132
Первая четверть XV в. — Рядная Леонтия Зацепина с княжеостровцами по спору об убытках, за «муку и грабеж» Леонтия Семеном Ночиным
ЛЗАК, IV, Протоколы Археогр. комиссии, сс. 72—73 (по фотографии); Срезневский, Сведения и заметки, № XXIX; Шахматов, Исследование, № 86 (по предыдущему изданию) и прил. № II (по фотографии библиотеки Красинских в Варшаве; там же фотомеханическое воспроизведение; печать Остафия Яковлевича, такая же, как при № 133; печатается по этому воспроизведению).
Основание датировки: Шахматов отожествляет посадника Василия Юрьевича с сыном посадничьим Василием Юрьевичем, упомянутым в Новгородской I летописи под 1417 г., а Аврама Степановича с воеводой Аврамом Степановичем, упомянутым в той же летописи под 1411 г.
От посадника Василья Юрьевичя, от посадника Оврама Степановичи, от Васильева намЪстъника Мины ОндрЪевичя, от сочького Ива[на]. Се позва Левонтии Зачепинъ Савка и всихъ княжоостровьчовъ на судъ дворяниномъ Матуто и Мартынъкомъ. А ркя тако Левонтии: взяти у васъ сорокъ кунеи да тысячя бЪлкЪ, а в то ми ся доспЪло рублевъ на пятьдесятъ убытка; станите на судъ, судъ ми с вами. И Завке ста на судЪ и вси княжоостровьчи. И посадники спросиша у Савка и у всихъ княжоостровьчовъ: виноваты ль есте тымъ Левонтию? И Савке рче и вси княжоостровьчи: тЪмъ есмя ему не виноваты; а былъ, господине, ему с нами рядъ за все то, чо его Смене Ночине имале по Софронову рукописанью; и взяле, господине, у насъ за все то, и за муку и за грабежь, двЪ тысячи бЪлкЪ, чо ему доспеле Смене Ночине убытка. И шедъ суду, срядишася рядомъ по старому ряду. А потомъ не надобЪ Левонтию, ни его женЪ, ни его дЪтемъ, ни иному никому же до Савка ни до княжоостровьчовъ в томъ орудьи Смена Ночина ничего же; ни Савку ни княжоостровьчямъ не надобЪ до Левонтия, ни до его женЪ, ни до его дЪтеи, ни до его зятя до Захарьи в томъ орудьи ничто же. А на то ря[д]чи с обЪ половинЪ: Федоръ Максимовичу Яковъ Гавриловичь, Михаила ОлъфромЪевичь, Иванъ сочькии. А хто сии рядъ поруши, дасть посадникамъ двиньскимъ 5 тысячь бЪлкЪ.
[189]