. 134 — Цари греческие и патриархи.

л. 140 — О папах римских и продолжение русской хронологии, кончается смертью патриарха Иоакима в 1690 г.

Острожский летописец носит заглавие «с кройники Белского речи потребныи выбраны». По своему содержанию эти «потребныи речи» представляют собою краткий летописец. Он начинается с 1500 г. упоминанием о взятии московскими войсками Северской земли («Север») и кончается рассказом о введении унии в Остроге в 1636 г. С 1577 г. особенное внимание летописателя обращено на события в Остроге и на Острожских князей. Особенно ярко обрисовано гонение на православие, предпринятое Анной-Алоизой Острожской, вдохновляемой иезуитами. До настоящего времени о действиях Анны Острожской было известно по Львовской летописи и произведениям иезуитов, пользуясь которыми автор статьи об Анне Острожской (О. Левицкий. Анна-Алоиза, княжна Острожская — «Киевская старина», 1883, ноябрь) дал совершенно неправильный облик этой изуверки, начисто разорвавшей со своим народом, жестоко расправившейся с острожскими мещанами и сделавшейся, по выражению нашего [238] летописателя, «гонителкой». Острожский летописец рисует перед нами картину крещения в католичество останков отца Анны, князя Александра Острожского, картину, носящую характер издевательства над покойником, от имени которого сидящий за гробом иезуит говорит, что Александр ищет перехода в католичество, потому что «вера лепша римска».

Острожский летописец изобилует многими подробностями о жизни на Украине в первой половине XVII в. и представляет собой ценный исторический источник. Он написан, вероятно, одним из жителей Острога, возможно, «мещанином»— горожанином. Замечателен язык этого украинского сочинения XVII в.


С кройники Белского речи потребныи выбраны

/л. 126/ Лета от рождества христова 1500 (Слова Лета...1500 написаны киноварью). Москва Север землю взяла, Путивль, Дарогобуже, Торопец и иншии места.

Року 1509. Мурь почали отвводити около Вилне. Того же року князь великий московский места зацного и славнаго Пскова обетницами достал и звон великий, котрым на кгвалт звонено, до Москвы отпровадил. Того же року дрыжаня земли великое у Цариграде, иже Базет цесарь Турский з места выпровадившися под наметы в полю мешкал. Так те же и в Босне, в Далмации и ве Влощех, аж места западалися збудованием.

Року 1512. Татар поражено под Вышневцем.

1514. Поддался Смоленеск Москве. Того же року на Кропивны наши поразили Москву, 80 000.

Року 1515. С Костелца з Францымиру кролевое Боны за князя Илию Острозского пошла.

Року 1516. Татаре Бузкие окрутные над Примерье были. Того же року месяца грудня знову под Межибож и Зенков и Летачов и Каменец вторгнули. В той же потребе под Межибожем внукь князя Костентина князь Роман згинул. Того же року увесь Петриков выгорел. И цесар Турский Селим, Сирию, Египет и Аравию взявши, у Костантинополю здох. Того же року царь Перекопский нагайских татар по себе подбил. [239]

Року 1519. Битва Сокалская. Князь Костантин з нашими паны уехал на замок Сокалский пред татари; наших войска было 5 000, а татарского 80 000, кгды ся потыкали.

Року 1520. Кроль Август родися.

Року 1521. Махмет, Перекопский царь, взял Казань под Василием князем Московским и в Москве болшь 300 000 вязнев набрал. Того же року цесарь Турский Белогород земли Венкгерское взял.

Року 1524. Турци и татаре Зенков спалили.

1525. Месяця лютаго на день годины 2 и 3 и 4 и 5 солнца на небе не оказалося.

Року 1527. Князю Костантину родися сынь Василий в Дубне. Того же року князь Костантин у Олшаници татар побил. Того же року Карла Пятого цесаря войско Рим взяли, аже им панежь 300 корон откупился, и от тых часов с цесарем преставати бецал. Того же року див человечий уродилося, детя: голова лвова, персы косматые, скрыгитало зубами, голосом страшным ричучи; жив был годин 8.

Року 1531. Битва была з Волохи под Обертином.

1532 (В рукописи 532). /л. 126 об./ Комета през 8 дний тръвала. Того же року царь Перекопский на Черкасех, маючи с собою дел 8 и еничаров до килка 1 000, Остафия старосту Черкаского добывал, а иже ему ничого не вчинил, з ним ся поеднал.

1533. Князь великий Василей умер, зоставши сына Ивана у 4-хь летех.

1534. Секта новокрещенцов, которыи был головою Ганусь Кравец, менился кролем Изра[иль]ским, а товариш его звался духом святым. Того же року татаре предместя у Жаславю спалили. Стародубь наши взяли. Гетманом был Ян с Тарнова. Того же року татаре были о святом Илии.

1536. Две части замку Краковского згорело.

1537. Месяця лютого кроль Август поприсяг права и волности короне. Того же року рокош был под Илвовом, назвали его Кокошию войною, иже дома сидели.

1538. Царь Турский землю Волоскую подбил под себе.

1540. Малхеровую Раичину, иже на жидовскую веру пристала, и спалено ей, до которой не мало людей поприставало было. [240]

Року 1541. Цесарь Турецский Пешь и Будзыи взял, также и матку с кролевичом, а потом его волно пустил.

Року 1541. Саранча была велика, а 43 — Янь (В рукописи: Якь) Замойский уродился.

Року 1548. Жикгимонт кроль умер.

1549. Кроль Август паном зостал, и учинил сеймь у Петрикове.

Року 1550. Браслав от татар взят, и в Полщи голод великий и мор был. Того же року Дмитрь Санкгушко дочку княжны Острозкое Ильиное з Острова унес, которого Марцин Зборовский догонил в Чехах и на Господе ранил не убраного, с которое раны умер.

Року 1557. Кроль Август мост у Варшаве на Висле казал будовати.

Року 1558. Москва взяла Нарев и у Вифлянтех великии шкоды починили.

Рок 1559. Вифлянте кролю Августу поддалися.

Року 1563. Москва Полоцко взяла. Того же року деспотстят. Того же року под Невлем наши побили Москвы 40.000. Того же року и Вышневецкого в Костантинополю на гакьскинено.

Року 1564. Татаре были Межибож облегли.

Року 1568. Кроль Август з войском под Радошковицами был. Того же року Сенкгушко добыл Улы и спалил. Того же року Лаский под Очаковом был и татар громил, аж на море утекали. Того же року козаки Витепский Усвят и Велиж спалили.

Року 1569. Унея в Люблине дошла. Волынь Подляще, Киевь до Короны привернено. Того же року князь Пруский при/л.127/сягу кролеви учинил. У дни маевии снег великий спал и до 3 дней тръвал. Петр Зборовский от Турка с примирем доживотным приехал. Голод великий был, аж селедявка по две копы было.

Року 1570 (В рукописи: 1576). Август кроль послал до цесаря турецкого Андрея Тарановского о спокоении примиря, которыии у него все исправивши был у царя Перекопского под Астороханем в [241] панстве Московском и там з чаушем (В тексте гаушем) поселство отправовал, у его же земли назад едучи, абы занехал шкод чинити в панстве и от цесаря турецкого лист до него был даный. Там под Астороханием, которого замку Волга река обышла в коло, борзо много турков и татар Москва побила, а другии з голоду поздыхали.

1571. Месяца лютого згримело з блисканям великим, рокь той был неврожанный, люди з голоду умирали. Того же рокь татаре Прекопскии Москву самую окрутне звоевали в день вознесения господня, место и замокь спалили.

1572. Месяца липца кроль Август умер, маючи лет 52. Того же року мор был великий в Полщи, же большего не помнят. Того же року илекция в Люблине была.

1573. Конвокация, илекция Варшавска.

1574. Кроль Генрикь до Полщи приехал и коронован в костеле святаго Станислава на замку. Скоро по коронации Самаил Зборовский чеканом Вапского ранил, з чого мусель умерти. Того же року кроль Генрикь утекь о 1 године в нощь з замку форткою до стаень, само осмь, а юдучи был у Ведню в цесаря, прес три дни, потом на Венецею и князство Завойское до Франции. И листы на впокою зоставил до панов радних. Того же року Ивоня турков до килка раз поразил, Тагиню и Бельгород взял. Того же часу Ивоня забит. Козаци там же побити. А Претрила турци на господарство Волоское всадили. Того же часу под осень интерекгиу было. Того же часу Селим цесарь турецкий здох, а сынь его старший насталь цесарем.

Року 1575. Лекция в Стенжищи, и татаре покровскии коло Илвова. Того же року в Синяве татаре были з Волох и о полтора крот 100 000 полону забрали и увошли през Хотен до Волох. Того же року Богдан Ружинский с козаки низовыми впадши за Перекоп борзо великии шкоды починил.

1576. Кветня 18 кроль Стефан уехал до Кракова и докоро-нован. Того же року Острополь заложено, и турецкий цесарь /л. 127 об./ Будзык взял.

1577. Шолкгеня убит. Татаре Дубна добывали. И трясение земле было. Того же року война Кгданская. Избито кгданчан априля 17, а юн 10 кроль под Гданк ся рушил. Татаре под Жаславлем были листопада 2. Того же року комета была в [242] Кракове скоро по заходе солнца. И трясение земле было. Того же року татаре масныи Острога добывали и мало не добыли, аже князь Василей поеднал их и частовал в замку, и вместе з людми татаре ели и пили. Того же року кроль Стефан дал Подкову козака ве Львове стяти. Того же року писал Магмут до кроля, вейшуючи ему щастя на москвитина лечь пред ся, написал же: «то есть пан великий, перший на свете по кролю пану моем». Того же року под Кесью убито Москвы 20 000.

1579. Кроль Стефан поиде к Полоцку облегши и взял. Того же року саранча была. Князь Острозский воевода Киевский Чернегова добывал.

Року 1580. Ян (В рукописи: Як) Замойский гетманом стал. Остика за зраду стято. Того же року Замойский Велиже и Усвят взял, Луки Великии наши взяли. Того же року Торопец спалили и Нивель взяли, потом Озерища, Порфу и Заволочье взяли.

1588. (Здесь в рукописи указана сноска, которая находится на полях внизу: князь Константин краичий сын) Князь Константин крайчий сынь князя Василия Острозкого у Базалеи умер, похован у Вострозе.

1590. Терлецкий, владыка Луцкий, и Володимерский, всияли ересь призволяючи на новый календар, и зезд был у Бристю.

Року 1592. Козаки Переяславль спалили. Александр воевода Волынский, сын князя Василия Острозкого, Триполь облегль.

1597. Наливайко в Слуцку и в Могилеве великии шкоды починил и сам громлен, а потом поиман, и на пал збит. Воевода Седмикгродский поражон.

1598. Поветря неслыханое килко леть было. Того же року сеймь у Варшаве был строны календара нового. Того же року писмо ся показало на костелах и на школах жидовских и на домах, ни от кого не прочитано.

1599. Снегь великий выпал на завтрее покровы, а потом згинуль. Люди сеяли на завтрее у ведения. Того же року Москва татар побила.

1600. Мигал, воевода Мултанский, наехавши на господарство Волоское, выгнал Еремея. Того же року от Яна Замойскаго войско его поражено, а сам през го/л. 128/ры яко пес утекь. Того же року цесарь Турский з цесарем христианским примиря до 30 лет взял. [243]

1601. Князь Василий у Вострополю был. Осень была мокрая, два месяца дождь непрестанно ишол.

Року 1603. Декамврия 2, князь Александерь Острозкий Ярославский в Красном умер, а похован у Острозе в церкви замковой Богоявления.

1604. Того же року у Острозе пожога великая была, вси места разом горели, неможная рече рятовати, аж сами мусили з места убо утекати, а скрыне и иное метали у воду, бо по земли горели трески, мосты, аж до самой воды, и млины (На полях: мор), у Вострополю был. Того же року (На полях киноварью: О монастыре Любарском) божиею благодатию начася монастырь во граде Любартове святаго великомученика Георгия, благочестивым игуменом Кириллом Костантиновским, протом святых церьквей и дозорцею повету Волынского святых монастырей.

1605. Татаре пречискии одного року болшь нижли пять крот были и много людей побрали коло Звягля, Полоного, Острополя, Межибожа и Шаргорода, а над Тараски кошем стояли. Того же рока (На полях почерком XIX в.: о Гришке розстриге) за кроля Жикгимонта поляци до Москвы князя Дмитра Ивановичи на царство отпровадили и Моск[в]у поразили, который в Полщи невидоме килко лет мешкал чернцем будучи. Того же року декабря 4 дня трясение земли было. Того же року посел был у кроля в Кракове от Перскаго царя, абы войну поднес з Турком.

1606. Татаре под Белою церквою поражоно. Того же року рокошь под Сендомиром был, где король поимал пана Жебредовскаго, воеводу Краковского, и Радивила подчашого.

Знову озвался Дмитрь царь Московский, который, маючи гетманом князя Романа Ружинского, землю Северную опановал и Шуйскому великии войска поразил, и татаров Перекопских до килка на сту 1000 у Москве побил и под столицею обозом ся положил.

1607. Послушенство кролю под Озерною от Чирска две мили над Вислою выповедали. Того же року князь Вышневецкий з старостою Каменецким з росказаня его королевской милости в земли Волоской турков и татар болше 6000 поразили и сына [244] Еремина на господарство Волоское всадили. Того же року Гедионь Болован умерь, владыка Лвовский. Того же року знову Дмитрия на Москву поляци провадили, маючи гетманом Ружинского, и у мили от Москвы обозом /л. 128 об./ стали, покилко крот Москву поражали. Того же року царевичь Заволской зъехал з своей земли и был у пана Кравского и у кроля в Кракове. Того же року татаре Украину коло Веници, Гайсина и Шар города пустошили.

Року 1608, месяца февраля дня 23, в суботу, а в пост великий (На полях киноварью: Князь Острозский воевода Киевский умер). Василей князь Острозкий, воевода Киевский, умер и похован у Острозе того же року мая 17, который был великий милостник набоженства, Крецкаго монастыре побудовал, маетности понадавал, навет и до меских церков маетности надал, на шпитал и на школы место надал, Сурожь з селами, был богобойный, нищелюбивый, смиреный, приступный кождому и наубогшему, жил лет 84. По нем пановал сын его князь Янушь, кашталян Краковский. Того же року князь московский наших за посланям кроля его мил[ости], пана Мнишка и иных повыпускал. Тогды и князь Константин Вышневецкий з Москвы пришол. Того же року листопада татаре кошем стояли под Гайсином, шкоды коло Прилуки, Немирова и Веници великии починили.

1609. (На полях киноварью: Сейм у Варшаве) Сеймь у Варшаве был, на котором были послове от кроля Перскаго и Турецкаго и Перекопскаго, ускаржаючися на козаки от Перекопа. А Перский, абы войну поднесь против Турка. Был посел анкгличик, и з жоною. Но козаки пред тым Перекоп збурили и замок з местом спалили и шкоды великии починили и старосту Перекопского взявши кролю дали, а назад идучи и Очаков збурили.

1610 року. (На полях киноварью: О монастыре Полонском) Благодатию божиею начася монастырь Успения пресвятыя богородица во граде Полоном Леонтием, архимандритом Палакгойским сербином, потом отъежчаючи во свою страну спустил отцу Кирилу Любарскому.

Року 1611. (На полях киноварью: О монастыре Тригорском) Божиею благодатию начася монастырь Тригорский в пустыне Троановской, недалеко от Денешов над [245] рекою Тетервю Преображения спасителева, отцем Кирилом Любарским игуменом.

1614. (На полях киноварью: Буря вел) Буря была великая и шла мимо Острогь от Жаславля о полудни, яко ночь, в жнива пущи крушила, сады ломила, по селах, в Борисове, в Плужном и по иных селах. В тых краях, куда ишла буря тая, пошня в копах княжая килка сот копь рознесло не знати где, так те же и людская навет и людей, котрыи в полю (На полях киноварью: людей носило) того часу робили носило поверх дерева, инших /л. 129/ мертвых познаходили, а иных за дерево ухватившися и держалися моцно, и так живыми позоставалися. А иныи на поли за стернь моцно взявшися и держалися, если не пустили ветру под себе, а котории пустили ветр под себе, то не сдержався понесло не знати где. И церквы ломило. В селе Борисове церковь был з трима верхи, знесло верхи вси, с телею займаючи зрубу, и позаношавало не знать где, так те же и звоны, аж неборзо пастухи познаходили в поли розно звоны, так те же и маковици, котрии были обити белим железом, познаходили на 4 части покололо, и иное все покрутило.

1615. (На полях киноварью: О князе Корецком) Князь Корецкий, до Волох вшедши, Стефана Домшича, на тот час господаря, выгнал и близко року там будучи, и значныи потребы з ним, и с турки, татари и з Волошею, маючи битвь до килку выграных, и так Волоскую землю опановал. Того же року саранча великая была, иже поела гречки и проса.

1616. Суша была великая, и татаре были (На полях киноварью: О Корецком). Того же року, месяца август, тот же князь Корецкий у Волошех през Радула и Турков шкодливе поражон. Также ледве в килко коней з Волох збегь, але заскочон и пойман и отдать до Турка в неволю, и всажено его на вежу высоко на мори, и был там за вартою, иже трудно было выйти. Доведалися иноки Святые горы, иже христианский князь православия греческаго, приежчали к нему часто и старание мели, яко бы его выкрасти. И еднего часу приехали и вина привезли с собою и упоивши сторожу дали ему стрички з рукавичками и спустився ними. И повезле его оболкши в черныи ризы и клобук зложили на него до манастыря [246] Святыя Горы, и килка недель ховали в склепу под церковию. И повеле его Турок шукати, и не знашли. Потом Корецкий просил иноков, абы его отпровадили до Руской земли, обецуючи им нагороду не тылко от злота и сребра и грошей, але и маетность мел дати. И отпровадили его черньцем до граници и зняли з него чернецство и пустили его в мирских шатах, и сами вернулися. А он идучи и пришед до Рима и был в папежа и присяг на новый календарь и остал католиком и приехал до дому. Потом приехали чернцы от Святой Горы примо/л. 129 об./минаючися обетници. Аж солгав не тылко человеком, але и богу и вере. И рек: «не от вас я то маю, але будучи в неволе обрекався быти католиком, аже бы мене высвободил бог з неволи. И так бедныи чернци с плачем отъехали. А Турок зразумел, иже чернци приезжчали до него килка крот, и рек: «певне они украли». И казал постинати килка десять чернцов невинных и не того манастыря. А Корецкий хотель знову, католиком будучи, рицерство оказати, яко первии православным был, много зветязства одержав над Турком, аж омылило его, помста божая над ним пала. Тылко пошол первый раз над Турка, зараз поиман и без вести згинуль. Родившии его килка крот посылали в землю Турецкую, доведоваючися, где есть, чи страчен, чи у везеню, и не могли доведатися едны мовили у везеню, а иныи замордовано, и так згинул. Того же року, августа, над западом затмився месяц над две годины. Того же року Адам Костантин, князь Острозкий, под Каменцем на Смотричи обозом стоял.

1617. (На полях киноварью: О затменю месяца) Месяца августа 6, второй годины в ночь, месяць был в затменю таким знаком: багрево мало не в весь.

(На полях киноварью: О татарех зимних) Того же року пред стретением господним Кгалкга мурза з татары поважне в землю нашу вшедши мимо Любартов и Полоный, под Шулжинцами кошем стояли, Шулжинци спалили, аже сягнули за Остоугь, миль 12, коло Ляховец и Янполя, и Жаславля, и Полоного, брали и попалили, и индеи много, и з великою здобычу до земли своей вернулися.

1618. (На полях киноварью: Князь Острозский умер) Князь Костантин Александровичь в Люблине умер. Того же року татаре были о святом Евстафии и великии шкоды [247] починили около Острополя, а потым единалися з острополяны з мурзою Араком, который был на едно око слеп, пили и ели з острополяны. Того же року в Бересте гусеница была цвет и лист обьила.

1619. Князь Януш Острозский Александровичь умер. И лих месце пановала сестра их, дочка Александрова, которая пошла за Ходкивича и была гонителка на православных, церковь у Острозе святаго Ануфрея повеле розметати, и у во Острожку и в Турове так же.

1619. Месяца мая дня 5 был снегь /л. 130/ в самый цвет, и не могла животина ходити на поле для снегу и морозу, а сено было дорого. Того же року сентября 11 буря была барзо великая, иже все дерево по садах поломила и вежу замковую в Бересте з годинником у воду вкинула и вдурь Сопежин стерла. Того же року лисовци идучи до обозу великии шкоды починили и под Острополем стояли (На полях киноварью: Зима лихая). В том же року зима была лихая, по рожестве христове пустила была зима, на завтрее богоявления вода была великая, гребре порвало, млыны позносило, и вси мясницы тьги тепло было, юже нихто не сподевався, жебы зима мела быти. Аже на масници приморозки, а запустивши на великий пост снегь выпал так великий, же нихто не могь с хором, сиречь з дому, выйти не прокидавши лопатою, окна и двери завияло и мороз лютый был; хто по дрова поехал, то змерзь. И так было у весь пост, а на воскресение христово болото великое было аж по колена (На полях киноварью: Звезда). Того же року звезда с хвостом указовалася на небе през всю зиму. Того же року у Острозе на замковой церкви видели аггела стоячого з голым мечем.

1620. (На полях киноварью: Краковский умер) Янушь Краковский, князь Острозкий, умерь. На его место панованя Острозского внук его по доце Домнинк, з дому Жаславского. Того же року ноеврия дня 1 трясение земли было.

6121. Козаки запорозкии вышли были вси з Запорожа, аж было пусто (На полях киноварью: Война с Турком), бо кролевичь мель поле ставити с цесарем Турецким, и стояли обозом под Хотеным. (На полях: умер) Там же у в [248] обозе гетман Ходкевич умер, котрый взял бы княжну Острозкую, а она вдовою пановала, и напускала у Острог езуитов, иже през них много злого сотвори православным, що низшеи окажется. Того же року дорожина была, жито по 12 злот, ячмень по 8, а овес по 6. И того ради и у крамах все поднялося дорого. (На полях киноварью: Патриарха в Киеве был) Того же року патриарха Иерусалимский Феофан был в Киеве и много благочестия внес в нашу землю, отступников, котрыи во унеи были, откидал и проклятству их отдал, а отца Иова Борецкого на митрополитство посвятил (На полях киноварью: Митрополит в Киеве был).

1622. Месяца априля, у Витепску будучи, уният владыка Иасафат вси церкви под унеею, тылко едина не под унеею. И он взявши того священика православнаго в ланцюх на воскресение христово (На полях киноварью: Митрополит в Киеве, а прав владыку убито). Мешчане ужалившися священника наишли на двор владычий, /л. 130 об./ добываючи его. А оны запершися в дворе моцно и боронилися, з двору стреляли и застрелили владычий слуги едного мещанина, котрый мел двох сынов вдатных, тыи зжалю великого по своем отци, моцно до двору добывалися, а добывшися прибегши еден и ударив владыку бартою, и убили его на смерть и в воду вкинули. И за тое мещан стратили 17 старших.

1624. (На полях киноварью: Мор) Мор был в Миропольи и в Барановци, и попалили ведми в Мирополю для перестятю мору, ано еще горше мерло, и в Барановци знашли ведмь килка и боялися палити, абы не гории было. (На полях киноварью: Война с козоками) Гетман коронный с козаками ся воевал за
росказаньем кроля. (На полях киноварью: Огнь) Того же року Ярославль гориль в
ярмарок, выгорило все место и ярмарок с крамами при шкоде великой люде остали. (На полях киноварью: Мор) Того же року мор великий был в Бересте и в Слуцку.

1625. Елисей Плетенецкий, архимандрит Печерский, умер. По нем настал архимандритом Захария Копистенский, тылко рокь был. [249]

1628. (На полях киноварью: Могила) Настал архимандритом в Печерском монастыре Петр Могила, воеводичь Молдавский, той был поборца восточной церкви.

1629. (На полях киноварью: Смотрицкий) Мелетий Смотрицкий, архиепископ Полоцкий, будучи православный для архимандритства Дерманского манастыря, отступив восточныя церкви и стався хулником на церковь восточную святую. Потом тую свою ересь и писмо проклинав и палил и топтав у манастыре Печерском при службе божей и при соборе. Потом паки солгав духу святому, и бысть хулник на святую церковь и на патриархи, а хвалця папежскии, кламца на святых божиих. И умре в таком зломудрии своем.

1630. (На полях киноварью: Война з казоками) Поляци посполитое рушеное хотели Козаков знести и стали обозом под Переясловлем и килка крот потребы мели, и поражены поляци от казаков, и мало що ся остало войска ляцскаго, и мусили еднати казаков, и Примерье взяли. Лепеи здобылися козаки дома, неже на море ходячи, не един шляхтичь не пришол до дому, а черни без личбы жолнирства Немцов, все там полегло.

1631. (На полях киноварью: Митрополит умре) Иов Борецкий, митрополит Киевский, умре и погребен в церкви святаго Михаила Золотоверхого.

1633. (На полях киноварью: Кроль умре) Кроль полский Жикгимонт III умерь. По нем выбрано на кролевство сына его Владислава. При обиранью кроля Влади/л. 131/слава Полскаго дарова бог Христианом пастырей православных, митрополита Киевскаго Петра Могилу и Афанасия Пузину, епископа Луцкаго. И унея зноситися казано през убес сенат коронный. И привернено церковь столичную митрополию святей Софии в Киеве и иных не мало к православию (На полях киноварью: Обновление храма святей Софьи), Петр Могила митрополит Киевский, архимандрит Печерский, кгды приехал с Полски, стрители его весь чин священнический и иноческий и мирстии люди много зело со пением и зо орациеми веншуючи в том чину святительском, и впровадивши в церковь святей Софии посвятили ей молебен и люторгию божественную отправовали, весь день на набожестве стравили. И от[250] того часу церковь обновилася набоженством, що от килка десять лет пустовала, отшарпалася, обвалилася была, около всюды двери завалися были, аж увойти нелга у церковь было, также и окна и пределы. Яко иже праци, яко еже кошту и накладу Петр Могила митрополит на тое наложил незличонно, не зрахо, поки обновилася знову церковь святей Софеи, на славу и заступление правоверным, на посрамление нечестивым, и отступником православныя веры на безконечное мучение их. О преждереченной княжне, котрая (Слова О... котрая написаны киноварью) у Острозе пановала, розмаитыми способами примушовала до уней ласкою, и под утраченьем ласки, и не могла до того привести, и поотбирала маетности церковныи и кгрунты и ни причом церкви пооставалися и тривали. так священники килка лет на малым преставали, яко писмо сведчит, пища и одежа, с ими доволни будете, абы при православии. А княжна, маюци гнев на православных и ненависть, видить же не повелося ей, в том же кривды починила церквам и священником, бо она розумела, иже бы оны для недостатку мусят приступити до унеи. А священники о достаток мало дбали, абы при православии. Промышляла она много лет що злое православным выстроити. Потом, року 1636, юже знала, що умыслила воздвигнути гонение на церковь. Тылко ей о тое и шло же тело ей отца княз Александра в церкви замковой наперед тое учинила же, выкрала с церкви тело оцевское. В пяток страстный в ночи з пятка на суботу пришла з езуитами до церкви. Привели священника, хотя не хотел, же бы церковь одомкнул. Священник /л. 131 об./ хотел дати знати людем и збоявся, бо было бы забийства не мало, що напотом и за зле на него люде мели, же им знати не дал. А кгды увошли у церковь, а на гроб божий убраный коштов не накилка 1.000, що и сами езуиты дивовалися, стоял на склепе, где княже лежат. Гроб той растрясли, отсоваючи, и добылися до склепу и знашли у трумы тылк кости, бо юже лет 34, яко умер, а трума ценовая, и помысли до кляштора. Еден езуита сель за трумою прикрився, а другий пытает, а той отповедае от тых костей. И мовит: «Александре, по цо же ту пришед». Той отповеда: «збавеня шукам». «А чем же давней не шукал». «Бо не зналем, цо вера лепша римска». А княжна кости перемыла, золками пахнучими переклала. [251] Езуиты крестили во свою веру кости и водою покропили и имя переминили Станиславом и попровадили до Ярославля, и там поховала подле матки своей. Теперь свой час прибрала, що давно мыслила. На воскресение христово (Слова На воскресение христово написаны киноварью, на полях киноварью: Збытка над христианы), кгды хрестиане триумфуют утешаются, выхваляют господа воскресшаго из мертвых, и шли священници вси со кресты от замковой церкви до храму Воскресения христова на новое место, и людей множество великое было, кгды ишли през заммокь, и през место, тылко почали сходити з места на мост к шпиталю, а она незбожная каретою шестьма конми наехала на тот кгмин, людей на мосту прудко женучи, бичем затинаючи по людех, конми потрутили людей, а иныи з мосту попадали в реку. Священници, видячи же зле, едны ризы з себе, где хто влуча, а иныи з ризами у шпиталь под лавы, под печь. Мещане, не терпячи збытков, и ву повозницах и паню осталося мало не убили на смерть. И дано знати гайдуком и иным слугам. И было раненых не мало з обох сторон (На полях киноварью: Вместо вселя плачь). Потом мещан старших вси турмо повны были до справы. И такии ста им были во скорбех неутешных. Потом был тому суд, и мучено, иные не вытривали, померли в муках и покидано за местом на снедение псом, неволно и проводу отправляти, тылко так загребли в песокь без трум, а иных на пол позбивано. И церкви позапечатовала, но не вси, тылко три, замковая Богоявление на новом месте, две Воскресение христово, святаго Анофрия, бо не увесь ей Острог, тылко половина, а половина /л. 132/ князя Домника, внука Краковскаго. И так в тых церквах все лето набоженство не правилося, в замковой церкви и гробь божий стоял все лето. Того же року у Звязгле (На полях киноварью: Диво леда якое) деялося диво леда якое той же княжне, що и у Острозе. Приехал мних до Вязгля из Сокя до ней, глаголя: «естесь очарована и замок твой и дяволы за тобою явно ходят». А она рекла: «а яко же то оче». А мних урезавши шмаш подушки и знашов там жаби лапки и рек ей: «отож маешь чары, поидемо же до костеля, обачите же там диаволы». Кгды же были в костеле и заиграно в пищали, панны служебницы ей вси, поднявши подолки по поес и пошли в танец в коски в костеле, аже [252] вси полякалися, видячи тое. (На полях киноварью: Чюдо на церкви). Того же року у Острозе видели на церкви замковой на каждой бане по три свещи горящии, было того на три годины, и многии видели, жиды, татаре и ляхи, а в нощи, и приписали тое ляхи чарам руским. Того же року ув Острозе ув усен унея наступила. Князь Домиин и вси церкви отдал под унею, поча полскому епископу Луцкому. Тылко три священника не приняли унеи, отець Иоанн Беражанский замковой церкви, отець Марко Воскресный, отець Кирил Онофрийский, и уступили з места нищим, а иныи вси. Мещане мели надею на отца Стефана Пречискаго, хотели при нем спертися, яко при муре, же человек был побожного жития, безженыи, и наученый по латине, по гречески. А он наперед всех приял унею. Зараз кадук его напал, а вже старенский был, ано унеяте з римляны признавают уже святаго духа и от сына сходити. В старых деях написано. Сенот 2 был в Цариграде року по Христе 408 о похоженю святаго духа на Македония. И зехавшися святыи отци, толко от отца признали в вызнаню веры, а от сына не смели над власныи, а ясныи текст завету новаго придавати, якь теперешняя манихейская треклятая ересь дерзнула придати: «и от сына».

Лое теды кгрунтовное застановенье и у римлян тщеславных ныне лет 600 не отменно трвало, аже да папежа Леона третего, который боронил барзо, абы духа святаго не придавали «и от сына», о чом есть у Цезар Баранеишу дастаточно доложоно на листе осмь сот 59. И по семом соборе /л. 132 об./ в сто лет над уфалу и постановенье всех святых седми вселенских соборов, Формос папежь в Риме с помочники своими смел ересь погибели ново вынести, мимо положоную анафему от святых отец, кто бы важился над их затверженя з ынтрокцыею иною выникати, а от сына исхожение приложити, поведаючи же сам сын божий и вси святыи вселенскии собори не досконали, рекли о духу святом, которыи тылко от отца походить, потреба приложити и от сына, и учинили сына отцем святому духу. Лео Великий в Риме папежь казал вырити на таблици сребреной вызнаня веры и за олтарем поставите казал, акы у вызнаню веры спевано же дух святыи тылко от отца походит, а от сына под анафемою. Право постановенье таковое в Риме [253] папежове учинили и межи каноны есть получено, же хотя бы мели вси овечки христовы ораз згинути, жаден не мает оному пастиреве, то есть папежеве, который, если бы не дбаючи о своем и о своих овечках збавеню, з собою до пекла громадою вель души людскии на вечное затраченье и не может мовити, що чинишь. О проклятое право и уфало. А окрутно злосливое серце, в котором ся тое право зачавши зъявило на згибель полнячих его.

Рукоп. отд. ГИМ, Музейское собр., № 4007, лл. 126—132 об.

Текст воспроизведен по изданию: Малоизвестные летописные памятники  // Исторический архив, Том VII. М-Л. 1951

© текст - Тихомиров М. Н. 1951
© сетевая версия - Тhietmar. 2007
©
OCR - Антов Д. 2007
© дизайн - Войтехович А. 2001
© Исторический архив. 1951

Межкомнатные двери у нас на сайте

Самая детальная информация межкомнатные двери у нас на сайте.

www.prostodveri.com.ua