115

Около 1460 г. Рядная крестьян Робичинской волости с Юрьевским монастырем о повинностях и дарах

Подлинник на пергамене; левый край сверху и в середине поврежден. Следы прикрепления печати — отверстие. Новгородский музей.

Амвросий, VI, сс. 776—778; Макарий, Описание, сс. 54—55; Макарий, Обозрение, с. 11.

Основание датировки: упоминания архиепископа Ионы (1459—1469 гг.) и архимандрита Григория (1460 г.).

[П]о (В скобках — восстанавливаемые чтения оборванных частей грамоты.) благословенью преосвященнаго господина и осподаря архiепископа Великого Новагорода и Пскова владыкы Iоны. Се урядишася христiане робичичане съ архимандритомъ Григорьемъ, и с попы, и с черенци Юрьева манастыря Федоре, Смене Онкудинове, Овдоте Максимове, Софонтеи Васильеве, Петре Сидорове и вси христьяне робичичане. Давати имъ успы в житницю 30 коробеи ржи, 30 овса, в правую мЪру в новогороцкую. А возити имъ самимъ тои хлЪбъ в монастырь святаго Спаса и святаго Георгия. А поселникамъ поселье по старинЪ. А коли архимандритъ приЪде на подъЪздъ, стояти ему на стану двЪ ночи, а пива положити христьяномъ доволно, а хлЪба и вологи, рыбное и мясное доволно, а конемъ овса и сЪна доволно. А дару архимандриту на томъ стану 5 гривенъ, столнику полъкоро[бьи] ржи, чашнику полкоробьи ржи, попу с чернцомъ коробья ржи, дьякону четверетка ржи, по[вару] с конюхомъ коробья ржи, молодцамъ коробья ржи, казначию с повозникомъ четверетка ржи, приставомъ новгороцкимъ полкоробьи ржи. А коли архимандритъ на подъЪздъ не поЪде, ино тогды пошлинникомъ пошлины вси не надобЪ, а архимандричь даръ 5 гривенъ поставити христьяномъ в монастырь. А не почнутъ христьяне управливатися в тЪхъ успахъ и в техъ пошлинахъ, ино увЪдается с ними архимандритъ, и попы, и черенци по старымъ по княжимъ грамотамъ и по новгороцкимъ. [175]