256

XV в. — Духовная Карпа на село в Киницах, землю на Великом острове и движимое имущество, завещанное Ильинской церкви и жене Марине

Подлинник на пергамене. След прикрепления печати отверстие. На обороте скорописью: Се азъ Данило Григорьевъ сынъ заплатилъ есми по сеи духовнои за своего отца за Григорья пять белъ денегъ старосты Олексею. ЛОИИ, Двинские акты, № 21.

Сибирцев и Шахматов, № 117.

Во имя отца и сына и святаго духа. Се азъ рабъ божии Карпъ пишю рукописанье при своемь животи своимъ цЪлымъ умомъ. А чо есми купилъ село в Киницахъ у Микифора Онтонова и у его сына в Ысака, а та моя купля чиста, а то село далъ есмь в домъ святому Ильи по своихъ родителехъ, и по собЪ, и по своеи женЪ. А жени моеи Марини с того села Ъсти хлЪбъ до ее живота. А не усЪдЪтъ жена моя Марина в дому моемъ, а поиде замужь, ино село в домъ святому Ильи. А оцьчина моя братичамъ моимъ. А Ишьку его участокъ безъкуньно. А дворъ мои и дворище сыну моему хрестъному Филимону сверхъ. А Микифоровъ дворище и дворъ в домъ святому Ильи. А чо есми купилъ у Савы у Пыча лоскутъ земли на Великомъ острови на 4 пузы да пожня на Няри, а та моя купля чиста, а та земля Калистови земли святому же Ильи. Взяти ми у Василья у Подриза 12 бЪлъ, у Григорья у Бакова 5 бЪлъ, у Василья у Мишкова 5 бЪлъ. А жени моеи Марини конь, да кобыла, да двЪ корови, да половина овьць. А чьто останки в засЪки обилья жита или ржи, или рожь на земли, или [266] останки живота моего, а то жени моеи Марини поправите по мнЪ. А приказъ приказываю старости лучькому Дмитрию Яковличю, и Фатию Григорьевичю и Тарасу Яковличю, и всеи луки Чюхъченимьскои моеи осподи. А на души сЪдили мои сусЪди: Стапанъ кожевникъ, Фома, Филя, Галуша Сусанинъ. А на тъ богъ и послухъ отець мои душевныи игуменъ Нестеръ, служитель святаго Николи. А хто се рукописанье преступи, сужуся с нимъ предъ богомъ в день страшнаго суда.