316

1477—78 г. — Грамота Вяжицкого монастыря монастырскому ключнику в Толвуе Якиму и монастырским толвуйским крестьянам с запрещением промышлять в принадлежащих Палеостровскому монастырю островах Пальем и других островах

Список с подлинника, хранившегося до 1941 г. в Карельском Гос. музее, в собр. Палеостровских актов; к подлиннику была привешена свинцовая печать с изображением Николая чудотворца.

Барсов, № 25; Матер. по ист. Карелии, № 34 (по Барсову).

Благословенiе от игумена Варлама святаго Николы Вежиского манастыря, и от священниковъ, и от всЪхъ старцевъ ключнику нашему Якиму и къ хрестьянамъ ко всимъ святаго Николы тлъвуянамъ, или хто ни живетъ на домовнои землЪ святаго Николы Вежиского манастыря. Буди вамъ вЪдомо, пожаловали есмя игумена Конона Рожества святЪи Богородици, и священниковъ, и всихъ старцевъ Палья острова, или хто по немъ иныи будетъ игуменъ в томъ манастырЪ. И вы на Палье островЪ, и на РЪчномъ островЪ, и на Кобылье островЪ, и в Заечье островЪ и по лудушамъ, куды обдержитъ грамота данная в домъ святки Богородици Палья острова, лЪса не сЪките, сЪна не косите, заяцевъ не гоняите, рыбъ не ловите, ягодъ ни губъ не берите. А хто ослышится сеи нашеи грамоты, а почнетъ наступатися на домовную землю святЪи Богородици, а почнетъ лЪсъ сЪчи и пожни косити, и заяци гоняти или рыбы ловити, или ягоды и губы брати, а безъ игуменскаго благословенiа, ино тотъ будетъ лишенъ лотки и сЪтеи, а за свою вину дасть намъ рубль. А хто почнетъ с ними супоровати, ино его звати нашею позовницею, а судъ ему предо мною. А дана сiа имъ наша жаловалная грамота в домъ Рожества святЪи Богородици и в вЪкы в лЪто 6000-е 900-е 86-е.