Главная   А  Б  В  Г  Д  Е  Ж  З  И  Й  К  Л  М  Н  О  П  Р  С  Т  У  Ф  Х  Ц  Ч  Ш  Э  Ю  Я  Документы
Реклама:

№ 2

Грамота Сигизмунда III полоцким наместникам о передаче церковных сел иезуитскому коллегиуму

12 февраля — 18 мая 1589 г.

/л. 1/ Жикгимонт Третий Божьею милостью король Польский, великий князь Литовский, Руский, Пруский, Жомойтский, Мазовецкий, Лифляндский, тою ж Божьею милостью назначоный король Шведский и Готский, Вандалский и великое княже Филянское.

Земяном нашим воеводства Полоцкого наместнику Новгородскому Миколаю Глебовичу, есману Якубу Семашке, намеснику Полоцкому Валерияну Волскому, а Ивану Шалусе. Иже што в року тисеча пятьсот осмдесят шестом мели есте справу за мандаты государьскими перед продком нашим славное памети Стефаном королем зынстым гатором нашим Мальхером Каменским о непоступенье певных сел, в земли Полоцкой лежачих, на колеиум Полоцкое от звыш(е)помененого продка нашого наданных и жендованых, а потом и декретами его государьскими присужоных, яко ж на року припалом продок наш славное памети тых справ прослухавши за досконалным показанием и доводы тые села церковные, которие вы под собою без правне держите, новыми декретами своими колеиум Полоцкому присудил, вложивши то на комисари свои певные особы, абы они тые села водлуг фундацы и декретов градь-ских отцом езуитом колеиум Полоцкого в моц и в уживанье подали и ограничили, яко о том шире на декретех продка нашого славное памяти короля Стефана в той справе учиненых... (далее текст утрачен. — Б. П. )

(на обороте листа) ... продка нашего Стефана привороченя тых сел до колеиум Полоцъкого не боронили, послушни будучи во въсем тым комисаром нашим конечно. Писан в Городъне лета от нароженья Сына Божого тисеча пятьсот осмъдесят девятого месяца февъраля двенадцатого дня.

[Подпись справщика] писарь
Андрей Иванович [205]

/л. 2/ Року 89 месяца мая 18 я, Иван Васильевич Скорено (Прочитывается неуверенно) возный воеводства Полоцкого, указывалом лист королевьский (Прочитывается неуверенно) его милости пану Ивану Шалусе у дворе его меж чиншом, и с того листу его королевской милости копею списавши слова у слова, с печатью и с подпискою руки моее власное они(й) лист в руки ему самому подал.

ГАНижО. Ф. 2013. Оп. 1. Д. 3. Л. 1—2. Подлинник, дефектный: л. 1 – 208x155 мм; л. 2 – 170x155 мм

Текст воспроизведен по изданию: Загадка комиссионных грамот. XVI век // Исторический архив, № 5. 2000

© текст - Пудалов Б. М. 2000
© сетевая версия - Тhietmar. 2006
© OCR - Шундалов И. 2006
© дизайн - Войтехович А. 2001
© Исторический архив. 2000