70

1440—1447 гг. — Договорная грамота литовского великого князя с Казимира с Великим Новгородом о мире

Подлинник на пергамене. Две печати свинцовые круглые на красных шелковых шнурках. 1) Печать посадника; на одной стороне изображение барса с поднятым хвостом и круговая надпись *** (Великого Новгорода посадника.); на другой — внутри ободка из точек изображение птицы и круговая надпись: *** (печать Федора Олисеевича.) 2) Печать архиепископа, такая же, как при № 90. ЦГАДА, Гос. Арх, разр. XXVII, № 3.— Список XVI в., озаглавлен: Докончанье з Великимъ Новымъ Городомъ короля Казимира. ЦГАДА, Литовская метрика, Книга записей, № 5, лл. 284—285. — Список с Коронной метрики. ЛБ, собр. Румянцева, № 74, лл. 43—47.

Сборник Муханова, № 3 (по поздней копии конца XVIII— начала XIX в.); АЗР, I, № 39 (по списку Литовской метрики); РИБ, т. XXII, стб. 15—18 (по подлиннику; там же фототипическое воспроизведение).

Основание датировки: время вокняжения Казимира на литовском столе — 1440 г.; с 1447 г. Казимир носит титул короля Польши.

Се язь, великии князь Казимиръ, королевичь всеи Литовьскои земли и Жомотскои и многихъ рускыхъ земль, доконьчалъ есмь миръ вечныи съ владыкою новгородскымъ съ Еуфимьемь, и с посадникомъ с Федоромъ съ Олисиевичь, и с тысячькымъ Семеномъ с Тимофиевичемъ и со всимъ Великимъ Новымъгородомъ. А приЪхалЪ от Новагорода Есифъ Васильевичь, сынъ посадничь, а от житьихъ Тимофии Ивановичь; с тыми есми миръ кончалъ. А што моихъ людеи, или литвинъ, или витблянинъ, или полочанинъ, или смол[ня]нинъ, или с ыныхъ с нашихъ рускыхъ земль, тымъ путь чистъ изо всеи моеи отцины, торговати имъ в НовЪгороде, бес пакости по старинЪ, а торговати с новгородци. А хто приЪдетъ с великого князя товаромъ, торговати имъ с новгородчи в НЪмечкомъ дворЪ. Такоже и новгородчемъ изо всеи Новгородскои волости торговати бес пакости по всеи Литовьскои земли. А мнЪ, великому князю Казимиру, королевичю, блюсти новгородча, какъ и своего литвина. Такоже и новгородчемъ блюсти литвина, какъ и своего новгородча. А мнЪ, великому князю Казимиру, королевичю, на Новоторскомъ пути и на всихъ путехъ во всеи Новгородскои волости пути не переимати гостя никакоже, хто поЪдеть въ Новъгородъ или из Новагорода. А гдЪ новгородча в ратномъ имуть, [116] пустити его с товаромъ бес пакости; или новгородчи литвина в ратномъ имуть, пустити его, а ему, право рекъ, товаръ свои взяти. Аже взгономъ въ блазну возмуть новгородское, или человЪкъ или лощадь, Ъхавъ ис тои волости человЪку к воЪводе, рекъ право, свое взяти, а имъ дати; или чересъ то село возмуть, или два, то уже измЪна, а с насъ правда доловь. А межи собою намъ будучи в любви, за холопъ, за робу, за должникъ, за розбоиникъ не стояти ни мнЪ ни вамъ, и за поручникъ, и за смердъ: выдати его по исправЪ. А учинится пеня гостю новгородскому в ЛитвЪ, тамо ему и кончати, по княжои правдЪ и по крестному челованью; или учинится пеня в НовЪгородЪ полочанину, или витблянину, или литъвину, или русину с нашего ве[ли]кого княженья, концати в НовЪгородЪ, по княжои правде и по крестному челованью. А рубежь Новугороду с Литвою по старому рубежю земли и водЪ, и с волочаны, и с витбляны, и с торопчаны. А на Молвятичохъ взяти ми, князю великому, два рубля, а тиуну рубль за петровщину; на Куньску възяти мнЪ, князю великому, рубль, а тиуну полтина; на Березовчи взяти мнЪ, князю великому, полтора рубля, да тритчать куничь; на Стержи тритчать куничъ да шестьдесятъ бЪлъ, а петровщинЪ рубль; в МоревЪ сорокъ куничь да два сорока бЪлъ, да петровщинЪ рубль; а в осенинЪ полъ рубля; а в ЖабнЪ дватчать куничь да сорокъ бЪлъ, да петровьщинЪ рубль, а пиво с перевары, а медъ сытити по силЪ; а на Лопастичохъ и на Буичохъ у чорнокунчовъ по двЪ куници, да по двЪ бЪлЪ; а слугамъ тремъ по бЪлЪ; а на Лукахъ нашь тиунъ, а вашь другии: судъ имъ наполъ; а торопечкому тиуну по новгородскои волости не судити, ни ржевьскому; а в ЛюбоковЪ и в Заклиньи по две куничи да по две бЪлЪ; а за петровщину сорокъ бЪлъ; а во Ржеве по двЪ куници да по двЪ бЪлЪ, а медъ по силЪ сытити с перевары. А тивуну Ъздити по переварамъ в пятинатчати человЪкъ, а по чернокунчемъ такоже в пятинатъчати человЪкъ. А в Новгородскои волости не надоби ни что иное Литви, ни на ДЪмянЪ, ни на СнЪ, ни на ПолоновЪ, не надоби брати чорна куна, ни иное ничто же. А кончалъ язъ, великыи князь Казимиръ, королевичь, миръ со всимъ Великымъ Новымъгородомъ, и с пригороды и со всею волостью с Новгородскою по сеи грамотЪ. Оже учинится нелюбовь мнЪ, великому князю Казимиру, королевичю, до Великого Новагорода или Новугороду до мене, великого князя Казимира, или будеть миръ нелюбъ, сослався и грамота отославъ, а послЪ грамоты мЪсячь не воеватися; а какъ мЪсяць изоидетъ, тоже ся воевати. А на семъ на всемъ язъ, великии князь, крестъ человалъ, Казимиръ, королевичь; такоже и послы новгородскыи Есифъ Васильевичь, сынъ посадничь, и от жытьихъ Тимофии Ивановичь крестъ человалЪ от всего Великого Новагорода, по любви, въ правду, безъ всякого извита. Литовьскымъ посломъ по Новгородскои волости подводъ не имати; а новгородскымъ посломъ по Литовьскои волости не имати подводъ.