Се купи МелентЪи у Огафоновы жоны у Матрены и у Огафоновыхъ дЪтеи у Василья и у Остафья село и дворъ на ПавшинЪ горЪ: горнии земли и юрмольскiи, и пожни, и притеребы, и починки, и перевЪсища, и путики, и ловища, и Василеву землю, и притеребы Василевы, и хмелникъ Василевъ, что купилъ Огафонъ у Василя с пополонкомъ. А межа Василева от осины на хмелникъ; а межа Огафоновы земли горнеи ручеи старои от Сменка, а другои ручеи межа от ДорофЪя, а на подолЪ за ручьемъ по пригоръ. А далъ МелентЪи на всемъ на томъ полтора рубля, овцу пополнка. А куп себЪ одерень и своимъ дЪтемъ. А у печати стояла Матрена и ее дЪти [276] Василеи и Остафеи. А Васил[еи] за свою землю самъ стоялъ. А на то послухи: Михаило ПоклонцовЪ, Степанъ Сменовичь, ПянтелЪи Титовъ; а с Матренину сторону Микита соцкои, Федотъ Игумновъ. А на заводЪ быле: Федоръ Трофимовъ, ПянтелЪи Титовъ, Павша Белебеловъ, Костке.