19

1435 г. — Договорная грамота Великого Новгорода с великим князем Василием Васильевичем о мире

Список конца XVI в. ГИМ, собр. Уварова, № 512, лл. 272 об.275 об. АИ, I, № 258.

Основание датировки: летописное известие о соглашении с великим князем и крестоцеловании (ПСРЛ, IV, 2-е изд., с. 434).

По благословению преподобнаго священноинока Еуфимья, от посадника ноугородьскаго Михаила Ивановичя, от тысяцкаго новьгородского Ананьи Васильевичя, и от всего Великого Новагорода. Се приЪхали [35] послове к великому князю Василью Васильевичю всея Руси от Великого Новагорода посадникъ Офонасъ Федоровичь и посадникъ степенный Михаила Онаньичь, от черныхъ людеи Козма Тарасьинъ и Михаило Семеновъ, докончали миръ по старымъ грамотамъ крестнымъ съ княземъ великимъ с Васильемъ Васильевичемъ (В списке: Васильевичамъ.) всея Руси. Какъ целовалъ князь великы АндрЪи, князь великыи Иванъ, князь великыи Семенъ, и прадЪдъ твои князь великыи Иванъ, и дЪдъ твои князь великыи Дмитрии, и отець твои князь великыи Василеи, целуи, господине князь великыи, по тому же крестъ къ всему Великому Новугороду. Новъ ти городъ держати по старинЪ, без обиды; а намъ, мужемъ ноугородцемъ, княжение твое великое держати чесно и грозно, без обиды. А пошлинъ твоихъ великого князя не таити, (В списке: таита.) по целованью. А что волостеи ноугородскыхъ всЪхъ, ти не держати своими мужми, а держати ти мужми ноугородскыми; а даръ имати от тЪхъ волостеи. А безъ посадника ти, княже, суда не судити, ни волостеи розда[ва]ти, ни грамотъ давати. А что ти, княже, пошлина в Торжьку и на ВолоцЪ: тивуни свои держати на своеи части, а наугородцемъ на своеи части. А в БЪжицахъ тебЪ, князю великому, и твоеи княгыне, и бояромъ, и слугамъ твоимъ селъ не держати, ни купити, ни даромъ не приимати, по всеи волости по Новьгородскои. А се ти, княже, и волости ноугородскые: Волокъ съ всЪми волостьми, Торжекъ, БЪжици, Городець Полець, Шипино, Мелеча, Егна, Заволочье, Тиръ, Пермь, Печера, Югра, Вологда. А в Русу (В списке: Расу.) ти, княже, ездити на третью зиму. А лЪтЪ (В списке: лЪто.) ти, княже, ездить на Вьзвадъ звЪрь гонити ти. А в Ладогу ти слать осетреникы и мЪдовары, (В списке: мЪровары.) и по старымъ грамотамъ. А в Ладогу ти, княже, ездити на третье лЪто. А из БЪжиць ти, княже, людеи не выводити въ (В списке: вь.) свою волость, ни из ыныхъ волостеи ноугородскыхъ, ни грамотъ имъ давати, заклад[никовъ] не приимати ни твоеи княгине, ни твоимъ бояромъ: ни смерда, ни купчины. А без вины ти, княже, мужа волости не лишити. А грамотъ не посужати. А пожни, княже, что твои и твоихъ мужеи то твои и твоихъ мужеи; а что пожни новгородскые, то к Новугороду, какъ пошло. А дворяномъ твоимъ, какъ пошло, погонъ иматъ: ото князя по пяти кунъ, а от тивуна по двЪ куны. А что ти, княже, мытъ по Суждалскои земли, въ (В списке: вь.) твоеи волости: от воза имати по двЪ вЪкше, и от лодьи, и от хмелева короба, и ото лняна. А дворяномъ твоимъ у купцевъ по[во]за не имати, развЪе ратные вЪсти. А слободъ и селъ съступился. [36] А на Ноугородскои земли волостеи не ставити. А на Имоволожскомъ (В списке: Имовъволускомъ.) погостЪ куны имати. А холопъ или роба иметь на господу вадити, а тому ти вЪры не яти. А н[а] (В списке: над н знак титла.) Низу ти, княже, новьгородца не судити, ни дани раздавати, ни приставовъ не всылати въ всю Ноугородскую волость. А что, княже, гнЪвъ будетъ на владыку, или на посадника и на весь на Великыи Новъгородъ, то ти, княже, нелюбие отложити. А про Дмитрея про Тарасова не мщатись, ни судомъ, ни чим же. А кто почнетъ вадити, тому ти вЪры не яти. А про послы, княже, и про (В списке: при.) купци про ноугородскые по твоеи земли, техъ ти не приимати. А в Немецкомъ ти дворЪ торговати нашею братьею, а двора ти не затворити, ни приставовъ не (В списке: ни.) приставли[ва]ти. На томъ ти, княже, крестъ целовати къ всему Новугороду. А гостемъ гостити безъ рубежа, по цесаревЪ грамотЪ. А судии ти (В списке: судити.) слати по волостЪмъ на Петровъ день, какъ пошло. А вывода межи Суздальскои земли [и] Ноугородскои не чинити. А закладнеи ти, княже, ни твоеи княгине, ни твоимъ бояромъ в Торжьку (В списке: Торькшу.) не держати, (В списке: не нержати.) ни по всЪи Ноугородскои волости: а купецъ поидетъ въ сто, а смердъ потянетъ въ свои погостъ, какъ пошло в НовЪгородЪ. На томъ на всемъ, княже, крестъ цЪлуи къ всему Великому Новугороду по (В списке: во.) любви и въ правду, без всякого извЪта; такъже и посадникы, и тысяцкые, и весь Великыи Новъгород, на сем же цЪлуите крестъ к великому князю Василью Васильевичю всеи Руси, по любви, в правду, безъ хитрости.