271

XV в. — Духовная Семена на завещанную Соловецкому монастырю землю в Великокурье

Список 1633 г.; после текста: А ся духовная бес печати. ЛОИИ, Актовые книги, № 136, л. 57—57 об.

ЛЗАК, XXXV, № 58.

И во имя отца и сына и святаго духа. Се азъ много[г]рЪшныи Семенъ пишу духовную своимъ челымъ умомъ, кому ми что дати или у кого что [274] взяти. Дати ми сестрЪ своеi АннЪ десять бЪль. Взятi ми ув ОфрЪма пять пузъ ръжi, у Онтона у Якимова три пузы ръжи. А что отцина моя Мишутинское поле да и огородецъ подъ горою, а то в домъ святому Спасу в Соловки. А другая полоса в Бабинскомъ поле нижняя земля от НевЪрова леска, да Косое поле подъ лесомъ, да [в] Великомъ поли верети[я], да Лашкуде не дошла от Косовскаго поля, а то в домъ святому Спасу в Соловки. А что юрмолскиi земли, а то у меня с Кюшемъ по половинамъ не в роздили, а та моя половина земли чиста в домъ святому Спасу в Соловки. А дворище мое, а то в домъ святому Спасу в Соловки; а межа тому дворищу по избнои завалини, а з другую сторону межа по Вешкови избу. А у сеи духовноi сидили мужи великого князя: Павелъ Григорьевъ сынъ, да Василеи Лукияновъ сынъ, да Iванъ Максимовъ сынъ, да Епифанъ Елпатьевъ сынъ. А не виноватъ есми никому ничимъ, развее богу душею. А на то богъ послухъ и отецъ моi духовныi попъ Матфеи, служитель святаго Козмы Дамьяна. А тая земля в Великокурьи.