251

XV в. — Рядная Степана Цуникова с Ананием Трофимовым об отказе от иска и о мене землями на Нальеострове и на Ровдине горе

Подлинник на пергамене. Следы прикрепления печати — отверстие. ЛОИИ, Двинские акты, № 4.

Крестинин, с. 42; Лепехин, ч. IV, сс. 431—432; АЮ, № 257, IV; Шахматов, Исследование, № 77.

Се срядися рядомъ Степанъ Цюниковъ с Онаньею с Трофимовымъ. Что взыскалъ Степанъ на Онаньи отцини своеи на НальостровЪ земли, кривои полоси от рЪкЪ и до озера, промежи Маныловьскими землями, и на Вильякини пожни, и на Батьюрмоли пожня Клинцатая, и отступися Степанъ Онаньи тыхъ земель. А взялъ собЪ Степанъ противъ тыхъ земель в отмЪну на Ровдини гори у своего двора над руцьемъ полянка, а другии [263] лоскутъ подъ Олешникомъ, от ОлуфЪрьеви земли да до Манылови, цимъ владЪлъ Онанья. А владЪлъ Онаньи тими землями и пожнями по старому владЪнью, а Степану владЪти тими лоскуты по Григорьеву владенью и по Онаньину. А оцищивати Степану своя отцина, хто иметь наступати. А потомъ не надобЪ Степану ни его дЪтемъ до Онаньи, ни до его дЪтеи, ни до его половниковъ о тыхъ земляхъ ничто же, ни Онаньи не надобЪ, ни Григорью Семеновицю до Степана ни до его дЪтеи о тыхъ земляхъ ничто же. А на то рядци с обЪ половини: Олуфереи СергЪевичь, Харитонъ Родивоновичь, Онцифоръ ОксЪнтьевичь, ОндрЪи Васильевичь, Микифоръ ОртЪмьевичь. А хто сеи рядъ порушить, дасть судьямъ тысяцю бЪлки.