Главная   А  Б  В  Г  Д  Е  Ж  З  И  Й  К  Л  М  Н  О  П  Р  С  Т  У  Ф  Х  Ц  Ч  Ш  Э  Ю  Я  Документы
Реклама:

№ 47

1534 г. сентября 19. Лист Сигизмунда I гетману Ю. М. Радзивиллу с сообщением о посылке ему копий вестового листа полоцкого воеводы и "речей" псковских перебежчиков и распоряжением об отправке в Полоцк военного отряда.

/л. 1 (54)/ Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману нашому навышшому, старосте городенскому, маршалку дворному, державцы лидскому и [118] белицкому, пану Юрью Миколаевичу Радивилу. Поведаем твоей милости, иж вже нам отправивши того дворянина нашого до твоей милости, принесен до нас лист от пана Яна Юрьевича Глебовича, воеводы полоцкого, в котором же листе он своем пишет до нас, поведаючи, иж до него прибегли три москвитины со Пъскова на нашо имя: Радивон, дьяк болший наместника пъсковского Дмитрея Воронцова, а Гриша, а Тонкий. И которыи речи тыи москвичи о способе и справе замку и земли Пьсковской и инших замъков неприятеля нашого перед ним поведили, тыи он въси повести их, пописавши, и к нам прислал. Как же мы тыи листы пана воеводы полоцкого о тых повестях оных москвичи казали слово от слова списати и до твоей милости в сем нашом листе послати. И твоя милость с тых коней въсему тому достаточне вырозумееш(ь), и што ся дотычет о поиманье тых князей, которых там на Москве поимано, и твоя бы милость ничого о том там у войску рославляти не казал. Нежли што ся тькнет того, што пан воевода полоцкий пишет до нас, абыхмо твоей милости казали сколко тисячей людей до того замку нашого Полтеска послати для послуги нашое, которыи бы могли в земли того неприятеля нашого Московского которую шкоду учинити, – и твоя бы милость до него на тот замок наш Полтеск отправу учинил и столко там людей послал, што ся твоей милости будет видети.

Писан у Вилни под лет Бож(его) нарож(енья) 1534, м(есе)ца сен(тебря) 19 день, индикт 8. /л. 1 (54) об./ Пак ли ж бы ся твоей милости видело то с трудностью подданых наших, и твоя бы милость тот почот, яко есмо до твоей милости писали, на тот замок наш до Полтеска послал.

Ф. 293. Д. 90. Подлинник: 21,2 х 33,5 см.

Водяной знак – голова быка, близкий см.: Лихачев. № 3009 (1534 г.).

Нумерация (коричневыми чернилами, XVIII в.?): в правом верхнем углу – 54, в левом нижнем (более темными чернилами) – 42. Лист был сложен в виде пакета, оборотной стороной наружу.

На обороте: У правого края – красновосковая печать (диаметр примерно – 3,5 см) под кустодией, справа от нее – скрепа: Горностай подскарбий зем(ский) маршалок и писарь. В центре получившегося конверта – адрес (перпендикулярно к тексту приписки к письму, тем же почерком и чернилами): Пану виленскому, гетману нашому навышшому, старосте городенскому, маршалку дворному, державцы лидскому и белицкому, пану Юрью Миколаевичу Радивилу. Ниже, отступя: о новинах полоцких. Между этими двумя надписями – аннотация по-польски: List krola Zygmunta do P. Jerze(g)o Radziwila, Pana Wilenskie(g)o, Hetmana W° Xa L° o nowinach z Moskwy, do Polocka przyniesionych, у o wielu Boiarach, co z Moskwy, iesli Bielskie(g)o у Ladzkie(g)o krol opatrzy, chc№ do Litwy wyiezzac, у ze matka у corka Ladzkie(g)o do wiezienia wzieto. A(nn)o 1534. У правого края (рядом с печатью) – архивная помета XVIII в.: № 50. Fasc. 2. Woiennych.