Се взялъ Богданъ Ермолинъ ув Устиньи у тысячкого жени у ВасильевЪ десять рублевъ денгамы взаимы. А заложилъ Богданъ УстЪньи в тыхъ десяти рубляхъ отцину свою, землю на ОнигЪ озерЪ в Унаскыхъ островахъ, и в селахъ, и пожняхъ, и в ловищахъ, и в матеромъ берегу в Унаскомъ землю, и полЪшыи лЪсъ, и пожни, и ловища, и грамоту купную тои земли. А володЪти УстЪньи и еи дЪтемъ тымы селы Вунаскыми, и полЪшимы лЪсы, и пожнями, и ловищамы Богдановою половиною всею без вывЪта на свое серебро на десять рубловъ за накладЪ, докуль Богдане Ермолине десять рубловъ отдастъ УстЪньи тысячкого женЪ Васильеве. А на семъ заимЪ были люди добрые со обЪ половинЪ: СтепанЪ Фомине, Степане Остафьине, МатфЪи Ермолине, МосЪи Фиклистове, Павле Домантове.