Главная   А  Б  В  Г  Д  Е  Ж  З  И  Й  К  Л  М  Н  О  П  Р  С  Т  У  Ф  Х  Ц  Ч  Ш  Э  Ю  Я  Документы
Реклама:

№ 45

[1534 г.] 1 сентября 12. Копия вестового листа полоцкого воеводы Я. Ю. Глебовича Сигизмунду I о прибытии в Полоцк трех [114] псковских беглецов, список "речей" которых посылается королю.

/л. 1 (53)/ Копея з листа воеводы полоцкого.

Наяснейший милостивый господарю! Сегодня по святе нароженья панны Марии в суботу о полудни приехали до здешнего замку ваш(ой) милости Полоцкого три москвитины со Пскова на имя ваш(ой) милости, господаря нашого милостивого, именем Радивон – дьяк болший наместника псковского Дмитрея Воронцова, а Гриша, а Тонкий. И которыи речи мне поведили о способу замку и земли Псковское и инших замков неприятеля ваш(ой) милости, я тыи вси речи их, на особный список списавши и в сем моем листе зашивши, ку ваш(о)й милости, господарю нашому милостивому, шлю, с которого ж ваша милость, господар наш милостивый, тым всим речам добре вырозумети рачите. И за таковым способом, як они поведают о положеньи псковском и тых инших замков здешних того неприятеля ваш(ой) милости, если бы ся ваш(о)й милости, господарю наш(о)му, видело, абы ваша милость, господар наш милостивый, рачили казати писати до пана гетмана, ижбы до здешнего замку ваш(ой) милости Полоцкого сколко тисяч людей прислал, которыи бы здеся могли ваш(о)й милости, господарю наш(о)му милостивому, взявши Бога на помоч, послугу добрую, а неприятелю ваш(ой) милости – шкоду знаменитую учинити.

А веджо то есть на воли вашой милости, господаря наш(о)го милостивого, а тых самих москвич хотелом до ваш(ой) милости, господаря наш(о)го, послати, нижли просили мя, абы сопочили собе день або два здеся для коней, бо кони мают велми змордованы. И скоро им опочинут(и), я их самих на завтрее ж /л. 1 (53) об./ або на третий день ку вашой милости, господарю нашому, пошлю.

А што ваша милость, господар наш, рачили мне росказати, абы послал люди отсел(ь) в землю неприятельскую, ином я, милостивый господарю, водле росказанья ваш(ой) милости послал люди здешнии, што их могло быти, в землю неприятельскую – там, гдем не слышал быти много людей неприятельских, ижбы ваш(о)й милости, господарю наш(о)му милостивому, послугу, а неприятелю ваш(ой) милости шкоду учинили, а там што им Бог допоможет. И як з земли неприятельское прийдут, я о том ку ваш(о)й милости, господарю нашому милостивому, ширей писати буду.

Писан в Полоцку сен(тебря) 12 день.

Ф. 293. Д. 89. Список XVI в.: 21,3 х 33 см.

Водяного знака нет.

Нумерация (коричневыми чернилами, XVIII в.?): в верхнем правом углу – 53, в нижнем левом (другими, более, темными чернилами) – 41.

На обороте никаких помет нет.


Комментарии

1. Год устанавливается на основании послания Сигизмунда I Ю. Радзивиллу от 19 сентября 1534 г. (см. ниже док. № 47).