303
1459—1469 гг. — Купчая Соловецкого монастыря у Григория Давыдова на участок в реках Выге, Шуе и Кеми
Подлинник на пергамене. Печать архиепископа свинцовая круглая на нитяном шнурке, такая же, как при № 299. ЛОИИ, Соловецкие акты XV в., № 7. — Список 1633 г. ЛОИИ, Актовые книги, № 136, л. 36—36 об.
ЛЗАК, XXXV, № 25; Матер. по ист. Карелии, № 21.
Основание датировки: упоминание игумена Ионы.
† Се купи Макарiа, старець соловечкои, у Григорiя у Давыдова промежю пяти родовъ корЪльскыхъ дЪтеи отцину его, землю и воду, и пожни, и ловища, и полЪшии лЪсъ: в Выгу у Золотца учястокъ, в Шуи рЪкЪ учястокъ, и в КЪмЪ рЪкЪ подъ Ужмою учястокъ по морскому берегу до Сонъ рЪкЪ. Куды володЪлъ Григореи Давыдовъ,
(В подлиннике: Давьдовъ.) туды володЪти игумену ИвонЪ, и священикамъ, и всЪмъ старцамъ святаго Спаса Соловечкого манастыря и въ вЪкы. А дасть Макарiя старець на тои земли и водЪ Григорiи Давыдову 50 бЪлъ. А на то люди добрыи: Яковъ, скотникъ Марфинъ, Степанъ Олексинъ, Захарья Шараповъ. [299]